Македонскиот суд го осудил Џими Лазовски затоа што лани во април напишал непристоен коментар на Фејсбук за Мери Брнз, а државата Македонија го судела за повреда на угледот на дипломатски претставник на странска држава во Македонија.

За нарушениот углед на амбасадорката, судијката во тетовскиот суд Верка Костоска на барање на тетовскиот обвинител Башким Хисени досудила 1.800 евра казна за Лазовски, односно 150 дневни глоби.

Доколку не ја плати паричната казна, тогаш Судот предвидува затвор во времетраење од 150 дена.

Пресудата во која има низа навредливи сексуални конотации за амбасадорката кои не се за малолетна публика ја објавува професорката Билјана Ванковска.

The post „А НА ГОЛИ ОТОК НЕ ГО ПРАЌАТЕ?“ Тетовец бил непристоен кон поранешната амбасадорка Брнз – ако не плати 1.800 евра казна, ќе лежи 150 дена в затвор appeared first on plusinfo.mk.

Според амбасадорката Брнз, еден од најголемите предизвици со кои се соочува Северна Македонија е корупцијата која го поткопува доброто владеење и ја саботира економската конкурентност. Владините претставници, напомена таа, мора да одговорат на предизвиците, да ги исполнат очекувањата на јавноста и стандардите за членство во ЕУ.

– Од независноста на Северна Македонија во 1991 година, САД ја поддржуваат вашата цел да станете  демократска земја, која се заснова на владеење на правото и на еднакви можности за сите граѓани. Знаеме дека ова ќе биде предизвик зашто недостига одговорност, транспарентност. Сето тоа има потенцијал да ја одвлече Северна Македонија од патеката на нејзиниот напредок. Владините претставници мора да одговорат на овие предизвици, да ги исполнат очекувањата на јавноста и стандардите за членство во ЕУ – рече Брнз.

Претходно, министерот за финансии Фатмир Бесими и директорката на УСАИД во Северна Македонија Џери Дајбл го потпишаа амандманот на Договорот за грант за партнерство за развој со што земјава доби дополнителни 10,3 милиони долари поддршка од САД за демократско општество и конкурентна економија.

Таа потсети дека половина од поддршката на УСАИД преку Договорот за грант за партнерство за развој, се фокусира на борбата против корупцијата.

– Северна Македонија може да стане попросперитетна, доброуправувана и поотпорна држава и затоа ќе продолжиме да ја даваме нашата поддршка, со нетрпение очекувајќи да видиме на кој начин ќе се врати оваа инвестиција -, подвлече амбасадорката.

Амбасадорката Брнз нагласи дека амандманот што денеска беше потпишан отвора ново поглавје во билатералните односи меѓу двете земји.

– Надоврзувајќи се на нашиот билатерален стратешки дијалог од јуни, ова отвора ново поглавје во нашите билатерални односи и ги прецизира нашите идни области на соработка. Стратешкиот дијалог, првиот меѓу САД и Северна Македонија, го означи првиот чекор во обновениот, зајакнатиот дијалог меѓу двајцата посветени партенри кои сега работат рамо до рамо во продлабочување на соработката. Работиме заеднички за да ги идентификуваме областите во кои е најпотребна нашата соработка. САД целосно го поддржуваат членството на Северна Македонија во ЕУ. Овој грант дефинитивно ќе помогне да се зајакнат напорите на земјата во обликувањето на иднината на целиот Западен Балкан – истакна Брнз.

The post ПРОДОЛЖЕТЕ СО РЕФОРМИТЕ, ДУРИ И КОГА ПРЕДИЗВИКУВААТ ПОДЕЛБИ Амбасадорката Брнз на доделување грант од 10,3 милиони евра  appeared first on plusinfo.mk.

Амбасадорката на САД во Северна Македонија деновиве е во Вашингтон. Дописникот на МИА имаше можност да разговара со неа за тековните прашања, дискусии и нејаснотии што се појавија кај македонската јавност околу европскиот предлог за старт на претпристапниот процес за членство на Северна Македонија во ЕУ. Разговорот го водевме во американскиот Стејт департмент, а на прашањето дали САД се запознаени со содржината на протоколот и дали е тој нешто за кое македонските граѓани треба да бидат загрижени, Брнз одговори дека тие на процесот гледаат одвоенo и секогаш истакнувале дека билатералните прашања треба да бидат решавани надвор од преговарачката рамка.

Нашата позиција е многу јасна, нашата оценка е дека предлогот го штити интересот на Северна Македонија во пристапниот процес. Тоа е наше и мислење на нашите експерти. Билатералниот протокол за кој говорите, до некаде изгледа дека е споен во овие два процеса. Билатерален договор меѓу Скопје и Софија треба да има. Слушнавме како некои нешта се нафрлаат. Мислам дека ова е дел од забуната, тоа што напоменавте дека јавноста не е сигурна какви ќе бидат тие дискусии. Ќе има посебни дискусии, и мислиме дека тие прашања треба да бидат решени на билатерална основа и тоа го кажавме уште на почетокот. Секако не само за влезот во ЕУ, туку и за вашата долгорачна стабилност важно е тие прашања да се решат, истакна Брнз.

Во интервјуто таа се осврнува на протестите во Скопје, на загриженоста дека со предлогот се задира во идентитетот и историјата, на предлогот на Едвард Џозеф, кој сугерираше дека ако европскиот предлог го признава македонскот јазик и идентитет, САД треба да ги поткрепат своите добри намери со правење на истото – да го признаат македонскиот јазик и идентитет.

Во продолжение следува целото интервју со амбасадорката Кејт Мари Брнз:

Францускиот предлог за почеток на преговорите на земјава со ЕУ ги возбуди духовите во Северна Македонија, се шират разни шпекулации. Македонската опозиција излезе на протести и бара власта да не го прифати предлогот поради претензии од страна на Бугарија околу идентитетот и историјата. Може да ја коментирате ситуацијата?

Амбасадор во земјава сум веќе три години и дел од мојот мандат е поддршка на интеграцијата на Северна Македонија во ЕУ. Се изоди тежок пат со пристапувањето во НАТО, и следниот стратешки чекор за земјата е членство во ЕУ. Многу сме задоволни од тоа што веќе подолго време ЕУ истакнува дека Северна Македонија е спремна да пристапи. Како и многу државјани на Северна Макаеднија, и САД исто така очекуваа процесот конечно да започне. Тоа што го видовме преку дипломатски ангажмани во изминатите месеци меѓу Брисел и Северна Македонија, како и меѓу други земји членки, е дека имаше прогрес во изнаоѓање на решенија и одење напред.

Не бевме дел од тоа, но како што знаете САД, редовно ја истакнуваа поддршката за изнаоѓање начин да се овозможи Северна Македонија да го започне пристапниот процес. Во тој контекст ја гледам понудата со европскиот предлог, како можност за конечен старт на она што се надевавме подолго време. Моментално, САД ја следат ситуацијата во Северна Македонија и дебатата во јавноста, очекуваме да има дискусија во Парламентот следните денови. Важно да се истакне е дека една од поентите што државниот секретар Блинкен ја истакна во заедничката изјава со високиот претставник на ЕУ, потпретседателот Џозеф Борел беше токму тоа. Се надевме дека предлогот ќе биде компромис што ќе ги отвори следните чекори.

Опозицијата и дел од македонската јавност не се загрижени толку од сaмиот предлог, туку од некои негови скриени делови кои сеуште не се објавени. Се работи за протоколот, за кој се оценува дека е дел од преговарачкиот процес. Некои во тоа гледаат нагази мини што можат да бидат користени од Софија за кочење на процесот, да се бараат разни неприфатливи барања поврзани со идентитетот и историјата. Дали САД се запознаени со содржината на овој протокол? Дали е тој нешто за кое македонските граѓани треба да бидат загрижени?

На процесот гледамe одвоенo. И секогаш сме истакнувале дека билатералните прашања треба да бидат решавани надвор од преговарачката рамка. Нашата позиција е многу јасна, нашата оценка е дека предлогот го штити интересот на Северна Македонија во пристапниот процес. Тоа е наше и мислење на нашите експерти. Билатералниот протокол за кој говорите, до некаде изгледа дека е споен во овие два процеса. Билатерален договор меѓу Скопје и Софија треба да има. Слушнавме како некои нешта се нафрлаат. Мислам дека ова е дел од забуната, тоа што напоменавте дека јавноста не е сигурна какви ќе бидат тие дискусии. Ќе има посебни дискусии, и мислиме дека тие прашања треба да бидат решени на билатерална основа и тоа го кажавме уште на почетокот. Секако не само за влезот во ЕУ, туку и за вашата долгорачна стабилност важно е тие прашања да се решат.

Да нема такви преседани во ЕУ за проширувањето, вклучувајќи билатерални прашања…

Северна Македонија и Бугарија се соседи, сојузници во НАТО, тие инвестираат во заемната иднина и безбедност, така што тие прашања треба да бидат адресирани во накоја форма, и тоа треба да се решава и тоа се прави, надвор од преговарачкиот процес. Да се навратиме на нашата прва поента, тоа една од причините зошто мислиме дека францускиот предлог ги штити интересите на Северна Македонија, затоа што прави издвоеност.

Вашето отворено писмо до јавноста главно беше прифатено позитивно. Едвард Џозеф, професор на универзитеот „Џон Хопкинс“, напиша блага критика на вашите ставови, сугерирајќи дека ако европскиот предлог го признава македонскот јазик и идентитет, САД треба да ги поткрепат своите добри намери со правење на истото – да го признаат македонскиот јазик и идентитет, наспроти негирањето од страна на Бугарија. Според Џозеф, ова може да се направи преку Билатерален културен договор, со преземање на текстот од Преспанскиот договор. Дали ова е возможно? Дали тековната Администрација на претседателот Џо Бајден може да подготви таква резолуција која би била изгласана дури и од американскиот Конгрес?

Се соочуваме со специфична одлука што Северна Македонија сега треба да ја донесе, а во однос на влезот во ЕУ и дали предлогот ставен на маса е добар за одење напред. Понатаму, дали тој предлог го почитува македонскиот идентитет и јазик. Според наше мислење да го почитува. Имаше неколку изјави не само од високи ЕУ лидери, туку и од лидери на земји членки кои исто така ја признаваат вредноста на овој предлог, тоа што го признава македонскиот јазик и идентитет. А тоа е важно за граѓаните на Северна Македонија, да размислат додека ја носат оваа одлука, и тоа е одлука што тие ја носат.

Во врска со прашањето за ангажманот на САД со Северна Македонија. Ова исто така е важна тема, но не може да биде замена за односите меѓу вашата земја и ЕУ. Кога станува збор за тоа, САД и Северна Македонија имаат многу силна билатерална врска, сме презадоволни што имено минатиот месец ја засиливме таа врска со стратешкиот дијалог овде во Вашингтон. Се разгледаа многу прашања, вклучително и прашања од културата. Начини за соработка во нови области со што се прошируваат односите. Ние одамна го признаваме македонскиот јазик и идентитет. Подготвуваме дипломати кои го учат македонскиот јазик, со македонски учители. Доделуваме грантови за поддршка на проекти од културата, како заштита на наследството во Северна Македониј, вклучително и заштита на македонското наследство и други прашања. Всушност, меѓу Северна Македонија и САД има договор за културата потпишан во 2010 година. Едно од прашањата поставени во стратешкиот дијалог е како да се употреби овој договор за да се дооформат некои тековни и да се започнат нови проекти.

Значи, пак ќе повторам, бидејќи ова е толку сложено и тешко прашање многу работи се испреплетени. Постои вредност во сите овие нешта. Билатералата не е единствена авенија со која соработуваме со Северна Македонија. Тука исто така се односите по НАТО, што се посебно значајни за нас. Неодамна започнавме да ја поддржуваме и иницијативата Отворен Балкан, и каква улога САД можат да имаат во неа. Она што го сакаме е четвриот столб од сето ова, е да го поддржиме пристапувањето на Северна Македонија во ЕУ, затоа што тоа е важен столб, и не сакаме можноста да биде пропуштена.

Во врска со отвореното писмо. Ние како влада на САД со децении држиме позиција на поддршка на земјата за влез во ЕУ, како дел од нејзината европска иднина. Во последните неколку години сме повеќе вклучени во тоа. Имаше изјави и од Администраицјата на Бајден. Заменичката државен секретар Карен Донфрид го истакна ова кога го посети Скопје во мај. Проширувањето на ЕУ е стратешка цел на САД, посебно влезот на Северна Македонија и Албанија во Унијата. Кога предлогот беше испратен до Северна Македонија, се постави прашањето каква е позицијата на САД по овој предлог, дали го поддржувате и зошто. Тоа прашање го одговаравме за повеќе политички лидери, за експертите и аналитичарите и наша намера е овој разгвор да се води и со граѓаните. И тоа е рационална прашање, зошто САД, која не се членка на ЕУ го поддржуваат овој договор, каква вредност гледаат во него и тоа да се искористи да се донесе одлука и дали таа одлука е добра за нив. Мислевме дека е важно да се објави ова јавно.

Бидејќи имаше многу прашања дали тоа е важно, дали односите со САД може некако да променат нешта во предлогот? Беше важно луѓето да разберат дека не, кога се работи за пристапувањето во ЕУ, тоа е разговор кој треба да го водат Северна Македонија и ЕУ. Немаме место на таа маса. Но, САД имаат интерес во тоа вие да добите место на таа преговарачка маса и да го искажате тоа што е важно за Северна Македоннија на почетокот на процесот. Тоа е причинита што ние излеговме да кажеме, додека има можност да седнете на масата ние се надевам дека ќе размислите за оваа можност. Затоа што ова го сметаме за важен дел од тоа демократско и евроатлантско патување. Мислам дека ова е патеката со која ќе ја осигурате не само вашата иднина во ЕУ, туку и вашата македонска иднина. Бидејќи предлогот всушност го дава признавањето на македонскот јазик и идентитет, конечно, она што го баравте одамна. Да не напоменувам и за придобивките што доаѓаат со почетокот на пристапниот процес, експерти од Брисел да дојдат кај вас, ваши експерти да одат таму, скрининг процесот итн. За можноста вие да почнете да давате правила тон на дискусијата, каде наместо да ја чекате поканата конечно да имате можност да го користите вашиот глас.

Очигледно е дека многу луѓе подлегнуваат на лажните вести што се шират по социјалните мрежи. Наративите се различни, дека ова ќе го уништи нашиот идентитет, ќе ја избрише историјата итн. Дали се согласувате се претседателот Стево Пендаровски дека странски актери од трети земји водат кампања на дезинформации во Северна Македонија, го загадуваат просторот со лаги и манипулации во обид да се прават поделби во јавноста и да се дестабилизира ситуацијата?

Немам информации за тековната ситуација околу ова. Сепак, дезинформациите и манипулациите се проблем во сите наши општетсва. Како и вие во Северна Македонија, со тоа се судираме во однос на секој голем политички проблем и овде во САД. Дезинформацијата и погрешната информација се употребувале во минатото. Затоа е мошне важно да се има веродостојни извори, да се прави транспарентна јавна и парламентарна дебата. Важно е вистинската информација, вистинско читање за тоа од што има во документите (за пристапниот процес) да биде презентирано и луѓето да имаат можност да одговорат.

Претседателот Бајден лани во јуни издаде извршна наредба со цел санкции и забрана за влез во САД на лица кои учествуваат во дестабизлиација на Западен Балкан. Како што знаете, наредбата е надоградба на оригиналната национална вонредна состојба објавена во извршната уредба 13219 од 26 јуни 2001 година од страна на претседателот Џорџ Буш. Со нивната поддршка за ветото, и со изјавите за негирање на македонската државност, историја и јазик, некои политичари од Бугарија ја поткопуваат политичката стабилност во Северна Македонија. Пратениците од бугарската националитичка партија Преродба, неодамна во нацоналното Собрание на Бугарија истакнаа транспаренти со натпис „Македонија е Бугарија“. Дали лицата како нив можат да бидат предмет на извршната наредба на претседателот Бајден издаден во јуни 2021 година?

Не мислам дека тоа е намерата на наредбата на претседателот, која пред сѐ се фокусира на националнита безбедност на САД и дали се нарушуваат нашите интереси во регионот. Овие случаи за кои зборувате се специфични и сигурна сум дека ќе има дискусија во Северна Македонија и за тоа, но не сметам дека тие можат да бидат предмет на извршната уредба со санкции. Има разлика меѓу слободниот говор и говорот на омраза, разликата овде важна, но навистина тоа е до вашата земја да одлучи како да влијае на нештата.

The post НА ПРОЦЕСОТ ГЛЕДАМЕ ОДВОЕНО Aмбасадорката објасни дека спорот со Софија ќе биде надвор од преговорите со ЕУ appeared first on plusinfo.mk.

На средбата се разговарало за повеќе актуелни теми, за соработката, евро-атлантските интерграции, за предизвиците со здравствената и енергетската криза, како и за процесите околу формирањето на новата Влада предводена од СДСМ.

Ковачевски истакна дека како претседател на СДСМ и мандатар за состав на новата Влада ќе се води од принципите на заедништво, одговорност, посветеност и ефикасност, со цел и СДСМ и Владата уште повеќе посветено да работат за граѓаните и подобрување на животниот стандард.

– Како претседател на СДСМ и како мандатар за новата влада, ќе се водам исклучиво од принципите на заедништво, одговорност, посветеност и ефикасност, а тоа ќе го барам и од моите соработници. Мојот став и принцип е нула толеранција за корупција на секое ниво, особено за носителите на високи, јавни функции. За таа цел, ќе се посветам на јакнеење на капацитетите на институциите кои се борат против корупцијата. Ефикасно, одговорно и посветено – посочи Ковачевски.

Во однос на прашањето со Бугарија и евроинтеграцијата, претседателот Ковачевски истакна дека е потребно да се најде заедничко прифатливо решение, со цел да се оттргне блокадата и Северна Македонија конечно да ги започне преговорите со ЕУ, нешто што одамна го заслужи.

– Ги имаме исполнето сите услови за почеток на преговорите. Остануваме посветени на наоѓање решение со соседна Бугарија за да продолжи нашиот европски пат. По изборот за премиер ќе го поканам господинот Петков да ја посети нашата земја. За нас е најважно да направиме план, заедно со бугарската влада, за отстранување на блокадата час поскоро, секако со заедничко прифатливо решение. Ние треба да останеме посветени и ангажирани во разговорите со искрен пристап. Ако ист таков пристап има и новата бугарска влада, верувам дека е можно да изнајдеме компромис за отворените прашања – рече Ковачевски.

Амбасадорката Брнз му честиташе на Ковачевски за изборот за претседател на СДСМ и порача дека САД продолжуваат да бидат најголемиот стратешки партнер на Северна Македонија како во делот на спроведувањето на реформите, така и во евроинтегративниот процес.

The post ЌЕ ГО ПОКАНАМ БУГАРСКИОТ ПРЕМИЕР НА ПОСЕТА Ковачевски откако ќе стане премиер ќе го покани Петков appeared first on plusinfo.mk.

– Сезона на ајвар во резиденцијата на нашата амбасадорка со специјалниот „Ред Дог“ ајвар. Кои се вашите омилени традиции за храна? – пишува американската амбасада на Фејсбук.

The post ВРЕМЕ Е ЗА ЗИМНИЦА Американската амбасадорка Кејт Мери Брнз пече пиперки и готви ајвар ВИДЕО appeared first on plusinfo.mk.

„Бајден ѝ нагласил на фон дер Лајен дека процесот на проширување на ЕУ треба да продолжи со земјите од Западен Балкан и да ја опфати Македонија“, објави на Твитер американската амбасадорка во земјава Кејт Мари Брнс.

Бајден ја подвлече важноста на земјава за регионалната стабилност, развој и просперитет, наведе Брнс.

.@POTUS stressing to @vonderleyen that the EU accession process should continue for Western Balkans countries, including , underscores its importance to regional stability, growth & prosperity. https://t.co/fN6MWg3hZL.

— Ambassador Kate Byrnes (@USAmbNMacedonia) October 5, 2021

The post ПРОШИРУВАЊЕТО ДА ЈА ВКЛУЧИ МАКЕДОНИЈА Бајден зборувал со Урсула фон дер Лајен appeared first on plusinfo.mk.

Брнз, која учествуваше на првиот панел од конференцијата „Економско заздравување и раст по ковид“, истакна дека ова не се однесувае само на нашата земја, туку и на регионот.

Според амбасадорката, и во услови на пандемија македонската економија покажа дека може да се адаптира и да успее. Многу компании ги проширија своите капацитети и одлучија, рече, да инвестираат тука.

– Автомото компании со над 10.000 работни места ги зголемија инвестициите во оваа земја, се прочируиваат и производните капацитети во фабриките, се додаваат над 1.000 врабоптени. До 2020-ра и трговијата се проширува. КОВИД-от спречи лична размена, но технолошките компании што работат тука најдоа начин како да продолжат да работат, безбедно. Имаше и компании за доставување кои ги проширија своите листи на партнери, многу ресторани продолжија да функционираат, а прв пат во земјата се отворија и капацитети на фирми за онлајн услуги – нагласи Брнз.

Таа ја пофали Владата, посочувајќи дека брзо имплементирала мерки со кои се заштитија работните места.

-Вашата економија покажа дека може да се адаптира и да успее. Оваа земја докажа дека има волја да ги искористи промените со кои се соочува, уште на почеток на паденимаијата кога немаше набавки, текстилните компании брзо почнаа со масовно производство, произвеудваа маски. Се овозможи помош на најранливите категори, Владата брзо имплементираше широк опсег на мерки кои ги заштитија работните места. Вашата економија покажа дека може да се адаптира и да успее, да ги надмине предизвиците. Тука е волјата и енергијата, не само да се излезе посилен од кризата, туку и да се воспостават основи за економија која ќе се движи понатаму. САД ќе породлжи со поддршката зашпто вашиот успех ни е важен – напомена американската амбасадорка.

Северна Македонија, додаде, напорно работи и на подобрување на инфарструктурата, на коридорите 8 и 10.

-Тоа ќе биде уште една придобивка не само за земјата, туку и за регионот. Многу технолошки компании успеаја да воспостават тука свои капацитети, а намалувањето на рестрикциите во овој сектор ќе донесат нови работни места и просперитет – рече Брнз.

Се осврна и на младите, со порака дека  еважна да се овозмо\и тие не само да останат тука, туку и да се вклучат во процесот на економско опоравување.

Во однос на регионалната економија, Брнз оцени дека е неопходно да се воспостават подобри стандарди за граѓаните, клиентите и бизнис партнерите да комуницираат полесно.

-Граѓаните се снаоѓаат, но мора да изградиме нови основи на кои ќе базира идната економија, заклучи амбасадорката која беше една од говорниците на првиот панел.

The post МАКЕДОНСКАТА ЕКОНОМИЈА БРЗО СЕ АДАПТИРА Бирократските лавиринти проблем за инвеститорите appeared first on plusinfo.mk.

Двајца од нив ги загубија животите кога на 26 август 1944 година, нивниот авион беше соборен од окупаторските сили на територијата на тогашна Македонија. Останатите тројца членови на екипажот на американскиот бомбардер „Либератор Б-24 Г“, со кодно име „Наша Љубов“ кој бил погоден и паднал на падините на Шар Планина над селото Вратница, биле спасени и евакуирани на безбедно.

Како што истакна премиерот Заев, акцијата за нивно спасување од страната на населението од Вратница е еден редок настан кој  ја потврдува јасната и непоколеблива определба на македонскиот народ и на припадниците на сите други етнички заедници за време на Втората светска војна.

– Застанати на страната на Сојузот на прогресивните антифашистички сили, не само што ставија крај на крвавата светска војна на бојните полиња, туку му ставија крај и на погромот на фашизмот заради кој беа погубени милиони недолжни цивили и луѓе во логорите на смртта. Сеќавањето и чествувањето на настанот од 1944 година во Вратница и поменот на петмина пилоти веќе е прифатен како еден од најсимболичните моменти од нашата заедничка соработка со САД – рече Заев.

Осврнувајќи се на успешната соработка со САД, тој потсети на формалното сојузништво како членки во НАТО, и како уште едно признание за вредноста на Договорот за стратешко партнерство од 2008 година.

-Голема чест, а истовремено и гордост, како продолжувач на традициите, и какопремиер, да се поклонам на борците кои се боревте и сé уште се борите против фашизмот. Се поклонувам на Вашето дело. И чест ми е да го продолжувам Вашето дело, кое за мене е аманет борбата против фашизмот никогаш да не запре – рече Заев.

Амбасадорката на САД, ја истакна важноста на денешниот настан и локацијата каде е подигната спомен плочата.

– Ова е место каде што луѓето од обете наши земји можат да се соберат за да слават храброст пред опасностите и конфликтите. Токму на една планина во близина на 26 август 1944 година се урна американски бомбардер Б-24Д откако го погоди непријателски оган додека се враќаше во Италија од Романија. Селаните, изложени на голем личен ризик за себе и за своите семејства, им помогнале на тројцата преживеани по планината и извадиле тела на уште двајца и ги закопале. Тоа беше длабок чин на хуманост за кој мојата земја останува благодарна – потсети Брнз.

Амбасадорката Брнз, се осврна и на предизвикот со кој целиот свет се соочува во изминатата година.

– Заедно ќе ги обновиме нашите економии, ќе ги заживееме нашите партнерства и ќе научиме од трагедијата, исто како што ги искористивме ужасите од Втората светска војна за да изградиме нов поредок од урнатините на Европа. Овој поредок служи како камен-темелник на стабилноста и просперитетот за овој континент, кој останува стабилен партнер за Соединетите држави. Што е најважно, се заснова на единство, соработка и взаемна доверба -рече Брнз.

Претседателот на главниот одбор на Сојузот на борците, Никола Стојановски, во своето излагање потсети на улогата на земјава во борбата против фашизмот.

-Денеска кога оддаваме почит и сеќавање на големите жртви и заедничката борба за слобода, Сојузот на борците со гордост го истакнува нашиот придонес за слободна и демократска Европа, заедницата со која ги споделивме идеалите на новото време. Таа Европа и тој свет, драги пријатели, да биде против неофашизмот и екстремниот популизам, против ксенофобијата, расизмот, верската нетолеранција и другите насилства, против војните, хегемонистичките наметнувања, тероризмот во неговите облици. Опасноста да ја замениме со реафирмирање на начелата на Обединетите нации, човековите права, правото и правдата во светот, рече Стојановски.

Божин Милосавлевски, жител на село Вратница ги прераскажа преданијата од своите соселани кои херојски помогнаа при спасување на пилотите.

The post Заев и Брнз во Вратница потсетија на американските воени пилоти спасени во Втората светска војна appeared first on plusinfo.mk.