Новинарката Лиридона Вејсели е казнета со 700 евра од Основниот суд во Гостивар, затоа што за време на своето известување го спомнала името на судијата кој судел во чувствителен предмет, во кој обвинетиот бил осуден на три месеци затвор за закана и уцена кон малолетно лице со екплицитни снимки.

Откривањето на името на судијата во новинарскиот прилог, според пресудата е оценето како повреда на неговите чест и професионален углед. Одлуката за казнување на новинарката е донесена од судот во Гостивар, по предлог на ОЈО Тетово, иако и новинарката и судијата се од Тетово.

Новинарката Вејсели нагласува дека нејзините извештаи се во согласност со професионалната етика и во функција на информирање на јавноста за прашања од висок јавен интерес.

За случајот реагираше и Здружението на новинарите на Македонија, изразувајќи сериозна загриженост и оценувајќи дека оваа првостепена пресуда испраќа многу лош сигнал за слободата на изразување во земјата. За овој случај имаше реакции и од јавни личности во земјата, вклучително и од политичките кругови.

Меѓу оние кои реагираа е и претседателот на Собранието, Африм Гаши.

The post НОВИНАРКАТА ВЕЈСЕЛИ КАЗНЕТА ЗАТОА ШТО СПОМЕНАЛА ИМЕ НА СУДИЈА ВО ИЗВЕШТАЈ Треба да плати 700 евра appeared first on plusinfo.mk.