Инспекциските служби на Општина Центар, заедно со МВР, веднаш излегоа на терен во врска со инцидентот на булеварот Теодосиј Гологанов, во близина на Католичката црква, каде што е евидентирано оштетување на јавна површина и инфраструктура во непосредна близина на градежен зафат.

По извршениот увид, констатирани се оштетувања на коловозот, тротоарската површина, канализационата мрежа и уличното осветлување, при што веднаш се изречени најстроги законски казни и санкции кон инвеститорот за непочитување на обврските и предизвикување штета врз јавната инфраструктура.

Паралелно со инспекцискиот надзор, екипи на Општина Центар излегоа на терен и веднаш презедоа мерки за обезбедување на локацијата. Поставени се сигурносни појаси и предупредувачки ленти со цел заштита на граѓаните и безбедно движење во непосредна близина на оштетениот простор.

Истовремено, инвеститорот е задолжен итно да го обезбеди просторот, да преземе мерки за заштита и санација, како и целосно да ја врати оштетената инфраструктура во првобитна состојба.

The post ОПШТИНА ЦЕНТАР ГО ОБЕЗБЕДИ ПРОСТОРОТ ОКОЛУ СВЛЕЧИШТЕТО НА ГРАДИЛИШТЕТО Инспекторите му пишаа казна на инвеститорот appeared first on plusinfo.mk.