Потенцијално трагичен инцидент го одбележа пријателскиот натпревар меѓу Унгарија и Казахстан во Дебрецин, откако специјална телевизиска камера се откачи и падна директно на теренот од височина поголема од 20 метри.

Инцидентот се случил во 26. минута од натпреварот на стадионот „Наѓердеи“, кога камерата поставена на сајли над тревникот одеднаш почнала да испушта чад. Според првичните информации на унгарските медиуми, најверојатно дошло до пожар кој го оштетил носечкиот кабел, по што конструкцијата не можела да ја издржи тежината на опремата.

Неколку моменти подоцна, тешката камера со силен удар паднала покрај аут-линијата, во непосредна близина на местото каде што се загревале резервните фудбалери на домашната репрезентација.

Una cámara aérea (Spidercam) se desplomó durante el partido amistoso entre Hungría y Kazajistán.

Cayó muy cerca de un camarógrafo y empezó a echar humo tras el impacto. pic.twitter.com/qdAe8JiWpo

— Alerta Mundial (@AlertaMundoNews) June 9, 2026

Најдраматичниот момент бил фактот што камерата паднала само неколку метри од снимател кој работел покрај теренот. За среќа, никој не бил повреден, иако според сведоците последиците можеле да бидат катастрофални.

Судијата веднаш го прекинал натпреварот за да се отстранат остатоците од уништената опрема и да се провери безбедноста на стадионот. Фудбалерите од двете селекции во неверување гледале кон кровната конструкција од која се откачила камерата.

По краткиот прекин, натпреварот продолжил без дополнителни проблеми, а Унгарија на крајот славела со 3-1 против Казахстан.

Инцидентот предизвика бројни реакции на социјалните мрежи, каде навивачите коментираат дека вистинско чудо е што никој не бил погоден од тешката опрема.

The post 📽️ ХОРОР ПРЕД СТАРТОТ НА МУНДИЈАЛОТ Камера падна од 20 метри, снимател за влакно избегна смрт appeared first on plusinfo.mk.

Русија од мај повеќе нема да транспортира нафта од Казахстан до Германија преку нафтоводот „Дружба“, соопшти рускиот вицепремиер Александар Новак.

Новак, кој е задолжен за енергетиката, изјави дека испораките на казахстанска нафта за Германија преку „Дружба“, која повеќепати беше цел на напади за време на конфликтот во Украина, од 1 мај ќе бидат пренасочени поради „актуелните технички можности“.

Тој додаде дека за ова ја информирал казахстанската страна за време на разговорите минатата недела.

Казахстанскиот министер за енергетика Ерлан Акенженов претходно изјави дека Русија планира целосно да го прекине транзитот на нафта преку „Дружба“ до рафинеријата ПЦК во германската покраина Бранденбург.

Акенженов рече дека Москва се повикува на технички тешкотии во транспортот на казахстанската нафта и посочи дека тоа би можело да биде поврзано со неодамнешните напади врз руската инфраструктура.

Новак, исто така, нагласи дека Русија нема интерес да биде транзитна земја, додавајќи дека Германија веќе се откажала од руската нафта и дека „на нивна страна сè функционира“.

Казахстанската нафта беше клучна за Германија во намалувањето на зависноста од Русија по инвазијата врз Украина.

Казахстан не планира да го намали производството и може да ги пренасочи испораките преку други рути, изјави Акенженов на маргините на еколошки форум во главниот град Астана.

Германската филијала на Росњефт добила известување од казахстанските партнери дека од мај се очекуваат потешкотии во испораките.

– Мораме да разгледаме како да обезбедиме алтернативни испораки доколку е потребно, за ПЦК да продолжи да работи со полн капацитет – изјави портпарол на Росњефт Германија.

Нафтоводот „Дружба“ во последните месеци е предмет на спорови во Европската Унија, при што Украина тврди дека транзитот кон Унгарија и кон Словачка е прекинат поради руски напади, што ја натера Будимпешта да блокира европски фондови за Киев.

Сепак, украинскиот претседател Володимир Зеленски вчера соопшти дека нафтоводот е поправен. ЕУ денеска се согласи да одобри заем од 90 милијарди евра за Украина и да воведе нови санкции кон Русија, откако Унгарија ја повлече својата повеќемесечна блокада по изборите на 12 април, на кои изгуби премиерот Виктор Орбан.

The post РУСИЈА НЕМА ДА ТРАНСПОРТИРА НАФТА ОД КАЗАХСТАН ДО ГЕРМАНИЈА ПРЕКУ „ДРУЖБА“ Москва тврди дека има технички тешкотии appeared first on plusinfo.mk.

Македонија и Казахстан ќе ги засилуваат економската соработка и трговската размена. За таа цел, вториот македонско-казахстански бизнис-форум во Скопје и потпишувањето два значајни документи ќе дадат нов импулс на соработката меѓу бизнис-заедниците и ќе придонесат за зголемување на трговската размена. Ова беше заклучено на заедничката прес-конференција меѓу министерот за надвореши работи и надворешна трговија Тимчо Муцунски и министерот за трговија и интеграции на Казахстан, Арман Шакалиев, кој престојува во официјална посета на земјата.

– Оваа посета е јасен сигнал за заедничката подготвеност за продлабочување на економската соработка и унапредување на севкупните билатерални односи. Во разговорите отворено констатиравме дека сегашното ниво на економска размена не го одразува реалниот потенцијал меѓу двете земји. Но исто така се согласивме дека постојат конкретни и достижни можности тој јаз да го затвориме во периодот што следува – рече Муцунски.

Во таа насока, Муцунски информира дека разговарале за одржување на втората седница на Заедничката македонско-казахстанска комисија за трговска и економска соработка во Астана, како важен чекор за поинтензивна и пофокусирана економска динамика.

– Паралелно останува наша заедничка задача да ги надминеме предизвиците поврзани со географската оддалеченост преку зајакнување на директната комуникација меѓу компаниите и стопанските комори, како и преку поактивна организација на бизнис-форуми, саеми и промотивни активности, вклучително и во областа на културата и туризмот – рече Муцунски.

Тој изрази уверување дека вториот македонско-казахстански бизнис-форум во Скопје, како и потпишувањето на два значајни документа, ќе дадат нов импулс на соработката меѓу бизнис-заедниците и ќе придонесат за зголемување на трговската размена.

– Создавањето на предвидлива и конкурентна деловна клима и привлекувањето на странски инвестиции останува врвен приоритет на Владата. Во таа насока остануваме отворени за казахстански инвеститори, како во технолошко-индустриските развојни зони, така и пошироко, во согласност со нивните инвестициски интереси – заклучи Муцунски.

Шакалиев од своја страна рече дека Казахстан и Северна Македонија продолжуваат постојано да ги зајакнуваат билатералните односи, ставајќи особен акцент на развојот на трговската, економската и инвестиционата соработка.

– Казахстанската делегација, која што ја сочинуваат претставници на деловната заедница, агроиндустрискиот сектор и академската заедница, пристигна денес во Северна Македонија како дел од трговската и економската мисија на нашата земја. Главната цел ни е да ја зголемиме билатералната трговија, да ги прошириме деловните контакти и да воспоставиме конкретни области на соработка – истакна Шакалиев.

Тој нагласи дека Казахстан активно го развива својот транспортен и логистички сектор, гради одржливи патишта меѓу Азија и Европа.

– Клучна улога во тој процес игра Транскаспискиот меѓународен транспортен пат, односно Средниот коридор, кој ја обликува новата конфигурација на евроазиската трговија. Во тој контекст, Северна Македонија се гледа како ветувачка врска на европскиот пат. Нејзината географска локација и интеграцијата во балканските транспортни мрежи создаваат дополнителни можности за воспоставување отпорни логистички синџири, за пласирање на казахстанските производи на пазарите во Југоисточна и во Источна Европа – рече Шакалиев.

Казахстанскиот министер посочи дека еден од клучните практични чекори ќе биде воспоставувањето на деловен совет, кој ќе ја олесни директната интеракција меѓу деловните заедници на двете земји и ќе овозможи брз развој на споделени проекти.

– Таквите иницијативи, вклучувајќи ги и трговските мисии и создавањето на институционални платформи за дијалог, се гледаат како почетна точка за премин кон поструктурирана и одржлива трговска и економска соработка меѓу нашите две земји. Фокусот се става на развојот на индустриската соработка, воспоставување заеднички деловни проекти и проширување на инвестицискиот ангажман, што ќе придонесе кон заеднички модели кои носат придобивки за двете земји – заклучи Шакалиев на заедничката прес-конференција со Муцунски.

The post КАЗАХСТАН ЈА ГЛЕДА МАКЕДОНИЈА КАКО КЛУЧНА ВРСКА СО ЕВРОПСКИТЕ ПАЗАРИ Двете земји ќе ги засилуваат економската соработка и трговската размена appeared first on plusinfo.mk.

Млад Казахстанец се правдаше пред полицајците дека изгубил контрола кружејќи околу елката во градот Сарјагаш. Сега, елка веќе нема:

In Kazakhstan, a driver went drifting and knocked down the main New Year’s tree

The incident happened on the central square in the city of Saryagash.

Later, the young man told police that he was trying to drive around the tree, lost control of the vehicle, and crashed into… pic.twitter.com/qnuJHfmPrp

— NEXTA (@nexta_tv) December 24, 2025

The post 📽️ „ДРИФТАШЕ“ ОКОЛУ ЕЛКАТА И… ЈА УРНИСА Млад Казахстанец ја уништи магијата во Сарјагаш appeared first on plusinfo.mk.

На Национална арена „Тодор Проески“ во Скопје вечер од 20:45 часот, македонската фудбалска репрезентација е домаќин на Казахстан. Овој натпревар е претпоследен за двете селекции во квалификациите за пласман на Светското првенство 2026.

За „црвено-жолтите“ мечот има големо значење, бидејќи со победа ќе ги задржат шансите за пласман на Мундијалот.

Голманот Столе Димитриевски, очекува голема поддршка од трибините и уверува дека тимот размислува само за победа.

– Нашата цел е јасна, да излеземе на терен и да победиме. Очекувам голема поддршка од навивачите, се надевам дека ќе бидат во што поголем број на стадионот за да ни дадат дополнителна сила. Секако дека постои разлика меѓу Белгија и Казахстан, но тоа не значи дека ќе биде лесно. Со помош на публиката верувам дека ќе стигнеме до поволен резултат, а тоа, секако, е победа за нас – изјави Димитриевски на прес-конференцијата пред утрешниот меч.

Во групата Ј македонската репрезентација е лидер со 12 бода, Белгија има 11 и натпревар помалку, Велс е трет со 10 исто така со натпревар помалку, Казахстан има шест, Лихтештајн е без освоен бод.

The post ЦЕЛТА Е ЈАСНА, ОДИМЕ НА ПОБЕДА! Димитриевски за вечерашниот меч со Казахстан appeared first on plusinfo.mk.

Селекторот на македонската фудбалска репрезентација, Благоја Милевски, го објави списокот со повикани играчи за претстојните квалификациски натпревари за Светското првенство 2026. Македонските фудбалери овој месец ќе гостуваат кај Белгија во Гент на 10 октомври, а потоа ќе го пречекуваат Казахстан во Скопје на 13 октомври.

Милевски го повика најдоброто што македонскиот фудбал моментално го нуди. На списокот се следните играчи:

Голмани: Столе Димитриевски (Валенсија, Шпанија), Дејан Илиев (УТА Арад, Романија), Дамјан Шишковски (Борац Бања Лука, БиХ), Игор Алексовски (Фљамуртари, Албанија).

Одбрана: Висар Муслиу (Сент Тројден, Белгија), Никола Серафимов (Левски Софија, Бугарија), Езѓан Алиоски (Лугано, Швајцарија), Ѓоко Зајков (Ајман, ОАЕ), Андреј Стојчевски (Словачко, Чешка), Дарко Велковски (Зрињски, БиХ), Стефан Деспотовски (ОФК Београд, Србија), Бојан Илиевски (Струга Трим Лум), Стефан Ашковски (Раднички Ниш, Србија).

Среден ред: Енис Барди (Коњаспор, Турција), Јани Атанасов (Лариса, Грција), Елиф Елмас (Наполи, Италија), Исник Алими (Далиан Јингбо, Кина), Лука Станковски (Раднички Крагуевац, Србија), Тихомир Костадинов (Сигма Оломуц, Чешка), Решат Рамадани (Шкендија).

Напад: Бојан Миовски (Глазгов Ренџерс, Шкотска), Милан Ристовски (Бохемианс 1905, Чешка), Дарко Чурлинов (Кочаелиспор, Турција), Александар Трајковски, Давид Бабунски (Вардар), Елмин Растодер (Тун, Швајцарија).

Македонија моментално е лидер во групата со 11 бода, еден повеќе од Белгија и Велс, што ја става нашата репрезентација во одлична позиција пред овие две клучни натпревари.

Следните квалификациски натпревари се клучни за продолжување на македонската борба за пласман на Светското првенство 2026. Со силниот тим и досегашната лидерска позиција во групата, надежите на фудбалската јавност се високи.

The post „РИСОВИТЕ“ СЕ ПОДГОТВУВААТ ЗА БЕЛГИЈА И ЗА КАЗАХСТАН Милевски го објави списокот од 26 играчи за мундијалските квалификации appeared first on plusinfo.mk.

Јавниот обвинител на Република Северна Македонија Љупчо Коцевски денеска се сретна со амбасадорот на Република Казахстан во нашата земја Сатибалди Буршаков со кого разговараше за соработката меѓу обвинителствата на двете држави и можностите за нејзино унапредување.

Како следен чекор, на предлог на казахстанското Генерално обвинителство, се разгледува можноста за потпишување меморандум за соработка во областа на лоцирање, замрзнување и поврат на незаконски стекнат имот.

Со документот се предвидуваат повеќе активности на размена на искуства, обуки и практична соработка меѓу соодветните надлежни органи кои работат на поврат на незаконски стекнат имот.

Во таа смисла, амбасадорот на Казахстан Буршаков го запозна државниот јавен обвинител Коцевски со резултатите од работата на казахстанскиот Комитет за поврат на имот преку кој Казахстан до овој момент успеал да врати незаконски стекнат имот од околу 1,3 милијарди американски долари во готови пари, како и друг имот во вредност од 237 милиони американски долари. Согласно законските одредби во таа земја, голем дел од средствата вратени во државниот буџет на овој начин, Казахстан ги користи за специјален државен фонд преку кој се финансираат социјални и општествени проекти, како што е изградба на училишта, градинки, здравствени установи, спортски комплекси и слично.

Јавниот обвинител Коцевски оцени дека искуството на Казахстан во оваа област може да е корисно и за нашата држава и најави дека Јавното обвинителство на РСМ ќе ја разгледа иницијативата за потпишување меморандум за соработка.

The post ОД КАЗАХСТАН ЌЕ УЧИМЕ ЗА ПОВРАТ НА НЕЗАКОНСКИ СТЕКНАТ ИМОТ? Коцевски ќе размисли за предлогот на амбасадорот Буршаков appeared first on plusinfo.mk.

Македонската фудбалска репрезентација се искачи за пет места на најновата ранг-листа на ФИФА, која беше објавена денеска и се наоѓа на 62 позиција.

Напредокот на ФИФА рангирањето е поврзано со успешниот настап во мундијалските квалификации во јуни во кои Македонија одигра нерешено 1-1 против фаворитот Белгија во Скопје, а триумфираше на гостински терен над Казахстан со 1-0.

На најновата ранг-листа на ФИФА, Хрватска се врати во Топ 10, истиснувајќи ја Италија, која сега е на 11 позиција со пад од две места. Португалија се искачи за едно место и сега е на шестата позиција, додека Холанѓаните паднаа на седмото место.

Белгија остана на осмата позиција, додека на самиот врв нема промени и актуелниот светски шампион Аргентина сè уште го држи првото место пред Шпанија и Франција. Англија остана на четвртото, а Бразил на петтото место.

The post МАКЕДОНИЈА СО СКОК ОД ПЕТ МЕСТА НА ФИФА ЛИСТАТА Белгија и Казахстан ни донесоа бодови и респект appeared first on plusinfo.mk.

Во рамки на работната посета на Република Казахстан, министерот за надворешни работи и надворешна трговија, Тимчо Муцунски, оствари средба со заменик-премиерот и министер за надворешни работи на Казахстан, Мурат Нуртлеу.

Во фокусот на разговорите беа можностите за интензивирање на севкупната билатерална соработка, размена на посети на високо ниво, како и одржување на третата рунда политички консултации во Скопје, информираат од Министерството.

Двајцата министри се согласиле дека постои значителен потенцијал за натамошно продлабочување на односите, особено во економската сфера – преку зголемување на трговската размена и поттикнување на странски директни инвестиции. Било истакнато и задоволството од досегашната соработка на мултилатерален план, при што биле разменети мислења за низа актуелни прашања од регионален и поширок контекст.

Средбата била заокружена со потпишување на Програмата за соработка меѓу двете министерства за периодот 2025–2027 година, како конкретен чекор кон унапредување на билатералните односи.

The post МАКЕДОНИЈА И КАЗАХСТАН ЌЕ ГИ ПРОДЛАБОЧАТ ЕКОНОМСКИТЕ ВРСКИ Муцунски и Нуртлеу договорија билатерална соработка appeared first on plusinfo.mk.

Македонската фудбалска репрезентација славеше на гостувањето кај Казахстан со минимални 0:1 во квалификациите за пласман на СП.

Стрелец на единствениот гол беше Александар Трајковски во 33-та минута од мечот.

Нашата репрезентација ја следеше и среќата бидејќи селекцијата на Казахстан имаше неколку добри шанси, а по еднаш ја погоди гредата и стативата во вториот дел.

Македонија со 4 одиграни меча е на првото место на табелата со 8 бодови, следува Велс со 7 кој вечерва игра против Белгија, која пак одигра само еден натпревар оној во Скопје кој заврши 1:1.

Казахстан има 3 бодови, а Лихтенштајн е без бодови. Вреди да се напомене дека Македонија со 11 официјални меча не знае за пораз.

The post ПОРАЗЕН Е И КАЗАХСТАН Македонските фудбалери се први во квалификациите за Мундијалот appeared first on plusinfo.mk.