Возачот на товарното возило што вчера усмрти пешак на регионалниот пат Прилеп-Градско е уапсен, соопшти Министерството за внатрешни работи.

Станува збор за Р.Ј. (45) од Кавадарци, кој управувал „сканија“ со приколка.

Во несреќата загинал К.Ѓ. (89) од општина Росоман. Според полицијата, тој бил удрен од товарното возило на регионалниот пат Прилеп-Градско.

Лекар констатирал смрт на местото на несреќата.

По наредба на обвинителството, телото на починатиот било предадено на Судска медицина за обдукција.

Увид на местото извршиле јавен обвинител и увидна екипа од ОВР Кавадарци.

The post УАПСЕН Е ВОЗАЧОТ ШТО ПРЕГАЗИ ПЕШАК КАЈ РОСОМАН Телото на 89-годишникот е дадено на обдукција appeared first on plusinfo.mk.

Македонскиот прволигаш ГФК Тиквеш Кавадарци доби забрана од Меѓународната фудбалска федерација (ФИФА) за регистрација на нови фудбалери на меѓународно и национално ниво поради неисполнување на финансиските обврски кон фудбалерот Филип Михаљевиќ.

Според официјалното известување од ФИФА, забраната ќе остане во сила сè до целосно намирување на обврските, а најдолго до три последователни регистрациски периоди.

Воедно, ФИФА побара од Фудбалската федерација на Македонија веднаш да ја имплементира одлуката и на национално ниво.

Фудбалската федерација на Македонија, како што е соопштено денеска, ќе постапи согласно правилата и одлуките на ФИФА.

The post ФИФА МУ СТАВИ БЛОКАДА НА ТИКВЕШ Неисплатен долг кон Михаљевиќ донесе санкции appeared first on plusinfo.mk.

Пет лица – тројца од Непал и двајца од Индија – се пријавени откако во Кавадарци биле фатени како одгледуваат марихуана во стан каде што престојувале.

Акцијата се случила во јуни 2025 година, кога полицијата извршила претрес и пронашла насад од канабис. Според истрагата, тие неовластено ја одгледувале и чувале дрогата со намера за понатамошна продажба.

Сите осомничени имале пријавено престојувалиште во градот.

The post ИНДИЈЦИ И НЕПАЛЦИ ОДГЛЕДУВАЛЕ МАРИХУАНА ВО КАВАДАРЦИ? Ја саделе во саксии appeared first on plusinfo.mk.

Нов кружен тек ќе се гради во Кавадарци, каде што ќе бидат отворени комплексот Литл Америка и „Лидл“, рече денеска кавадаречкиот градоначалник Митко Јанчев.

– Посебна благодарност до „Лидл“ за донацијата и поддршката во реализацијата на овој проект. Со заеднички сили продолжуваме да ја градиме модерната и функционална урбана средина – рече градоначалникот.

Тој истакна дека овој значаен инфраструктурен проект ќе придонесе за подобрување на сообраќајниот проток, зголемена безбедност и полесно движење за сите граѓани.

– Побрз сообраќај, поголема безбедност, подобра поврзаност. Продолжуваме со инвестиции во инфраструктурата за подобро секојдневие на сите – нагласи Јанчев.

Задоволство од реализацијата на новиот кружен тек изразија и претседателот на Советот на Општина Кавадарци и претставник од компанијата „Лидл“.

The post НОВ КРУЖЕН ТЕК ВО КАВАДАРЦИ СО ПОМОШ НА „ЛИДЛ“ Проектот ќе придонесе за подобар сообраќаен проток appeared first on plusinfo.mk.

Судија на претходна постапка му одреди 30-дневен притвор на 27-годишникот осомничен дека ја убил својата мајка во Росоман, потврдија од Основниот суд во Кавадарци.

Од Основно јавно обвинителство Кавадарци информираа дека против осомничениот е поведена истражна постапка за убиство. Според обвинителството, делото било извршено со умисла во контекст на семејно насилство.

Како што се наведува, 27-годишникот ја нападнал мајка си додека таа спиела во една од собите од семејниот дом. Тој ја прободел со кујнски нож во пределот на вратот, нанесувајќи ѝ смртоносни повреди.

Јавниот обвинител побарал определување притвор поради тежината на делото и околностите, а судијата го прифатил предлогот и одредил мерка притвор во траење од 30 дена.

Истрагата за случајот продолжува.

The post ЈА УБИЛ МАЈКА СИ СО НОЖ ДОДЕКА СПИЕЛА Одреден 30 дена притвор за 27 годишникот од Росоман appeared first on plusinfo.mk.

Тензична и опасна ситуација се одиграла во Кавадарци во раните утрински часови, кога полицијата интервенирала по пријава за агресивно однесување во дом.

Според информациите, 36-годишен жител на градот се однесувал насилно и се обидел да се повреди со остар предмет. Кога пристигнале полициските службеници, ситуацијата дополнително ескалирала. Мажот почнал да им се заканува, а во еден момент си нанел и повреди.

За да ја стават ситуацијата под контрола, полицајците испукале два предупредувачки куршуми во воздух.

Мажот бил совладан и приведен, по што веднаш бил пренесен во Општата болница во Кавадарци за укажување лекарска помош.

За случајот е известен јавен обвинител, а по негово целосно расчистување ќе следува соодветна пријава.

The post СЕ ЗАКАНУВАЛ И СЕ СЕЧЕЛ СО НОЖ, ПОЛИЦИЈАТА ПУКАШЕ Драма во Кавадарци со агресивен маж кој се повредувал appeared first on plusinfo.mk.

Кавадаречкото село Марена добива уреден и модерен кеј на Овчка Река. Во посета на Општина Кавадарци денеска беше фамилијата Камчеви кои се инвеститори на овој проект преку Фондацијата Илија Камчев, објави на својот профил на Фејсбук градоначалникот на Кавадарци Митко Јанчев.

„Инвестицијата е во вредност од 300.000 евра и се очекува проектот да биде реализиран за краток период. Општина Кавадарци упатува огромна благодарност до фамилија Камчеви за оваа донација која во целост ќе го промени ликот на нашата Марена. Камчеви, чие потекло е токму од село Марена, со оваа донација ќе остават белег и подобри услови за живот како за сегашните така и за идните генерации“ – напиша Јанчев.

The post СЕЛО МАРЕНА ЌЕ ДОБИЕ УРЕДЕН КЕЈ НА ОВЧКА РЕКА Донација од 300.000 евра од Фондацијата Илија Камчев appeared first on plusinfo.mk.

Вчера доцна вечерта полицијата во Кавадарци го привела 38-годишниот В.Ј. од селото Дреново, откако претходно не застанал на знак за запирање и продолжил да вози, игнорирајќи и црвено светло на семафор.

Тој управувал „лада“ со кавадаречки регистарски ознаки, во која како сопатници биле 25-годишниот М.И. од селото Возарци и уште едно лице. Во возилото превезувал и огревно дрво.

По преземени мерки, полицијата ги пронашла возачот и возилото во селото Возарци. При контролата било утврдено дека автомобилот бил нерегистриран, возачот немал стекнато право за управување од „Б“ категорија и поминал на црвено светло. Огревното дрво било без соодветна документација, па со потврда било одземено и предадено на шумската полиција.

Со сопатникот бил извршен службен разговор, а по насоки на јавен обвинител, возачот бил приведен во полициска станица. Возилото е привремено одземено и ќе следуваат соодветни пријави.

The post БЕГАЛ ОД ПОЛИЦИЈА НИЗ КАВАДАРЦИ Возел нерегистрирано возило, поминал на црвено, превезувал крадени дрва appeared first on plusinfo.mk.

Секторот за внатрешни работи Велес поднесе кривична пријава против К.И. (26) од Кавадарци поради сомнение дека сторил кривично дело „оштетување и неовластено навлегување во компјутерски системи“.

Според полицијата, осомничениот набавил податоци од платежна картичка во сопственост на 60-годишно лице, по што во повеќе наврати извршил поголем број онлајн трансакции.

Со ваквите дејствија, како што информираат од МВР, пријавениот се стекнал со противправна имотна корист од 232.788 денари.

The post СО ТУЃА КАРТИЧКА СИ КУПУВАЛ НА ИНТЕРНЕТ Кавадарчанец осомничен за онлајн трансакции од над 230.000 денари appeared first on plusinfo.mk.

Дваесет и осумгодишна жена од Кавадарци пријавила дека била измамена за 3.000 евра, откако поверувала во понуда за заеднички бизнис.

Според нејзината пријава, друга жена од градот ѝ предложила да започнат сопствена деловна активност. Парите ги предала лично, со очекување дека договореното ќе се реализира. Но, наместо почеток на бизнис, следувало разочарување – проектот никогаш не бил започнат, а парите не ѝ биле вратени.

Случајот е пријавен во полиција и во тек е постапка за расчистување на настанот.

The post НАМЕСТО БИЗНИС ОСТАНАЛА БЕЗ ПАРИ Кавадарчанка измамена за 3.000 евра appeared first on plusinfo.mk.