Грчкиот премиер Кирјакос Мицотакис утрово приредил појадок за поранешната германска канцеларка Ангела Меркел, која во Грција е за промоција на нејзината книга „Слобода“, јави дописничката на МИА од Атина.

Како што информираа од кабинетот на грчкиот премиер, Мицотакис и Меркел за време на појадокот размениле мислења за европските и меѓународните случувања.

Меркел синоќа, во организација на грчкиот весник „Катимерини“ во Атина ја промовираше нејзината автобиографија, а во дискусија со директорот на весникот говореше и за периодот кога Грција беше во длабока финансиска криза.

По промоцијата, како што пишува „Катимерини“, била приредена вечера во чест на поранешната канцеларка на која присуствувале вицепремиерот Костис Хаѕидакис, поранешниот грчки премиер Алексис Ципрас, поранешниот вицепремиер Панајотис Пикраменос, поранешниот лидер на ПАСОК Евангелос Венизелос, како и бизнисмени.

The post 📷 МЕРКЕЛ НА ПОЈАДОК СО МИЦОТАКИС Поранешната канцеларка ја промовира книгата „Слобода“ во Атина appeared first on plusinfo.mk.

Посочува дека како Влада веруваат во европските вредности и затоа се борат да ги обединат своите граѓани со останатите од Европската унија

– Ова што го прави Бугарија, ставајќи вето на нашите пристапни преговори е неоправдано. Не е во согласност со европските вредности. Имаме јасна цел и веруваме дека еден ден ќе бидеме рамноправни со повеќето земји во Европа – вели Николоски.

Во интервјуто под наслов „Сакаме поблиска соработка“, освен за ЕУ перспективата на земјава, говори и за интерконекторот за природен гас со Грција, за железничката мрежа, за договорот со Бугарија за Коридорот 8, но и порачува дека регионот треба да дејствува заедно, а не секоја земја поединечно.

Изразува подготвеност за изградба на интерконекторот за природен гас со Грција, објаснувајќи дека „за жал нашиот природен гас целосно доаѓа од Русија“ и затоа, како што вели, „потрбно е да ја намалиме оваа зависност“.

– Решението за алтернативно снабдување на земјата со гас е интерконекцискиот гасовод Грција-Северна Македонија – нагласува и додава дека „тоа е огромен проект што многу ќе значи за двете земји, како и за голем дел од останатите европски земји“.

Дополнително посочува дека „единствениот начин за напредок е создавање заеднички проекти кои ќе ги зближат двете земји уште повеќе“, но и дека е потребна подобра поврзаност меѓу земјите од Западен Балкан, подобра инфраструктура и комуникација, за да се зајакнат дипломатските односи меѓу земјите.

Во интервјуто за „Катимерини“, вицепремиерот се осврнува и на важноста на железничката мрежа и железничката поврзаност, нагласувајќи дека „новата брза железница е иднината на регионот“.

– Преку надградениот железнички систем во регионот ќе ја зајакнеме економијата, ќе создадеме подобра клима за инвестиции, нови работни места и нашите компании ќе можат да извезуваат и увезуваат повеќе стоки – истакнува Николоски, пренесе МИА.

Објаснува дека брзиот трансфер на стоки од грчките пристаништа во централна Европа ќе донесе стабилност во целиот регион и ќе им помогне на економиите, особено на земјите поврзани со Коридорот 10.

– Треба да се дејствуваме како регион, а не како поединечни земји, да ја оставиме политиката настрана и да се фокусираме на економиите и создавање просперитетен регион – истакнува во интервјуто.

Се осврнува и на договорот со Бугарија за продолжување на изградбата на Коридорот 8, за кој вели дека е важен и дека заедно со Коридорот 10 ќе бидат „голема придобивка“.

– Сепак, нашите соседи мора да се посветат на неговиот развој. Нема смисла ние да го градиме, а нашите соседи не – коментира министерот и објаснува дека планот што постои не е изводлив, но и многу скап, односно 560 милиони евра за 24 километри и затоа, посочува дека ќе треба да се направи нов план, одново да се пресметаат трошоците и „Бугарија мора да се обврзе и да гарантира дека ќе изгради свој дел“.

Во интервјуто напоменува дека се работи и на експресен пат што ќе го поврзе Скопје со границата со Бугарија, кој се очекува да биде готов до следната година.

Заменик-претседателот на Владата и министер за транспорт Александар Николоски минатата седмица учествуваше на вториот „Форум за поврзување во Југоисточна Европа“ (Southeast Europe Connectivity Forum) што се одржа во Солун, а на кој освен што имаше свое обраќање оствари и низа средби, меѓу кои и со министрите за транспорт и поморство на Грција, Христос Стајкурас и Христос Стилианидис.

The post НАШАТА ЦЕЛ Е ЕУ, БИДЕЈЌИ ГРАЃАНИТЕ ЗАСЛУЖУВААТ Николоски говореше за европските вредности и реформите appeared first on plusinfo.mk.

Медиумот наведува дека Мицкоски го пофалил нејзиниот став како „достоинствен“ во нарекувањето на нивната земја како „Македонија“.

„Ако Грција верува дека го прекршивме Договорот од Преспа, нека се жали до Меѓународниот суд на правдата; Не очекуваме односите меѓу двете земји да се засноваат на покажување моќ; Очекуваме добри и одлични меѓусоседски односи“, ги наведува Катимерини пораките од денешната изјава на лидерот на ВМРО-ДПМНЕ.

Мицковски, исто така, ги повика грчките компании да инвестираат во Македонија, нагласувајќи ја меѓусебната соработка. Тој ги охрабри македонските компании да инвестираат во Грција, промовирајќи ги билатералните економски врски, објави Катимерини.

The post МИЦКОСКИ ИНСИСТИРА НА МАКЕДОНИЈА „Катимерини“ објави дека ги повикал грчките компании да инвестираат кај нас appeared first on plusinfo.mk.

Грчкиот весник забележува дека во неодамнешната телевизиска дебата меѓу Христијан Мицкоски и Димитар Ковачевски, Мицкоски го користел уставното име на земјата.

– За мене Македонија е и ќе остане Македонија. Моите предци би биле горди на мене за она што го правам за мојот народ и за мојата земја –  ги цитира „Катимерини“ зборовите на лидерот на ВМРО-ДПМНЕ.

Весникот забележува и дека лидерот на СДСМ Ковачевски во дуелот изразил загриженост дека Мицкоски одбива да го користи името „Северна Македонија“.

„Ковачевски рече дека ова одбивање може да предизвика проблеми со Договорот од Преспа од 2018 година, со кој, со поддршка на Обединетите Нации, земјата го смени името од Поранешна Југословенска Република Македонија во Северна Македонија“, пишува весникот.

„Катимерини“ пишува и дека последните анкети покажуваат водство на ВМРО-ДПМНЕ на претстојните парламентарни избори, кои се совпаѓаат со вториот круг од претседателските избори во земјата, каде актуелниот претседател и кандидат на СДСМ, Стево Пендаровски, ќе се соочи со Гордана Силјановска од ВМРО-ДПМНЕ.

The post „ПРЕСПАНСКИОТ ДОГОВОР ОСПОРЕН ВО ПРЕДИЗБОРИЕТО“ Грчки „Катимерини“ забележа дека Мицкоски не користи „Северна“ пред Македонија appeared first on plusinfo.mk.

Меѓу другото тој вели дека во Грција се сретнува со многу луѓе кои му велеле: „Господине Заев, вие сте многу добар човек, ајде да работиме заедно“.

– Бевме многу блиски со Турција и сè уште сме, бидејќи постои поврзаност со граѓани кои имаат турска националност. Но, по Преспа, бидејќи Грција е нашиот прв сосед, а Турција не е наш сосед, стана многу видливо дека Грција е еден од нашите најверни пријатели и тоа го гледаме во анкетите. Сега, анкетите ја покажуваат Грција како еден од петте најдобри пријатели на Северна Македонија, додека пред Преспа, таа беше еден од нашите три најголеми политички непријатели. Денес, многу се радувам кога гледам семејства како меѓусебно комуницираат, се посетуваат, доаѓаат на пазарење, за медицинска нега на пр. на забар, додека доаѓаме на кафе, на храна, на пазарење, особено во Солун. Како политичар многу често сум во Грција, бидејќи моите деца учат во Солун и запознавам многу луѓе. Сите се толку љубезни, а има и такви кои велат „Господине Заев, јас сум против договорот од Преспа, но вие сте добар човек. Затоа, ајде да работиме заедно“ – рече Заев.

Тој изрази уверување дека опозициската ВМРО-ДПМНЕ ќе го почитува договорот од Преспа и дека нема да го поништи.

– Мора да го почитуваат договорот, мора да го следат уставот затоа што се една од најголемите партии во државата. Без разлика дали ќе останат во опозиција или ќе станат власт во одреден момент, тие прво мора да го почитуваат нашиот Устав, бидејќи Уставот е најголемиот правен акт во државата. Освен тоа, тие мора да бидат паметни и да продолжат да работат заедно, бидејќи на крајот на денот луѓето сакаат да имаат подобар финансиски живот. Треба да се напомене дека регионот по договорот од Преспа се менува и тоа не само во енергетскиот сектор, туку и во земјоделството, текстилот, металната индустрија, насекаде. Тоа е многу видлива соработка, додека се чекаат повеќе од 2,5 милијарди евра инвестиции од Грција во Северна Македонија, во енергетиката и другите сектори. Износот одговара на 25% од нашиот БДП. Навистина сум многу благодарен и за новата грчка влада – која не е толку нова бидејќи имате избори – која го поддржува нашето полноправно членство во НАТО, што значи стабилност и безбедност. Премиерот Мицотакис, министерот Дендиас и другите се бореа толку позитивно за Северна Македонија во Европската Унија, Европскиот совет и Советот на Европа. Ова го прават пријателите и ние сме многу благодарни и нашите граѓани го знаат тоа – рече Заев.

The post „ДОБАР ЧОВЕК СИ, АЈДЕ ДА РАБОТИМЕ ЗАЕДНО“ Заев открива што му велат Грците кога ќе го сретнат на улица appeared first on plusinfo.mk.

ИГБ ја менува енергетската мапа на Балканот. Можноста регионот уште повеќе да се поврзе со енергетските мрежи на Југоисточна и Централна Европа и да стане центар е сега, со отворање и на вториот гасовод од Солун до Северна Македонија.

Атина и Скопје потпишаа договор во септември 2021 година во Солун, во присуство на американскиот амбасадор, што ја нагласува геополитичката важност на проектот.

Врз основа на договорот, се очекува гасоводот да има вкупна должина од 123 километри и да се протега од Неа Месимврија до Неготино, преку пограничната зона Евзони – Гевгелија, поврзувајќи ги националните системи за пренос на природен гас на Грција и Северна Македонија.

Неговиот почетен транспортен капацитет ќе биде 1,5 милијарда кубни метри годишно, со можност да се прошири на 3 милијарди кубни метри, а се планира гасоводот да може да транспортира и „зелен” водород.

Според последните информации, претстои објавување тендери во двете земји, а зголемен интерес е забележан и од други земји од Западен Балкан, како Србија, Косово и пред сè Унгарија.

Не смееме да си дозволиме да бидеме невнимателни или колебливи во однос на економската и, пред сè, националната изводливост на еден ваков проект со Северна Македонија. Да не си пукаме повторно во нога. Развојот во енергетиката е брз. Русија се обидува да ја надгради Турција во енергетски центар и да ги врати пазарите на Југоисточна Европа и остатокот од континентот во својата енергетска закрила, додека овие пазари се борат да станат независни. Грција, исто така, претендира на улогата на енергетски играч и ако навистина ја сака оваа улога, мора да ја активира и оваа втора (по ИГБ) порта за природен гас на Балканот, гасоводот со Северна Македонија.

Енергијата деновиве е, меѓу другото, моќна алатка за влијание: ако Грција не испрати гас во Северна Македонија, тогаш наскоро Софија ќе може да ѝ го продаде вишокот од она што ние ѝ го даваме, вовлекувајќи го Скопје во нејзините геополитички планови. Дали го сакаме ова?

The post ЌЕ ДОБИЕ ЛИ ЗЕМЈАВА ОД ГРЧКИОТ ГАС? Грција најавува брза изградба на втората порта за природен гас на Балканот appeared first on plusinfo.mk.

Премиерот Заев објаснува дека и покрај позитивните извештаи од Европската Комисија и покрај Договорот за добрососедство со Бугарија, сепак поради ветото од Софија, Северна Македонија не ги започна преговорите со ЕУ.

– Во 21 век да ја одредуваш историјата на друга нација не е во согласност со европскиот дух, бидејќи треба заедно да градиме иднина. За Северна Македонија, за македонскиот народ, за сите граѓани на нашата земја, било каква интервенција во македонскиот идентитет е неприфатлива. Процесот трае веќе подолго време, не сакаме да запреме и нема да запреме, но нема да ги ставиме во опасност нашето достоинство и нашиот идентитет. Верувам дека ќе најдеме заеднички решенија со Бугарија и ќе изградиме квалитетна иднина за нас и за идните генерации – објаснува премиерот.

Тој, потенцира дека минатото не треба да се заборави, но „треба да се градат мостови на соработка меѓу сите балкански земји, бидејќи тоа е единствениот пат што води до успех“.

Од друга страна пак, вели дека Грција останува „силен медијатор и поддржувач“ на европскиот пат на нашата земја, нешто за што добил уверување и грчкиот премиер.

Заев потсетува на првите средби со Мицотакис во септември и ноември 2019 година, велејќи дека и тогаш и на следните средби бил создаден „пријателски однос, ослободен од сите прашања што во минатото ги оптоваруваа билатералните односи“ , бил прифатен веќе дефинираниот партнерски однос основан на доверба и пријателство , „кој односите меѓу двете земји ги претвори во сојузништво“.

– Мојот колега, господинот Мицотакис категорично ме увери дека Грција останува еден силен медијатор и поддржувач на нашата земја во претстојниот преговарачки процес со Европската Унија. И двајцата се обврзавме за целосно и непречено спроведување на билатералните обврски одредени од Договорот од Преспа. На сите наши средби разговараме за поголема економска соработка која треба да продолжи и да се надгради – вели Заев.

Дополнително зајакнување на пријателството и енергетската соработка, според премиерот е и гасоводот што ќе ги поврзува двете земји, односно договорите како за терминалот во Александруполи, така и за изградбата на интерконекторот.

Додава дека овие проекти ќе бидат први од ваков тип во Југоисточна Европа, а со поврзувањето со Грција, наместо еден извор на природен гас, ќе имаме можност за снабдување од различни извори, од САД, Блискиот Исток и сл.

Дел од интервјуто за „Катимерини“ е посветено на Договорот од Преспа, преговорите и односите со поранешниот грчки премиер Алексис Ципрас.

Тој вели дека три години подоцна може да каже дека и кај нас и во Грција се поклопи „силната политичка волја на лидерите и нивните соработници за промена на сликата на Балканот“.

– Мислам дека не би било претерување ако кажам дека и Алексис Ципрас и јас влеговме во процес во кој ја ризикувавме нашата политичка кариера, без да сметаме на личната цена. Го прифативме предизвикот да најдеме решение што произлегува од европскиот пристап во изнаоѓањето одговори на најтешките прашања, како што беше прашањето за името на мојата земја и нејзината долгогодишна блокада од три децении. Стигнавме до договор и до решение. Знаевме дека постоеше ќор-сокак, во спротивно немаше да постои таква политичка и лична волја на сите оние кои учествуваа во процесот – објаснува премиерот.

Додава дека во преговорите немало наметнувања, а најважниот момент бил кога констатирале дека ги делат истите вредности и одбрале да донесат одлуки и да го решат спорот.

– Одбравме да донесеме одлуки. Да го решиме спорот со името на мојата земја. Да не одолговлекуваме, да не земаме превид други фактори, да не си играме со јавноста како во мојата така и во вашата земја, да не им го трошиме времето на нашите пријатели и поддржувачи на процесот. Да му дадеме на регионот нов Балкан, Балкан на 21 век, каде што минатото, сенките на историјата, нема да бидат непремостливи пречки за заедничка иднина. Ова беше тоа што нѐ поврза и ова поврзување се зајакна од пријателската атмосфера што стануваше сѐ поинтензивна на секоја наша наредна средба – вели премиерот Заев за „Катимерини“.

Коментира дека пред Договорот од Преспа „бевме соседи кои секогаш имаа и трета страна на маса“, а сега сме сојузници во НАТО, додека пак членството на Северна Македонија во Северно- атлантската алијанса „е најголемиот придонес за нашата безбедност и стабилност“, но е и најсилната гаранција за територијалниот интегритет и суверенитет на земјата.

Интервјуто на премиерот Заев за „Катимерини“ е во пресрет на неговото учество на Делфи економскиот форум, што од 10 до 15 мај ќе се одржи во Атина.

Освен Заев, на форумот, ќе учествуваат и вицепремиерот Никола Димитров, шефот на дипломатијата Бујар Османи и министерот за животна средина Насер Нуредини.

The post Заев за „Катимерини“: Нема да запреме да преговараме, но нема да ги ставиме во опасност нашето достоинство и нашиот идентитет appeared first on plusinfo.mk.

Инсистирањето на Бугарија да го блокира стартот на преговорите за членство на Северна Македонија во Европската Унија, претставува ризик од создавање на уште една пукнатина на југоисточното крило на НАТО, во услови кога постојат длабоки поделби и меѓу две други членки на Пактот во регионот – Грција и Турција, оценува електорнското издание на грчкиот весник „Катимерини“.

Според весникот, меѓу Софија и Скопје се создава нов судир „заради два века стара контроверза врз етничка основа“.

„И Бугарија и Северна Македонија се клучни членки на Алијансата во регионот. Бугарија со нејзината улога како супервизор над Црното Море и јужна Русија, а Северна Македонија како тампон зона против понатамошно руско ширење во срцето на Балканот. И двете земји многу силно ги чувствуваат последиците од американско-рускиот конфликт за влијание“, додава весникот.

Според „Катимерини“, засега се чини дека ривалството меѓу Софија и Скопје не влијае врз НАТО, кој е на ставот дека станува збор за „европско прашање што треба да го решат земјите членки на ЕУ“.

„И да е така, блокадата на Бугарија за влез на Северна Македонија во ЕУ не произлегува од критериумите за членство, како потребата од зајакнување на демократијата или сузбивање на корупцијата, туку таа се базира на историски тврдења што го поттикнуваат национализамот на двете страни и тоа наскоро би можело да има влијание и врз НАТО, доколку овие разлики не бидат надминати“, се додава во коментарот на атинскиот весник.

„Катимерини“ оценува дека сите овие случувања ја зголемуваат „антибугарската треска“ во Северна Македонија, а ставовите на Скопје кон Софија стануваат се поагресивни.

Весникот наведува дека властите во Скопје го одбија барањето на Софија да учествува во контролата на НАТО на воздушниот простор над Северна Македонија и се повлекоа од учество во проектот за бугарската нуклеарна централа „Белене“, поддржувајќи го наместо него проектот за природен гас во северногрчкото пристаниште Александрополис.

„Во меѓувреме, Бугарија се подготвува за избори на пролет, а политичката елита сака да профитира од националистичките чувства, обидувајќи се да создаде нова балканска агенда базирана на периодот од Отоманската Империја и големите аспирации од 19-от век, обвинувајќи ги своите балкански браќа дека се оддалечуваат од вистинскиот пат“, заклучува „Катимерини“.

The post „Катимерини“: Ривалството меѓу Софија и Скопје создава нова пукнатина на југоисточното крило на НАТО appeared first on plusinfo.mk.

Политички реакции во Грција предизвика текстот во „Катимерини“ под наслов „Криминал и прикривање“, посветен на катастрофалниот пожар во Мати во 2018 година кога живтот го загубија 102 лица, во кој опширно преку судски документи и сведоштва, „открива како овие две години некои се обидоа да постават пречки во судскиот процес со единствена цел да се скријат дела и пропусти кои доведоа до трагедијата“, јави дописничката на МИА од Атина.

Мицотакис смета дека е неопходно да се расчисти случајот, а од СИРИЗА велат дека Нова демократија уште еднаш се обидува да ја искористи трагедијата.

– Сето она што се открива е морничаво. Веќе јасно изгледа дека постоел обид за прикривање. Неопходно е да се разјасни случајот до крај и да се преземе одговорност. Тоа го должиме за сеќавањето на жртвите, рекол Мицотакис во разговор со неговите соработници.

– Господинот Мицотакис во моментите додека се наоѓа во Брисел и остава уште една битка за поддршка на грчката економија да биде загубена, наводно се вознемири од она што беше откриено и повторно говори за одговорности. Но, тоа е истиот човек кој минатиот септември од Самитот на ОН говореше за катастрофален пожар што се должи на климатските промени, соопштуваат од СИРИЗА и истакнуваат дека „немало и не можеше да има интервенција во истрагата за Мати“.

Поранешниот началник на противпожарната служба на Грција, кој според објавеното во „Катимерини“ барал од вештакот да скрие податоци, говорејќи за грчката телевизија ЕРТ, демантира било каква вмешаност или интервенција во вештачењето.

Поранешната министерка за цивилна заштита на Грција од редовите на СИРИЗА, Олга Геровасили која без да биде именувана се споменува во дијалозите што ги објавува „Катимерини“, според грчките медиуми ќе поднесе тужба против весникот.

Како што вчера објави МИА, „Катимерини“ го пренесе разговорот на тогашниот началник на противпожарната служба Василис Матеопулос и вештакот од противпожарната служба Димитрис Лиоцис, кој треба да истражи што точно се случило во Мати и пишуваше дека вештакот бил под закани и уцени и од него било побарано да скрие податоци.

The post Реакции по текстот во „Катимерини“ за обиди за прикривање одговорност за пожарот пред две години appeared first on plusinfo.mk.