Дали следниот чекор на СДСМ е напуштање на законодавниот дом, со крајна цел бојкот на следните Парламентарни избори, прашува Движењето ЗНАМ.

Во изминативе денови сведоци сме на уцени и на еден длабоко неодговорен и деструктивен однос од страна на СДСМ и Венко Филипче, особено во контекст на измените на Законот за Влада. Со овие измени јасно е предвидено дека техничката влада ќе важи за следните парламентарни избори, а потоа ќе биде укината како модел во иднина. Ваквиот модел одамна ја има исполнето својата примарна цел и не постои како стандард во ниедна современа европска демократија и држава. Сите тврдења дека техничката влада се укинува веднаш, како и дека ова решение е донесено без консултации со политичките партии, се обична лага и претставуваат обид за манипулација со јавноста – рече на денешната прес-конвефренција портпаролот на Движењето Никола Мемов.

Според него, наместо конструктивност и политичка зрелост во време кога е неопходен широк консензус се прават обиди за блокади, калкулации и партиски игри на штета на граѓаните.

-Последниот потег, заканата за повлекување од работната група за новиот Изборен законик, е само кулминација на ваквиот пристап -рече тој.

Мемов упати повеќе прашања до СДСМ.

– Дали сме сведоци на подготовка за сценарио за целосна блокада на работата на работната група за Изборниот законик? Дали следниот чекор е напуштање на законодавниот дом од страна на пратениците на СДСМ, со крајна цел бојкот на следните парламентарни избори? Дали вистинската причина е стравот од соочување со граѓаните и од извесен, катастрофален изборен пораз, по кој, како следен чекор по таков катастрофален резултат, ќе следува и потребата од оставка на Филипче од челната позиција на СДСМ?- праша тој.

Мемов праша и дали станува збор за однапред смислено сценарио за зачувување на личните позиции на актуелното раководство на СДСМ предводено од Филипче и нивните интереси.

–  Дали од лукративни причини се турка политика на конфронтација, со новинари, со видни членови на СДСМ, истакнати поединци, па дури и со градоначалници и пратеници од нивните редови? Дали намерно се изолира партијата од клучните процеси во државата?- праша тој

Според Движењето ЗНАМ, државата не смее да биде заложник на ничии политички калкулации.

-Ова е момент кога сите заедно мора да ја издигнеме демократската свест, да ја зацврстиме одговорноста и да покажеме дека знаеме да носиме одлуки во интерес на државата. Македонија заслужува стабилност, достоинство и напредок, и ние ќе продолжиме да работиме токму за таква иднина – рече Мемов.

Тој ги повик до членовите и симпатизерите на СДСМ да бидат внимателни и да не дозволуваат да бидат вовлечени во сценарија што водат кон изолација, кон уништување на партијата, слабеење на институциите и оттргнување на државата од европскиот пат.

-Политиката мора да биде во служба на граѓаните, а не на лични агенди. Ова раководство на СДСМ ја доведе партијата до историски најнизок рејтинг, на ниво од едвај нешто над 5%, а со вакви непромислени и деструктивни сценарија ризикува целосно да ја маргинализира на политичката сцена – рече Мемов.

Тој исто така апелираше пратениците и градоначалниците од редовите на СДСМ да не дозволат бидат инструмент во стратегии што водат кон слабеење, изолирање и непостоење на партијата.

-Не прифаќајте политики што не се во интерес ниту на членството, ниту на граѓаните.Целиот товар на ваквите политики ќе падне врз Вас, додека двоецот Заев-Филипче ќе останат изолирани од политичките последици и ќе продолжат да делуваат без отчет пред јавноста, уживајќи во моќта на златните визи, забави и крстарејќи на луксузни јахти – им порача Мемов.

The post ДАЛИ СДСМ ПЛАНИРА ДА ГИ БОЈКОТИРА СЛЕДНИТЕ ИЗБОРИ? Движењето ЗНАМ апелира членството на СДСМ да се спротивстави на калкулациите на раководството appeared first on plusinfo.mk.

Со само околу 800 освоени гласови, три пати помалку од претходните локални избори, партијата на Села ги изгуби тројцата општински советници и сега нема ниту еден.

По состанокот на потесното партиско раководство, Села пред новинарите изјави дека не сака повторно да се кандидира за истата функција, прво од морални причини, но и поради тоа што статутот не предвидува некој да биде лидер повеќе од двапати.

Во Советот на општина Тетово доминира Беса со 12 советници, по нив следи ДУИ со 11, ДПА и Алтернатива имаат по 1, ВМРО-ДПМНЕ 4 и СДСМ 2 советници. Неофицијално, најавена е коалиција меѓу Беса и ВМРО-ДПМНЕ.

Зијадин Села информираше дека во периодот кој следува, највисокиот орган на партијата, после два конгреси, Централното собрание, треба да заседава и да одлучи во врска со тоа кој ќе биде в.д. претседател на партијата

– Ја користам приликата сега да им заблагодарам на сите мои поддржувачи, на поддржувачите на Алијансата за Албанците, на граѓаните кои веруваа во нас и истовремено ги повикувам да веруваат во Алијансата за Албанците, бидејќи од овој процес ние ќе излеземе уште посилни. Не би било демократски јас да се изјаснам кој треба да биде кандидат за претседател , бидејќи тоа е право на членството на Алијансата за Албанците и тоа е право на Централното собрание, а не е мое право – рече Села.

Прашан зошто во Тетово партијата не успеа да освои ниту едно советничко место, тој рече дека ќе бидат направени потемелни анализи.

– Анализите ќе се направат во Централното собрание на партијата и мислам дека од сега па натаму партијата треба многу да се грижи за сите тие нешта. Да се грижи во смисла да ги става на одговорност сите тие кои го саботираа процесот, на сите кои работеа, и се членови на Алијансата за Албанците, а се против Алијансата за Албанците – кажа Села.

Алијанса за Албанците почна да се формира од 2015 година кога Зијадин Села како член на ДПА  го иницираше Движењето за реформи во ДПА. Потоа се формираше и партијата под името Алијанса за Албанците. На 27 март 2022 година, на вториот конгрес, Села беше реизбран за претседател.

The post СЕЛА ПОДНЕСЕ ОСТАВКА Алијанса ги изгуби сите 3 советнички мандати во Тетово (ОБНОВЕНО) appeared first on plusinfo.mk.