Во разговор за Плусинфо, скопјанецот Влатко ни раскажува дека во некој од сервисите каде што го носел своето возило, останал без вредниот катализатор, а притоа тој воопшто не ни забележал дека му недостасува.

– Имам нова кола, лично си ја купив од продавница пред неколку години. Слушнав дека катализаторите држат добра цена на пазарот и одлучив да го продадам катализаторот и да заработам лесни 200 евра. Ја однесов колата на мајстор за да го извадам катализаторот, а катализаторот го немаше. Некој, некогаш, го извадил без мое знаење. Сум ја оставил колата на сервис, а тие ми го извадиле катализаторот. Искрено не знам кога го сториле тоа, дали уште во овластен додека ја носев или на друг сервис откако ми истече гаранцијата – ни раскажа скопјанецот Влатко.

Претходно граѓаните беа ограбувани од страна на добро уиграни крадци кои користејќи голема клешта за сечење арматура, брзопотезна дигалка позната како „алигаторка“ и рачна електрична брусилка за 2 до 3 минути го вадат катализаторот и бегаат.

Но шемата е поинаква кога во игра се механичарите коишто во сервисите го вршат вадењето на катализаторите без притоа „жртвата“ да забележи дека му недостига овој дел од нивниот автомобил, вреден на црниот пазар.

– Точно е дека од механичарите ги крадат катализаторите, барем според муабетите што ги имам слушнато. Ќе го оставите возилото да ви го променат маслото или да ви отстранат некој друг дефект и токму тогаш може да останете без овој дел. Има катализатори кои се отстрануваат со неколку навртки и за вадат за 2-3 минути или пак го сечат и на негово место заваруваат цевка, па така нема да забележите никаква промена во звукот на автомобилот, за разлика од оние кога ги крадат по паркинзите, тогаш сопственикот на возилото уште со самото стартување може да слушне силна бучава и да знае дека останал без катализатор – вели за Плусинфо еден механичар од Скопје, кој сакаше да остане анонимен.

Едноставно, поради ниската поставеност на катализаторите на возилата, поточно тоа е најдолната точка на автомобилот до асфалтот, заштитата на овој уред од кражба е речиси невозмножна. Кај автомобилите кои имаат зголемено растојание од земјата, во странство се одлучуваат за вградување на тенок метален панел кој ќе биде прицврстен за шасијата, па поради неможноста лесно да биде отстранет ќе ги одврати крадците и со тоа да се спасите од кражба.

Крадењето катализаторите стана актуелно за време на ковид-пандемијата кога производителите на автомобили имаа голем проблем при испораката на металите, бидејќи имаше застој во бродскиот транспорт поради ограничувањето на движење во повеќето земји. Кризата продолжи и со конфликтот во Украина и економската криза која го зафати светот, а тоа доведе до енормно зголемување на цените на металите на светските берзи.

Како што објаснуваат познавачите на возила, не секој катализатор е подеднакво богат со благородни метали и заработката зависи од тоа.

На пример, најмалку ги има кај бензинските мотори 1,8 грама платина, 1,7 грама паладиум и 0,18 грама родиум. Дизелите имаат четири до пет грама платина во зависност од моделот, додека јапонски коли поради строгите регулативи во земјата имаат сѐ повеќе и има повеќе, па кај нив заработката за крадците е поголема. Највредни се секако камионите, каде има по 20 грама платина.

Цената на еден грам на берзата во евра лани значително поголема од моменталната, но сепак е сѐ уште висока па така еден грам платина e 29,39 евра, цената на грам паладиум е 42,90 евра и родиум е 283 евра.

Според нашите информации, дел од украдените катализатори се препродаваат на откупувачите на метали, додека другите завршуваат кај сервисерите за ауспуси. Засега немаме потврдена информација по која цена се откупуваат украдените катализатори.

Инаку, катализаторот е уред кој ги претвора емисиите од моторот во безбедни гасови пред да бидат испуштени од возилото, со што се намалува загадувањето на воздухот.

Побаравме податоци од МВР во врска со овие кражби, дали некој од крадците завршил зад решетки и каде завршуваат украдените делови, а исто така дали и некои граѓани пријавиле дека останале без катализаторот во некој од сервисите, но не добивме одговор.

The post ЈА НОСИТЕ КОЛАТА НА СЕРВИС, А СИ ЈА ВРАЌАТЕ БЕЗ КАТАЛИЗАТОР! Механичари ги „колат“ муштериите без тие да забележат appeared first on plusinfo.mk.

Ваквите појави ги загрижуваат граѓаните во цела Македонија, а во последно време мета на крадците се возилата во општините Аеродром, Центар и во Карпош, каде што има голем број паркинг места покрај зградите.

Граѓаните сѐ почесто реагираат на социјалните мрежи и се жалат дека нивните автомобили биле цел на кражби во доцните ноќни часови. Кражбата вообичаено ја забележувале наутро кога ќе се обидат да го стартуваат возилото кое одеднаш започнува да брмчи како трактор.

– За жал, веќе објавените организирани кражби на делови од колите во Скопје, (посебно „ауспух“ со катализатор, во кој имало благороден материјал – платина), продолжуваат! Последните два дена, на паркингот пред зградите на бул. Илинден бр. 87 и на улицата Рузвелтова бр. 72, украдени се два катализатора и скршено е задно стакло на прописно паркирани возила на паркинг. Градскиот паркинг на Општина Центар нема обврска за безбедноста на паркинзите, а полицајци-реонски позорникари сè уште нема … Изгледа никој не е надлежен, ниту одговорен за зачувување на сигурноста на граѓаните и на нивните материјални добра – реагира револтирано скопјанецот Кирил.

За иста случка ни раскажа и жителот на Аеродром, Горан кој дури и ги видел крадците како го одземаат катализаторот од неговиот автомобил, но сепак неговиот повик кон нив да се оддалечат од возилото не ги спречило во нивната намера.

– Некаде околу 4 часот слушнав брмчење на мотор и станав да погледнам што се случува. Што да видам – две лица со кациги на главите стојат покрај моето возило, додека едниот го турираше моторот со цел да го прикрие звукот на брусилката, другиот „оперираше“. Се гледа дека беа подготвени за тоа. Имаа со себе некаква дигалка која веднаш го крева возилото, со батериска брусилка точно знаат каде треба да исечат и речиси за 2-3 минути завршуваат – ни објасни Горан.

Тој вели дека почнал да вика по нив да се тргнат од возилото, дури фрлил и стаклено шише кое паднало до лицето кое лежело до автомобилот, но тоа не ги спречило во кражбата. Додека да слезе до паркинг местото крадците си заминале. Потоа повикал полиција и дознал дека на уште еден сосед истата вечер му бил украден катализаторот од возилото.

– Заминав на мајстор за да ставам нов катализатор, но цената беше меѓу 500 и 1.000 евра, па тој ми предложи да ми го завари местото и ми кажа дека јас сум триесеттиот човек кој месецов дошол кај него за ваква интервенција – додава жителот на Аеродром.

Инаку катализаторот е уред кој ги претвора емисиите од моторот во безбедни гасови пред да бидат испуштени од возилото, со што се намалува загадувањето на воздухот.

Како што објаснуваат познавачите на возила, не секој катализатор е подеднакво богат со благородни метали и дека заработката зависи од тоа.

На пример, најмалку ги има кај бензинските мотори 1,8 грама платина, 1,7 грама паладиум и 0,18 грама родиум. Дизелите имаат четири до пет грама платина во зависност од моделот, додека јапонски коли поради строгите регулативи во земјата имаат сѐ повеќе и има повеќе, па кај нив заработката за крадците е поголема. Највредни се секако камионите, каде има по 20 грама платина.

Цената на еден грам на берзата во евра: платина 29,80 евра, паладиум 69,80 евра и родиум 484,90 евра.

Според нашите информации, дел од украдените катализатори се препродаваат на откупувачите на метали, додека другите завршуваат кај сервисерите за ауспуси. Засега немаме потврдена информација по која цена се откупуваат украдените катализатори. Побаравме податоци од МВР во врска со овие кражби, дали некој од крадците завршил зад решетки и каде завршуваат украдените делови, но не добивме одговор.

The post КРАЖБАТА НА КАТАЛИЗАТОРИ Е „ВНОСЕН БИЗНИС“ За 2 минути крадците го „оперираат“ вашиот автомобил appeared first on plusinfo.mk.