– Тоа е страшно, луѓето се целосно вознемирени. Оваа катаклизма изгледа како сериозна закана за нашата планета, на која се чини дека ѝ е здодевно од тоа. Дали луѓето ќе се вразумат и ќе престанат со војните и безумното уништување на природата? Се плашам дека сè повеќе ќе бидеме сведоци на такви ужаси – изјави Шербеџија за „24сата.хр“.

Тој смета дека луѓето се однесуваат како да сакаат самите себе да се уништат, а ги критикуваше и политичарите  од големите земји кои, како што вели, „безгрижно војдат војна додека луѓето умираат залудно, а филозофите молчат“.

The post ОВАА КАТАКЛИЗМА Е ЗАКАНА ЗА ПЛАНЕТАТА Раде Шербеџија ги коментираше пожарите во Лос Анџелес appeared first on plusinfo.mk.

Главната зграда на аеродромот во Барселона е потопена, вода протекува од таванот, дождот силно врне и по улиците на градот. Во Кастелдефелс, кој се наоѓа на околу еден час возење од Барселона, автомобилите „пливаат“. Ова се сцените кои доаѓаат од Шпанија денеска, по обилните врнежи и смртоносните поплави што ја погодија Валенсија, при што загинаа најмалку 217 луѓе.

Моќните бури што предизвикаа смртоносни поплави во источна Шпанија минатата недела, сега ја погодија Барселона, предизвикувајќи поројни поплави на главниот градски аеродром и околните области.

Патиштата се блокирани од одрони од кал и надојдена вода, а возачите возат низ поплавените улици додека очајнички се обидуваа да се вратат дома на безбедно. На аеродромот, шокантни видео снимки покажуваат како вода навлегува во паркинзите и главната зграда и истекува од таванот, додека патниците се гледаат како ги соблекуваат чевлите и одат боси кон портата.

Метеоролошката служба на Шпанија издаде црвено предупредување за врнежи, предупредувајќи ги луѓето да не патуваат освен ако тоа не е „строго неопходно“ и да бидат внимателни.

„Дејли мејл“ пишува дека на мобилните телефони на жителите на Барселона денеска стигнале предупредувања за „екстремни и континуирани врнежи од дожд“ на јужната периферија на градот.

Flooding Hits Terramar Neighborhood, Sitges,Barcelona, Spain

Alert: Heavy rainfall causes sudden flooding in the area.#dana #gotafria #inondations #flood pic.twitter.com/nvx03YlWcn

— Weather monitor (@Weathermonitors) November 3, 2024

The post 📽️ КАТАКЛИЗМАТА СТАСА ВО БАРСЕЛОНА Водата потопи возила, патниците се заробени на аеродромот appeared first on plusinfo.mk.

Во почетокот на следната недела ќе настапи суво, стабилно и топло време. Вистинско лето. Но, пред тоа најверојатно ќе се случи уште еден „потоп“.

Пословично егзалтираните српски медиуми за утре и задутре најавуваат „катаклизма“. „Доаѓаат најкритичните денови за Србија“, предупредува локален метеоролог, коментирајчи го најавениот судир на два циклона над Балканот.

Да потсетиме, вчера имаше информации дека два циклона се движат еден кон друг и ќе се судрат токму над Балканот.

За циклонот што доаѓа од Средоземјето се зборува веќе неколку дена. Циклонот во моментов се наоѓа меѓу Шпанија и Италија, полека патува кон исток и веќе го зафаќа јужниот дел на Јадранот.

Врнежите ќе бидат обилни и интензивни во четврток и петок, метеоролошките служби во Србија повторно го активираа портокаловиот метео-аларм за тие денови.

И македонскиот метеопрогнозер Славчо Поповски најавува временски непогоди и обилни дождови под влијанието на циклонот од Средоземјето. Денеска (среда, 14 јуни) попладне на повеќе места, а од четврток до недела низ целата територија на Македонија ќе има врнежи, грмежи и повремено засилен ветер. Локално врнежите ќе бидат особено обилни, предупредува Поповски.

Тој прогнозира дека локално ќе има појава на невреме, проследено со многу обилен пороен дожд, силен ветер, електрични празнења и со појава на град. Локално до недела ќе наврне големо количество нводен талог, над 60-70 литри на квадратен метар.

Славчо Поповски вели дека постои опасност од нови локални поплави и апелира граѓаните да бидат крајно претпазливи. Можно е излевање на некои реки, особено на помалите.

Заедно со обилните дождови ќе паднат и температурите. Тие ќе бидат потпросечни за овој период од годината и локално ќе се спуштат дури и под 20 степени преку денот, а во најтоплите предели тие ќе се искачат до 25 степени.

Во Скопје исто така се очекуваат поинтензивни врнежи, а можно е и невреме во делови од котлината.

И УХМР за следните денови најавува променливо облачно со повремени врнежи од дожд. Во делови од деновите се најавуваат локални поројни дождови, грмежи и засилен ветер. На места процесите ќе бидат поинтензивни во форма на невреме со пообилни дождови (над 25 литри на квадратен метар), со силен ветер и изолирани појави на град. Побилни врнежи се очекуваат во северозападните делови од земјата.

The post УШТЕ ЕДНА „КАТАКЛИЗМА“ ВИКЕНДОВ, ПА ЌЕ ПОЧНЕ ВИСТИНСКО ЛЕТО Метеoролозите на Балканот загрижено најавуваат судир на два циклона appeared first on plusinfo.mk.