Ако кашлате, сте настинале или сте фатиле грип, или само сакате да се згреете и да се напиете нешто топло, испробајте го овој едноставен напиток кој е всушност стар персиски лек од сосема природни и едноставни состојки.

Имено, во традиционалната персиска медицина, храната не е само извор енергија, туку и лек. Овој древен рецепт, кој со векови се пренесува од колено на колено, претставува совршен спој на состојки кои ја враќаат силата на организмот и ги смируваат дишните патишта.

Комбинацијата на урми, кои се природна ризница на минерали и енергија, со антивоспалителната моќ на ѓумбирот, создава моќен штит против инфекциите. Додатокот на ореви обезбедува здрави масти кои помагаат во регенерација на слузницата, додека топлото млеко делува како нежна база која го омекнува грлото и ја смирува кашлицата.

Овој напиток не е само ефикасен природен лек кој помага при сува и надразителна кашлица, туку е и вистинско гастрономско уживање – топол, кремаст и сладок, напиток кој ќе ви помогне побрзо да застанете на нозе во студените денови.

Рецептот, како и видео со инструкции за правење на топлиот напиток, побарајте ТУКА.

The post СТАР ПЕРСИСКИ ЛЕК ПРОТИВ КАШЛИЦА И НАСТИНКА Испробајте го овој топол и вкусен напиток кој брзо и лесно се прави appeared first on plusinfo.mk.

Босилекот содржи хранливи материи и соединенија кои можат да помогнат во спречувањето на хронични болести, вклучувајќи рак, дијабетес, срцеви заболувања и артритис – вели регистрираниот диететичар Џилијан Калбертсон.

Покрај тоа, босилекот има антибактериски и антиинфламаторни својства. Дури може да го подобри и вашето ментално здравје, во зависност од видот и формата што ја користите.

Босилекот (Ocimum basilicum) е билка која најчесто се користи во италијанската и југоисточноазиската кујна, како што се тајландската и виетнамската храна.

Достапен е во многу варијанти со различни вкусови, бои и форми на листови.

Повеќе за ова прочитајте на „Арт кујна“.

The post ГИ ЧИСТИ ДИШНИТЕ ПАТИШТА И БЕЛИТЕ ДРОБОВИ Ви треба по една шолја чај од овој зачин, дневно appeared first on plusinfo.mk.

Вкупно 111 граѓани поминале низ лекарските скрининг процедури по пожарот во Трубарево. Од нив 11 ќе продолжат со прегледи на Клиниката за пулмологија, додека другите поминале без знаци за натамошен третман, рече во гостување на ТВ Сител министерот за здравство Азир Алиу.

Граѓаните кои се пратени на дополнителни пулмолошки испитувања се повозрасни.

Алиу апелира сите граѓани кои имаат кашлица, главоболки, отежнато дишење и други симптоми да се пријават уште вечерва за скрининг.

– Скрингот проодлжува и утре од 10 – 16 часот, а ако е потребно ќе продолжи и понатаму зашто целта е да ги опфатиме сите граѓани кои мислат дека треба да поминат скриниг или ако чувствуваат некакви симптоми како кашлица, главоболки, отежнато дишење. Тие граѓани би ги замолил да се пријават уште вечерва за скрининг. Добро е порано да се детектираат здравствените проблеми, за да ги третираме – истакна Алиу.

Според Протоколот, скрининг треба да се направи уште два пати, по три и по шест месеци, за да се види ефектот од загадувањето по пожарот.

Министерот информираше и дека 8 предмети од пријавените „кардиолошки случаи“ се завршени, уште пет нови се пристигнати во Фондот за здравство, но очекуваме да ни бидат доставени и други од институции и граѓани.

Алиу напомена дека резултатите од целиот овој процес ќе бидат соопштени на крај, кога ќе се изготви завршниот извештај. Нема да се оди со делумни информации во јавноста поради сензитивноста на случајот и пред се, за да се поштедат пациентите и нивните семејства.

Во експертизата се вклучени Стручна комисија од Министерството за здравство, тим од Лекарската комора по барање на министерот Алиу, како и тројца стручњаци од Словенија, Австрија и Италија кои допрва треба да дојдат во Македонија.

Министерот вели дека е свесен за недовербата на граѓаните во здравството, но таа, напомена, не е од сега, туку од поодамна. Еден од начините за подобрување на ситуацијата, рече, е дигитализација. Алиу потсети дека се работи на инфраструктурни инвестиции во вредност од 205 милиони евра.

The post ОД 111 ПРЕГЛЕДАНИ ГРАЃАНИ ВО ТРУБАРЕВО, 11 ПАК ЌЕ БИДАТ ИСПИТАНИ Скринингот продолжува и утре, Алиу апелира граѓаните да се пријават appeared first on plusinfo.mk.

При проверката заклучивме дека се исклучени директно од бушони, има две разводни табли во тој ходник, а во тој ходник поминуваат сите коишто работат во овој дел и отворени се разводните табли. Тоа е претпоставка, ние оставаме тоа да се испита, дали е случајно, дали е намерно, оставаме да се испита, изјави в.д. директорка на Институтот за јавно здравје Марија Андоновска на денешната прес-конференција.

Андоновска истакна дека очекува институциите да ги проверат нивните сомнежи за саботажа, откако вчера на Институтот од струја исклучени биле еден фрижидер и една комора. Таа рече дека за инцидентот дознала непосредно по истекот на работното време, додека сè уште била на Институтот.

– Бев известена од страна на дел од вработените дека не функционираат дел од фрижидерите коишто се наоѓаат на еден од катовите на Одделот на микробиологија, поточно на Бактериологија. Се работи за еден фрижидер и една комора во посебна соба. Колку што сум известена, во овие фрижидери, т.е. во оваа комора се чуваат доста значајни реагенси кои би детектирале низа заболувања. Ние при самото наше доаѓање констатиравме дека се исклучени директно од бушони, има две разводни табли во тој ходник, а во тој ходник поминуваат сите коишто работат во овој дел и отворени се раводните табли. Тоа е претпоставка, ние оставаме тоа да се испита, дали е случајно, дали е намерно, оставаме да се испита – рече Андоновска.

На новинарско прашање дали бројот на вработени кои имаат пристап до овие комори е ограничен или имаат пристап сите, Андоновска кажа дека ИЈЗ немал работни процедури.

– Мене на колегиум ми беше кажано дека нема работни процедури. Дадов насока тие работни процeдури да бидат завршени, доставени, да почнеме да ги практикуваме. Од она што јас го видов во моментот, дел од оваа комора е во посебна просторија каде што има клуч, кога побарав кој го има клучoт, ми кажаа дека тие имаат само еден клуч, а дали има уште клучеви и кој ги има не можат да ми дадат одговор. Тој еден клуч го има еден од вработените на тој оддел – одговори Андоновска.

Како што истакна таа, симптоматично е што од разводните табли со стотина осигурувачи, спуштени се само оние поврзани со фрижидерот.

– Овие две разводни табли, каде што практично беше исклучен осигурувачот, се разводни табли каде што има стотина осигурувачи, беа спуштени само оние поврзани со фрижидерот. Дали е случајно или намерно, не знам, јас само ја информирам јавноста. Ние случајот уште вчера го пријавивме до државните институции и јас искрено верувам дека тие ќе си ја завршат својата работа и ќе констатираат дали е ова диверзија или случајност – кажа директорката.

Андоновска најави дека во текот на денот ќе има официјален, стручен извештај кој треба да покаже колку и какви реагенси имало, дали има нивно оштетување или е реагирано брзо.

– Едно само ќе ви споменам, таму беа и реагенсите за голема кашлица, во моментов имаме епидемија на голема кашлица и замислете, доколку не реагиравме брзо, ќе немавме ниту еден реагенс денеска – посочи директорката.

Денеска и Јавното обвинителство соопшти дека итно е оформен предмет по допрен глас, по објавените информации за исклучени комори со реагенси на Институтот.

ДА НЕ БЕШЕ ХИГИЕНИЧАРКАТА, ДЕНЕС ЌЕ НЕМАШЕ РЕАГЕНСИ Кој сакал да направи саботажа со огромни штети во Институтот за јавно здравје?

The post „ОД СТОТИНА БУШОНИ БЕА ИСКЛУЧЕНИ САМО ДВАТА ЗА ФРИЖИДЕРИТЕ“ Андоновска вели дека среде епидемија на голема кашлица за малку ќе останеле без реагенси appeared first on plusinfo.mk.

Во однос на географската дистрибуција, најголем дел од новите 30 случаи, се пријавени во рамки на епидемиите во Скопје – 21 и во Куманово – три, а пријавени се и четири случаи од Тетово и по еден од Прилеп и Кратово. Возраста на заболените се движи од еден месец до 77 години. Најголем број случаи се од возрасната група под една година.

„Дистрибуцијата по пол покажува дека 311 лица се од машки, а 350 од женски, односот на машки – женски е 1:1,1“, пишува во извештајот на ИЈЗ.

Сè уште најголем број заболени лица се регистрирани на територија на Скопје – 79,9 отсто, а случаи се регистрирани и во 18 други градови низ државата.

„Од вкупниот број регистрирани случаи – 661, 400 односно 60,5 отсто не биле вакцинирани, не се комплетно вакцинирани согласно возраста, или нема доказ за вакцинација. Од случаите кои се комплетно вакцинирани, просек на поминато време од последната доза вакцина до заболување изнесува 12,6 години“, појаснуваат од ИЈЗ.

Од 18 јануари до 30 мај, дадени се вкупно 49.934 дози вакцина со компонента против голема кашлица.

The post ЧЕТИРИ ЛИЦА СО ПЕРТУСИС ЗАВРШИЈА ВО БОЛНИЦА За една недела пријавени се 30 нови случаи со голема кашлица или досега 661 случај appeared first on plusinfo.mk.

Како што беше истакнато на прес-конференцијата по овој повод, целта на Декларацијата е создавање поширок фронт за поддршка на вакцинацијата и одржување континуитет на активностите за промоција на имунизацијата.

– Вакцинацијата е најголема придобивка на човештвото. За жал, според податоците за 2022 година, во однос на примарната вакцинација и ревакцинација не е постигнат препорачаниот опфат од над 95 отсто за ниту една вакцина на национално ниво. Регистрираниот опфат е под 90 отсто за сите вакцини. Како последица на ова, веќе се соочуваме со епидемија на голема кашлица, а ризикот од повторно соочување со нови епидемии на мали сипаници, е сериозен – рече Калина Гривчева-Старделова, претседател на Лекарската комора.

Лекарите, истакна Гривчева – Старделова, ги разбираат родителите кои се соочени со многу неверодостојни и неточни информации поврзани со вакцините, особено на социјалните мрежи, што предизвикува неоправдан страв и одбивање или одложување на вакцинацијата.

– Ние, како најрелевантен извор на информации, треба да ги осигураме родителите дека редовната вакцинација е неопходна за да се одржи добро здравје кај децата и општата популација, а вакцините се безбедни и сигурни – потенцира Гривчева – Старделова.

Според неа, не треба да постојат сомнежи дали децата треба да бидат редовно вакцинирани.

Со Декларацијата која денеска ја потпишавме, испраќаме порака до родителите за важноста на вакцините.

Министерот за здравство Илир Демири рече дека јавноста мора да се сензибилизира за да се постигне оптималната вакцинација.

Прес-конфернцијата во Лекарската комора почна со едноминутно молчење во знак на почит кон двајцата починати, 67-годишниот лекар од Скопје и 40-годишната докторка од Скопје, која загина во сообраќајка пред неколку дена.

The post ЛЕКАРСКАТА ФЕЛА ЗАЕДНО ПРОТИВ ДЕЗИНФОРМАЦИИТЕ Потпишана Декларација за промоција и поддршка на вакцинацијата appeared first on plusinfo.mk.

Црната ротквица е исклучително ценет народен лек, кој денес со причина добива сè поголемо значење.

Ако го земате неговиот сок во комбинација со мед, многу ќе ви помогне при настинки и упорна кашлица, воспаление на горните дишни патишта, бронхитис и туберкулоза на белите дробови.

Делува така што го чисти респираторниот систем од насобраната слуз. Освен тоа, помага при анемија и го отстранува заморот.

Но, ова растение кое припаѓа на семејството на зелки помага дури и при камења во бубрезите и жолчката. Освен што ги раствора камењата, помага и во нивна превенција. Затоа, можете да го земете ако веќе имате камења кои би сакале да ги елиминирате, но и ако сакате да го спречите нивното формирање.

Повеќе за ова прочитајте на „Арт кујна“.

The post ПРИРОДЕН ЛЕК ЗА КАМЕЊА ВО БУБРЕЗИТЕ И ЖОЛЧКАТА Црната ротква е вистинска ризница на антиоксиданти и хранливи материи appeared first on plusinfo.mk.

– Со оваа мерка сакаме да видиме каква е состојбата со вакцинирани и невакцинирани деца во градинките и дали се почитува доследно препораката на Комисијата за заразни болести за тоа да не се примаат нецелосно вакцинирани деца во градинките – рече на денешната прес-конференција д-р Злате Мехмедовиќ.

Следната препорака според Мехмедовиќ е да се овозможи тестирање за пертусис на територијата на целата земја што би го  спровеле центрите за јавно здравје, бидејќи досега во другите градови тоа не било можно. Отсега ќе се вршат тестови со ПЦР технологија, за разлика од досегашните тестови.

– Комисијата како следна препорака ја истакна дигиталната евиденција за вакцинација на децата. Во вакциналните пунктови евиденцијата којашто се води дигитално да биде задолжителна за да имаме реална слика и подобар преглед на податоците за децата коишто се вакцинираат – рече Мехмедовиќ.

Во однос на останатите препораки било разговарано дали и до каде е набавката на вакцините за возрасни против пертусис, а според информациите кои ги имаат, пратката ќе пристигне во Македонија на 15 март.

Новиот директор на Клиниката за инфективни болести, д-р Фадил Цана вели дека голем број заболени од голема кашлица може да се утврдат доколку населението масовно се тестира. Тој додаде дека возрасните не се ризична категорија, туку децата под две години. Според него, хаос ќе биде ако тргнат сите да прават тестови.

– Имал кашлица која не била постојана, а пациентот немал друга клиничка слика, па направил тестирање на Институтот и имал пертусис. Возрасните луѓе не се ризична категорија за која треба да се грижиме. Ако го тестираме целото население ќе биде хаос и бројките ќе бидат и поголеми од предвидените. Целта на Комисијата за заразни болести е да се заштитат децата под две години. Засега, вкупно само 12 случаи се од Нова година наваму, прегледани и потврдени и последниот случај од вчера, кој е суспектен, но не е потврден резултатот, но клинички нè насочува на тоа – рече д-р Цана.

Заразата со голема кашлица (пертусис) не е разгорена низ целата земја, а во Скопје е прогласена епидемија.

The post НЕМА ШАНСИ НЕВАКЦИНИРАНО ДЕТЕ ДА ВЛЕЗЕ ВО ГРАДИНКА Комисијата за заразни болести бара засилени контроли во Скопје appeared first on plusinfo.mk.

„Кашлам повеќе од еден месец и не ми поминува…“, колку пати сте ја слушнале таа реченица во последно време? Многумина страдаат од постојана кашлица дури и неколку недели откако ќе закрепнат од настинка и откако ќе поминат другите симптоми. Работите да бидат уште полоши, таа кашлица може да трае помеѓу три и осум недели.

Зошто кашлицата продолжува по инфекција?

Познатиот американски отоларинголог, докторот Омид Мехдизадех, вели дека упорната кашлица може да се појави откако ќе имате инфекција на респираторниот тракт предизвикана од вирус, како што е обична настинката.

– Кашлицата обично е резултат на зголемено воспаление на респираторниот систем, вклучувајќи го носот, грлото, белите дробови – објасни Мехдизадех.

Ова воспаление може да предизвика зголемена бронхијална чувствителност и зголемено производство на слуз, додека истовремено го намалува чистењето на слузот.

Што да направите ако имате постојана кашлица?

Лекарите тврдат дека за ваква кашлица нема потреба од антибиотици. Истражувањата покажуваат дека оваа кашлица едноставно поминува со текот на времето без лекови, пишува HealthLine.

Како да знаете дали се работи за кашлица или некоја друга болест?
Доктор Мехдизадех вели дека еден начин да се разликува кашлицата од нешто посериозно е ако кашлицата е сува.

– Од друга страна, треба да се следи продуктивната кашлица придружена со отежнато дишење или болка во градите. Други симптоми кои укажуваат дека треба да посетите лекар се отежнато голтање, болка, треска, отежнато дишење и гласно дишење – советува д-р Мехдизадех.

Експертите забележуваат дека ваквите симптоми бараат снимање на белите дробови, пренесува Н1.

Кашлицата која трае подолго од осум недели е исто така потенцијален показател за проблем бидејќи се претвора во хронична кашлица.

The post БЕВ БОЛЕН ПРЕД ДВА МЕСЕЦИ И УШТЕ КАШЛАМ…Што ја предизвикува долготрајната кашлица? appeared first on plusinfo.mk.

The post ДЕЦАТА ДА СЕ ВАКЦИНИРААТ, ПА ДА ОДАТ ВО ГРАДИНКА Министерот за здравство испрати апел до родителите appeared first on plusinfo.mk.