Израелските медиуми денеска објавија дека Иран повторно употребил касетна муниција во новиот ракетен напад врз областа на Тел Авив рано утринава – пренесува ДПА.

Според агенцијата, во близина на Тел Авив имало дваесетина нападнати места.

Неколку лица се повредени, вклучувајќи и жена, која претрпела сериозни повреди, соопшти службата за итни случаи „Маген Дејвид Адом“. Училиште во Тел Авив исто така било погодено.

Портпаролот на војската изјави дека е многу веројатно оти е употребена касетна муниција.

На северот од Израел погодени биле најмалку 10 места, и тоа во областа Хаифа, по иранскиот напад со касетна муниција, објавија израелски медиуми. Се наведува дека во нападите биле запалени неколку автомобили.

Во текот на ноќта две лица беа пронајдени мртви во зграда во Хаифа по напад на иранска ракета.

„Хјуман рајтс воч“ неодамна ги осуди нападите со касетна муниција на Иран врз израелските градови велејќи дека тоа би можело да биде воено злосторство.

„Употребата на касетна муниција од страна на Иран во населените области на Израел претставува предвидлива и долгорочна опасност за цивилите“, рече Патрик Томпсон, истражувач за кризи, конфликти и оружје во „Хјуман рајтс воч“.

„Малите бомби со касетна муниција се распрснуваат на широка област, што ги прави неселективни, што ги крши законите на војувањето“, рече Томпсон, објави ДПА.

The post ИРАНСКИ КАСЕТНИ БОМБИ ЈА ПОТРЕСОА ОКОЛИНАТА НА ТЕЛ АВИВ Нападнати се дваесетина локации appeared first on plusinfo.mk.

Тајланд одби меѓународно посредување и инсистира да преговара само со Камбоџа во врска со конфликтот кој изби на границата меѓу двете земји, јави Ројтерс. Властите од Банкок одбиле посредничка помош од САД, Кина и Малезија, порачувајќи дека само директни билатерални разговори можат да донесат решение.

– Не ни треба посредништво од трета страна во овој момент. Стоиме на ставот дека билатералниот механизам е најдобар пат, ова е проблем меѓу двете држави – истакна портпаролот на тајландското Министерство за надворешни работи.

Крвавите судири на границата меѓу Тајланд и Камбоџа го достигнаа најопасното ниво во последните десет години. Стотици цивили побегнале, а бројот на жртви по два дена конфликт надмина 16, главно на територијата на Тајланд.

„Конфликтот го потресе регионот, а Камбоџа побара итна седница во Советот за безбедност на Обединетите Нации за да се осуди тајландската „незапочната воена агресија“, се наведува во официјалното соопштение од владата во Пном Пен.

Тајланд одговори со писмо до ОН, обвинувајќи ја Камбоџа дека повторно ја нарушила неговата територијална сувереност и побарал прекин на сите напади врз цивили и воени цели.

Огнот на границата ескалираше на 24 јули, кога Тајланд користеше воени авиони Ф‑16 против камбоџанските позиции, а Камбоџа возврати со ракети врз цивилни објекти во Тајланд. Обединетите нации и повеќе западни држави побарале итен прекин на огнот и почеток на дипломатски дијалог.

Тајланд засега останува цврст – посредници не прифаќа, а решението го гледа само преку директен разговор со соседот.

Меѓу обвинувањата на двете земји се и написите во медиумите во Камбоџа дека Тајланд наводно искористил касетни бомби во операциите. Талјандската армија, од друга страна, тврди дека Камбоџа користи силна артилерија и дека постојано напаѓа.

The post ТАЈЛАНД ОДБИВА ПОСРЕДНИЦИ, БАРА ДИРЕКТНИ ПРЕГОВОРИ За Бангкок конфликтот со Пном Пен е билатерално прашање appeared first on plusinfo.mk.

Судирите меѓу тајландските и камбоџанските трупи долж границата меѓу двете земји продолжуваат и денеска, 25 јули, додека страните меѓусебно се обвинуваат за ескалирање на конфликтот во потенцијална војна.

Камбоџанските власти упатија остри обвинувања кон соседен Тајланд, тврдејќи дека тајландските вооружени сили користеле забранета касетна муниција во пограничната област. Канцеларијата на камбоџанскиот премиер издаде соопштение во кое детално се опишани наводните напади што се случиле на територијата на Камбоџа, пишува хрватски Индекс.

Тие тврдат дека Кралските тајландски вооружени сили распоредиле касетна муниција на 25 јули 2025 година, директно загрозувајќи ги животите на цивилите и деминерите кои работеле на расчистување на областа.

Според првичните информации од локалните власти и тимовите за деминирање, нападите се случиле во областа Пном Кмуч и селото Течо Тамачарт, близу до границата со Тајланд. Првиот удар е регистриран во 5:25 часот наутро по локално време, додека вториот следел во 6:50 часот наутро.

Lieutenant General Maly Socheata, spokesperson for the Ministry of National Defense of Cambodia, said that on the morning of July 25 Thailand illegally used cluster bombs to attack Cambodia, which is a violation of international law. pic.twitter.com/LP8Dc7ClID

— Mech Dara (@MechDara1) July 25, 2025

На социјалните мрежи исто така се појавија непотврдени снимки од авионите Ф-16 на Тајланд кои наводно користат лизгачки бомби (бомби на наведување) Мк82 со систем „Lizard III“, од израелско производство.

Системот ја насочува бомбата преку ласери.

#Cambodia | #Thailand

Footage from the Royal Thai Air Force (RTAF) showing ground crews arming F-16s with Mk 82 (500 lb) bombs that are equipped with Lizard III guidance kits.

These F-16s were part of the flights that ran multiple airstrikes against the RCA. pic.twitter.com/c56WiA8Y1i

— T-55AM1 (@T_55AM1_) July 24, 2025

Од друга страна, Тајланд ја обвини Камбоџа за користење тешка артилерија.

„Камбоџанските сили извршија континуирано бомбардирање користејќи тешко оружје, полска артилерија и ракетни системи БМ-21“, се вели во соопштението на тајландската војска.

Ракетните системи BM-21 на Камбоџа имаат дострел од 20 километри, додека ракетните лансери тип-90B PHL-81 можат да работат на растојанија до 40 км, објави „Бангкок пост“.

BM-21 rockets from Cambodia hit a gas station in Sisaket, Thailand, amid troop clashes, causing “many” civilian casualties. pic.twitter.com/gwMY21GcyS

— भारतवर्ष (@Vardan_31) July 24, 2025

Тајландските власти прогласија пет области во провинциите Си Са Кет и Убон Рачатани, во рамките на 40 километри од границата со Камбоџа, за области со висок ризик бидејќи се во дострел на ракетите на камбоџанската армија.

Тајланд веќе евакуираше повеќе од 130.000 цивили од Си Са Кет, Убон Рачатани и две други провинции во засолништа за безбедност.

Неколку земји, меѓу кои Кина, САД, Австралија, Нов Зеланд, Сингапур ги предупредија своите граѓани да не патуваат во области во близина на тајландско-камбоџанската граница поради тековните конфликти. Британското Министерство за надворешни работи, заедници и развој ги наведе храмовите Преах Вихер, Та Моан и Та Крабеј меѓу местата на спор меѓу Тајланд и Камбоџа.

Антонио Гутереш, генералниот секретар на Обединетите Нации, ги повика и Камбоџа и Тајланд да покажат воздржаност и да го решат нивниот сè посериозен граничен спор преку дијалог, изјави заменик-портпаролот Фархан Хак.

Се очекува Советот за безбедност на Обединетие Нации денеска, 25 јули, да одржи итен состанок за кризата.

Малезија, која моментално претседава со регионалниот блок АСЕАН на кој припаѓаат двете земји, вчера повика на итен прекин на непријателствата и ја повтори својата понуда за посредување. Премиерот Анвар Ибрахим претходно изјави дека лично контактирал со двете влади за да побара прекин на огнот и да отвори пат за дипломатија.

The post 📽️ ТАЈЛАНД КОРИСТИ КАСЕТНИ БОМБИ, КАМБОЏА ТЕШКА АРТИЛЕРИЈА? Конфликтот долж границата трае втор ден appeared first on plusinfo.mk.

Иран употреби „боеви глави од касетни бомби“ со помали експлозиви прикачени во нападите врз Израел во четврток. Според првичната истрага, некаде околу 7 километри над земјата, ракетата се дели на неколку помали бомби, од кои секоја има удар од радиус од 8 километри, пишува ЈерусалемПост.

Секоја од помалите бомби носи околу два килограми експлозиви. Касетните бомби беа употребени во нападот врз Азур.

„Ако една од касетните бомби паднала во Холон, тоа би можело да објасни зошто многумина слушнале ‘минијатурни експлозии’ што се случиле по првичната експлозија, се вели во текстот.

#IDF confirms that one of the Iranian missiles that exploded in the Gush Dan region this morning was a cluster bomb – a so-called “fragmentation bomb”.#Israel pic.twitter.com/cbr0X1EL8o

— Boris Alexander Beissner (@boris_beissner) June 19, 2025

Иран во неделата испали ракета врз Израел што расфрла мали бомби со цел зголемување на цивилните жртви, соопштија израелската војска и израелската амбасада во Вашингтон, што е прва пријавена употреба на касетна муниција во седумдневната војна.

„Иранските вооружени сили испалиле ракета што содржела касетна муниција врз населено цивилно подрачје во Израел“, соопшти амбасадата во електронска пошта до Ројтерс, без да ја наведе областа на нападот.

„Касетното оружје е дизајнирано да се распрсне на голема површина и да ги зголеми шансите за штетно влијание. Иран незаконски и намерно таргетирал цивилно население и се стреми да ја зголеми штетата со користење муниција со долг дострел“, продолжува електронска пошта.

Мисија на Иран во Обединетите нации не одговори веднаш на барањето за коментар. Израелските медиуми ја цитираа израелската војска дека боевата глава на ракетата експлодирала на височина од околу 7 км и испуштила околу 20 подмуниција во радиус од околу 8 км над централен Израел.

Иран и Израел одбија да се приклучат на меѓународната забрана од 2008 година за производство, складирање, пренос и употреба на касетни бомби, потпишана од 111 земји и 12 други субјекти.

По обемна дискусија, САД испорачаа касетна муниција на Украина во 2023 година за употреба против руските окупаторски сили.

Киев тврди дека руските сили исто така користеле вакви бомби.

The post 📽 ИРАН КОРИСТИ РАСПРСКУВАЧКИ БОМБИ ВО ИЗРАЕЛ Жителите на градот Холон слушнале необични експлозии appeared first on plusinfo.mk.

„Слободна Далмација“ го пренесува пишувањето на руската истражувачка организација „Тим за разузнавање конфликти“ дека украинските сили со големина на дивизија, вклучувајќи ги сите четири бригади на украинскиот маринци, го опколиле Урожајне, населба со неколку стотици куќи распоредени по три паралелни патишта во правец север-југ.

– Повторното заземање на Урожајнe беше само прашање на време – оцени „Тимот за разузнавање на конфликти“.

Андриј Ковалиов, портпарол на Генералштабот на украинската армија, изјави дека „одбранбените сили ја продолжуваат офанзивата, особено во правец на Мелитопол и Бердјанск“.

Reported footage of Ukrainian forces firing US-made cluster munitions on fleeing Russian forces in Urozhaine, Donetsk. pic.twitter.com/sw5lN6dURG

— Clash Report (@clashreport) August 13, 2023

– Постигнаа успеси во областа Урожајнe, каде што ја зацврстуваат својата позиција на освоените граници – рече Ковалиов.

Се вели дека Урожајне е клучното руско упориште кое се наоѓа на почетокот на долгиот пат, кој преку долината на реката Мокри Јали води на југ кон окупираното Маријупол.

Како што напредуваа источно и западно од Урожајн, Украинците им оставија на Русите само еден излез од местото: патот Т0518, кој води јужно до две соседни села.

Кога изминатиот викенд исцрпениот руски гарнизон почна да се повлекува, целосно или делумно, војниците го направија тоа пеш и среде бел ден, движејќи се по отворениот пат и полињата покрај таа сообраќајница.

Украинските беспилотни летала го следеа сето тоа прелетувајќи над главите на руските војници и насочувајќи артилериски оган кон нив, што резултираше со тежок колеж.

The Ukrainian MoD released two spectacular videos, showing surviving Russian troops fleeing from Urozhaine.

It is absolute carnage because those Russians have no armored vehicles, no vehicles at all and flee in broad daylight on an open road and fields. The 2nd video is even… pic.twitter.com/69ap1T4dLs

— (((Tendar))) (@Tendar) August 13, 2023

Две снимки од беспилотни летала објавени од Министерството за одбрана на Украина во неделата покажуваат дека десетици Руси со брзина одат по патот.

На првото видео се гледа како експлодира граната, фрлајќи војници на земја. Во друго видео, украинските артилерици користат смртоносна касетна муниција, која е забранета во повеќето земји, но не и во Русија, Украина и САД, а кои САД му ги достави на Киев за да и помогнат на украинската контраофанзива.

Оваа муниција се состои од повеќе помали експлозивни гранати кои фрлаат широк простор по ослободувањето.

Се вели дека руски блогер ја обвини 37-та моторизирана артилериска бригада дека не испратила тенкови за поддршка на руската пешадија во Урожаин.

– Пијани биле и членовите на бригадата – тврди тој блогер.

Се вели дека друг блогер го обвини Кремљ за смената на командантот на 58. комбинирано оружје, кој надгледува многу бригади во јужна Украина.

The post 📽 ГИ МАСАКРИРАЛЕ СО АМЕРИКАНСКИТЕ КАСЕТНИ БОМБИ Украинците им оставиле пат на Русите да се повлечат од опколеното село, следеше масакр appeared first on plusinfo.mk.

Руските сили на линијата на фронтот во југоисточна Украина сега се удар од ова неселективно оружје што може да остане неексплодирано откако ќе биде истрелано.

ОН објавија дека Русија користела такви бомби во населените области на Украина најмалку 24 пати од почетокот на непријателствата.

Украинскиот полковник Олександр Бакулин претходно оваа недела изјави дека оружјето е потребно за „да се нанесе максимална штета на непријателската пешадија“. Украински функционер тогаш за „Вашингтон пост“ изјави дека касетни бомби биле истрелани врз утврдените руски позиции.

The post УКРАИНА ПОЧНА ДА ГИ КОРИСТИ ЗАБРАНЕТИТЕ АМЕРИКАНСКИ БОМБИ Извршен удар на руската пешадија appeared first on plusinfo.mk.

Ова се накратко видувањата на украинскиот воен врв во моментот. Би-Би-Си направи интервју со човекот кој стои зад украинската контраофанзива, генералот Олександр Сирски, кој на интернет е опишан и како „најуспешниот генерал на 21 век досега“. Сирски ја предводеше одбраната на Киев против Русите минатото лето и го одбрани градот. Беше и мозокот зад украинските операции во Харков.

– Би сакале да постигнеме многу брзи резултати. Но, во реалноста тоа е практично невозможно – вели тој за новинарите на Би-Би-Си кои се сретнале со него на тајна локција во едно командно возило.

Русите минираа сè, но важни се малите победи

Тој вели дека и на областа на исток од Бахмут е преплавена со мини и одбранбени бариери. Русите, вели тој, имаат многу упоришта. Генералот потврди дека американските касетни бомби сега пристигнале во Украина и дека ќе бидат подготвени за употреба за неколку дена.

Новинарите видоа американски хаубици М777 кои ќе испукаат касетни бомби. Тие беа поставени околу Бахмут. Генералот вели дека повторното заземање на градот би имало повеќе од симболична вредност. Тој тврди дека Бахмут има и стратешко значење – тој е порта кон другите клучни градови во регионот.

– Нашиот народ чека на победи, му требаат мали победи – смета тој.

Вагнеровците убиваа заради убивање

Полковник Олександр Бакулин, командант на 57-та бригада, вели дека Русите сега се во неволја. Тој вели дека не го потценува својот непријател, но дека редовните руски трупи со кои сега се соочува не се ништо слични споредени со платениците на „Вагнер“, Евгениј Пригожин кои на крајот го зазедоа градот претходно оваа година.

Вагнеровците, вели тој, „биле непријатни непријатели (…), тие убивале заради убивање“.

– Ако вложиме малку труд, Бахмут би можел да биде опколен – вели полковникот.

Да не искористеа Русите касетни бомби, можеби немаше и ние

Тој признава и дека касетните бомби се контроверзно оружје:

– Да не го искористеа Русите, можеби нашата совест немаше да ни дозволи да го направиме тоа.

Украина соопшти дека вратила своја окупирана територија од речиси 30 квадратни километри јужно и северно од Бахмут. Украинската заменик министерка за одбрана Хана Маљар изјави дека руските сили во градот наскоро ќе бидат заробени.

Сепак, гранати сè уште паѓале врз украинските позиции на само три километри од градот додека било правено интервјуто на Би-Би-Си.

The post КАСЕТНИТЕ БОМБИ ПРВО ЌЕ ПАДНАТ ВО БАХМУТ? Тоа нема да ја забрза украинската контраофанзива, признава главниот стратег appeared first on plusinfo.mk.

– Американската влада донесе одлука што не е наша, туку ја донесе суверено – рече Шолц и додаде дека во спротивно, САД можеби нема да можат да обезбедат доволно муниција за Украина, која се бори против руската инвазија.

Тој сепак рече дека меѓународната Конвенција за касетна муниција, која Германија ја потпиша, е „од големо значење“ и оти тој е многу загрижен за потенцијалното влијание на неексплодираните касетни бомби врз цивилите долго по завршувањето на војната.

Речиси 80 години по крајот на Втората светска војна, предупредувањата за неексплодирани бомби остануваат релативно чести во Германија, истакна Шолц.

– И затоа е многу оправдана загриженоста што ја истакнуваме со оваа конвенција. И јас исто така сум посветен на тоа – рече Шолц.

САД, Украина и Русија ја немаат потпишано конвенцијата, со која се бара да се забрани касетната муниција. Оружјето се бомби што се распрснуваат над целта, расфрлајќи голем број помали експлозиви. Голем дел не се детонираат, но остануваат како закана со години во иднината.

The post ШОЛЦ ИМА ДВОЕН СТАВ ЗА КАСЕТНИТЕ БОМБИ „Да“ за меѓународна забрана и „да“ за одлуката на Бајден appeared first on plusinfo.mk.

– Џо Бајден не треба да нè влече кон Трета светска војна со испраќање касетна муниција во Украина – тој треба да се обидува да стави крај на војната и да ја запре ужасната смрт и уништувања предизвикани од неспособна администрација – рече Трамп.

Реакцијата на Трамп дојде пет дена откако Пентагон официјално ја објави одлуката, а еден ден откако неговиот поранешен потпретседател Мајк Пенс го поддржа потегот, пренесуваат американските медиуми.

Рускиот министер за одбрана Сергеј Шојгу денеска предупреди дека доколку САД ѝ дадат касетна муниција на Украина, Русија ќе биде принудена да користи „слично“ оружје, јавија британските медиуми.

Министерот истакна дека руската армија располага со касетна муниција, но досега се воздржувала од нивна употреба во украинската воена кампања.

The post КАСЕТНАТА МУНИЦИЈА ВО УКРАИНА МОЖЕ ДА ДОВЕДЕ ДО ТРЕТА СВЕТСКА ВОЈНА Трамп ја осуди одлуката на Бајден за испорака на муницијата appeared first on plusinfo.mk.

Во објава на Твитер, Резников рече: „Новото оружје значително ќе ни помогне да ги деокупираме нашите територии, истовремено спасувајќи ги животите на украинските војници“.

Тој рече дека муницијата „нема да се користи на официјално признатата територија на Русија“.

– Нашиот став е едноставен – мораме да ги ослободиме нашите привремено окупирани територии и да ги спасиме животите на нашите луѓе. Украина ќе ја користи оваа муниција само за деокупација на нашите меѓународно признати територии. Оваа муниција нема да се користи на официјално признатата територија на Русија – рече Резников.

The post КИЕВ СМИРУВА ЗА УПОТРЕБАТА НА КАСЕТНИТЕ БОМБИ Украина ветува дека оружјето ќе го користи само за враќање на териториите appeared first on plusinfo.mk.