Големиот пожар кај Сивири на Халкидики е ставен под контрола и веќе нема активен огнен фронт, но опасноста за полуостровот не помина. Грчката Цивилна заштита за денес, 15 август, го стави Халкидики во категорија 4 – многу висок ризик од пожари. Властите забранија движење на луѓе и возила во повеќе шумски подрачја. Забраната важи од 8 часот утрово до 8 часот в недела.

Пожарот што во четвртокот избувна кај Сивири зад себе остави околу 3.500 стреми, односно околу 350 хектари изгорена површина. Огнот зафати борова шума и ниска вегетација, а има штети и на куќи и автомобили. Во најтешкиот период на терен беа ангажирани 227 пожарникари со 57 возила, 13 пешадиски единици, шест противпожарни авиони и еден хеликоптер. Вчера веќе немаше единствен активен фронт, но пожарникарите продолжија да ги гаснат расфрланите жаришта.

Халкидики и Света Гора во портокаловата зона

Опасноста сега доаѓа од можноста за повторно разгорување на старите жаришта и избувнување нови пожари. Според официјалната карта на грчката Цивилна заштита, целиот Халкидики и Света Гора денес се во портокаловата зона, односно во четвртиот од пет степени на опасност. Ист степен на ризик во Северна Грција имаат Кавала, Тасос, Ксанти, Родопи и Еврос, вклучувајќи го и островот Самотраки.

На Касандра, првиот крак на Халкидики и најпосетуваниот од македонските туристи, забранет е пристапот до шумската Корифограми – гребенот што се протега од Касандрино до Агиа Параскеви. Забраната ги опфаќа и шумските подрачја Арапис и Халковуни кај Паљури, на крајниот југ на полуостровот.

На Ситонија, вториот крак, затворена е шумската зона на планинскиот гребен Драгундели, од Пчеларската задруга до Шикија. Тоа е голем шумски појас во внатрешноста на Ситонија. Забраната не значи дека туристите не смеат да одат во Никити, Неа Мармарас, Сарти или другите летувалишта, туку дека не смеат да влегуваат во определените шумски зони.

Ограничувања има и во општината Аристотелис, на источниот дел на Халкидики. Забраната ги опфаќа подрачјето од Комица до Уранополи, Цамија кај Стратоники, Фисока и зоната кај стрелиштето во Стратони. Дополнително е затворен и планинскиот масив Холомондас во општината Полигирос, вклучувајќи ги пошумените подрачја кај Враста и зоната на Универзитетската шума Таксиархис.

За непослушните глоба од 300 евра

Грчките власти предупредуваат дека забраната важи и за пешаци и за сите видови возила. На влезовите на шумските патишта се вршат контроли со помош на грчката полиција, а лицата што ќе бидат затекнати во затворените зони можат да бидат отстранети од подрачјето. Исклучок има за припадниците на доброволните организации ангажирани во противпожарната заштита.

За туристите што ќе решат да ја игнорираат забраната е предвидена и конкретна казна. Административната глоба изнесува 300 евра, според важечките грчки прописи. Регионалните власти посебно ги повикуваат и жителите и посетителите на Халкидики да не влегуваат во забранетите подрачја и да ги почитуваат упатствата на полицијата и Цивилната заштита.

Високиот ризик не е ограничен само на Халкидики. Во Северна Грција денес во категорија 4 се и регионалните единици Кавала и Тасос, како и Ксанти, Родопи и Еврос. Цивилната заштита ги стави надлежните служби во засилена готовност, бидејќи во вакви услови и мал извор на оган може брзо да предизвика шумски пожар.

За илјадниците македонски туристи кои го минуваат продолжениот летен викенд во Северна Грција, сепак, нема причина за промена на плановите за летување само поради овие мерки. Плажите, туристичките места и главните патишта на Халкидики не се опфатени со општата забрана. Ограничувањата се однесуваат на конкретно определени шумски и планински подрачја, а по пожарот кај Сивири службите остануваат во состојба на зголемена готовност.

The post МИРНО Е НА ХАЛКИДИКИ, НО ОПАСНОСТА НЕ ПОМИНА Ова се ризичните зони во Северна Грција и каде е забранет пристап во шумите appeared first on plusinfo.mk.

Хотелиерите на Халкидики и Солун имаат слободни соби за погодените од големиот пожар што избувна во Сивири на првиот крак од Халкидики. Информацијата доаѓа во момент кога најновите бројки за евакуирани со пловила се искачи на 446 лица.

„Хотелиерите на Халкидики и Солун, во соработка со Министерството за туризам и цивилна заштита, ја активираа платформата на Грчката хотелска комора за сместување на сите погодени од пожарот. Колегите можат да објават колку празни соби има во моментов за сместување на оние на кои им е потребна помош“, нагласи претседателот на Здружението на хотелиери на Халкидики.

Поради празникот 15 август, Халкидики има стапка на пополнетост на хотелите од околу 90% и поради оваа причина Здружението побара помош од своите колеги од Солун за целосно покривање на сите потреби што ќе се појават.

„Не знаеме колку луѓе се погодени и мора да бидеме соодветно подготвени“, се наведува во соопштението.

Се забележува дека посебната платформа што беше ставена во функција за привремено сместување на погодените од шумскиот пожар на подрачјето на општина Касандра функционира на веб-страницата на Министерството за климатски кризи и цивилна заштита.

Акцијата ја спроведува Министерството за туризам во соработка со Грчката хотелска комора, со цел да се обезбеди привремено сместување за граѓаните погодени од пожарот.

Покрај ова, вајавени се места за собирање и привремено засолниште во Касандра и Калитеа поради пожарот на Халкидики.

Општина Касандра објави дека се спроведува планот „IOLAOS“ поради пожарот на Халкидики. Во соопштението се наведува дека се отворени и достапни места за собирање и привремено засолниште во Касандра и Калитеа.

Во Касандра во следните области:
– Црква „Рождество на Пресвета Богородица“
– Црква „Свети Христофор“
– Стадион „Касандра“
– Затворена теретана „Касандра“

Во Калитеа во следните области:
– Затворен стадион „Калитеа“
– Стадион „Калитеа“
– Општински паркинг „Калитеа“

Како што е наведено во соопштението на општината, жителите и посетителите кои треба да се евакуираат можат да се упатат кон горенаведените точки, секогаш следејќи ги упатствата на 112, Противпожарната служба, Грчката полиција и Цивилната заштита.

„Ве молиме останете смирени, не правете непотребни движења и строго следете ги упатствата на надлежните органи. Општина Касандра е во целосна оперативна подготвеност и ќе следат дополнителни информации во зависност од развојот на ситуацијата“, се наведува во соопштението.

Пожарот сè уште не е ставен под контрола, меѓутоа вечерва ситуацијата е значително подобрена, а на Халкидики пристигнуваат дополнителни противпожарни сили од повеќе делови на Грција.

Според податоците од крајбрежната служба на Грција, 250 лица од плажата во Сивири се безбедно пренесени во марината во Сани, додека пак 196 лица се во траектот „Спидранер“ што сообраќа од островите Скијатос, Скопелос и Алонисос до Солун и засега сè уште не е јасно дали ќе бидат префрлени во Солун.

The post ХОТЕЛИЕРИТЕ НА ХАЛКИДИКИ И ВО СОЛУН ОТВОРААТ СОБИ ЗА ПОГОДЕНИТЕ ОД ПОЖАРОТ Со бродови досега се евакуирани 446 лица appeared first on plusinfo.mk.

Големата евакуација на Халкидики се префрли и на море. Туристите и жителите се извлекуваат со бродови од подрачјето погодено од пожарот кај Сивири и Фурка.

Повеќе од 347 лица веќе се безбедно пренесени до марината Сани, објавија грчките медиуми.

Уште околу 92 лица се качиле на бродот „Спидранер џет“.Во поморската операција се вклучени два брода на крајбрежната стража и два на противпожарната служба. Помагаат и приватни пловила, три рибарски и еден туристички брод.

Истовремено продолжува евакуацијата и по копно. Автобуси се упатени кон Сивири и кон Фурка за да ги преземат граѓаните и туристите.

„Автобусите на автобуската служба на Халкидики брзаат кон Сивири и Фурка за да ги земат граѓаните поради големиот пожар што гори во областа“, објавија грчките медиуми.

Во акцијата за гаснење на терен се ангажирани 122 пожарникари, меѓу кои три специјализирани тимови за шумски пожари, како и 41 противпожарно возило. Од воздух интервенираат дури 9 авиони и 7 хеликоптери (од кои еден има координативна улога). Како поддршка во операцијата се вклучени и цистерни на локалните власти и тешка градежна механизација. Преку грчкиот систем за итни предупредувања „112“ беше испратена порака до сите што се наоѓаат во Сивири со насоки за итна евакуација кон Мола Калива.

Познатиот македонски композитор Дарко Димитров за порталот Црнобело испрати снимки од пожарот од Сивири. Тој вели дека пораките за евакуација се добиени, но дека има гужва на главниот пат. 

Според снимките, пламените јазици стигнале прилично блиску до куќите во местото. Жителите на Сивири и во Фурка денеска добиле СМС пораки за евакуација од бројот 112. 

ДАРКО ДИМИТРОВ СВЕДОЧИ ЗА ПОЖАРОТ НА ХАЛКИДИКИ „Ни рекоа да се евакуираме, но по патиштата е гужва“

The post 📽️ ТУРИСТИТЕ НА ХАЛКИДИКИ СЕ ЕВАКУИРААТ СО БРОДОВИ ОД ПОЖАРОТ Автобусите брзаат кон Сивири и Фурка за да ги земат граѓаните appeared first on plusinfo.mk.

Македонскиот композитор и музички продуцент Дарко Димитров се наоѓа во Сивири, каде што туристите добиле наредба да се евакуираат поради големиот пожар на Халкидики.

Димитров за порталот Црнобело раскажа дека огнот сè уште не стигнал до самото место. Сепак, пожарот е блиску, а евакуацијата создала големи гужви на патиштата.

– Ни рекоа да се евакуираме, ама гужва е по патиштата. Пожарот сè уште не е стигнат баш во местото Сивири, но блиску е. Го гасат со повеќе авиони и хеликоптери – изјави Димитров.

Жителите и туристите во областа добиле предупредувачки пораки на мобилните телефони. Според упатствата, треба да го напуштат подрачјето и да се движат кон Мола Каливи.

 

View this post on Instagram

 

A post shared by Grčka Info | Smeštaj u Grčkoj (@grckainfo.official)

Силен ветер дува на повеќе места на првиот крак на Халкидики. Морето е разбранувано, а условите дополнително ја отежнуваат борбата со огнот.

 

View this post on Instagram

 

A post shared by Nikana.grLetovanje u Grčkoj (@nikana.gr)

Снимки од Касандра покажуваат голем столб црн чад. Се гледаат и противпожарни авиони кои земаат вода од морето.

Според информациите во доставениот материјал, на терен се 122 пожарникари со 41 противпожарно возило. Од воздух интервенираат девет авиони и три хеликоптери.

Пожарот сè уште не е ставен под контрола.

The post 📽️ ДАРКО ДИМИТРОВ СВЕДОЧИ ЗА ПОЖАРОТ НА ХАЛКИДИКИ „Ни рекоа да се евакуираме, но по патиштата е гужва“ appeared first on plusinfo.mk.

Шумски пожар во вашиот регион. Ако се наоѓате во Сивири, во регионалната единица Халкидики, упатете се кон Мола Калива, е пораката од бројот за итни случаи 112 што кусо по 15 часот по локално време беше испратена до жителите и оние кои се во околината на Сивири на првиот крак на Халкидики, поради пожарот што избувна денеска, јави дописничката на МИА од Атина.

Во пожарот интервенираат 122 пожарникари со три пешадиски тима и 41 возило, меѓу кои 12 пожарникари со три возила од Молдавија, кои се наоѓаат во Грција во рамките на програмата преку европскиот механизам за цивилна заштита.

За гаснење од воздух ангажирани се девет авиони и три хеликоптер, од кои еден за координација, а помагаат и цистерни од општина Касандра.

Пожарот избувна околу 14 часот по локално време и гори ниска вегетација, 40 минути подоцна беше испратена првата порака од 112 за информирање на оние кои се наоѓаат во поширокото подрачје на пожарот, а подоцна и втората, во 15.09 часот за евакуација.

Поширокиот регион на Халкидики денеска е во категоријата четири со многу голема опасност за избувнување пожари.

The post ПОЖАР НА ХАЛКИДИКИ, СТИГНА И ПРЕДУПРЕДУВАЊЕ ЗА ЕВАКУАЦИЈА Туристите и жителите кај Сивири да се упатат кон Мола Калива appeared first on plusinfo.mk.

На Халкидики од денеска стапи на сила забрана за сообраќај и пешачење во одредени шумски подрачја поради висок ризик од шумски пожари.

Мерката ќе важи од 08 до 20 часот и се однесува на подрачјата на општините Касандра, Ситонија и Аристотелис, каде што индексот на опасност од пожари е во категорија 3.

Во периодот додека е на сила забраната, предвидено е и отстранување на возилата и лицата кои ќе бидат затекнати во подрачјата опфатени со мерката.

Локалните власти ги повикаа жителите и посетителите да ја почитуваат забраната и упатствата на надлежните институции.

За прекршување на забраната е предвидена глоба од 300 евра.

The post НОВА ЗАБРАНА НА ХАЛКИДИКИ Казна од 300 евра за сите што нема да ја почитуваат appeared first on plusinfo.mk.

Туристите кои престојуваат во едно од најпознатите летувалишта во Грција добија важно предупредување поврзано со квалитетот на водата за пиење.

На туристичките групи и страници посветени на летувањето во Грција е објавено известување дека, по спроведени микробиолошки анализи, водата од чешма во Сивири и околните населени места во регионот на Касандра не треба да се користи за пиење.

Според објавените информации, препораката не се однесува само на пиењето вода, туку и на нејзиното користење за подготовка на храна, миење заби и други намени при кои постои можност за нејзино внесување во организмот.

На туристите и жителите им се советува до понатамошно известување да користат исклучиво флаширана или претходно превриена вода за сите овие потреби.

Засега не е соопштено кога ограничувањето ќе биде укинато, а се очекуваат нови анализи кои ќе потврдат кога водата повторно ќе биде безбедна за употреба.

The post ВОДАТА ОД ЧЕШМА ДА НЕ СЕ КОРИСТИ НИТУ ЗА МИЕЊЕ ЗАБИ Грчките власти ги алармираат туристите во едно познато одморалиште appeared first on plusinfo.mk.

Повеќе од три децении по успехот на култната теленовела „Касандра“, Кораима Торес и Освалдо Риос повторно се појавија заедно на јавен настан. Фотографиите од Дубаи ги преплавија социјалните мрежи и разбудија спомени кај милиони гледачи.

Нивната средба во Дубаи веднаш стана хит на социјалните мрежи, особено во земјите каде што „Касандра“ има култен статус.

Фотографија што врати цела генерација назад во времето 

За многумина ова не беше обична средба на двајца актери. Новите фотографии ги потсетија гледачите на периодот кога љубовната приказна на Касандра и Игнасио ги држеше пред телевизор милиони луѓе ширум светот.

Иако двајцата продолжија со успешни актерски кариери, ретко се појавуваа заедно на јавни настани.

 

View this post on Instagram

 

A post shared by Osvaldo Ríos (@osvaldoriosalonso)

Награда, аплаузи и емотивен говор

Двајцата актери во Дубаи ја добија наградата „Top Humanity Leaders Award“, признание што се доделува за хуманитарна работа и придонес кон општеството.

Најемотивниот момент на вечерта се случи кога Освалдо Риос се искачи на сцената.

Наградата ја посвети на Венецуела, која ја нарече своја втора татковина, потсетувајќи дека токму таму ја снимил серијата што му ја променила кариерата.

 

View this post on Instagram

 

A post shared by Osvaldo Ríos (@osvaldoriosalonso)

Венецуела, Порторико и порака што ги трогна сите

Риос ја спомена и писателката Делија Фијало, авторката на „Касандра“, а признанието го посвети и на својот роден Порторико. Говорот го заврши со цитат од легендарниот бејзбол играч Роберто Клементе.

– Ако имате можност да му помогнете на човештвото, а не го направите тоа, го трошите своето време на оваа планета – порача актерот.

Неговите зборови предизвикаа силни реакции и бројни коментари на социјалните мрежи.

Серија што го освои светот

„Касандра“ се смета за една од најуспешните латиноамерикански теленовели во историјата. Серијата беше емитувана во повеќе од 120 земји и преведена на десетици јазици.

Особена популарност стекна на Балканот, во Русија, Кина, Грција, Италија и во арапскиот свет.

Токму затоа повторната средба на Кораима Торес и Освалдо Риос за многумина не беше само средба на двајца актери, туку враќање во едно време што одбележа цела генерација.

The post  📽️📷 КАСАНДРА И ИГНАСИО ПОВТОРНО ЗАЕДНО ПО 3 ДЕЦЕНИИ Говорот на Освалдо Риос ги трогна фановите appeared first on plusinfo.mk.

Грчките власти започнаа жестока битка против самоволните „резервирачи“ на плажите на Халкидики. Без најава и со полициска поддршка, инспекциските служби на општина Касандра деновиве спроведоа координирана акција на плажите во Полихроно и во Калитеа, каде што отстранија лежалки, чадори, пешкири и друга опрема што туристите ја оставале преку ноќ за да си обезбедат подобро место до морето.

Опремата не само што е конфискувана, туку е веднаш транспортирана до центар за рециклажа, без можност за враќање. Официјалните лица од општината објавија и фотографии од акцијата, испраќајќи јасна порака: „Плажите се јавен простор, не се резервираат!“

Нелегално оставените предмети, од столчиња до душеци и чадори, биле третирани како отпад. Целта на ваквите акции, како што велат надлежните, е да се врати правото на сите посетители да уживаат во плажите, без да се соочуваат со однапред „зафатени“ територии.

Контролите ќе продолжат и ќе се прошират по целата обала на првиот крак од Халкидики, а општината веќе има издадено предупредувања на неколку јазици, вклучително и на српски, со кои ги повикува туристите да не оставаат ништо на јавните плажи преку ноќ.

Слични акции се спроведуваа и во изминатите години, но годинава, со уште поинтензивен надзор уште од почетокот на летната сезона, туристите кои се надеваат на „приватен ќош“ без плаќање, ќе треба да размислат двапати.

The post 📷 НЕМА ВЕЌЕ „РЕЗЕРВАЦИИ“ НА ПЛАЖА СО ЧАДОР, ЛЕЖАЛКА ИЛИ ПЕШКИР „Чистка“ на Халкидики сѐ се носи директно на рециклирање appeared first on plusinfo.mk.

Венецуелската актерка Кораима Торес, позната и како Касандра од истоимената серија, ќе помине три дена во српската престолнина поради аранжмани во серијата „Игра на судбината“.

Кораима на 22 септември доцна вечерта пристигна во Белград, а следниот ден се огласи на Инстаграм и ги замоли своите следбеници да и дадат совет што да посети и кои специјалитет да ги проба во главниот град на Србија.

Актерката на социјалните мрежи покажа како го поминува времето во српската престолнина и уште еднаш повтори колку е среќна и задоволна што се враќа во овие краеви.

Да потсетиме, Кораима и во 2017 година беше во Србија. Покрај Белград, ги посетила и Нови Сад и Ниш.

The post 📷 КАСАНДРА НЕ ГУБИ ВРЕМЕ Вака популарната актерка се забавува во Белград appeared first on plusinfo.mk.