За време на неговата изборна кампања, претседателот на САД, Доналд Трамп, пушти во продажба часовници од 100.000 долари, произведени во Швајцарија, а сега секторот на часовници во таа алпска земја ризикува да биде најпогоден од неговите казнени царини, објави Политика.

Декретот на Белата куќа дојде во средината на саемот за часовници во Женева, каде што големите брендови како Ролекс, Патек Филип, Вашерон Константин, Картие, Булгари и Таг Хојер ги откриваат своите нови производи оваа недела. Царините се сериозен удар за секторот чијшто финансиски раст во голема мера зависи од продажбата во САД.

САД се најголемиот пазар за швајцарските производители на часовници со 16,8% од нивниот извоз во 2024 година. Извозот на швајцарски часовници изнесува 4,37 милијарди швајцарски франци (4,65 милијарди евра), што е зголемување за 5% во споредба со претходната година. Тоа помогна да се ублажи остриот пад на побарувачката во Кина. Со оглед на трговскиот суфицит со САД, на Швајцарија ѝ беа наметнати царини од 31% (и 20% за Европската Унија), кои се тешки дури и за производителите на луксузни часовници.

Тие царини се „штетни и неоправдани“, изјави претседателот на федерацијата на часовничари, Ив Бугман, кој бара од швајцарската федерална влада „бргу да им го објасни гледиштето на швајцарската економија“ на американските колеги.

Швајцарските власти во четвртокот објавија дека нивните претставници наскоро ќе одат во САД за да се обидат да ја убедат администрацијата на Трамп дека овие царински мерки се „контрапродуктивни за сите“.

Секторот за часовници, симбол на Швајцарија, кој вработува 65.000 луѓе, е потенцијално еден од најтешко погодените од американските царински мерки. Фармацевтските производи, најголемиот извозен сектор во Швајцарија, се меѓу изземените. Индустриската опрема, уште еден важен дел од швајцарската економија, беше многу повеќе погодена, но многу големи компании во секторот имаат фабрики во САД.

Индустријата за часовници ја има ознаката „Swiss Made“ (произведено во Швајцарија), што е нејзината главна продажна точка, бидејќи производството е само во Швајцарија.

За да се компензираат донекаде тие царини, кои се „очигледно повисоки од очекуваните“, цените ќе треба да се зголемат за околу „11 до 13%“, проценуваат аналитичарите на Кантоналната банка во Цирих.

– Обемот на царините ги изненади сите – изјави за АФП Џон Кокс, аналитичар во Кеплер Шевр, кој, исто така, очекува последици врз профитабилноста.

Според него, луксузните брендови ќе бидат во подобра позиција да ги зголемат своите цени, а најбогатите потрошувачи може почесто да купуваат додека патуваат во странство, иако тоа нема да биде доволно за да се надомести како резултат на слабеење на извозот.

The post КОЛКУ ЛИ ЌЕ ПОСКАПИ ЕДЕН РОЛЕКС ВО САД? Швајцарските часовници ќе чинат ѓавол и пол со новите царини appeared first on plusinfo.mk.

Сите со нетрпение ја очекувале приновата во семејството. Девојчето, чие средно име е Дијана, се роди на 4 јуни, а при раѓањето тежело три килограми и 487 грама.

Во врска подарокот што го подготвила Меган, станува збор за парче накит коешто е многу скапо што се однесува до цената, а е непроценливо во емотивна смисла.

Станува збор за луксузен модел на брендот „Картие“ под името Tank Française, за кој Меган издвои 4.800 фунти, или околу 350.000 денари.

 

View this post on Instagram

 

A post shared by Daily Watch Media (@watchlobby)

Меган го купила за себе за посебна пригода – кога сакала да ја прослави најавата и на третата сезона од серијата „Костум“, во која беше главна ѕвезда пред да се омажи за принцот Хари.

– Во тој момент, тоа беше огромна работа за мене, пресвртна точка и затоа сакав да се почестам и да купам нешто навистина големо. Се определив за тој часовник на кој изгравирав „За М.М. од М.М.“ – рекла Меган своевремено за „Хелоу“.

Во тоа време, кога го давала интервјуто, Лилибет не беше ниту на повидок. Сепак, од моментот кога го купила, Меган знаела што ќе прави со тоа скапоцено парче.

– Планирам еден ден да ѝ го дадам на ќерка ми. Тоа е она што ги прави семејните парчиња накит вредни, таа емотивна одлика што ја носат – рекла Меган.

 

View this post on Instagram

 

A post shared by Vintage Tank Watches (@vintage_tank_watches)

ФОТО: Инстаграм

The post Меган одамна подготвила подарок за Лилибет: Чист луксуз од 350.000 денари ФОТО appeared first on plusinfo.mk.