Надворешната канцеларија за криминалистички работи Берово поднесе кривична пријава против И.В. (21) од Пехчево, поради постоење основи на сомнение за сторено кривично дело „оштетување и неовластено навлегување во компјутерски систем”.

Пријавениот поттикнал малолетник да одземе банкарска картичка од неговиот дедо и без негова согласност и дозвола од банкомат во седум наврати подигале парични средства, при што на оштетениот му нанеле вкупна материјална штета во вредност од 156.000 денари.

The post МАЛОЛЕТНИК УКРАЛ И ИСПРАЗНИЛ КАРТИЧКА НА СВОЈОТ ДЕДО Бил поттикнат од возрасен беровчанец appeared first on plusinfo.mk.

ОВР Кочани поднесе кривична пријава против С.З.(40) од Кочани поради постоење основи на сомнение за сторено кривично дело „оштетување и неовластено навлегување во компјутерски систем”.

Пријавениот противправно присвоил платежната картичка во сопственост на лице од Кочани и во периодот од јули 2025 до ноември 2025 во седум наврати неовластено навлегол во компјутерски систем и се стекнал со противправна имотна корист во вкупен износ од 161.800 денари.

The post УКРАЛ ПЛАТЕЖНА КАРТИЧКА И ПОТРОШИЛ 161.800 ДЕНАРИ Kартичката пет месеци била активна appeared first on plusinfo.mk.

Гостиварецот С.А. (34) пријавил во Полициската станица Гостивар дека добил СМС порака со линк за наводна достава од „Пошта на Северна Македонија“, информираше Министерството за внатрешни работи. Линкот водел до лажна интернет страница која изгледала идентично на официјалниот портал на Поштата.

По внесување на податоците од својата дебитна картичка, од неговата сметка биле направени неовластени трансакции во неколку наврати, во вкупен износ од 89.106 денари кон сметки во странство.

Полицијата извести дека се преземаат мерки за откривање на сторителите и дека случајот е предмет на дигитална форензика.

The post МУ СОБРАЛЕ 1.500 ЕВРА СО КОПИЈА НА ВЕБ-СТРАНИЦАТА НА „ПОШТА“ Гостиварец добил лажна смс порака appeared first on plusinfo.mk.

Кандидатот за градоначалник на Општина Центар Горан Герасимовски, денеска најави дека Општина Центар воведува „Центарска картичка” со попусти за културни и спортски настани, локали и продавници.

– Секој центарец добива еднаш годишно бесплатна карта за театарска претстава, а за секоја следна купена карта добива 20% попуст. Со картичката, овоможуваме и 20% попуст за натпреварите на нашиот најтрофеен клуб „Работнички”, како и попусти за влез на базен. На нашите центарци, на децата и возрасните им овозможуваме подобри услови и поволности – рече Герасимовски.

The post ЗА ЦЕНТАРЦИ ПОПУСТИ ЗА КУЛТУРНИ И СПОРТСКИ НАСТАНИ Општината воведува „Центарска картичка“ appeared first on plusinfo.mk.

Нов проект за млади – Скопје сити гоу картичка! Денеска, во присуство на голем број млади луѓе го презентиравме новиот проект од мојата програма за град Скопје, наменет токму за нив, информираше ВМРО-ДПМНЕ.

„Скопје има огромен потенцијал да стане вистински модерен европски град што ќе нуди едноставни, практични и паметни решенија за сите граѓани. Ова е еден од проектите со кој особено се гордеам е Скопје сити гоу – паметна картичка со која сите услуги што ги нуди Градот ќе бидат достапни на едно место. Наместо десетици различни карти, апликации и плаќања, секој граѓанин ќе има една унифицирана и дигитална алатка: Јавен превоз – едноставен пристап без редици, готовина и посебни картички. За младите ова значи повеќе мобилност и слобода. Паркинг без пораки, автомати и губење време. Брзо и практично решение преку самата картичка. Културни и забавни содржини – музеите, кината, театрите, жичарата и зоолошката градина ќе бидат достапни преку едно средство. Повеќе можности за младите, за семејствата, за сите граѓани! Она што ми е најважно, Скопје сити гоу ќе биде симбол и на социјална еднаквост. Средношколците, семејствата со ниски примања, пензионерите, невработените и лицата со попреченост ќе ја добијат бесплатно. За нив, услугите ќе бидат бесплатни или со драстично намалени цени“, се вели во соопштението.

Никој нема да биде изоставен, посочено е таму.

„Картичката ќе има вредност и надвор од јавниот сектор, општествено одговорни компании ќе овозможат преку неа дополнителни услуги и поволности. Така младите ќе добиваат повеќе можности, семејствата ќе заштедат, а компаниите ќе придонесат за подобра заедница. Скопје сити гоу ќе биде достапна и како мобилна апликација, но и како физичка картичка за оние кои ја преферираат класичната форма. Секој, без разлика на возраста и технолошките навики, ќе може лесно да ја користи. Ова е визија за поинакво Скопје, град кој им штеди време и пари на своите жители, кој се грижи за младите и за ранливите категории, и кој ја користи технологијата за да им служи на луѓето. Со Скопје сити гоу започнуваме ново поглавје – модерно, дигитално и европско Скопје“, наведено е во соопштението.

The post 📷 ЌЕ ПЛАЌАМЕ ПАРКИНГ БЕЗ ДА ПРАЌАМЕ СМС ПОРАКИ, ЌЕ КУПУВАМЕ БИЛЕТ ЗА ЖИЧАРНИЦА БЕЗ ДА ЧЕКАМЕ РЕД Орце Ѓорѓиевски ја најави „Скопје сити гоу“ паметната картичка appeared first on plusinfo.mk.

Комерцијална банка ја претстави новата Visa Signature премиум дебитна картичка, за првпат достапна во Македонија и наменета за сите кои знаат да препознаат вредност.

Visa Signature не е само средство за плаќање, туку и влезница во светот на внимателно одбрани привилегии и бенефиции. Изборот на Visa Signature овозможува ексклузивни понуди, посебен третман и беспрекорни услуги насекаде низ светот.

Со Visa Signature корисниците добиваат пристап до:

– Бесплатни посети 8 пати годишно на над 1.200 DragonPass деловни зони на аеродроми ширум светот

– 6 GB бесплатен интернет во роаминг годишно

– Неограничена Fast Track услуга на аеродромот во Скопје за побрзо и поудобно патување

– Бесплатно патничко осигурување за целото семејство за патувања без грижи

– Специјални попусти и понуди, внимателно селектирани за стил на живот кој одговара на сечии очекувања

Во промотивниот период до 31 октомври, Visa Signature се добива без членарина за првата година.

Оваа картичка е повеќе од статус, таа е потписот на уникатноста и доказ дека секојдневието може да изгледа поинаку кога се прави вистински избор.

Комерцијална банка со гордост ја овозможува уникатната Signature програма, со што уште еднаш ги носи најновите светски трендови во понудата на картички, исто како и пред 30 години, кога ја издаде првата платежна картичка во Македонија.

Повеќе детали за Visa Signature се достапни на следниот линк.

The post VISA SIGNATURE – НОВА ПРЕМИУМ КАРТИЧКА ОД КОМЕРЦИЈАЛНА БАНКА За првпат достапна во Македонија appeared first on plusinfo.mk.

При контролата било утврдено дека возачката картичка вметната во тахографот не е во сопственост на возачот кој го управувал автобусот.

Како што информира МВР, за настанот е известен Државниот инспекторат за транспорт и врски, кој изрече глоби за возачот, правното лице и управителот на правното лице по член 23 став 5, а казниво по член 55 став 1 и член 60 став 1 од Законот за работното време на мобилните работници со патниот сообраќај и уредите за запишување во висина од 7.500 евра. Исто така, одземена е и возачката картичка.

The post ВМЕТНАЛ ТУЃА КАРТИЧКА ВО ТАХОГРАФОТ Парична казна изречена на возач на автобус и на фирмата превозник appeared first on plusinfo.mk.

Поранешната министерка за култура Бисера Костадиновска Стојчевска вели дека морала да набави основни работи за нормално функционирање додека била на службен пат затоа што авио компанијата ѝ го изгубила багажот на летот за Лондон.

– Еве ја вистината: дел од трошоците кои ги презентираа се однесуваат на нужност да обезбедам основни услови за мое нормално функционирање на службено патување после лет на кој авио компанијата ми го изгуби багажот. И да, купив нови куфери од сопствена сметка и основни средства за службеното патување за да можам да патувам и да учествувам на состаноците во момент кога останав без багаж при патувањето во Лондон. Останатиот дел е тешка манипулација и целосна невистина. Ама бидејќи се мајстори за изнесување лаги, го повикувам пратеникот Лефков, нека дојде со копија од мојата службена картица, ќе чешламе трошок по трошок на кој сака медиум. Нека одбере тој време и медиум. Јас стојам на располагање! Ако има криминал во моето работење нека повелат да ми го симнат имунитетот, имаат можност за тоа, и ќе се појавам пред кој сакаат судија! Ако се утврди неправилност, грешката ќе ја признаам и парите веднаш ќе бидат рефундирани. Ако не, ВМРО Фалсификаторска ќе добие тужба и уште еднаш ќе биде потврдена како дезинформатор и манипулатор на македонскиот народ. Јас сум жена, политичар и човек кој мрази лаги – затоа секогаш реагирам веднаш и со вистината. Одвратно е ова што го прават, ама нема да паднам на нивното ниво. Тие нека продолжат со лаги, а јас со вистина – изјави денеска на прес конференција поранешната министерка за култура Бисера Костадиновска Стојчевска.

Таа вели дека власта не нашла со што да ја оцрни и дека не ѝ се допаднал ревизорскиот извештај за нејзиното работење.

– Не им се допадна што никој не може да го „стигне“ трошењето на Бети, па нејзините две другарки денови поминале на Гугл да наоѓаат места низ светот и да фалсификуваат сметки. Дали ова е страв од тоа што предметот за нивната омилена министерка уште не е затворен, па ги фатило паника кога пред неколку дена добиле барање од ОЈО да ги предадат извештаите од нејзините три службени картички? Дали им е страв дека ќе се види таму вистинскиот шопинг од 30.000 евра во Италија? Да сумирам. Сите трошења за мои лични потреби биле реализирани исклучиво од моја лична приватна сметка. А, сите трошења кои биле нужни за службеното патување, биле реализирани од службена картичка, исклучиво согласно актуелните правилници и норми – уверува поранешната министерка Костадиновска Стојчевска.

СИ КУПУВАЛА, ЧОРАПИ, ХУЛАХОПКИ, МЕЧИЊА, КУФЕРИ Лефков го откри серијалот „Бисера Антоанета“ за поранешната министерка за култура

The post „МОРАВ ДА КУПАМ ОСНОВНИ РАБОТИ, МИ ГО ИЗГУБИЈА БАГАЖОТ ВО ЛОНДОН“ Костадиновска Стојчевска ја изнесе нејзината страна во аферата „Бисера Антоанета“ appeared first on plusinfo.mk.

„ЈСП ‘Скопје’ утврди лажна вест со што е фалсификувано логото на електронската картичка „скопска“, објавено на социјалните мрежи од страна на група наречена ‘Транспортна карта на град Скопје’. Се работи за измама со лажен линк, што краде податоци од платежните картички на граѓаните“, пишува на веб-страницата на претпријатието.

Измамата, како што се додава, била пријавена во МВР и претпријатието очекува брзо постапување од надлежните за изнаоѓање на сторителите, како и итно преземање на сите законски мерки за заштита на ЈСП.

Измамниците, како што може да се забележи и во коментарите од објавата, со помош на гугл-транслејт, за да биде поверодостојно, е пишувано на македонски јазик од страна на т.н. ботови, бидејќи оние што пишуваат немаат македонски имиња и презимиња.

The post СКОПЈАНИ НЕ СЕ ЛАЖЕТЕ, ЈСП НЕ ДАВА ГРАТИС ВОЗЕЊЕ ЦЕЛА ГОДИНА! Претпријатието ги предупредува граѓаните да не наседнуваат на измамата appeared first on plusinfo.mk.

Со Diners Club откријте попаметен начин на плаќање и планирајте ги вашите финансии благодарение на многубројните можности и поволности кои ги нуди компанијата. Плаќање на рати и рати без камата во повеќе од 5.000 продажни места во земјата и над 50 милиони продажни места во светот, подигнување на готовина од банкомат на рати, можност за онлајн-трансакции, плаќање на сметките за струја, пазарење во омилените маркети се само дел од поволностите кои ги добивате при користењето на Diners Club картичката.

Ако пак сакате да добиете уште повеќе, препорачајте го Diners Club на своите пријатели и ќе добиете по 1.000 денари подарок од секоја успешна апликација! Колку повеќе, толку подобро.

Сите информации за тоа како да станете дел од големото семејство на Diners Club се достапни на следниот линк.

Сега е вистинското време да ја извадите долго посакуваната картичка која за кратко време ќе стане вашиот омилен пријател за шопинг.

The post „АПЛИЦИРАЈ СЕГА И ДОБИЈ УШТЕ ПОВЕЌЕ“ Подарок од 1.000 денари со картичка од Diners Club appeared first on plusinfo.mk.