Апелациониот суд ја потврди првостепената пресуда против поранешниот градоначалник на Општина Карпош, Стевчо Јакимовски, со која му е изречена казна затвор од една година за кривичното дело „бесправно градење“.

Како што соопшти Основниот кривичен суд Скопје, Второстепениот суд, постапувајќи по жалбите на обвинетите и на Јавното обвинителство, донел одлука со која ја потврдува казната за делото „Бесправно градење“. Во изречената казна ќе му биде пресметан и периодот поминат во куќен притвор, од 19 март до 15 август 2019 година.

Во однос на обвинението за „Злоупотреба на службената положба и овластување“, жалбата на Јакимовски е уважена и предметот во тој дел е вратен на повторно судење. Според Судот, со оглед дека делото се однесува на периодот од 2011 до 2017 година, а предвидената казна е од три до пет години затвор, постои можност застарувањето да настапи во текот на 2027 година.

Апелациониот суд ја укинал и условната осуда за обвинетиот Т.Ѓ., а предметот и во овој дел е вратен на повторно постапување.

Од Кривичниот суд информираат дека предметот ќе биде распределен кај нов судија, бидејќи судијата кој досега постапувал повеќе не е дел од Одделот за организиран криминал и корупција. Потврдениот дел од пресудата ќе биде доставен кај судија за извршување санкции

The post ЈАКИМОВСКИ ОДИ ВО ЗАТВОР Апелација ја потврди пресудата, ексградоначалникот зад решетки appeared first on plusinfo.mk.

Суво дрво се скрши и сериозно оштети возило во скопската населба Карпош – објави Фејсбук групата „Заедно, за заштита на зеленилото во Карпош“.

Во објавата, скопјанката Марија посочува дека дрвото на улицата Волгоградска 4 било обележано со црвена боја и буква „С“ (за сечење) речиси една година, но и покрај тоа не било отстрането. Таа додава дека друго суво дрво во непосредна близина се скршило и паднало врз автомобилот на нејзиниот сосед. Според сопственикот, тој автомобил повеќе не е во употреблива состојба.

„Прашањето ми е каде да се реагира што службиве спијат? Дали ќе се чека да падне само од себе врз дете или повторно врз возило“, пишува скопјанката во нејзината реакција.

The post СУВО ДРВО ЗДРОБИ АВТОМОБИЛ ВО КАРПОШ Уште пред една година било обележано за сечење appeared first on plusinfo.mk.

The post НОВ АСФАЛТ И ПОТПОРЕН ЅИД ЗА ГЛАВНАТА АРТЕРИЈА НА КАРПОШ Илјадници граѓани секојдневно минуваат по оваа улица appeared first on plusinfo.mk.

Попладнево делови од скопските општини Центар и Карпош останаа без електрична енергија по сериозен дефект во дистрибутивната мрежа, јави Телма повикувајќи се на информации од ЕВН.

Проблемот, според првичните податоци, настанал на 10-киловолтен вод што го напојува поширокиот дел од градската мрежа.

Поради дефектот, дел од домаќинствата биле привремено без струја, додека останатите биле пренасочени на алтернативни линии за снабдување.

Ситуацијата најмногу се одрази врз сообраќајот – семафорите во повеќе крстосници во Центар и во Карпош престанаа да функционираат, што предизвика застои и зголемена нервоза кај возачите во попладневниот шпиц. На терен беа излезени полициски екипи кои го регулираа сообраќајот.

Покрај семафорите, без напојување остана и системот „Безбеден град“, кој се користи за автоматско следење и регистрирање сообраќајни прекршоци низ главниот град.

Станува збор за систем што од февруари 2026 година се користи за контрола на брзина, црвено светло, нерегистрирани возила и непрописно паркирање.

Екипи на ЕВН се на терен и работат на лоцирање и санација на дефектот, а од компанијата најавуваат постепено враќање на нормалното снабдување со електрична енергија.

До целосно стабилизирање на состојбата, од надлежните се апелира возачите да бидат особено внимателни на раскрсниците каде семафорите не работат.

The post ПОПЛАДНЕВО КОЛАПС НА „БЕЗБЕДЕН ГРАД“ Дефект ги блокира камерите и семафорите, хаос во сообраќајот appeared first on plusinfo.mk.

Судијата на претходна постапка од Основниот кривичен суд Скопје определи мерка краткотраен притвор од 48 часа против Стојанче Јовановски, сопругот на 31-годишната жена, која заедно со своето 6-годишно дете падна од балкон во Карпош, кој се сомничи за наведување на сторување самоубиство, нанесување телесни повреди и загрозување на сигурноста.

Од Основното јавно обвинителство соопштија дека Јовановски е осомничен за неколку кривични дела, меѓу кои телесна повреда, загрозување на сигурноста и помагање во самоубиство. Судот го прифати предлогот и одреди притвор со цел да се спроведат истражни дејствија, вештачења, анализа на видео-снимки и претреси, кои ќе помогнат да се утврдат околностите околу трагедијата.

– Притворската мерка е неопходна за обезбедување на сите докази во врска со сомненијата за сторените дела – изјавија од обвинителството.

Јовановски ќе остане во притвор додека истрагата продолжува, а надлежните најавија дека ќе бидат преземени сите потребни мерки за целосно расчистување на случајот.

БИЛО ПРИЈАВЕНО НАСИЛСТВО, ПОЛИЦИЈА ДОШЛА, НО ЖЕНАТА НЕГИРАЛА Министерот Тошковски изнесе детали за трагедијата во Карпош

МАЈКА СКОКНАЛА ОД ЗГРАДА СО ДЕТЕТО ВО РАКА Трагедија во скопски Карпош, Итната помош само констатирала смрт

СЕ РАЗВЕДУВАЛЕ, ЈА ТЕПАЛ, БИЛ ПРИЈАВУВАН… Ресорното министерство ќе бара каде е пропустот

The post 48 ЧАСОВЕН ПРИТВОР ЗА СОПРУГОТ ОД КАРПОШ Јовановски е осомничен за неколку кривични дела, ОЈО собира докази appeared first on plusinfo.mk.

Сите полицајци во државата ќе добијат телеграма со јасни насоки како да постапуваат при сомнежи за семејно насилство, најави министерот за внатрешни работи Панче Тошковски.

Тој соопшти дека секое лице кое ќе биде посочено како можен сторител на семејно насилство, без разлика дали станува збор за маж или жена, ќе биде повикувано на информативен разговор во полициска станица.

– За секој ваков случај каде што ќе имаме доза на сомнеж, па макар и најмал сомнеж, секој што ќе биде посочен дека е сторител на семејно насилство ќе биде повикан на информативен разговор – изјави Тошковски.

Тој појасни дека телеграмата ќе биде испратена уште денес до сите полициски службеници на територијата на државата и дека ваквото постапување е овозможено со Законот за полиција.

Министерот се обрати на прес-конференција на која говореше и за трагедијата во скопски Карпош, каде мајка и шестгодишно дете загинаа по пад од зграда, само два часа по пријава во полиција за несогласувања меѓу сопружници.

Тошковски ги повика граѓаните кои ќе сведочат на семејно насилство веднаш да го пријават случајот во полиција. Тој најави и посебна проверка на постапувањето на институциите во случајот во Карпош, со акцент на координацијата со Центар за социјална работа.

The post ТЕЛЕГРАМА ДО СИТЕ ПОЛИЦАЈЦИ Тошковски бара сите пријавени за семејно насилство да се повикаат во станица appeared first on plusinfo.mk.

Огнено оружје е украдено од Јавното претпријатие „Паркови и зеленило“ во Скопје, информираше Министерството за внатрешни работи. Некој со сила и алат влегол во барака на подрачјето на општина Карпош, при што го скршил сефот и одзел оружје што го користела Службата за обезбедување.

Според пријавата, кражбата се случила во периодот меѓу 2 и 5 јануари 2026 година.

The post УКРАДЕНO ОРУЖЈЕ ОД СЕФ НА „ПАРКОВИ И ЗЕЛЕНИЛО“ Некој влегол со алат во бараките во Карпош appeared first on plusinfo.mk.

Сериозен инцидент на семејно насилство бил пријавен во скопската општина Карпош. Според информациите од полицијата, 39-годишен маж физички ги нападнал својата 36-годишна сопруга и својата 60-годишна мајка во семејниот дом.

По пријавата, во 12:15 часот, осомничениот К.С. од Скопје бил повикан во Полициската станица Кисела Вода, каде што со него бил извршен службен разговор.

Од Министерството за внатрешни работи информираат дека случајот се документира, а по целосно утврдување на околностите ќе биде поднесена соодветна пријава против сторителот.

The post СЕМЕЈНА ДРАМА ВО КАРПОШ, НАПАДНАТИ СОПРУГА И МАЈКА Скопјанец пријавен за семејно насилство, интервенираше полицијата appeared first on plusinfo.mk.

По вонредната контрола во 9 основни училишта во Карпош, само во ОУ „Димо Хаџи Димов” е утврдено присуство на патоени бактери и во земените примероци, информира Институтот за јавно здравје.

„На 27.11.2025 АХВ заедно си службени лица од Институт за јавно здравје направи вонредна контрола во 9 основни училишта во рамките на општина Карпош. Од секое училиште беа земени мостри од храна како и брисеви од работни површини од кујните во училиштата.

По направените анализи во испитуваните примероци не се докажани патогени бактерии.

Освен во едно од училиштата каде на 2 површини е докажано присуство на ентеробактерии, што е индикатор на недоволна хигиена.

ИЈЗ ќе предложи иницијатива што ќе значи дополнителни промени во Националната годишна програма за јавно здравје, одредени правилници, законски и подзаконски акти, кои се во насока на подобра хигиена во училиштата, градинките, како и побезбедна храна, вода во истите што ќе значи унапредување на теми поврзани со јавното здравје“ – се вели во соопштението на Институтот.

The post НЕМА ПАТОГЕНИ БАКТЕРИИ ВО ДРУГИТЕ УЧИЛИШТА ВО КАРПОШ Од 9 тестирани училишта, само „Димо Хаџи Димов“ било „позитивно“ appeared first on plusinfo.mk.

Дваесет ученици од основното училиште „Димо Хаџи Димов“ во скопската населба Влае се пожалиле на стомачни болки, а дел од нив, според епидемиолошките анкети, изјавиле дека воопшто не биле во контакт со училишната кујна. Институтот за јавно здравје (ИЈЗ) веќе работи на утврдување на причината, но директорката на институцијата, д-р Марија Андоновска, предупредува дека засега не може да се потврди дали станува збор за труење со храна.

Андоновска објаснува дека од вкупните 20 пријави, седум деца тврдат дека не јаделе ништо од училишната кујна. ИЈЗ добил и четири телефонски дојави од наставници, но без официјални пријави од нивна страна.

– Мора да се земе предвид дека дел од учениците се многу мали, а нивните изјави не секогаш може да бидат целосно прецизни – рече директорката.

Екипите на ИЈЗ извршиле целосен вонреден надзор и земале голем број примероци за анализа. Контролирани биле храна и напитоци што биле на менито – од млеко, мусли и мусака, до кроасани. Дополнително, биле земени примероци од четири чешми во училиштето, како и од повеќе површини во трите одделенија, од кујната, приборот за јадење и работните пултови.

Тестови биле направени и на три вработени во кујната, од кои биле земени брисеви од раце, грло и нос. За водата се собрани примероци од шест различни точки во училиштето, меѓу кои и кујната, а анализите ќе ги опфатат и микробиолошките и физичко-хемиските параметри. Првичните резултати за физичко-хемиската анализа од едно место покажале дека нема отстапувања, но за микробиологијата се потребни 48 часа.

Паралелно со ова, ИЈЗ се координирал со Клиниката за детски болести, каде што се примени дел од учениците. Од клиниката бил побаран дополнителен материјал за испитување за да се утврди дали можен причинител би можел да биде вирус, паразит или некој друг фактор кој не е поврзан со храна. Дел од овие резултати се очекуваат уште во текот на денот.

Ситуацијата довела до активирање на вонреден надзор и во уште девет училишта во општина Карпош, каде повторно ќе се земаат примероци од кујните и водоводните точки. Сите анализи ќе се спроведат по истите протоколи.

– Сѐ што треба да се направи — се прави. По ова, ќе покренеме иницијатива за нови стандарди за безбедност на храна и вода во училиштата и градинките, а предлозите ќе ги ставиме на јавна дебата – најави Андоновска.

ИЈЗ информира дека целиот процес е координиран со Агенцијата за храна и ветеринарство (АХВ), Државниот санитарен и здравствен инспекторат (ДСЗИ) и Центарот за јавно здравје, кои веднаш по налогот излегле на терен.

The post ВОНРЕДЕН НАДЗОР ВО ДЕСЕТ УЧИЛИШТА ВО КАРПОШ Се земаат примероци од храна, вода и персонал по пријавите за болни деца appeared first on plusinfo.mk.