Конзервативната Влада на Австрија денеска соопшти дека на сириските бегалци им нуди по 1.000 евра, за да се вратат во татковината по падот на режимот на Башар ал Асад.

– Австрија ќе ги поддржи Сиријците кои сакаат да се вратат во својата татковина со бонус за враќање од 1.000 евра. На земјата сега ѝ требаат нејзините граѓани да ја обноват – истакна канцеларот Карл Нехамер.

Враќањето на Сиријците против нивна волја не е можно додека не стане јасно во која насока ќе се движи Сирија. Австриската Влада најави дека ќе се фокусира на доброволно враќање.

Исто така, Австрија престана да ги обработува барањата за азил, како и десетинадруги  земји од ЕУ.

Како и другите конзервативни влади во Европа, Нехамер е под притисок на десницата околу имиграцијата. Сиријците се најмногубројни баратели на азил во Австрија.

Сè уште е непознато колку Сиријци ќе го прифатат „бонусот за враќање“.

„Аустриан ерлајнс“ ги суспендира летовите кон Блискиот Исток поради безбедносната ситуација, а карта во еден правец до Дамаск со „Туркиш ерлајнс“ чини најмалку 1.066 евра.

The post АВСТРИЈА ИМ НУДИ ПО 1.000 ЕВРА НА СИРИСКИТЕ БЕГАЛЦИ ЗА ДА СЕ ВРАТАТ ДОМА „На земјата ѝ требаат нејзините граѓани за да ја обноват“ appeared first on plusinfo.mk.

И покрај високата инфлација, највисоките австриски политичари нема да добијат зголемување на платите оваа година, соопштија канцеларот Карл Нехамер и вицеканцеларот Вернер Кеглер.

Одлуката се однесува на сојузниот претседател и сите членови на кабинетот, како и на претседателот на Националниот совет, на Долниот дом на Парламентот и претседателите на пратеничките групи.

Платите на политичарите обично се врзани со инфлацијата и во нормални околности тие би имале право на рекордно зголемување од 9,7 отсто оваа година.

Австриската Влада соопшти дека на провинциските политичари и пратеници може да им се зголемат платите за 50 отсто од стапката на инфлација односно за приближно пет проценти.

Одлуката на австриската Влада уследи откако опозициските Австриска Социјалдемократска партија (АСДП) и Австриската Партија на слободата (АПФ) ја критикуваа валоризацијата. АСДП преку соопштението побара замрзнување на платите на владата и на федералните власти.

– Би било апсолутно неморално платите на членовите на федералната влада да добијат најголемо зголемување, напиша шефот на АСДП, Андреас Баблер, кој исто така повика на валоризација на бенефициите за невработеност.

И лидерот на АПС, Херберт Кикл валоризацијата ја „безобразна“.

– Не е можно членовите на Владата да продолжат да заработуваат сè повеќе пари додека населението се бори со огромни финансиски и егзистенцијални проблеми, изјави Кикл, додавајќи оти АПС наесен ќе поднесе предлог против зголемувањето на платите на политичарите.

The post АВСТРИЈА ГИ ЗАМРЗНА ПЛАТИТЕ НА ПОЛИТИЧАРИТЕ Нема зголемување и покрај инфлацијата appeared first on plusinfo.mk.

Шолц упати барање ЕУ да премине на донесување надворешнополитички одлуки со квалификувано мнозинство, што подразбира укинување на правото на вето на поединечни земји, но, мала е веројатноста да ја добие поддршката од Франција и од уште неколку земји, јави порталот Политико.

Зборувајќи пред пратениците во Бундестагот, пред Самитот на Европскиот совет, што треба да се одржи денеска и утре, Шолц истакна дека одлучно ќе се залага на Украина и на Молдавија да им се додели статус кандидат за членство во ЕУ. Тој посочи оти ваквата заложба носи одредени обврски.

– Ќе ги вложам сите напори во Европскиот совет за да обезбедам цела ЕУ едногласно да ги прифати кандидатурите на Украина и Молдавија за членство, најави германскиот канцелар.

Како што тој додаде, „ЕУ исто така мора да биде способна да прими нови членови“.

Тој повтори дека се залага за реформи во ЕУ, првенствено за промена на правилата на гласање, со што би се спречило поединечни земји да блокираат мнозински одлуки, особено нагласувајќи ја надворешната политика како област каде потребна е таква промена.

Неколку земји од ЕУ, вклучувајќи ја Франција, веќе изнесоа забелешки за укинување на правото на вето во клучни области, како што е надворешната политика.

Шолц повика да се усвои Маршаловиот план за обновување на Украина по војната. Тој најави дека Германија ќе инсистира на создавање „меѓународни експертски конференции на високо ниво“ за координација во напорите за обнова на Украина.

Истовремено австирскиот канцелар Карл Нехамер изјави дека пристапните услови за Украина мора да важат и за земјите од Западен Балкан, посебно за Босна и Херцеговина.

Тој додаде дека Австрија на ниво на ЕУ ќе се залага за тоа.

Нехамер истакна дека по доделувањето на статус кандидат на Украина и на Молдавија во ЕУ се воведува нова постапка, во која уште пред исполнување на критериумите на Унијата се добива кандидатски статус.

– Тоа мора да важи и за другите земји-кандидати од Западен Балкан. Неопходни се и јасни сигнали за Северна Македонија и за Албанија – посочи Нехамер.

The post ЌЕ ПАДНЕ ЛИ ПРАВОТО НА ВЕТОТО ВО ЕУ? Шолц бара негово укинување и кандидатски статус за Украина и Молдавија appeared first on plusinfo.mk.

Рускиот претседател Владимир Путин му рекол на австрискиот канцелар Карл Нехамер при средбата оваа недела дека снабдувањето со гас на Австрија од Русија е сигурно и дека државата и натаму може да плаќа во евра, пренесува агенцијата АПА.

„Путин рече дека снабдувањето со гас е обезбедено, дека Русија ќе ја испорача количината утврдена со договорот и дека исплатата може да остане во евра“, рече Нехамер во интервјуто за националната новинска агенција АПА.

Нехамер во понеделникот се сретна со Путин во близина на Москва и досега не зборуваше јавно за безбедноста на снабдувањето со гас на Австрија.

Австрија добива 80 отсто од природниот гас од Русија и се противи на тоа Европската Унија веднаш да воведе ембарго на испораката на рускиот гас.

The post ПУТИН ДОЗВОЛУВА ПЛАЌАЊЕ НА ГАСОТ ВО ЕВРА? Австрискиот канцелар добил гаранција од рускиот претседател appeared first on plusinfo.mk.

Раководството на Австриската народна партија го избра министерот за внатрешни работи Карл Нехамер за нов претседател на партијата, а со тоа и за канцелар на Австрија, соопштија од партијата.

Нехамер беше задолжен за спроведување на тврдоглавата имиграциска политика на поранешниот канцелар Себастијан Курц, кој вчера објави дека се повлекува од политиката, што доведе до тоа канцеларот Александар Шаленберг да објави оставка.

Шаленберг вчера изјави дека верува оти функциите на канцелар и лидер на партијата треба да ги извршува едно лице, а дека не сака да биде претседател на партијата, пренесе Ројтерс.

– Затоа, ќе ја ослободам функцијата канцелар штом ќе се постави релевантен курс во партијата – посочи Шаленберг.

The post АВСТРИЈА ДОБИ НОВ КАНЦЕЛАР Карл Нехамер е новиот премиер и лидер на Австриската народна партија appeared first on plusinfo.mk.