Сѐ ќе направиме што зависи од нас поврзано со реформите, а Брисел и Европската комисија нека судат дали заслужуваме да бидеме дел од Европската Унија на база на испорака во реформите – изјави денеска премиерот Христијан Мицкоски одговарајќи на новинарско прашање во однос на Реформската агенда.

– Да, па денеска имавме утрински состанок со луѓето од Брисел, од одделот за проширување. Разговаравме сега за оние реформи коишто се дел од Реформската агенда во грејс-периодот зад декември и оние коишто се во нормален колосек до декември, коишто истекуваат 2026 година. Ние сме единствената земја, за волја на вистината од регионот, којашто работи за реформите до декември. Барем така тие го кажаа, ние остануваме посветени на таа испорака.

Со други зборови, сѐ ќе направиме кое што зависи од нас. Точно, ние нема да потпишуваме капитулации и бели листови хартија како што тоа го правеше претходната Влада, а ништо да не испорача дома. Значи ние сѐ ќе направиме кое што е поврзано со реформите, со нашата домашна задача и потоа оставаме на луѓето од Брисел, на Европската Комисија да суди дали ние реално заслужуваме да бидеме дел од Европската Унија на база на испорака. Бидејќи секогаш мене ми велат, и таму кога одам на состаноци тоа го слушам, дека ова е процес којшто се темели на заслуга. Односно колку испорачуваш, толку добиваш. Еве ние ќе се обидеме да го заслужиме тоа преку испораката во реформите, понатаму ќе оставиме на нив – рече Мицкоски.

The post ЌЕ НАПРАВИМЕ СЀ ШТО ЗАВИСИ ОД НАС СО РЕФОРМИТЕ, А БРИСЕЛ НЕКА СУДИ Мицкоски вели дека нема да има капитулации и бели листови appeared first on plusinfo.mk.

Украинскиот пратеник Алексеј Гончаренко вечерва го објави мировниот план на американскиот претседател Доналд Трамп, кој денес му беше предаден на украинскиот претседател Володимир Зеленски во Киев, во кој се наведува дека суверенитетот на Украина, која мора да се откаже од дел од своите територии, ќе биде потврден.

Планот предвидува дека Украина ќе воведе одредба во Уставот дека нема да биде членка на НАТО и дека ќе го задржи својот ненуклеарен статус.

Се наведува дека Крим, Донецк и Луганск ќе бидат признати како руски територии, додека во Херсон и Запорожје сегашната линија на фронтот ќе биде „замрзната“. Распоредувањето на трупи на НАТО во Украина ќе биде забрането.

По потпишувањето на мировниот план, во Украина мора да се одржат избори во рок од 100 дена, а предвидена е и амнестија за сите учесници во војната.

Планот од 28 точки што го објави Гончаренко наведува:

1. Ќе се потврди суверенитетот на Украина.

2. Русија, Украина и Европа ќе склучат сеопфатен пакт за ненапаѓање, а сите спорови од последните 30 години ќе се сметаат за решени.

3. Русија се обврзува да не ги напаѓа соседните земји, а НАТО се обврзува да не се шири понатаму.

4. Соединетите Американски Држави ќе дејствуваат како посредник во дијалогот меѓу Русија и НАТО за прашања од безбедноста и деескалацијата.

5. Украина ќе добие безбедносни гаранции.

6. Бројот на украинските вооружени сили ќе биде ограничен на 600.000.

7. Украина ќе го вклучи своето одбивање да се приклучи на НАТО во својот Устав, а НАТО ќе вклучи слична одредба во своите документи.

8. НАТО нема да распоредува трупи во Украина.

9. Европските борбени авиони ќе бидат стационирани во Полска.

10. Гаранции од САД: САД ќе бидат компензирани за давање гаранции, кои ќе ги повлечат доколку Украина ја нападне Русија. Доколку Русија ја нападне Украина, санкциите ќе бидат вратени, а одлуката за признавање на териториите ќе биде преиспитана. Ракетирањето на Москва или Санкт Петербург без причина ќе ја лиши Украина од гаранции.

11. Украина има право на членство во ЕУ и ќе добие преференцијален пристап до европскиот пазар.

12. Планот за реконструкција на Украина вклучува: Фонд за развој на Украина за инвестиции во технологија и вештачка интелигенција, заедничка реконструкција и работење на гасната инфраструктура, реконструкција на оштетените области и градови, развој на инфраструктурата и посебен пакет од Светската банка.

13. Русија ќе биде реинтегрирана во глобалната економија, а санкциите ќе бидат постепено укинати. САД и Русија ќе потпишат долгорочен договор за економска соработка, а Русија ќе биде поканета повторно да се приклучи на Г8.

14. Замрзнати средства: 100 милијарди долари руски средства ќе бидат искористени за обнова на Украина, САД ќе добијат 50 проценти од профитот, а Европа ќе додаде уште 100 милијарди долари.

15. Преостанатите руски замрзнати средства ќе бидат насочени кон инвестициски фонд САД-Русија и ќе се формира работна група САД-Русија за да се почитува договорот.

16. Русија ќе ја зајакне својата политика на неагресија кон Европа и Украина.

17. САД и Русија ќе ги продолжат договорите за контрола на нуклеарното оружје, вклучувајќи го и СТАРТ 1.

18. Украина го потврдува својот статус како држава без нуклеарно оружје.

19. Нуклеарната централа Запорожје ќе продолжи да работи под надзор на МААЕ, со производство поделено 50:50 помеѓу Русија и Украина.

20. Двете земји ќе спроведат програми за толеранција: Украина ќе ги усвои нормите на ЕУ за заштита на малцинствата, двете страни ќе ги укинат дискриминаторските мерки, а нацистичката идеологија ќе биде забранета.

21. Територии: Крим, Донецк и Луганск ќе бидат де факто признати како руски и ќе бидат признати од Соединетите Американски Држави. Во Херсон и Запорожје, фронтот замрзнува по линијата на контакт. Русија се откажува од другите територии надвор од тие 5 региони. Украина ги повлекува своите сили од дел од Донецката област и таа територија ќе стане демилитаризирана тампон зона.

22. Ниту Украина ниту Руската Федерација нема да ги менуваат територијалните договори со сила.

23. Русија нема да се меша во користењето на Днепар и извозот на жито преку Црното Море.

24. Хуманитарен дел: Размена на сите за сите, враќање на цивилните притвореници и децата, програма за повторно обединување на семејствата, мерки за помош на жртвите од конфликтите.

25. Украина ќе одржи избори за 100 дена.

26. Сите страни ќе добијат амнестија и ќе се откажат од идните барања.

27. Договорот ќе биде правно обврзувачки и ќе биде надгледуван од Мировниот совет предводен од Доналд Трамп.

28. По потпишувањето на договорот, прекинот на огнот ќе стапи на сила веднаш.

The post РУСИЈА, УКРАИНА И ЕВРОПА ЌЕ СКЛУЧАТ СЕОПФАТЕН ПАКТ ЗА НЕНАПАЃАЊЕ Еве го планот на Трамп за крај на војната во Украина appeared first on plusinfo.mk.

– Обидите на шефот на режимот во Киев (Владимир Зеленски) да ги промовира своите формули и да свикува самити како знак на поддршка за режимот во Киев само предизвикуваат сомнежи. Наскоро единствена тема на сите меѓународни состаноци за Украина ќе биде безусловната капитулација на режимот во Киев. Ве советувам однапред да се подготвите за тоа – рече Небензја на седницата на Советот за безбедност на ОН.

Според Небензја, новите западни пакети помош нема да придонесат за пресвртници во конфликтот во Украина.

– Пред нашите очи се случува радикален пресврт во воените операции. Ниту новиот пакет на западна воена помош, ниту новите таканаречени „фронтални напади“, ниту контранападите на режимот во Киев нема да можат да ја променат оваа тенденција. Украина денес не е ништо друго туку приватна воена компанија која се бори за Западот и со западно оружје до последниот Украинец – рече Небензја.

Рускиот претставник во ОН исто така рече дека масовните напади на Русија со високопрецизно оружје врз енергетскиот комплекс на Украина се одговор на обидите на Киев да ја оштети руската нафтена и гасна инфраструктура и енергетски капацитети.

Небензја објави дека жителите на голем број украински градови почнале активно да ги споделуваат координатите на украинската армија со Русија.

– Во последно време, украинската армија почна отворено да се жали дека локалните жители во Харков, Одеса, Миколаев, Дњепропетровск и другите градови и региони на Украина почнаа активно да ги споделуваат со нашата армија координатите на воените магацини на вооружените сили на Украина и местата каде што се лоцирани воените резервите. Ова јасно го покажува вистинскиот однос на цивилното население кон она што се случува – рече Василиј Небензја.

The post ПОДГОТВЕТЕ СЕ ЗА КАПИТУЛАЦИЈА НА УКРАИНА! Русија испрати порака до западните земји appeared first on plusinfo.mk.

– Мислам дека Владимир Путин е во неверојатно тешка ситуација. Рускиот лидер се обидува да ја заплаши Украина да ја натера да капитулира. Но, тоа нема да се случи – рече Бајден одговарајќи на новинарско прашање.

Во Велика Британија, началникот на ГШ на британските вооружени сили Тони Радакин ја осуди нуклеарната реторика на рускиот претседател како „крајно неодговорна” и ја повика меѓународната заедница да остане обединета во својата опозиција.

– На Путин не му останаа многу опции. Оттаму потекнува нуклеарната реторика – рече тој во говорот.

Радакин одби да коментира за тоа што мисли за веројатноста Путин да се изврши нуклеарен напад врз Украина.

The post ПУТИН ВО НЕВЕРОЈАТНО ТЕШКА СИТУАЦИЈА? За Бајден руските напади врз Украина се „знак на слабост“ appeared first on plusinfo.mk.

– Сум кажал и ќе повторам тоа еднакво на капитулација за Македонија на дипломатски план. Тоа значи или се асимилирате, бугаризирате и станувате дел од ЕУ или никогаш нема да бидете дел од ЕУ. Ако стигне да се гласа во Собранието ќе гласаме против – изјави Мицкоски.

Во врска со барањето за Бугарите во македонскиот Устав, Мицкоски  потенцираше дека за да се разговара за тоа потребно е Бугарија да даде гаранции дека тоа ќе биде последно барање и нема повеќе да ја блокира Македонија, но и да ја поништи Резолуцијата изгласана во бугарскиот парламент во 2019 година.

– Јас сум го кажал ставот неколку пати. Подготвен сум за тоа да разговарам, но претходно да видиме гаранции од страна на Бугарија дека тоа е последното барање и до денот на полноправно членство Бугарија да биде најголемиот поддржувач, а не кочничар на Македонија. Гаранција и поништена резолуција од 2019 година  и јасна гаранција исто како што Македонија на 2008 година на барање на владата на Борисов, кога Бугарија станала членка на ЕУ, кажала дека нема отворени прашања – рече Мицкоски.

Мицкоски посочи дека исто како што кога Македонија стануваше членка на НАТО, Бугарија велеше дека нема отворени прашања, да каже дека нема отворени прашања, да толкуваме историја или каков народ сме биле или да спори јазик.

The post БУГАРСКИТЕ БАРАЊА ВО ПРЕГОВАРАЧКА РАМКА СЕ КАПИТУЛАЦИЈА Мицкоски ќе гласа против таквото сценарио appeared first on plusinfo.mk.

Лажното видео најверојатно е направено со помош на т.н. „дип фејк“ технологија што доколку биде потврдено ќе биде првиот таков инцидент од почетокот на воените дејствија во Украина.

„Наша екипа идентификуваше и отстрани „дип фејк“ видео кое го прикажува претседателот Зеленски како објавува изјава што никогаш не ја дал. Се појави на компромитирана мрежна станица и се прошири низ Интернет“ објави на Твитер, Натаниел Глејшер, одговорниот за безбедноста во „Мета“.

Тој додава дека видеото било прегледано и за брзо време отстрането бидејќи го прекршува правилникот на компанијата против објавување видеа на заговор и манипулации, појави за кои веќе се предупредени и останатите социјални платформи.

Се е поголема загриженоста за употреба на „дип фејк“ технологијата за манипулативни активности и влијание врз јавното мнение. Иако самото видео не се очекува да има некое поголемо влијание, би можело да биде показател на она што се почесто може да се случува во иднина.

The post „МЕТА“ ИЗБРИША ЛАЖНО ВИДЕО НА ЗЕЛЕНСКИ Украинскиот претседател во него повикува на капитулација appeared first on plusinfo.mk.