Од Владата до општините за капитални инвестиции се вложени околу половина милијарда евра во овие две години, откако е избрана оваа Влада – изјави денеска премиерот Христијан Мицкоски на отворањето на училишен базен во скопската општина Карпош.

Како што соопштуваат од владината прес-служба, за базенот се вложени 76.000 евра (46.700.000 денари), длабок е од 0,80 до 1,20 метри, широк 9, а долг 25 метри.

– Ова е уште еден од проектите кои се довршуваат и се пуштаат во употреба. Нормално дека човек не може да не биде задоволен кога ќе направите нешто добро, корисно за заедницата. Гледате дека веќе има и млади луѓе кои што го користат овој објект.

Посакувам уште многу вакви проекти да отпочнеме во периодот што следи, а оние кои што се отпочнати да ги дозавршиме, бидејќи сите оние ветувања кои што се давани треба и да се реализираат – рече премиерот Мицкоски.

Тој додаде дека Владата ќе продолжи посветено да работи на реализација на проектите во соработка со општините.

– Продолжуваме да работиме, заедно со општините, во насока на завршување на проектите кои што преку две програми, во суштина и два повика од Министерството за локална самоуправа, беа објавени – некаде околу 350 милиони евра. Заедно со сите оние други проекти кои што министерствата ги финансираат преку други програми, вкупната директна инвестиција, од владата во општините за капитални инвестиции, е околу половина милјарада евра.

Отприлика, тоа е инвестициската активност којашто оваа влада, за овие нецели две години откако е избрана, ја реализира заедно, во соработка со општините. Така што, во таа насока ќе продолжиме и во периодот којшто следи – рече премиерот.

The post ЗА КАПИТАЛНИ ИНВЕСТИЦИИ ВО ОПШТИНИТЕ ОВАА ВЛАДА ИМА ИЗДВОЕНО ПОЛОВИНА МИЛИЈАРДА ЕВРА Мицкоски на отворање на училишен базен во Карпош appeared first on plusinfo.mk.

Пратеникот од ВМРО-ДПМНЕ, Бојан Стојаноски, во емисијата „Став на регионот“ на телевизија „Њузмакс Балканс“ изјави дека Владата продолжува со економска политика насочена кон капитални инвестиции и поддршка на градежниот сектор, со цел зголемување на бруто-домашниот производ, се наведува во соопштението од ВМРО-ДПМНЕ.

– Овие 260 милиони евра што Република Македонија ќе ги повлече ќе бидат наменети за финансирање капитални проекти што се реализираат преку централниот буџет. Кога ја презедовме власта, кажавме дека нашата економска филозофија ќе почива на неколку столба, а еден од нив е силен поттик за капитални инвестиции преку кои, особено преку градежништвото, ќе го зголемиме бруто-домашниот производ. Тоа веќе се гледа во пракса – рече Стојаноски.

Тој нагласи дека државата годинава има обврска да врати 2,6 милијарди евра стари долгови, што, според него, претставува третина од Буџетот, но и покрај тоа, како што рече, обезбедени се средства за повисоки плати, пензии и инфраструктурни проекти.

– Оваа година имаме обврска да вратиме 2,6 милијарди евра стари долгови, но и покрај тоа успеваме да обезбедиме средства за повисоки плати, повисоки пензии, реконструкции и реализација на капитални проекти. Просечната пензија за две години е зголемена за 32 проценти, а сите пензионери добија покачување од 7.000 денари. Секој студент доби ваучер од 250 евра. Просечната нето-плата, според Државниот завод за статистика, е зголемена за 15,5 проценти, односно за околу 6.500 денари. Дополнително, имаме и 17.700 новоотворени работни места – изјави Стојаноски.

Тој посочи дека преку унгарскиот финансиски пакет, но и преку средства од Буџетот на Министерството за транспорт, се финансираат бројни проекти во општините.

– Во сериозна подготвителна фаза сме за почеток на изградбата на железничката пруга на Коридорот 10, а автопатот Прилеп-Битола се реализира со задоволително темпо. Кога ќе се соберат сите овие проекти, станува збор за инвестиции вредни неколку милијарди евра – истакна Стојаноски.

Тој додаде дека економската стратегија на Владата се темели на три клучни принципи: капитални инвестиции, привлекување странски директни инвестиции и поддршка на домашното стопанство.

– Во овој момент тоа ни обезбедува економски раст од 3,5 проценти шест квартали по ред, што нè рангира меѓу третото и петтото место во Европа на квартално ниво – рече Стојаноски.

The post МАКЕДОНИЈА ИМА ШЕСТ КВАРТАЛИ РАСТ ОД 3,5 ПРОЦЕНТИ Стојаноски најави силен инвестициски циклус appeared first on plusinfo.mk.

Отворивме фронт за работа на автопатските делници што ги гради конзорциумот “Бехтел и Енка” за 90 % во 2025 споредено со 2024 година. За оваа година очекувам нов раст од 70 % споредбено со 2025, истакна заменик претседателот на Владата и министер за транспорт, Александар Николоски, во гостувањето во поткастот „Ноќно студио”, нагласувајќи дека проектот се движи со очекуваната динамика.

– Сега, со оглед на тоа дека завршните сметки се готови, можете да видите дека Бехтел има 90% раст кога ќе ги споредите 2024 со 2025 година, што значи дека она што го кажуваме во јавност, дека ние им ги отворивме фронтовите за работа и им ги овозможивме сите услови да работат, се покажува на дело, а оваа година очекувам дека ќе имаат некаде 70% раст, во споредба со минатата. Значи, проектот расте, како што треба да расте, се обидуваме да ги надминеме слабостите од минатото. Ние наследивме проект кој што имаше 0 % експропријација, нула дислокација на водови и каде што освен потпишување на договори немаше никакви активности на терен – истакна Николоски.

Тој информираше дека веќе се работи на делниците Прилеп-Битола, Тетово-Гостивар и Гостивар-Букојчани, додека реализацијата на автопатската делница Требеништа-Ќафасан, ќе зависи од процедурите и одлуките поврзани со УНЕСКО.

– Почнавме со активности на терен и на Прилеп-Битола и на Тетово-Гостивар и на Гостивар-Букојчани, ситуацијата на Требеништа-Ќафасан зависи од УНЕСКО, но и таму имаме решенија доколку добиеме зелено светло – посочи вицепремиерот Николоски.

Повеќе од 74% од средствата за капитални инвестиции во Министерството за транспорт се веќе реализирани уште на почетокот од годината.Подготвени сме наменски да реализираме дополнителни 40 милиони евра, секако доколку тие средства можат да се обезбедат со ребалансот на Буџетот, вели заменик претседателот на Владата и министер за транспорт, Александар Николоски, во гостувањето во поткастот „Ноќно студио“.

Тој истакна дека овој резултат се должи на сериозното планирање и интензивна работа уште од првите месеци по формирањето на Владата и посочи дека ваквата реализација е силен импулс за економијата и градежниот сектор во државата.

– Работевме доста интензивно од изборот до минатото лето на сериозно планирање на активности и веќе од минатата пролет-лето, работиме на реализација. Јас не сум изненаден од овие бројки и сум навистина горд што 3/4 од средствата предвидени за капитални расходи во Министерството за транспорт се потрошени, затоа што тие средства даваат дополнителен стимул на економијата – истакна Николоски.

Вицепремиерот потенцира Министерството е подготвено да реализира дополнителни 40 милиони евра, доколку тие средства можат да се обезбедат со ребалансот на Буџетот.

– Во однос на тоа што ќе правиме во остатокот од годината, ова е една убава комотна позиција за нас, да можеме при ребалансот на Буџетот, да побараме дополнителни средства. Ние во моментов имаме услови да исконзумираме некаде околу 2,5 милијарди денари или над 40 милиони евра, средства кои што дополнително сме спремни да ги реализираме во текот на годината, а надвор од ова што е буџет на Министерството за транспорт”, рече заменик претседателот на Владата, Александар Николоски.

Toj додава:

– Нашите проекти се највидливи и оваа цела раздвиженост на градежната оператива низ државата го покажува тоа што го зборувам.

The post OTВОРЕНИ ФРОНТОВИ ЗА ДЕЛНИЦИТЕ НА „БЕХТЕЛ И ЕНКА“ Лани работите пораснале за 90%, годинава се очекуваат уште 70% appeared first on plusinfo.mk.

Бројот на работници на автопатските делници кои ги гради конзорциумот „Бехтел и Енка“ не само што не е намален, туку е и зголемен, имаме раст на градежните активности за 40% на автопатските делници, а реализацијата на капитални инвестиции на Министерството за транспорт е над 70%, што претставува рекорд во историјата на државата и на ниво на Влада, вели заменик претседателот на Владата и министер за транспорт, Александар Николоски.

– Во однос на активноста, изградбата на вакви проекти не е прашање на визуелизација, туку е прашање на факти и бројки. Споредбено, декември 2024 година биле завршени работи во вредност од 10,7 милиони евра, декември 2025 година, работи во вредност од 19,1 милион евра, скоро 9 милиони евра повеќе. Понатаму, јануари 2025 година 9,7 милиони евра, јануари 2026 година 12,2 милиони евра, февруари 2025 година 8,5 милиони евра, февруари 2026 година 13 милиони евра, што е сериозен скок. Тоа го покажува и Заводот за статистика, третиот квартал лани градежништвото имаше раст од 21%, а четвртиот квартал имаше 16,7% – рече Николоски во гостување на Канал 5.

Реализацијата на капиталните инвестиции на Министерството за транспорт, на што сум особено горд е преку 70%, додаде тој.

– Се надевам дека со ребалансот ќе имаме и дополнителни средства, затоа што овие средства до ребаланс ние ќе ги потрошиме, што е добро за државата, затоа што нашите средства се најискористени во смисла на раст – потенцира Николоски.

The post ЗА ТРИ МЕСЕЦИ 88,6 МИЛИОНИ ЕВРА СЕ ВЛОЖЕНИ ВО АВТОПАТИТЕ Раст на градежните активности на патиштата за 40% appeared first on plusinfo.mk.

Буџетот на Град Скопје за 2026 година е усвоен со поддршка од повеќето советници, а според претседателот на Советот на Град Скопје, Даме Димитровски, станува збор за документ што означува почеток на реална преродба на главниот град.

– Ова е моментот кога ветувањата стануваат реалност. Буџетот за 2026 година е доказ дека кога има визија и ред, резултатите се неизбежни – порача Димитровски, нагласувајќи дека станува збор за директно исполнување на деветте темелни политики за развиено Скопје – најавени во кампањата.

Еден од клучните сегменти е т.н. „зелен буџет“, каде средствата за животната средина се речиси двојно зголемени. Градот, како што посочи Димитровски, го откочил проектот за поставување фотоволтаици во училиштата, а дополнително се инвестираат 210 милиони денари во јавно зеленило.

– Ова е нашиот конкретен одговор на загадувањето, не декларации, туку реални инвестиции – истакна тој.

Инфраструктурата останува во силен фокус, со вкупно 1,7 милијарди денари наменети за капитални инвестиции. Ќе се реконструираат клучни булевари и улици, при што безбедноста во сообраќајот е поставена како приоритет.

– Обезбедивме средства за сообраќајна сигнализација и проекти со кои ‘Визија Нула’ и програмата ‘Safe to school’ конечно ќе станат реалност на терен – нагласи Димитровски.

Посебно внимание се посветува и на јавните простори. Во 2026 година, 90 милиони денари ќе се инвестираат во детски катчиња, паркови, фитнес зони и пешачки патеки.

– Јавниот простор го враќаме на граѓаните. Скопје мора да биде град каде секој може да се движи слободно и безбедно – рече претседателот на Советот.

Образованието и младите се издвојуваат како темелен приоритет, со зголемување на буџетот за 7,5 проценти. Предвидена е изградба на ново училиште, нови спортски терени, ИТ-опрема, а за првпат и униформи за сите средношколци во прва година.

– Инвестицијата во младите е инвестиција во иднината и развојот на Скопје – порача Димитровски.

Културата добива двојно поголема поддршка, со цел да се зачува проектот „Европска престолнина на културата – Скопје 2028“, додека паралелно се зајакнува и противпожарната заштита преку вработување на 30 нови пожарникари и набавка на современа опрема.

Според Димитровски, буџетот од 5,2 милијарди денари е буџет на одговорност и финансиска консолидација.

– Скопјани не бараат импровизации и спектакли, туку решенија што функционираат. Со јасен план, градот конечно застанува на нозе – заклучи тој.

The post БУЏЕТ СО КОЈ СКОПЈЕ ЌЕ ЗАСТАНЕ НА НОЗЕ Димитровски најавува преродба на градот и ги откри инвестициите appeared first on plusinfo.mk.

Премиерот Христијан Мицкоски на денешната седница во Собранието за пратенички прашања истакна дека за следната година главен фокус на Владата ќе бидат капиталните инвестиции и се очекува тие да бидат главен двигател во економијата.

Oваа година од 3% се дојде на 3,4% од БДП, а за третиот квартал се очекува и повеќе имајќи предвид дека само во градежништвото има раст поголем од 34% во реализација на инвестициите и на капиталните и на приватните инвестиции во третиот квартал.

– Нашата цел е да дојдеме до реален раст на БДП од 4% и повеќе во услови на ваква криза, посебно во автомобилската индустрија и во услови на геостратешките политички консталации не само во Европа, туку и пошироко. Целта е да дојдеме до номинален раст на БДП помеѓу 7,5% и 8% што веќе го правиме. Во првиот квартал беше 7,5%, а во вториот 7,8%. Ова е она кое претставува наша амбиција во ова време и да ги намалиме во тие услови, и јавниот и државниот долг – посочи премиерот Мицкоски.

Премиерот Мицкоски додаде дека ако ја гледаме 2025 година и додадената вредност која Владата ја креира во економијата и ако тоа се спореди со задолжувањата ќе се види дека тоа е во однос 2 спрема 1. Кога ќе прашаат каков е јавниот и државниот долг, одговорот е дека едниот е за скоро 2,8%, а другиот за 3,5% помал од тој што бил на крајот на 2024 година.

– Ако споредите со седум години СДСМ и ДУИ, ќе видите дека поголемо е задолжувањето отколку креираната додадена вредност во економијата. Тоа значи дека се задолжувале, а не создавале вредност, а ние во оваа година двојно повеќе создаваме вредност отколку што ја задолжуваме државата. Оваа влада домаќински се грижи за народните пари и може да ги планира соодветно, распределува, да инвестира соодветно за граѓаните да почувствуваат дека нешто на добро се случува во државата споредено со тоа како беше по принципот „како до сега“.  И никогаш нема да ја научат лекцијата, им ги слушам пораките, дискусиите тука и сфаќам дека не сакаат да ја научат. Си кажуваат една работа, комотно им е тука во Парламент, убаво им е на малкумина без да водат сметка како е во државата и каква одговорност имаат што седат во овие пратенички клупи – потенцираше Мицкоски.

Тој нагласи дека главна цел на Владата е да ги реализира капиталните инвестиции и во таа насока, посочи дека сите капитални инвестиции кои се дел од општините и ги финансира централната влада, а вкупниот обем на тие, ако на тоа се додадат и програмите преку министерствата се доаѓа до бројка од половина милијарда евра, додавајќи дека дел се веќе завршени, дел во фаза на реализација. Тој очекува овие капитални инвестиции да бидат готови во 75% до 80%.

– Очекувам да бидеме при крај со автопатот Кичево-Охрид, во завршна фаза или најдоцна до првиот квартал во 2027 година. Имаме мал проблем со проектирање на косините кои треба да ја стабилизираат земјата за да не ни се свлече, за да нема инциденти. На линија сме со потпретседателот на Владата и жестоки сме со таа компанија која си игра мајтап со трпението и мислам дека треба да престанат да си играат мајтап и да го завршат тоа што требаше во февруари, па се продолжи до октомври и сега пак бараат рок до февруари. Жестоко работиме на реализација на коридорите 8 и 10д, очекувам да имаме огромен напредок, очекувам завршување на реализација на капитални инвестиции во други сегменти и отпочнување нови – изјави Мицкоски.

The post ГРАДЕЖНА КОМПАНИЈА СИ ИГРА МАЈТАП СО ТРПЕНИЕТО НА ВЛАДАТА Жестоко се работи на коридорите 8 и 10д appeared first on plusinfo.mk.

Министерката за финансии Гордана Димитриеска-Кочоска порача дека Буџетот за 2026 година е „развоен, реален и одговорен“, нагласувајќи дека граѓаните можат да бидат спокојни бидејќи државата е финансиски стабилна, сите обврски се покриени и пензиите и платите остануваат безбедни.

Во гостувањето во емисијата Тема на денот на Сител, таа објасни дека проектирањето на буџетот претставувало сериозен предизвик поради обврската за фискална консолидација.

– Предизвикувачки беше да се направи Буџетот за 2026 година, имајќи предвид дека ние се обврзавме на фискална консолидација, нешто што очекувавме дека ќе го спроведе претходната Влада, но тоа не се случи. За разлика од соседните земји што успеаја да се консолидираат, нам ни остана тој предизвик – изјави министерката.

Дополнителен товар, според неа, е обврската следната година да се вратат две милијарди евра, што, како што посочи, е резултат на „душманско и неконтролирано трошење“ на претходната власт. Сепак, увери дека станува збор за веќе преземен долг, а не ново задолжување.

– Граѓаните можат да бидат спокојни, не станува збор за нов долг. Напротив, целта е стабилизација и консолидирање на јавниот долг, што веруваме дека ќе го постигнеме порано од проектираните рокови – истакна таа.

Димитриеска-Кочоска објасни дека проекциите за приходите се внимателни и реални, а економскиот раст отвора можност тие да бидат и надминати. Расходите, рече, се планирани прецизно, со јасна аргументација за секое оптимизирање.

Се осврна и на критиките за наводно кратење на социјалната помош. Според неа, трошокот за гарантираната минимална помош се намалува бидејќи дел од граѓаните веќе се вработуваат, благодарение на подобрено управување и на состојбите на пазарот на труд.

– Голем дел од тие луѓе се здрави, работоспособни, и во услови на недостиг на работна сила тие веќе добиваат работа – рече министерката.

Таа подвлече дека лицата со попреченост продолжуваат да бидат приоритет.

– Во овој буџет лицата со попреченост се комплетно покриени. Фокус ни е секогаш да има средства за нив – додаде Димитриеска-Кочоска.

Министерката посочи дека бројките за капиталните инвестиции укажуваат на реални зафати: заклучно со 13 ноември реализацијата изнесува 22,1 милијарди денари, а по стара методологија 28 милијарди – 47,4% повеќе од минатата година. За 2026 година, буџетот предвидува 40 милијарди денари капитални инвестиции.

Таа потсети дека Буџетот ги опфаќа сите законски обврски: пензиите ќе бидат усогласени со законските методологии, вклучувајќи го априлското покачување од околу 1.000 денари, како и редовното септемвриско усогласување. Минималната плата и сите надоместоци исто така ќе се пресметуваат согласно постојните регулативи.

– Буџетот за 2026 е развоен, реален и одговорен. Сите обврски се покриени, капиталните проекти навистина се реализираат – заклучи министерката.

The post БУЏЕТОТ ЗА 2026 ЌЕ БИДЕ СТАБИЛЕН И РЕАЛЕН Министерката уверува дека пензиите и платите се безбедни appeared first on plusinfo.mk.

Ова не е само уште еден документ со бројки и табели, ова е економска порака за стабилност, доверба и развој, како и јасен доказ за одговорното управување со јавните финансии што го воспоставивме и го продолжуваме со полн капацитет, рече денеска министерката за финансии Гордана Димитриеска-Кочоска која пред матичната собраниска Комисија за финансирање и буџет го образложи Предлог-буџетот за 2026 година.

Комисијата треба да ја почне амандманска расправа по Предлог-буџетот.

-Буџетот за 2026 година е доказ дека можеме да управуваме паметно, дисциплинирано и визионерски, дури и во време на предизвици. Овој документ зборува за економија што расте, за држава што инвестира и за Влада што знае што прави -рече Димитриеска-Кочоска.

Откако ги соопшти проекциите, таа рече дека од Комисијата очекува аргументирана, квалитетна и продуктивна дискусија.

По Димитриеска-Кочоска, пред членовите на Комисијата се обраќа и претседателот на Фискалниот совет Абдулменаф Беџети, кој го дава видувањето за проектираниот Буџет.

Вкупните приходи во Предлог-буџетот за следната година се проектирани на 374,7 милијарди денари, расходите на 413,9 милијарди денари, а капиталните инвестиции на 40,5 милијарди денари или 650 милиони евра. Економскиот раст е проектиран на 3,8%, инфлацијата на 2,5, а буџетскиот дефицит на 3,5% БДП.

Според информациите објавени на веб страницата на Собранието, за Предлог-буџетот се поднесени над 100 амандмани.

Пленарната седница на која ќе се разгледува Предлог-буџетот за 2026 година, според најавите, е планирано да се одржи на 9 декември.

The post БУЏЕТОТ ЗА 2026 ГОДИНА Е ДОКАЗ ДЕКА МОЖЕМЕ ДА УПРАВУВАМЕ ПАМЕТНО Димитриеска Кочоска смета дека тој испраќа порака за стабилност и развој appeared first on plusinfo.mk.

Претседателот на СДСМ, Венко Филипче, денеска на прес-конференција изнесе сериозни предупредувања за економската состојба во државата, обвинувајќи ја владата на Христијан Мицкоски за рекордно ниска реализација на капиталните инвестиции, раст на долгот и создавање буџетска дупка од 1,4 милијарди евра до крајот на годината.

Филипче истакна дека реализацијата на капиталните инвестиции до крајот на септември изнесува само 43,78 проценти или околу 20,7 милијарди денари. Тој предупреди дека до крајот на годината ќе биде реализирано најмногу 55 проценти од планираните средства, што, според него, значи уште една „изгубена година“ за економски развој и нови работни места.

– Овие бројки покажуваат дека Владата нема капацитет да ги реализира ниту сопствените планови и проекти. Пари што требало да донесат развој и нови вработувања остануваат неискористени – рече Филипче.

Според него, буџетската рамка покажува дека до денес се реализирани само 70,78 проценти од приходите, додека расходите достигнале 72,82 проценти. Тоа, рече тој, значи дека до крајот на 2025 година ќе недостигаат околу 1,4 милијарди евра за покривање на трошоците, што, според него, ќе доведе до ново задолжување или кратење на јавни услуги.

Филипче дополнително посочи на скриениот долг од 700 милиони евра неплатени обврски кон фирмите, на што веќе предупредувал Фискалниот совет. „Овој скриен долг директно ја уништува ликвидноста на македонските компании и ја задушува економијата,“ нагласи тој.

Тој потсети дека, според Светската банка, јавниот долг ќе порасне на 62,9 проценти од БДП, што ја прави Северна Македонија најзадолжена земја во регионот и единствена каде што долгот е повисок од предпандемискиот пик. „Во време кога премиерот Мицкоски зборува за економски успеси, должност ми е да ја кажам вистината – состојбата е алармантна,“ рече Филипче.

The post БУЏЕТОТ ВО КОЛАПС, КАПИТАЛНИТЕ ИНВЕСТИЦИИ НА ИСТОРИСКИ НАЈНИСКО НИВО Државата должи 700 милиони евра на фирмите, вели Филипче од СДСМ appeared first on plusinfo.mk.

Вицепремиерот и министер за транспорт Александар Николоски денеска на средба со шефот на Делегацијата на ЕУ во државата, Михалис Рокас, информирал за прогресот на актуелните проекти под надлежност на Министерството за транспорт, со акцент на проектите во патната и железничката инфраструктура како дел од коридорите 8 и 10.

„Соговорниците разменија мислења и ставови за актуелните политички и економски прашања во земјава и регионот, како и за можностите за отпочнување на капитални проекти во државата поддржани од Унијата, која е силен и стратешки партнер како во процесот на пристапување на државата во европско семејство, така и во обезбедувањето на финансиска поддршка на низа значајни проекти“, информира прес-службата на Министерството за транспорт.

The post НИКОЛОСКИ И РОКАС ЗБОРУВАА ЗА КАПИТАЛНИ ИНВЕСТИЦИИ Евроамбасадорот бил информиран како течат работите со Коридорите 8 и 10 appeared first on plusinfo.mk.