Едно лице загина, а две се повредени откако трамвај излета од шините и целосно урна трамвајска станица во Сараево, јавија босански медиуми и граѓани на социјалните мрежи.

Трамвајот, кој сообраќал од правец на Железничката станица кон Башчаршија, излетал од шините на раскрсницата кај Земскиот музеј и завршил на коловозот.

Според првичните официјални информации од МВР на Кантонот Сараево, едно лице го загубило животот, а две се повредени. Неофицијално, загинатиот е маж.

– Во трамвајската несреќа на подрачјето на Центар, едно лице смртно настрада. Според моменталните податоци, две лица се повредени. Известен е јавен обвинител – потврди портпаролката на МВР, Мерсиха Новалиќ.

Голем број полицајци и пожарникари излегле на терен, додека екипи на Итната медицинска помош со повеќе возила ги пренесоа повредените во болница.

Како што може да се види од фотографиите и видеоснимките, поради излетувањето на трамвајот од шините речиси целосно е уништена трамвајската станица.

U nesreći, odnosno iskaknju tramvaja iz šina u centru Sarajeva, poginula je jedna osoba, potvrđeno je iz MUP-a Kantona Sarajevo. pic.twitter.com/G6pJ7bJsHP

— Raport.ba (@BaRaport) February 12, 2026

Jedna djevojka je smrtno stradala nakon što je u Sarajevu tramvaj iskočio iz šina, saznaje @IstragaB pic.twitter.com/4XiO0zKiHS

— Istraga.ba (@IstragaB) February 12, 2026

The post ВО САРАЕВО ТРАМВАЈ ИЗЛЕТА ОД ШИНИТЕ И ЈА ЗБРИША СТАНИЦАТА! Едно лице загина, две се повредени appeared first on plusinfo.mk.