Актерот Џон Траволта објасни дека имало посебна причина зошто во текот на викендот во Франција, во рамките на Канскиот Филмски фестивал, дури трипати ја носел елегантната беретка по повод своето режисерско деби.

Во интервју за CNN објавено во понеделник, 18 мај, 72-годишниот Траволта ја објасни својата инспирација.

– Режисерите од старата гарда носеа беретки и очила. Помислив, токму тоа и јас ќе го направам – рече тој.

Траволта пристигна на фестивалот со стил, пилотирајќи го својот авион на премиерата на „Propeller One-Way Night Coach“, што го забележа и на Инстаграм.

 

View this post on Instagram

 

A post shared by John Travolta (@johntravolta)

– Голем ден, голема ноќ во Кан. Следете нè! – напиша тој покрај видеото од себе во кое носи темно сина беретка. Во филмот глуми и неговата 26-годишна ќерка Ела, која игра стјуардеса.

За црвениот тепих, тој се пресоблече во класично одело и носеше беретка во боја на слонова коска, позирајќи со својата ќерка во ретко заедничко појавување пред фотографите. Тој носеше трета беретка во саботата, 16 мај, на фотосесија за филмот.

Ѕвездата на „Брилијант“ призна дека многу настани од неговата долга кариера се спојуваат во неговото сеќавање.

– Во филмскиот бизнис сум повеќе од 50 години, но кога ќе се осврнам наназад, не можам да разликувам еден настан од друг – рече тој. Токму затоа сакал да го направи овој фестивал посебен.

– Си реков: „Овојпат си режисер. Ти си актер, затоа играј ја улогата на режисер. Изгледај како режисер од старата школа – продолжи Траволта, додавајќи дека „пребарувал слики“ на талентирани филмски режисери кои работеле пред него.

– Му оддавам почест на тоа што сум режисер. На тој начин, кога еднаш ќе се осврнам, ќе знам: „Ах, тоа беше ‘Propeller One-Way Night Coach’, тоа беше Кан, тогаш ја освоив Златната палма“. И ќе имам живописно сеќавање на тоа.

 

View this post on Instagram

 

A post shared by John Travolta (@johntravolta)

Траволта, исто така, се огласи на социјалните мрежи и за ненадејната Почесна Златна  палма која му беше доделена.

– Никогаш не сум бил погорд на награда! – напиша тој покрај фотографија на која насмеан ја држи наградата во кренати раце.

– Златната палма во Кан за мене отсекогаш претставувала уметност во своето најдобро издание. Ова искуство ме прави навистина понизен.

 

View this post on Instagram

 

A post shared by John Travolta (@johntravolta)

Неговиот филм, чиј извршен продуцент е Марк Марачини, ќе има глобална премиера на Apple TV на 29 мај. Приказната го следи младиот воздихопловен ентузијаст Џеф и неговата мајка на лет низ целата земја до Холивуд, кој се претвора во животно патување исполнето со неочекувани моменти.

Филмот е адаптација на истоимената детска книга на Траволта од 1997 година.

The post 🎥 ЗОШТО ЏОН ТРАВОЛТА НОСЕШЕ БЕРЕТКА ВО КАН? Актерот првпат во улога на режисер на Канскиот Филмски фестивал  appeared first on plusinfo.mk.

Георгина Родригез, свршеницата на фудбалерот Кристијано Роналдо, изненади со драстична трансформација на манифестацијата „Women in Motion Awards“ што се одржа во Кан.

Инфлуенсерката се појави на Place de la Castre во склоп на престижниот филмски фестивал, облечена во впечатлива сина кошула под која ѕиркаше црн чипкаст градник.

Комбинацијата ја надополни со црни свечени панталони и елегантни потпетици во иста боја. Што се однесува до накитот, Родригез носеше дијамантска огрлица со сини скапоцени камења и неколку прстени, вклучувајќи го и вереничкиот прстен вреден 3 милиони долари.

Но, најголемата трансформација беше онаа на косата. Позната по својата препознатлива, густа црна коса, свршеницата на Кристијано Роналдо реши целосно да се трансформира и на настанот дебитираше со платинесто руса коса инспирирана од безвременскиот шик, кој веќе е насловен како „French Girl Blonde“.

За оваа драматична трансформација е заслужен познатиот фризер на ѕвездите, Димитрис Јанетос, кој ја стилизираше нејзината коса во долги, волуменозни бранови со патец на средината, каде темниот корен суптилно се претопува во ледените платинести тонови.

 

View this post on Instagram

 

A post shared by HOLA! USA (@holausa)

Оваа смела промена веднаш стана главна тема на социјалните мрежи, а многумина се согласуваат дека ова е нејзиното најхрабро модно издание досега.

The post СВРШЕНИЦАТА НА РОНАЛДО СЕ ТРАНСФОРМИРАШЕ ВО РУСОКОСА Георгина Родригез дебитираше со нов блонди изглед во Кан appeared first on plusinfo.mk.

Годинешното, 79-то издание на Канскиот филмски фестивал официјално започна со церемонијата на отворање во Palais des Festivalsu, каде што фотографите ги пречекаа холивудските ѕвезди, режисерите и моделите од целиот свет.

Кан повторно го потврдува својот статус како најважен европски филмски настан, но и неизбежна модна сцена.
Заедно со премиерата на филмот „Електричниот бакнеж“, вечерта беше обележана со елегантни кроеви, класичен гламур и низа впечатливи појавувања на црвениот тепих.

Меѓу гостите на церемонијата на отворање беа бројни познати лица од светот на филмот и забавата, а фотографиите од црвениот тепих веќе ги преплавија социјалните мрежи.

Кан е традиционално место каде што се спојуваат филмската индустрија и високата мода, па затоа не е изненадување што модните изданија предизвикаа најголем интерес кај публиката.

Заедно со претседателот на жирито Парк Чан-вук, овогодинешното жири го сочинуваат Деми Мур, Рут Нега, Лаура Вандел, Клое Жао, Диего Сеспедес, Исак де Банколе, Пол Лаверти и Стелан Скарсгард.

 

View this post on Instagram

 

A post shared by Festival de Cannes (@festivaldecannes)

Комбинациите што балансираа помеѓу класичната елеганција и модерните трендови привлекоа посебно внимание, додека многу гости останаа верни на минималистичкиот луксуз.

Вечерта на отворањето заврши со доделување на почесната Златна палма на режисерот Питер Џексон, додека меѓу гостите беа Маика Монро, Диего Луна, Хироказу Коре-еда, Џејн Фонда, Џоан Колинс и Елајџа Вуд.

Во текот на следните денови, фестивалот ќе ги собере најголемите имиња во светската кинематографија, а се очекуваат бројни премиери, награди и појавувања на нови ѕвезди. Покрај филмската програма, Кан од година во година го потврдува својот статус како еден од најследените настани во светот.

Фотографиите од церемонијата на отворањето уште еднаш покажуваат зошто Кан го диктира ритамот на филмската и модната сцена.

The post ЅВЕЗДИТЕ ПОВТОРНО ЈА ОКУПИРАА ФРАНЦУСКАТА РИВИЕРА Црвениот тепих на Канскиот фестивал преплавен со филмски и модни ѕвезди appeared first on plusinfo.mk.

Филмски ѕвезди од целиот свет се очекуваат на отворањето на Филмскиот фестивал во Кан денеска, 12 мај, со посебна почит и почест кон новозеландскиот режисер Питер Џексон – автор на познатиот серијал „Господарот на прстените“.

Се очекува 64-годишниот филмаџија да присуствува на свеченото отворање на Фестивалот на Азурниот Брег на Франција. Тој ја опиша својата претстојна награда за животно дело како едно од најголемите достигнувања во својата кариера. Филмот за отворање на Фестивалот – „Електричен бакнеж (La Vénus électrique)“ од францускиот режисер Пјер Салвадори ќе биде прикажан по доделувањњето на почесната награда.

Инаку, 79. на Канскиот филмски фестивал ќе трае до 23 мај. Настанот се смета за еден од најважните собири во светот на филмот, покрај оние во Венеција и Берлин.

Годинава, 22 филма се натпреваруваат за „Златната палма“, вклучувајќи ја и криминалистичката драма „Хартиен тигар“ од Џејмс Греј, во којашто глумат Скарлет Јохансон, Адам Драјвер и Мајлс Телер, како и „Татковина“ на Павел Павликовски, со Сандра Хилер и Ханс Цишлер. Германската режисерка Валеска Гризебах, исто така, е во конкуренција со нејзиниот филм „Сонуваната авантура (Das geträumte Abenteuer)“.

Вон главната конкуренција, ѕвездата на „Евтини приказни“, Џон Траволта е во Кан со своето режисерско деби „Ноќна еднонасочна пропелер-кочија (Propeller One-Way Night Coach)“, снимен според неговата детска книга објавена во 90-тите.

The post ПОЧЕСНА НАГРАДА ЗА РЕЖИСЕРОТ НА „ГОСПОДАР НА ПРСТЕНИТЕ“ Питер Џексон ќе добие признание на отварањето на Канскиот филмски фестивал appeared first on plusinfo.mk.

Три од четирите столба на високонапонскиот далновод што го снабдува градот Кан и околните општини „беа пресечени во злонамерен чин“, соопштија денеска локалните власти во Франција.

Локалните власти соопштија дека столбовите биле исечени со пила.

По саботажата, исклучена е струјата во Кан и во околните општини за да се санира штетата, поради што 160.000 домаќинства немаат електрична енергија.

Во Кан вечерва е затворањето и доделувањето на награди на 78. Меѓународен филмски фестивал, што почна на 13 мај. Канскиот фестивал има сопствено напојување со електрична енергија и ќе продолжи фестивалската програма, но нема да има проекции на филмови, бидејќи кината се надвор од центарот на Кан.

КАН ОСТАНА БЕЗ СТРУЈА ПОРАДИ ПОЖАР ВО ЕЛЕКТРИЧНА ЦЕНТРАЛА Дали некој сакал да го саботира фестивалот?

The post СТОЛБОВИТЕ ШТО ГО СНАБДУВААТ КАН СО СТРУЈА БИЛЕ ИСЕЧЕНИ СО ПИЛА Властите тврдат дека станува збор за злонамерна саботажа appeared first on plusinfo.mk.

Дензел Вашингтон доби почесна „Златна палма“ на Канскиот фестивал – изненадување што го дочека со насмевка. Но, веднаш по свечениот момент, ситуацијата на црвениот килим станала напната.

На премиерата на новиот филм на Спајк Ли „Highest 2 Lowest“, каде што Вашингтон го игра њујоршкиот музички продуцент, актерот се појавил во друштво на АСАП Роки и Ријана. Додека разговарал со Спајк Ли, еден фотограф неочекувано го фатил за рака, што предизвикало бурна реакција, објави списанието „Пипл“.

– Застани! – извикал Дензел, предупредувајќи го дека не смее да го допира.

Кога фотографот го повторил гестот и се насмеал, Вашингтон уште поостро возвратил.

– Застани, престани! – рекол аткерот покажувајќи видливо незадоволство.

АСАП Роки се вмешал за да ја смири ситуацијата, која накратко делувала како да може да прерасне во сериозен конфликт.

Инцидентот предизвика лавина реакции на социјалните мрежи. Мнозинството го поддржа Вашингтон, посочувајќи дека фотографот ги прекршил границите на личниот простор.

Иако познатите личности честопати се во првите редови пред објективите, коментарите се согласуваат дека фотографите треба да останат професионални и воздржани – особено на настани со толкава тежина.

Портпаролот на Дензел Вашингтон изјави дека вечерта била прекрасна, но дека актерот нема дополнителен коментар во врска со случката.

 

View this post on Instagram

 

A post shared by E! News (@enews)

The post 📽 ДЕНЗЕЛ ВАШИНГТОН ЕКСПЛОДИРА ВО КАН Фотограф го фати за рака, актерот извика „Престани!“ appeared first on plusinfo.mk.

Агенцијата за филм соопшти дека ќе учествува на 78. издание на престижниот Кански филмски фестивал, во рамките на Филмскиот маркет (Marché du Film). Македонската кинематографија ќе биде претставена од неколку филмови и копродукции – „Лојнс“ во режија на Доријан Нур Жесперс, „Додакамерон“ на Минос Папас, „Утре наутро“ на Јани Бојаџи, како и краткометражниот филм „Лима“ на Батухан Ибраим.

Од Агенцијата информираат дека од 2010 година имаат свој промотивен штанд во рамките на Павилјонот на земјите од Југоисточна Европа (SEE Pavilion), заедно со уште седум земји од регионот – Бугарија, Босна и Херцеговина, Црна Гора, Кипар, Србија, Словенија и Хрватска. Преку овој штанд, се реализираат бројни активности со цел промоција на македонската кинематографија, нејзините автори и потенцијалите за меѓународна соработка.

Претставниците на Агенцијата најавија дека ќе учествуваат и на неколку меѓународни настани – Генералните собранија на EFAD (Европска асоцијација на филмски агенции) и European Film Promotion, панелот „Ajde!“ посветен на копродукции во Југоисточна Европа, како и Конференцијата на Европската аудиовизуелна опсерваторија.

Делегацијата на Агенцијата за филм оваа година ја сочинуваат в.д. директорката Вероника Бучковска, виш соработник за филмска дејност Анита Стојческа Алексовска, како и студентки на Факултетот за драмски уметности, Мартина Петреска и Леона Јариќ.

Учеството на студентките е резултат на потпишаниот Меморандум за соработка меѓу Агенцијата за филм и Факултетот за драмски уметности, со кој се овозможува млади и талентирани филмски професионалци во развој директно да присуствуваат на еден од најзначајните светски филмски настани.

– Преку оваа иницијатива, студентите добиваат уникатна можност да се запознаат со светските текови во филмската индустрија, да стекнат вредни искуства и контакти, како и да го прошират својот професионален видик. Дополнително, ќе се реализираат бројни билатерални средби со партнери од светот со цел презентација на можностите кои Република Северна Македонија ги нуди за копродукции, снимање и интернационална дистрибуција на македонски филмови – соопштија од Агенцијата за филм.

„Лојнс“ во режија на Доријан Нур Жесперс е малцинска копродукција што е дел од престижната програма Directors’ Fortnight; „Додакамерон“ на Минос Папас е вклучен во програмата Frontieres за проекти во пост-продукција; „Утре наутро“ на Јани Бојаџи ќе има проекција во рамките на филмскиот маркет со поддршка од Агенцијата, а краткометражниот филм „Лима“ на Батухан Ибраим е вклучен во Short Film Corner.

The post МАКЕДОНСКАТА КИНЕМАТОГРАФИЈА ЌЕ СЕ ПРЕТСТАВИ ВО КАН Ќе се прикажат „Утре наутро“ на Јани Бојаџи и уште 3 копродукции appeared first on plusinfo.mk.

Познатата убавица, германскиот топ модел Хајди Клум се појави на Филмскиот фестивал во Кан, кој годинава се одржува по 78-ми пат. За оваа пригода, таа избра цветен фустан од Ели Сааб кој е многу ефектен, меѓутоа, само пред фестивалот да не беше донесено ново правило за забрана на голотија на црвениот тепих…

Хајди очигледно не сакала да се откаже од фустанот што го избрала за црвениот тепих во Кан, дури и ако ги прекршила сите правила што ги пропишале организаторите.

Еве како Хајди се појави на фестивалот во Кан.

 

View this post on Instagram

 

A post shared by Heidi Klum (@heidiklum)

Непосредно пред отворањето на Филмскиот фестивал во Кан, организаторите одлучија да постават построги правила во врска со облеката на црвениот тепих, пишува „Дејли мејл“.

Новите правила наложуваат дека дамите ќе мора повнимателно да ги избираат своите свечени комбинации. Во изминатите години, некои учеснички привлекоа големо внимание избирајќи ги таканаречените „голи“ фустани. За да се обезбеди поголема „пристојност“, организаторите одлучија да ги забранат ваквите комбинации на облека оваа година.

Освен Хајди, и нејзината колешка, рускиот супермодел Ирина Шајк не беше премногу засегната од ова правило. Ирина се појави на церемонијата на отворањето на 78-от Филмски фестивал во Кан во смел црн фустан без прерамки. Ирина Шајк избра модел на гламурозен црн фустан со бели точки, пуфкасти ракави и долги црни ракавици. Иако овој стил е само донекаде во согласност со новите правила на Канскиот фестивал, според кои голотијата е забранета, Ирина, би се рекло, со овој модел ги тестирала границите на „премногу гломазните“ прописи. Покрај тоа што избрала фустан кој, според димензиите, не е во согласност со нововоспоставениот строг кодекс на облекување, овој модел е дизајниран така што открива голем дел од грбот, а и од градите.

 

View this post on Instagram

 

A post shared by irina shayk (@irinashayk)

The post 📷 ХАЈДИ КЛУМ И ИРИНА ШАЈК ГИ ПРЕКРШИЈА СИТЕ ПРАВИЛА ВО КАН Германската манекенка се прошета во фустан со длабок шлиц до интимата appeared first on plusinfo.mk.

Пред самото отворање на Филмскиот фестивал во Кан, организаторите одлучија да ги заострат правилата, поврзани со облекувањето на црвениот тепих, објави Дејли мејл.

Фестивалот започнува в петок, а новите правила значат дека дамите ќе мора повнимателно да ги избираат своите свечени комбинации.

Во изминатите години, некои учеснички и гостинки привлекоа големо внимание со изборот на таканаречените „голи“ фустани. За да се обезбеди поголема пристојност, организаторите одлучија да ги забранат ваквите комбинации на облека оваа година.

„Голотијата е забранета на црвениот тепих, како и во другите области каде што се одржува фестивалот“, се вели во официјалната одлука, која ја пренесуваат странските медиуми.

Истакнато е и дека пристапот до фестивалот ќе му биде оневозможен на секој што не ги почитува наведените правила.

Сè уште не е познато дали телевизиските куќи, кои го емитуваат настаните, имале влијание врз оваа одлука.

За потсетување, 78-то издание на фестивалот ќе се одржи од 13 до 24 мај.

The post НЕМА ПОВЕЌЕ ГОЛИ ФУСТАНИ НА ЦРВЕНИОТ ТЕПИХ Воведени се строги правила на Канскиот фестивал, непослушните остануваат надвор appeared first on plusinfo.mk.

Филмскиот фестивал во Кан традиционално од година в година ги обединува убавиците од светот на шоубизнисот на црвениот тепих, а Наоми Кемпбел е долгогодишна пријателка и посетителка на оваа престижна манифестација.

Кемпбел пристигнала на фестивалот во Кан во винтиџ креација на брендот „Шанел“, потсетувајќи нè на почетоците на нејзината кариера. Всушност, првпат го носела во 1996 година на свои 25 години и во подем на својата модна кариера.

 

View this post on Instagram

 

A post shared by Emanuela Formoso – TheᖷL® (@thefashionlover_net)

Имено, прекрасната манекенка избрала тоалета која веќе ја носеше во 1996 година на ревијата на оваа француска модна куќа, докажувајќи ни дека времето за неа одамна застанало. Оваа жена изгледа како да не старее!

Наоми ја носела креацијата стара 28 години, која е истовремено и многу гламурозна, но и многу шик. Изработена е од црни светкави детали и попречни изрези пополнети со проѕирен материјал, така што потсетуваат на пруги, а ја красат и бисерни прерамки – многу елегантен и шармантен детаљ.

И додека пред речиси 3 децении атмосферата во општеството беше нешто поконтроверзна, Наоми тогаш под оваа полупроѕирна креација носеше црни хеланки. Но, сега под фустанот носела само црна долна облека, откривајќи ги своите извајани долги нозе.

Кемпбел го заокружила изданието со црни салонки и дијамантски обетки, а на сите им се допаднала и нејзината „дива“ коса, полна со волумен и заводливата шминка.

 

View this post on Instagram

 

A post shared by Nicolas Rahhal (@hautecoutureglobal)

Малку жени, па дури и професионални манекенки, кои можат да кажат дека од 25-тата година не „накачиле“ ниту грам телесна тежина, а Наоми спаѓа во таа категорија и овој фустан е жив доказ за истото.

The post 📷 САМО ТАА ГО МОЖЕ ТОА! Наоми Кемпбел се појави во Кан во фустан што го носела како 25-годишна девојка appeared first on plusinfo.mk.