-Позитивниот одговор од Европската унија на апликацијата на Украина за членство во ЕУ би бил позитивен одговор на прашањето дали европскиот проект воопшто има иднина – рече Зеленски во Киев за време на посетата на претседателката на Европската комисија Урсула фон Лајен.

Украинскиот народ, додаде Зеленски, „веќе даде огромен придонес во одбраната на заедничката слобода“, пренесе ДПА.

Во следните неколку дена Комисијата се очекува да ја објави својата оценка за тоа дали Украина треба да добие статус на кандидат за ЕУ.

Киев е благодарен за неодамна усвоениот шести пакет санкции на ЕУ против Русија, кажа украинскиот претседател. „Но, војната за жал продолжува, па затоа е потребен седми пакет санкции, што треба да биде уште посилен“.

The post ЗЕЛЕНСКИ БАРА КАНДИДАТСКИ СТАТУС ЗА УКРАИНА Од фон дер Лаен бара и нов пакет санкции за Русија appeared first on plusinfo.mk.