Упати поздрав до сите граѓани на Делчево без разлика на партиската припадност, велејки дека гласот и на неопределените граѓани или граѓани кои не се занимаваат со политика, во овој момент е важен за да можат да го кажат својот збор.

– Посебно сакам да истакнам од мојата програма дека има едно место за најранливата категорија во Македонија, а тоа се Ромите. Мислам дека господинот Салиу неслучајно го погреши своето име и презиме…тоа е зошто е импресиониран веројатно од моето залагање во Парламентот за член на Комисијата за заштита од дискриминација. Затоа во мојата програма има посебен дел за ромската заедница кои мора да ги направиме умните стручни Роми видливи, за да инспирираат и други – рече Силјановска Давкова.

Малубројните, додаде, исто така се дел од Македонија и мора да уживаат посебна заштита.

– Инаку тоа мултикултурно, мултиетничко, мултиконфесионално е под прашалник особено ако тука е погубната формула за бинационална држава бидејќи сите знаат дека каде што имате „би” имате победници и губитници и резултатот не е добар – додаде кандидатката за претседател од ВМРО – ДПМНЕ и коалицијата.

Она што, според неа го прави специфичен овој натпревар со седумте кандидати за претседател, од една страна е баукот на примитивизмот и  неодговорноста, несвесноста и непочитувањето на националните и државните интереси. Од друга  страна, како што кажа, е нарцизмот меѓу дел од кандидатите, што, според неа  предизвикува поделби и раздор.

Порача да се внимава на сопствеништвото лично или колективно на Македонија, на државата, на институциите.

– Институциите треба да бидат насочени кон искористување на јавно добро, а не институциите да ги користите во политички цели, да снимате спотови во институциите, да славите роденден. Институциите не смеете да ги фамилијализирате. Затоа ние треба да ставиме крај на ужасната феудализација во Македонија од луѓе со ограничен ум, од луѓе кои преку ноќ се збогатија. Да ги испратиме надвор од политиката бидејќи со тоа не навредуваат и не повредуваат. Затоа мислам дека ова е пресуден последен момент од кој извира нашиот легитимитет, ама вие сте тие кои морате да ги делегитимирате, бидејќи не водеа сметка за граѓанските потреби интереси и не ги задоволуваа, туку само мислеа на себе – додаде Силјановска Давкова.

Таа нагласи дека мора да се тргне по филозофијата на санкционирање на секој без оглед на каква висока функција се наоѓал или се наоѓа, Уставот и законите мора да важат за сите на оваа линија.

– Се залагам за сериозно преиспитување на статусот при изборот на Судскиот совет, ова го велам како некој кој ќе биде надлежен за именување на двајца членови на судскиот совет, онаа скандалозна институција што не гарантира независно судство туку партиско судство – додаде кандидатката за претседател од ВМРО – ДПМНЕ и коалицијата.

Најважниот предизвик за сите нас, потенцираше, е беспоштедната битка со корупцијата и криминалот.

На централниот митинг во Делчево, како и на претходните во Берово и Пехчево, свое обраќање имаа и Драган Ковачки носител во ИЕ 3 од ВМРО – ДПМНЕ и коалицијата и претседателот на ВМРО – ДПМНЕ, Христијан Мицкоски.

The post БЕСПОШТЕДНА БИТКА СО КОРУПЦИЈАТА И КРИМИНАЛОТ Гордана Силјановска Давкова го истакна најважниот предизвик appeared first on plusinfo.mk.

– Од другата страна на Вардар еден друг конзул, еден друг везир, исто така си славеше во она министерство во кое што само 3% има други. Можете да замислите што прави господинот Артан Груби? Му го дава министерството, зградата, на султанот Али Ахмети за тој таму да се среќава со дипломати, па да слави родендени, па дури и да си пее. Тоа ли е држава? Тоа не е држава, тоа е држава во пропаѓање, а не само слаба држава и затоа да не дозволиме да пропадне – порача Гордана Силјановска Давкова.

Кандидатката за претседател од ВМРО-ДПМНЕ, во обраќањето пред граѓаните на Берово истакна дека „сè додека има горди Македонци, сè додека има горди Албанци, Турци, Роми, Власи, Бошњаци, Срби, а тие се овде, во коалицијата, сè додека има горди граѓани, ќе зачекориме напред, во една нова ера. Инаку, тешко ни се пишува“.

– А, кога мојот противкандидат зборува дека сторил сè што можел, не можам, а да не кажам дека ништо не сторил во овие 5 години. Дури ни оние скромни уставни надлежности не ги искористил. Не дека не можел да прочита во Уставот што треба да прави, туку оние кои се над него, оние кои ги слуша, му велеле дека не треба сам да одлучува. „Ти следи не нас, ние ќе си работиме по старо и така ќе си владееме со Македонија како да е пашалак“.

Мора да си заминат заради ова! Каде беше господинот Пендаровски? Каде беше да стави не знам колку вета на катастрофално лошите закони? Згора, замислете, носите закони во интерес на поединци, во интерес на групи, а се повикувате на европско право? И уште се именувате како Европјани. Ма, какви Европјани се тие?!? Тие не се ни западнобалканци. Тие не се политичари! Тие се погрешни луѓе на погрешни места, погрешни луѓе на Вашите места. Луѓе кои не се избрани за таму, луѓе кои станале министри и пратеници, но не на правен начин туку со политички пазари. Затоа нема невин меѓу нив, подеднакво се одговорни и сите треба да си заминат затоа што наместо да работат за доброто на граѓаните на Македонија, тие си градеа кули, но тоа се кули од пепел, вавилонски кули. Тоа ќе се види на 24 април кога ќе им се урне првата кула, а потоа на 8 мај и втората и кога ќе мора да си заминат – истакна претседателската кандидатка од ВМРО-ДПМНЕ.

Силјановска Давкова одговори што е најважниот предизвик за сите нас.

– Беспоштедната битка со корупцијата и криминалот! Тие се најкорумпираните и криминализираните. Тие се татковците и мајките на корупцијата и криминалот. А, со корупција и криминал не се оди никаде, ни во место не се стои, се пропаѓа, а не ќе оделе тие кон Европската Унија. Запомнете – најстрашна власт е власт во заминување. Затоа прават симулации на некоја парадржава, квазидржава, институции што се нивни. Претпоставувам дека сакаат да предизвикаат национализам, а можеби и се закануваат по безбедноста. Но, мислам дека е крај за тоа. Мислам дека тоа нема да го одобри ниту еден граѓанин на Македонија без оглед на било каква припадност. Луѓето сфатија дека ова се импотентни политичари, дека ова се политичари кои не водат политики, дека ова се политичари кои не се сакаат себеси. Се плашат не само од Вас, се плашат од себе, од своите сенки. Затоа сега трчаат по Македонија, во битка по имунитет, мислејќи дека ќе се скријат во парламентот и така ќе бидат заштитени. Не, ништо нема да ги заштити! Ништо нема да ги заштити. Јас сум убедена дека хармонијата, синергијата, на двете глави на извршната власт, претседателската и онаа на владата, заедно со цврстото мнозинство во парламентот, што нема да значи триумфално управување, туку гаранција за спроведување на програмата, е правиот пат за Македонија како горда држава и како твоја држава. Одлуката е во Вашите раце и свесни сте за моментот кој што не смееме да го пропуштиме ако сакаме да живееме во пристојно место, каква што е Македонија – истакна Гордана Силјановска Давкова.

The post НАЈСТРАШНА ВЛАСТ Е ВЛАСТ НА ЗАМИНУВАЊЕ Гордана Силјановска Давкова го посочи однесувањето на ДУИ како врв на султанатот во Македонија appeared first on plusinfo.mk.

На средбата беа презентирани делови од програмата на Ванковска за претстојните избори.
– Ако сакаме достоинство, овие избори немаме право на грешка. Мора да излеземе и да гласаме за да се прашува народот – порача Ванковска.
Во изјавата, од општината која е и нејзин дом, професорката како различна понуда од сите останати ја истакна заложбата за излегување од НАТО.
– Покренување на постапка за излегување од НАТО е неопходна. Како сиромашна земја која нема економски развој, а секоја година издвојува повеќе од 2% од својот вкупен национален доход, само тоне во сиромаштија. Притоа она што го издвојуваме оди за финансирање туѓи војни! – рече Ванковска.
Ванковска пред Карпошани ги повтори и заложбите од нејзината изборна програма за носење на нов Устав.
– Нужно е да донесеме нов Устав наместо да се надмудруваме кој ќе влезе во преамбулата. Тој Устав ќе биде современ, таков каков што ќе го донесеме за себе како политичка заедница која нема да биде делена по етнички квоти, со олигархии и етнотрибализам, туку социјален Устав, заснован на принципите на социјална класна правда и еднакви можности – истакна Ванковска.

-Сонцето и Белите мугри на Рацин изгреваат на исток! Иако ни кажуваат политички мудрости дека сонцето излегува на запад, на запад се случуваат драматични работи, светот се менува и ние треба да гледаме на сите четири страни – рече претседателската кандидатка од Левица.
Ванковска и кандидатите на Левица за пратеници од ИЕ1 Ристовски и Јовановска денеска положија цвеќе на споменикот на паднатите борци во НОБ од Нерези кај мостот “Обединети нации” – симболот на заедништво во историската борба за слободна Македонија.

The post НА ОВИЕ ИЗБОРИ НЕМАМЕ ПРАВО НА ГРЕШКА Ванковска најави покренување постапка за излегување од НАТО appeared first on plusinfo.mk.

Силјановска Давкова презентирајќи дел од изборната програма испрати важна порака дека поставувањето на квалитетни и кометентни луѓе на клучните позиции треба да стане редовна практика и дека претседателот мора да води бескомпромисна борба.

„Треба да се продолжи со регрутирање на дипломатите од редот на оние кои се дипломати од кариера. Но се разбира, доколку и тие не ја претставуваат Македонија како што заслужува, тогаш треба да се вратат дома. Во комисијата за надворешни работи, наместо како досега воопшто да не се појавуваат, треба кандидатите за дипломати да образложат што ќе прават во другите држави. Тоа мора да стане редовна практика Во мултилтералата нема мали и големи, таму треба да седат највидните дипломати! Во Судскиот совет ќе предложам врвни правници кои се почитувани во својата фела. Не партиски активисти. Правници на кои им веруваат на граѓаниите! Така, низ рентген ќе ги разрешуваат најлошите и ќе ги избираат најдобрите. Ќе ценат не само квантитет на пресуди, туку и квалитет на пресудите. Ова важи и за Уставниот суд. Уставните судови во светот се едни од најпочитуваните институции. За жал, кај нас не е така! Луѓе кои се блиски до партијата и политиката доаѓаат до еден статус што не го заслужуваат. Па тој што ги поставил е нивниот устав, а не Уставот и законите. Тука претседателот мора да води бескомпромисна битка – вели Силјановска Давкова.

Претседателската кандидатка од ВМРО-ДПМНЕ додава дека во Советот за безбедност, каде што претседателот предлага 3 членови, интензивно треба да се работи, не само на следење на безбедносните дилеми, туку и на превентивно делување и студиозно скицирање на одбранбените механизми.

– Ние сме дел од НАТО. Мислам дека сме кредибилен партнер и оваа кредибилност треба да ја зајканеме – истакна Силјановска Давкова.

Професорката Силјановска Давкова нагласува дека ќе ги стимулира и ќе ги поттикнува најдобрите во сите сфери.

– Околу претседателот мора да има еден совет за соработка со младите. Не е доволно да речете дека на младите им припаѓа иднината. Не! На младите треба да им припаѓа сегашноста! Се радувам кога гледам меѓу младите кандидат пратеници. На младите им порачувам дека: Сами треба да си ја земете судбината во вашите раце. Можете да бидете успешни и надвор, ама не како дома. Резулатите ќе ве направат горди, ќе не направат нас горди и ќе ја направат Македонија горда! Вие ќе учите како да управувате со својата држава – порача Силјановска Давкова.

Во програмата на претседателската кандидатка од ВМРО-ДПМНЕ предвидена е и интеграција на македонската дијаспора преку Совет за соработка со дијаспората.

– Ќе формирам Совет за соработка со дијаспората. Дијаспората е нераскинлив дел од нашето ткиво! Во дијаспората има врвни научници, врвни бизнисмени, врвни писатели, културни работници. Мораме кон дијаспортата да се однесуваме поинаку! Имам намера, бидејќи верувам дека македонскиот јазик е нашата татковина, да формираме семинари преку лето во кои ќе доаѓаат децата на нашите иселеници. Контактите со татковината се најважни! Така и тие децата ќе знаат дека и нивните татковци и тие имаат една татковина! Ако е тоа јазикот, тогаш полесно ќе се разбираме – истакнува Гордана Силјановска Давкова.

The post НАЈДОБРИТЕ И НАЈКОМПЕТЕНТНИТЕ НА НАЈОДГОВОРНИТЕ ПОЗИЦИИ! Гордана Силјановска Давкова испрати клучна порака од изборната програма appeared first on plusinfo.mk.

Ова вечерва од Неготино го истакна кандидатката за претседател на државата од партијата Левица, Билјана Ванковска

На средбата со граѓаните во Неготино, Ванковска нагласи дека Македонците веќе се чувствуваат како граѓани од втор ред во сопствената држава.

– Решенијата што ги содржи мојата програма се многу директни, нема двоумење и дискусија. Ги раскинуваме трите договори што влечат надолу. Мојата порака е дека Европската Унија е бајка. Таа веќе се менува. Таа е веќе милитаризирана. Таа веќе ги инвестира парите во војна,  за жал. Конечно треба да си го вратиме достоинството – порача Ванковска.

Носителот на листа на кандидати за пратеници во четвртата изборна единица, од Левица,  Сашко Јанчев рече дека „Македонија е во еден критичен судбоносен период, кога се решава нејзината судбина“. Тој додаде дека долгогодишното раскрчмување на државата сега влегува во завршна фаза.

– Ова е една од последните, можеби и последна шанса, народот да си ја спаси државата. За да го постигне тоа, мора да избере претседател, кој во прв план ќе го има државниот интерес, како и партија од која ќе зависи идната власт, што во прв план ќе ги има националните интереси на македонскиот народ. На овие избори, таква опција се професорката Ванковска и кандидатските листи за пратеници на партијата „Левица“ – истакна Јанчев.

The post КОНЕЧНО ДА ПОЧНЕМЕ ДА ДИШЕМЕ КАКО СЛОБОДНА ДРЖАВА Ги раскинуваме трите договори што влечат надолу, порача Ванковска appeared first on plusinfo.mk.

– Слоганот на мојата кампања, впрочем целата програма е во функција во слоганот. Слоганот е заради хроничната и актутната состојба со македонската демократија којашто не само што е во тешка криза, туку зборува за една слаба држава или држава во пропаѓање. Во таквата држава најголеми жртви се граѓаните и кога велам јас „Македонија повторно горда”, пред сè мислам на граѓаните, повторно горди. Причината е да се врати надежта, причината е да се врати довербата во демократијата, причината е нацијата повторно да знае дека сите во политиката, вклучувајќи ги и шефот на државата или претседателката на државата имаат обврска во секој свој чекор и потег да се водат од националните од односно од државните интереси – истакнува Силјановска-Давкова.

Кога велам „Македонија повторно горда”, не можам да не споменам неколку ноторни факти, посочи кандидатката за претседател од ВМРО-ДПМНЕ.

– Прво, граѓаните имаат причина зошто да бидат горди. Се разбира, јас сум горда на предците, горда сум на оние што стојат зад трите Илиндени, горда сум на хероите. Меѓутоа мислам дека токму вредностите на кои се темелат трите Илиндени денеска не само што се погазени, туку и на оваа нација и на оваа држава и се заканува културоцид со одобрени, за жал, на оние во власта – вели Силјановска-Давкова.

Таа посочи дека неслучајно е одбран овој слоган за кампањата.

-Мислам дека сфативме дека одност на овој свет на реализам, односно односот кон малите држави навистина треба да се проблематизира. Но, дека неслучајно големите и оние однадвор се однесуваат кон нас понекогаш како да не заслужуваме гордост. Зошто? Затоа што погрешната слика за нас ја даваат оние кои треба да бидат најгорди, претседателот на државата, премиерот, претседателот на Собранието. Нивната слика е сликата за државата. Тие не залужуваат гордост и во односите на сите кон нив, ова се повторува. Затоа мислам дека ако сами не се почитуваме, не треба и не можеме да очекуваме почит однадвор, ако сами немаме самодоверба нема да ни веруваат. Овие луѓе не заслужуваат доверба и тие знаат дека тоа не го заслужуваат и немаат ни самопочит. Мислам дека е време за длабоки промени, длабоки реформи! Време луѓето да се идентификуваат со оние коишто треба да ги застапуваат нив и националните и државни интереси, луѓе кои имаат самодоверба не затоа што попусто граѓаните им веруваат. Кога сте успешни вие верувате во себе и ја заслужувате довербата. Овие избори ќе доведат на власт луѓе кои заслужуваат доверба, луѓе кои се почитувани, луѓе кон кои оние однадвор и граѓаните ќе се оснесуваат како кон некој кој ја заслужува нивната доверба – истакнува Гордана Силјановска-Давкова.

The post „МАКЕДОНИЈА ПОВТОРНО ГОРДА“ Гордана Силјановска-Давкова под овој слоган ќе ја води претседателската кампања appeared first on plusinfo.mk.

„Си добив девојче од моето втор девојче. Станав баба по вторпат“ – напиша Ванковска.

Профеорката што влезе во трка за претседател на државата на претстојните претседателки избори, објави и фотографија од новородената внука запишувајќи една интересна симболика.

„Има нешто во ѕвездите! Внуката ми е родена на 27 март, познат и славен ден на пркос и борба“ – објави Ванковска.

The post 🎥 МЕКИЦИ ВО ЛЕВИЦА Ванковска стана баба по вторпат appeared first on plusinfo.mk.