Австрискиот претприемач Бернд Бергмаир, поранешен инвестициски банкар во Голдман Сакс и мнозински сопственик на групацијата MindGeek, која поседуваше и страници за возрасни Pornhub, RedTube и YouPorn, се обратил до Министерството за финансии на САД со барање да ги преземе имотот на „Лукоил“ во странство, објавија странските медиуми.

Бергмаер ја потврди информацијата за медиумите со изјава дека овие средства се интересни за него, но не сакаше да навлегува во детали за потенцијалниот договор.

– Очигледно е дека Lukoil International GmbH е одлична инвестиција и секој би бил среќен да има можност да ги поседува овие средства – рече Бергмаер, истакнувајќи дека „не коментира за потенцијални деловни аранжмани“

Според податоците од 2021 година, Бергмаир е „тежок“  1,2 милијарди фунти, па прашањето е дали ќе купи само дел од имотот кој вреди најмалку 22 милијарди евра или ќе дејствува како претставник на поголем конзорциум.

Пред овој инвеститор за имотот на „Лукоил“ во странство по воведувањето на американските санкции се јавија повеќе меѓународни компании.  Меѓу нив се и западните нафтени гиганти Exxon Mobil и Chevron.

Тие бараат да ја купат  меѓународната подружница на „Лукоил“ со седиште во Виена која поседува неколку стотици бензински пумпи низ целиот свет, две рафинерии и акции во трета во Европа, како и неколку акции и проекти во нафтени полиња во Казахстан, Узбекистан, Ирак и Мексико.

Соединетите Американски Држави воведоа трговски санкции врз најголемиот приватен производител на нафта во Русија во октомври, принудувајќи го да го продаде имотот во странство. Во одлуката за санкции стои дека секој потенцијален инвеститор во овој имот на руската компанија треба да добие согласност од САД, а по евентуалната продажба парите нема да може да ги користи „Лукоил“.

The post ЕКС СОПСТВЕНИК НА ПОРНО СТРАНИЦА САКА ДА ГО КУПИ ИМОТОТ НА „ЛУКОИЛ“ ВО СТРАНСТВО Австриецот Бергмаир веќе побарал од САД да ја почне постапката appeared first on plusinfo.mk.