Градоначалникот на Општина Кисела Вода и кандидат на ВМРО-ДПМНЕ за градоначалник на Скопје, Орце Ѓорѓиевски денеска беше во обиколка на неколку локации за кои ветува сообраќајни решенија што ќе му донесат нов лик на главниот град.

„Сабота, работна. Денеска, заедно со дел од мојот тим, направивме увид на неколку клучни локации кои ќе бидат приоритет уште во првите месеци од мандатот. Некои од овие проекти со години беа закочени, но време е да тргнат напред. Нова клучка во Хиподром, за приклучок кон автопатот на источниот дел од градот, кружен тек кај „Тобако 2“, нов мост кај Вардариште, кој ќе ги поврзе Аеродром и Гази Баба и решавање на проблемот и пуштање во употреба на мостот Генерал Михајло Апостолски“, најави Ѓорѓиевски во објава на својот профил на Фејсбук.

Тој најавува и дека булеварот Александар Македонски ќе добие трета лента на влезот во Скопје.

„Со силно темпо и динамика, како никогаш досега, ќе му донесеме на Скопје вистински сообраќајни решенија. Решенија кои ќе ја олеснат секојдневната сообраќајна циркулација и ќе го направат градот пофункционален и поврзан. Скопје добива нов лик, за подобар и развиен град каков што заслужуваат скопјани“, вели Ѓорѓиевски.

The post КЛУЧКА ВО ХИПОДРОМ, МОСТ КАЈ ВАРДАРИШТЕ, КРУЖЕН ТЕК ВО АЕРОДРОМ Ѓорѓиевски ги најави приоритетните сообраќајни проекти appeared first on plusinfo.mk.

Ќе изумреме како диносаурусите, ако не се справиме со загадувањето, изјави денеска проф. Горан Марковски, кандидатот за градоначалник на Скопје од граѓанската иницијатива „Независни заедно“. Тој преку главата носеше маска од диносаурус за време на прес-конференцијата во близина на депонијата Вардариште, што ја одржа заедно со носителката на кандидатската листа за советници во Град Скопје, Јана Белчева Андреевска.

– Не се преземени никакви стручни мерки за тоа што ќе се прави со гасовите коишто се ослободуваат од распаѓањето на ѓубриштето. Во ѓубриштето има голема количина на метан. Метанот е лесно горлив материјал и мала искра предизвикана од што било да предизвика пожар. Ние сме за трајни решенија коишто ќе им овозможат на скопјани да дишат нормално, особено на оние наши сограѓани кои живеат во околината на Вардариште. Постојат методи, стручни методи денес и многу актуелни. Постои можност оваа енергија којашто денес ни создава проблем да ја искористиме и за производство на електрична енергија. Само треба знаење, одговорност и секако независност – рече Марковски.

Белчева Андреевска нагласи дека реализацијата на усвоените стручни планови, како чистење на дивите депонии, рекултивација на Вардариште, модернизација на системите за гас и исцедок и зајакнување на селекцијата и рециклирањето, ќе донесе видливи резултати. Таа додаде дека  планот треба да вклучува затворање на дивите депонии, 24/7 периметарска контрола со видеоаналитики, термални камери и дронови за откривање на нови истурања и жаришта, со интегрирани податоци и јавна отчетност.

– Нам сојузници во овие напори мора да ни бидат граѓаните кои се будни, свесни и бараат промени и ќе го дадат гласот за оние кои веќе биле активни и ќе продолжат да работат за јавниот интерес, а тоа е чист воздух и здрава животна средина – рече Белчева Андреевска.

The post СО МАСКА НА ДИНОСАУРУС ПРОФЕСОРОТ МАРКОВСКИ ПРЕД ВАРДАРИШТЕ „Ќе изумреме и ние ако не се справиме со загадувањето“ appeared first on plusinfo.mk.

Граѓанската платформа „Независни заедно“ денеска официјално ја објави кандидатурата на деканот на Градежниот факултет при Универзитетот „Св. Кирил и Методиј“, професор д-р Горан Марковски, за градоначалник на Град Скопје на претстојните локални избори.

Промоцијата ја отвори Јана Белчева Андреевска, кандидатка за член на Советот на Град Скопје која истакна дека има шанса за промена по години гледање како се нижат проблеми, се губат и се запустуваат јавни простори и јавни објекти.

Професорот Марковски се претстави како независен кандидат, со јасна визија за модерен и хуман град, управуван со стручност и со интегритет.

– Скопје е во агонија. Му е потребна визија ослободена од корупција, култура наместо популизам, стандарди наместо импровизации. Оваа моја кандидатура е повик за заедничка борба за град кој ќе им служи на граѓаните, а не на тесни интереси – истакна Марковски.

Скопје се соочува со сериозни предизвици, додаде тој, загаденост, урбан хаос и изгубен идентитет и потребни се нови решенија кои ќе донесат надеж, особено за младите.

– Го започнувам овој пат од Камениот мост – симболот на поврзување и заедништво. Убеден сум дека со широка граѓанска поддршка можеме да изградиме град кој ќе биде вистински европски дом, место на кое ќе се гордеат сите скопјани – рече кандидатот за градоначалник.

Марковски рече дека дигитализацијата, зелените политики и културата ќе бидат во фокусот.

„Независни заедно“ е граѓанска платформа која ги обединува независните советници и локални иницијативи од неколку скопски општини -„Шанса за Центар“, „Зелените за Гази Баба“ и „Групација 389“.

The post ПРОФЕСОРОТ ГОРАН МАРКОВСКИ Е КАНДИДАТ ЗА ГРАДОНАЧАЛНИК НА СКОПЈЕ НА „НЕЗАВИСНИ ЗАЕДНО“ Зелените политики и културата ќе бидат во неговиот фокус appeared first on plusinfo.mk.

Програмата за Скопје ќе биде создадена од граѓаните кои ги очекуваат промените во градот, вели Орце Ѓорѓиевски, градоначалник на општина Кисела Вода и кандидат за градоначалник на Град Скопје.

– Уште по првиот ден кога мојата политичката партија, претседателот Христијан Мицкоски како и Извршниот комитет ми ја дадоа довербата и поддршката започнав со теренски посети. Ги посетив општина Бутел, општина Гази Баба и продолжуваме секојдневно со останатите општини во градот. Верувам во силна победа и давам сè од себе што побрзо да биде готова програмата. Јас не планирам програмата да ја составувам канцелариски и сметам дека најправилниот начин е програмата да биде создадена токму од граѓаните кои ги очекуваат промените во градот Скопје – рече Ѓорѓиевски во гостување на ТВ Алфа.

Ѓорѓиевски објасни зошто е важно ВМРО-ДПМНЕ да победи во градот Скопје и додаде дека ќе даде сè од себе ВМРО-ДПМНЕ уште во првиот круг победи во градот Скопје.

– За сите нас е многу важно ВМРО-ДПМНЕ да победи во градот Скопје, затоа што еве пример кога бевме во Гази Баба еден граѓанин рече секогаш кога ВМРО-ДПМНЕ е на власт се гради, а кога ќе дојдат овие другите се растура. Значи верувам во силна поддршка од страна на граѓаните и ќе дадам сè од себе таа поддршка се валоризира и да имаме сериозна победа во првиот круг за градот Скопје –  рече тој.

Ѓорѓиевски укажа дека сето ова се должи на сè она што тој и неговиот тим сработиле во овие 4 години за општината Кисела Вода.

– На одлуката јас да бидам кандидат за град Скопје влијаеше и сето она што јас и мојот тим го направивме во овие 4 години во Кисела Вода. Ние имаме реализација на еден сет на проекти кој никој не замислувал во минатото дека ќе дојдат на дневен ред, а камоли да се реализираат. Мене сите добро ме знаат дека не се откажувам пред предизвикот и очекуваат истото да се рефлектира и во градот Скопје. Нема да бидам човек кој ќе биде во канцеларијата и недостапен за граѓаните, туку сосема спротивно, ќе бидам постојано на терен и со граѓаните. Оние кои добро ме знаат, знаат дека сето ова го правам за да оставам нешто позади себе и по нешта по кои ќе ме паметат. Можам исто така да кажам дека ова е една од најголемите и најзначајните битки во животот и сум спремен максимално да се вложам, ќе дадам максимално ова го искористам во интерес на граѓаните – порача Ѓоргиевски.

The post ЃОРЃИЕВСКИ ОЧЕКУВА ПОБЕДА ВО СКОПЈЕ ВО ПРВИОТ КРУГ Програмата ќе ја напише заедно со граѓаните appeared first on plusinfo.mk.

– Патеката спаѓа во таканаречената „семејна категорија“. Таа е истовремено безбедна за употреба од страна на сите генерации, но апелираме истата да се користи исклучиво со соодветна заштитна опрема. Новата велопатека „Flow“ е наменета за надолно движење со која се комплетира трасата Скопје – Средно Водно – Скопје – вели Шилегов. 

За да може да се доживее убавината на велопатеките, тој  ги повика сите љубители на природата в недела на 24 октомври да го посетат вториот Фестивал за алтернативен туризам кој ќе се одржи на Средно Водно. Настанот е со почеток во 10 часот и учество земаат сите најголеми дистрибутери на велосипеди и велосипедска опрема, а ќе биде пропратен секако со добра забава.

The post СКОПЈЕ СТАНУВА ТУРИСТИЧКА АТРАКЦИЈА Шилегов ја пушти и втората велопатека на Водно appeared first on plusinfo.mk.