Во последно време на социјалните мрежи и порталите се појавуваат тврдења дека американски научници развиле „универзална вакцина против рак“ која може да делува на сите видови канцер, односно, може да го научи имунолошкиот систем да ги препознава и уништува сите типови канцер.

Иако звучи како револуционерно откритие, научните докази покажуваат дека реалноста е многу сложена и дека оваа бомбастична вест е далеку од вистината.

Научниците навистина работат на нова генерација mRNA вакцини против рак, инспирирани од технологијата што се користеше за ковид-вакцините. Овие вакцини имаат за цел да го „научат“ имунолошкиот систем да ги препознава и напаѓа канцер-клетките.

Истражувањата покажуваат дека вакцините можат да предизвикаат силен имунолошки одговор, можат да се користат кај различни типови тумори, a се тестираат во клинички испитувања за меланом, рак на белите дробови, панкреас и други видови рак. Сепак, клучно е дека повеќето од овие вакцини се персонализирани, односно направени за конкретен пациент, а не „универзални“.

Од каде доаѓа приказната за „универзална вакцина“?

Неколку понови студии навистина даваат повод за оптимизам. На пример, истражување објавено во 2025 година покажало дека експериментална mRNA вакцина може значително да го засили ефектот на имунотерапијата – но засега само кај животни (глувци).

Научниците велат дека ова е „чекор поблиску“ до идејата за вакцина што би делувала пошироко, односно на повеќе видови рак.

Сепак, засега станува збор за рана лабораториска фаза, без потврда кај луѓе во големи студии и далеку од клиничка употреба.

Зошто „една вакцина за сите“ е толку далеку од реалноста?

Ракот не е една болест, туку стотици различни заболувања со различни генетски мутации.

Иако научниците се обидуваат да најдат „заеднички маркери“ на канцер-клетките, тоа е огромен предизвик. Затоа, најголем напредок во моментов има токму кај

персонализираните вакцини и комбинираните терапии (вакцина + имунотерапија).

Ова има резултати кај луѓе, но не со „универзална вакцина“.

Во клинички испитувања персонализирана mRNA вакцина за меланом значително го намалила ризикот од враќање на болеста. Исто така, и други вакцини покажуваат подобрување кога се комбинираат со имунотерапија.

Дополнително, некои студии покажуваат дека mRNA вакцините можат да го засилат имунолошкиот одговор и да ја подобрат ефикасноста на постојните терапии.

Што значи ова за иднината?

Вакцините против рак се една од најперспективните насоки во медицината и во следните години се очекуваат првите пошироки одобренија. За жал, „универзална вакцина за сите видови рак“ сè уште не постои.

Идејата за вакцина што ќе го спречи или излекува секој вид рак е една од најголемите цели на современата медицина. Но, моменталните научни докази покажуваат дека сме на почетокот на тој пат, а не на крајот.

Напредокот е реален и охрабрувачки – но сензационалните тврдења дека „ракот веќе има универзален лек“ засега не се потврдени.

The post УНИВЕРЗАЛНА ВАКЦИНА ПРОТИВ РАК? Нова надеж од лабораториите , но не и готов лек appeared first on plusinfo.mk.

Шведскиот актер Долф Лундгрен (68), кој во светот остана запаметен со улогите на акциони херои како што е Иван Драго во филмската серија „Роки“, а во својата седма деценија од животот, привлекува внимание каде и да се појави.

Сепак, во последните години, јавноста не го споменува само поради неговата платинеста коса и светли очи, туку и поради неговиот брак со 38-години помладата фитнес инструкторка Ема Крокдал (30).

Многумина ја критикуваат нивната разлика во годините, пишувајќи дека изгледаат како „дедо и внука“, но тие ги игнорираат таквите навреди, нагласувајќи дека нивната заедничка среќа е најважната работа за нив.

 

View this post on Instagram

 

A post shared by Dolph Lundgren (@dolphlundgren)

Нивната љубовна приказна започнала сосема случајно во 2019 година во теретана во Западен Холивуд, каде што Ема работела како тренер.

Во тоа време, Норвежанката немала поим дека маркантниот маж што го тренира е светски позната филмска ѕвезда. Хемијата била посилна од сè, а актерот подоцна признал дека Ема е „многу зрела за своите години“, што било клучно за нивната врска. Тие се верија во јуни 2020 година во Шведска, но свадбата мораше да се одложи поради пандемијата и здравствените проблеми на Лундгрен. Конечно го кажаа своето судбоносно „да“ на 13 јули 2023 година, на интимна церемонија во нивната вила на грчкиот остров Миконос.

The post ПОЗНАТИОТ АКТЕР СЕ ОЖЕНИ СО ВРСНИЧКА НА СВОЈАТА ЌЕРКА И ПРЕЖИВЕА КАНЦЕР Долф Лундгрен не ја крие својата среќа со сопругата Ема Крокдал appeared first on plusinfo.mk.

Комбинацијата од лук и лимон носи бројни придобивки за здравјето на нашето тело и е еден од најдобрите начини за поддршка на здравјето на крвните садови. Покрај тоа, лимонот е богат со витамин Ц за зајакнување на имунитетот, додека лукот има исклучителни антимикробни својства.

Одделно, лимонот и лукот се користат за бројни заболувања и се најпознати по нивниот ефект врз зајакнувањето на отпорноста на телото и самиот имунитет.

Оваа комбинација во готвењето често е одговорна за вкусни јадења со риба, и не е ни чудо што е дел од медитеранската исхрана, најздравата исхрана во светот.

Лук и лимон – здравствени придобивки

Лукот е прогласен за лековита храна поради неговиот исклучителен состав на витамини и минерали. Има антимикробни, антивирусни и антифунгални ефекти врз телото. Овие својства се припишуваат на активната состојка во лукот, соединение наречено алицин. Покрај алицинот, лукот содржи и многу други соединенија кои имаат антиоксидантни ефекти, а оние што содржат сулфур во својата структура се особено корисни и клинички интересни.

Повеќе за ова, како и рецепт за лековит напиток од лук и лимон, побарајте ТУКА.

The post ЛУК И ЛИМОН – ПОМОШ ПРИ КАРДИОВАСКУЛАРНИ И ДРУГИ ЗДРАВСТВЕНИ ПРОБЛЕМИ Обезбедуваат силен имунитет и здраво срце appeared first on plusinfo.mk.

Според најновиот годишен извештај на Американското здружение за рак, дури седум од десет пациенти денес преживуваат пет или повеќе години по дијагнозата.

Овој податок претставува огромно подобрување во споредба со периодот од пред неколку децении. Во текот на 1970-тите, само половина од пациентите доживеале петгодишно преживување, додека во средината на 1990-тите, оваа стапка била 63%.

Сликата од 70% преживување се базира на анализи на пациенти дијагностицирани со рак помеѓу 2015 и 2021 година, а резултатите се објавени во стручното списание CA: A Cancer Journal for Clinicians.

Пет години се смета за клучен праг во онкологијата, бидејќи кај многу видови рак, ризикот од враќање на болеста е значително намален ако не се појави рецидив во тој период.

Ракот сè повеќе станува хронична болест

Напредокот, според авторите на извештајот, е резултат на голем развој на терапевтските опции во текот на изминатата деценија. Многу видови на рак кои некогаш беа речиси сигурно дека ќе бидат фатални, сега сè повеќе се сметаат за хронични болести.

– Потребни беа децении истражување за да се развијат поефикасни третмани, а сега конечно ги гледаме резултатите од таа инвестиција – вели Ребека Сигел, главен автор на извештајот и виш научен директор за истражување и следење на податоци во Американското здружение за рак.

Проценките покажуваат дека од 1991 до 2023 година, околу 4,8 милиони смртни случаи од рак се спречени, првенствено благодарение на пораното откривање на болеста, намалувањето на пушењето и посовремените третмани.

Имунотерапијата и целната терапија го менуваат текот на болеста

Еден од најголемите откритија во модерната онкологија е имунотерапијата, терапевтски пристап кој му помага на имунолошкиот систем да ги препознава и напаѓа клетките на ракот. Овие терапии се покажаа како револуционерни кај мултипли миелом, малигна крвна болест.

Петгодишната стапка на преживување за овој рак се зголеми од 32 проценти во средината на 1990-тите на дури 62 проценти денес. Важно е да се напомене дека мултипли миеломот е двојно почест во САД кај црнците отколку кај белците.

Голем придонес е даден и со развојот на целна терапија, која делува на специфични гени или протеини одговорни за растот на туморот. Ваквите лекови помалку го оштетуваат здравото ткиво и имаат помалку несакани ефекти, што им овозможува на пациентите да останат на терапија подолго.

– Помалку токсичните терапии овозможуваат подолг третман и повеќе терапевтски опции, што директно влијае на продолжувањето на животот – вели д-р Кристофер Флауерс, шеф на онкологија во Центарот МД Андерсон во Хјустон.

Подобри резултати, но не на сите фронтови

Напредокот е особено видлив кај ракот на белите дробови, кој сè уште одзема најмногу животи. Петгодишната стапка на преживување кај регионален рак на белите дробови сега е 37 проценти, во споредба со 20 проценти во средината на 1990-тите.

Сепак, експертите предупредуваат дека постојат области во кои не се постигнува посакуваниот напредок. Дебелината е растечки проблем и силен фактор на ризик за бројни малигни заболувања.

– Имаме епидемија на дебелина, а ракот ја следи. Не победуваме на сите фронтови – предупредува д-р Кларк Гамблин од Институтот за рак Хантсман.

Особено загрижува зголемувањето на инциденцата на колоректален карцином кај лица под 50 години, како и континуираното зголемување на бројот на пациенти со рак на дојка. Дебелината е значаен фактор на ризик за обете болести.

Предизвици за иднината

Американското здружение за рак проценува дека оваа година во Соединетите Американски Држави ќе бидат регистрирани повеќе од 2,1 милиони нови случаи на рак, додека се очекуваат околу 626.000 смртни случаи.

Проблем е и намалувањето на пристапот до здравствена заштита, како и прекинувањето на програмите за скрининг за време на пандемијата Ковид.

– Превентивните прегледи кај лица без симптоми практично престанаа за време на пандемијата, а сè уште не знаеме какви ќе бидат долгорочните последици – предупредуваат лекарите.

Иако статистиката покажува голем напредок, пораката од експертите е јасна. Борбата против ракот е поуспешна од кога било досега, но бара континуирано инвестирање во истражување, превенција и еднаков пристап до третман за сите.

The post НАД 70 ОТСТО ОД ЗАБОЛЕНИТЕ ОД РАК ДЕНЕС ПРЕЖИВУВААТ 5 И ПОВЕЌЕ ГОДИНИ ПО ДИЈАГНОЗАТА Што стои зад историскиот напредок во лекувањето на канцерот? appeared first on plusinfo.mk.

Иако голем број на канцери се резултат на фактори на кои не можеме да влијаеме, се проценува дека дури 42 проценти од новите случаи потенцијално можат да бидат спречени. Она што е особено важно е дека навиките што го намалуваат ризикот од рак, исто така, го подобруваат општото здравје.

Бројни студии ја поврзаа ултра-преработената храна со зголемен ризик од развој на рак, како и други здравствени проблеми. Ова се намирници со долг рок на траење кои често содржат состојки што не се користат во традиционалната подготовка на храна, како што се вештачки ароми, засладувачи, бои и емулгатори.

Токму затоа Ернест Хок, доктор по медицина, доктор на науки и потпретседател на Одделот за превенција на рак на Универзитетот во Тексас, во интервју за медиумите нагласи дека многу се труди да јаде помалку преработена храна и повеќе овошје и зеленчук со секој оброк.

Д-р Хок, исто така, вели дека пред пет години имал 14 килограми прекумерна тежина, но свесно работел на губење на тежината и одржување на таа тежина. Ова, вели тој, значело помалку потпирање на преработена храна и храна од ресторани, а повеќе на оброци направени од свежи состојки, со акцент на овошје и зеленчук.

Денес, вели тој, поминува многу повеќе време во делот за свежи производи во продавницата за храна, готви повеќе дома и носи оброци на работа. Тој вложува свесен напор да биде физички поактивен секој ден, правејќи неколку круга на болничките катови за време на паузите на работа. Неговата порака е едноставна: „Започнете што порано, живејте посвесно и пренесете ги тие навики на луѓето околу вас“.

„Посветеност на менталниот мир“

Редовната физичка активност и избегнувањето на преработена храна се исто така важни за Антон Џ. Билчик, хируршки онколог и директор на програмата за дигестивни заболувања во Институтот за рак „Providence Saint John’s“ во Калифорнија. Но, тој исто така ја нагласува важноста од намалувањето на стресот.

Познато е дека стресот и нарушувањата на спиењето имаат силно влијание врз имунолошкиот систем и микробиомот, што може да го зголеми ризикот од рак и кардиоваскуларни заболувања.

– Спиењето и стресот се моите најголеми предизвици. Не можам да ги контролирам сите извори на стрес, но се обидувам да правам што можам. Почнав да вежбам техники на дишење и медитација, дури и помеѓу тешките операции. Да ми кажеше некој порано дека ќе користам апликации за медитација, немаше да му верувам! Кога не сум на работа, навистина се исклучувам и се одмарам. Престанав да проверувам е-пошта во текот на одморот.

Неможноста да се „исклучам“ е еден од големите проблеми на современиот начин на живот и придонесува за стрес и лошо здравје“, вели д-р Билчик.

„Вежбам најмалку четири пати неделно“

Според американските Центри за контрола и превенција на болести, физички активните возрасни лица имаат значително помал ризик од развој на неколку вообичаени видови рак, вклучувајќи рак на дојка, дебело црево, матка, бели дробови и желудник.

Затоа е важно редовното вежбање, вели Кристина Тил, професор по хирургија и директорка на Центарот за нега на дојки на Универзитетот Џорџ Вашингтон. Таа се обидува да вежба најмалку четири дена во неделата, а по можност пет.

Нејзините тренинзи вклучуваат вежби со лесни тежини и движења кои активираат големи мускулни групи, како што се нозете, стомакот и задникот, што придонесува за здравјето на коските и го забрзува метаболизмот.

Кога не прави вакви тренинзи, трча околу четири километри или оди на долги прошетки. Покрај тоа, таа се обидува да прави што е можно повеќе чекори секој ден, обидувајќи се да достигне 10.000.

– Дури и кога сум премногу уморна, барем одам на брза прошетка, бидејќи секогаш се чувствувам подобро потоа – истакнува докторката.

„Живеам според она што им го советувам на другите“

Постојат многу начини да го намалите ризикот од рак, а Џек Џакуб, онколог и медицински директор на Институтот за рак Memorial Care во Калифорнија, се обидува да ги имплементира во својот секојдневен живот.

За него, сè започнува со одржување на здрава телесна тежина, бидејќи дебелината е силно поврзана со развојот на одредени видови на рак. Тој редовно вежба, комбинирајќи јога, тренинг за сила и кардио вежби. Не консумира алкохол, не пуши и го ограничува внесувањето на црвено и преработено месо, бидејќи постои јасна врска помеѓу овие намирници и одредени видови на рак.

– Доследноста во навиките е основа на превенцијата и подобро здравје на долги стази. Јас живеам онака како што ги советувам другите – вели онкологот.

The post ОНКОЛОЗИТЕ ГИ ОТКРИВААТ СВОИТЕ СЕКОЈДНЕВНИ НАВИКИ СО КОИ ГО ЧУВААТ ЗДРАВЈЕТО Дури 42 проценти од канцерите може да се спречат appeared first on plusinfo.mk.

Зелката, кељот и брокулата се некои од претставниците на семејството на крстовидни растенија кои се евтина и исклучително здрава храна, но и зеленчук што многу луѓе го прескокнуваат или го јадат „како по казна“. Експертите истакнуваат дека овој зеленчук може да нè заштити од рак. Добрата вест е дека дури и во помали количини, овие зеленчуци содржат соединенија кои го штитат срцето, го намалуваат ризикот од рак и го забавуваат растот на малигни тумори.

Зелката има антиоксидантни и антиинфламаторни својства

Диететичарката Ема Вејло од Центарот за интегративна онкологија на UCLA, експерт за исхрана и третман на рак, тврди дека крстовидните растенија се полни со корисни хранливи материи кои можат да им помогнат на пациентите, но и да го спречат почетокот на болеста. Некои од попознатите и широко достапните крстовидни зеленчуци вклучуваат зелка, кељ, прокељ, ротквици, листестиот кељ (раштан), келераба, брокула и рен.

Овој зеленчук содржи глукозинолати, кои се разградуваат во фитохемикалии богати со сулфур, познати како изотиоцијанати. Еден од најпроучуваните глукозинолати е сулфорафан, фитонутриент со моќни антиоксидантни и антиинфламаторни својства.

Прочитајте повеќе на „Арт кујна“.

The post ЗЕЛКА, БРОКУЛА И КЕЉ Зеленчук кој им се препорачува на пациенти со рак appeared first on plusinfo.mk.

Разликата во исходите од рак кај децата е една од најитните здравствени неправди во светот. Додека над 80% од децата со рак се излекувани во земјите со високи приходи, преживувањето паѓа на помалку од 30% во земјите со ниски и средни приходи. Овој јаз не се должи на недостаток на лековит потенцијал, туку на нееднаков пристап до основните ресурси, третмани и грижа што го одредуваат преживувањето.

Овие нееднаквости влијаат на многу повеќе нешта од што се само децата што живеат во земјите со ниски или средни приходи. Тие исто така го попречуваат глобалниот напредок во истражувањето и развојот на педијатриската онкологија.

Без вклучување на 80% од децата што живеат во земјите со ниски или средни приходи, ја ограничуваме нашата способност да развиваме подобри, помалку токсични и поефикасни третмани. Намалувањето на јазот во здравствената еднаквост не е само морален императив, туку и суштински за научниот напредок.

Целиот превод на текстот од Cancerworld Magazine, ќе го најдете ТУКА.

The post КАКВА Е ШАНСАТА НА ЕДНО ДЕТЕ ДА ПРЕЖИВЕЕ РАК? Намалување на јазот во здравствената нееднаквост appeared first on plusinfo.mk.

Ова го истакна попладнево директорот на Универзитетската клиника за радиотерапија и онкологија во Скопје, Игор Стојковски, во изјава за МИА.

– Пациентите да бидат спокојни, со оглед на сите напори што ги правиме на клиниката за зголемување на буџетот и за обезбедување следливост на терапијата, се надеваме дека ќе нема проблеми со недостаток во иднина. Пораката што ја упатив денеска е дека треба да работиме заедно со здруженијата на пациентите, за подобрување на пристапот до сите тераписки модалитети и посебен акцент да ставиме на превенцијата и на раната детекција на канцерот – истакна тој на Светскиот ден за подигнување на свеста и борбата против ракот.

Директорот рече дека бројот на новорегистрирани пациенти во принцип се зголемува. Тој подвлече дека превенцијата подразбира здрава исхрана и физички активности и рана детекција.

Стојковски изрази надеж дека надлежните побргу ќе обезбедат и нови вработувања. Бидејќи само во последните 2 години имало помалку околу 20 вработени, поради заминувања во пензија и поради спогодбени откази.

БУЏЕТОТ ЗА ОНКОЛОГИЈА СЕ ЗГОЛЕМИ НА 50 МИЛИОНИ ЕВРА ЗА ОВАА ГОДИНА Ќе се усовршат методите за рана детекција на рак

The post ПОВЕЌЕТО ЛЕКОВИ СЕ СТИГНАТИ НА ОНКОЛОГИЈА Набргу пристигнуваат уште 2 лека appeared first on plusinfo.mk.

– Клиниката не може да одговори на растечкиот број пациенти со метастатски канцери, што доведе до овој недостиг. Дополнително, продолжувањето на животниот век на пациентите значи дека тие подолго време имаат потреба од терапија. Иако минатата година беа одобрени дополнителни средства, тие очигледно не беа доволни – изјави Ана Марјановиќ, пациентка и претставник на здружението „Хема-онко“, во изјава за МИА.

Марјановиќ, која зборуваше и во име на здружението, потенцира дека итно е потребна промена на Позитивната листа за лекови.

– Доколку Министерството за здравство и Фондот за здравствено осигурување покажат разбирање за итноста на оваа промена, ваквите кризни ситуации ќе бидат избегнати во иднина. Моментално апелираме за брзо решение за пациентите што сега се оставени без терапија, но и долгорочно решение за овие лекови да бидат трајно достапни – нагласи таа.

Од Универзитетската клиника за радиотерапија и онкологија ја објаснија состојбата како резултат на административни процедури што се во тек, поврзани со буџетот за 2024 година.

– Овој буџет беше изготвен минатата година врз основа на тогашните проценки, но не ги одразуваше целосно тековните потреби. Дополнително, континуираниот раст на бројот на онколошки пациенти и сложените административни процедури влијаат врз набавката на лекови – изјавија од Клиниката.

Тие додадоа дека работат на подобрување на процесот на набавки во соработка со Министерството за здравство и Фондот за здравствено осигурување.

– Преземаме мерки за да осигуриме континуирано снабдување со терапија во најкраток можен рок. Во меѓувреме, пациентите се третираат со достапните лекови, согласно медицинските протоколи – се наведува во одговорот од Клиниката.

The post СНЕМА БИОЛОШКА ТЕРАПИЈА НА ОНКОЛОГИЈА Пациентите загрижени бидејќи недостигот на лекови им го загрозува животот appeared first on plusinfo.mk.

Новото истражување, објавено во Journal of Clinical Oncology, сугерира дека едноставните промени во навиките во исхраната би можеле да помогнат да се намали стапката на раст на клетките на ракот кај пациентите под активен надзор.

Тоа е терапевтски пристап кој вклучува следење на ракот без непосредна интервенција. Научниците откриле дека исхраната со мала содржина на омега-6 масни киселини и висока содржина на омега-3 масни киселини, во комбинација со суплементи од риба, значително ја намалува стапката на раст на клетките на ракот на простата во раните фази на болеста.

Исто така, се покажало дека таквата диета може да го продолжи периодот пред да биде потребна поагресивна терапија, велат авторите на студијата.

Многу мажи со рак на простата со низок ризик избираат активен надзор за нивниот рак на простата наместо да започнат со терапија веднаш по дијагнозата.

Повеќе за ова прочитајте ТУКА.

The post НОВОСТИ ЗА РАКОТ НА ПРОСТАТА ПОВРЗАНИ СО ИСХРАНАТА Научниците открија три намирници кои би можеле да го запрат овој канцер во зачетокот appeared first on plusinfo.mk.