Еден човек од Канада влезе во историјата со тоа што стана првиот кандидат кој доби нула гласови на дополнителните федерални избори во Онтарио – Сент Пол.

На овие избори што се одржаа во пшонеделникот, извесен Феликс-Антоан Хамел добил нула гласови!

Во историјата на Канада, тој е единствениот федерален кандидат кој не добил гласови во изборната кампања.

Дополнителните избори во оваа изборна единица во Канада се одржаа по оставката на актуелната либерална пратеничка Каролин Бенет.

Трката некои ја сметаат за „референдум“ за премиерската функција на Џастин Трудо. На изборите победи кандидатот на Конзервативната партија Дон Стјуарт, како прв конзервативец на оваа позиција од 1993 година.

По освоените 0 гласови, Хамал за Си-Би-Ес Њус изјавил:

„Па јас сум вистинскиот кандидат што постигна единство. Сите се согласуваат да не гласаат за мене“.

Хамел објаснил дека се кандидрал откако му пристапил негов пријател, кој работи со групата за застапување на изборните реформи.

Новинарите ја разјаснија и дилемата зошто Хамел не добил барем еден глас, сопствениот. Имено, кандидатот не можел да гласа во Торонто – Сент Пол, бидејќи тој не живее таму.

„Сè додека имам право и привилегија да добијам нула гласови на избори, тогаш навистина сме демократија“, рекол тој.

Утеха за историски најлошиот резултат во канадската историја му е тоа што не вложил речиси никаков напор во кампањата.

По поразот, Хамел изразил задоволство што се обрнува внимание на изборните реформи и оценил дека демократски процес бил фер, но изразил и загриженост за „падот на демократиите на глобално ниво“.

The post ПА ОВА ГО НЕМА НИ ВО МАКЕДОНИЈА! Како еден човек успеа да освои нула гласови на дополнителни избори во Канада appeared first on plusinfo.mk.

Полицијата соопшти дека Ло испратил околу 160 пакети што ја содржеле смртоносната супстанција до луѓето во Канада и најмалку 1.200 пакети на адреси во повеќе од 40 земји.

– Ова е очигледно значајно со оглед на бројот на наводи и истражниот тим не го сфаќа случајот лесно – рече инспекторот Сајмон Џејмс од полицијата во Торонто.

Жртвите биле на возраст од 16 до 36 години, но Џејмс одби да ги именува или да објасни зошто обвиненијата против Ло се сменија. Тој исто така рече дека не знае колку луѓе во странство можеби починале од смртоносните пратки на обвинетиот.

– Продолжуваме да соработуваме со агенциите за спроведување на законот и да соработуваме со нив на глобално ниво – рече Џејмс.

Канадската радиодифузна корпорација, повикувајќи се на официјални записи и изјави, објави дека Ло може да се поврзе со 117 смртни случаи ширум светот, повеќето од нив во Велика Британија. Во извештајот на канадската телевизија се истакнува дека  дека властите во Нов Зеланд, Франција, Ирска, Италија, Германија и Швајцарија потврдиле дека Ло испраќал пакети во нивните земји.

Кенет Ло е поранешен канадски готвач за кој канадските и американските медиуми велат дека убиствата ги претворил во бизнис. Наводно, преку Интернет продавал пакети со комплети за самоубиство, односно смртоносен отров.

Ло, за кој полицијата рече дека користел голем број веб-страници за да дојде до своите жртви, е во затвор и ќе се појави на суд на 19 декември следната година.

– Еден од предизвиците со кои се соочуваме е тоа што многу од овие локации се наоѓаат во други земји каде канадскиот закон не се применува – рече Џејмс.

Доколку биде прогласен за виновен, Ло ќе влезе како еден од најлошите масовни убијци во канадската историја. Во април 2020 година, 51-годишен маж уби 22 лица во провинцијата Нова Шкотска пред да биде застрелан од полицијата.

The post КАНАДСКИ ГОТВАЧ ПРОДАВАЛ „ПАКЕТИ ЗА САМОУБИСТВО“ Обвинет е за 14 убиства во Онтарио, под сомнение за уште стотици во светот appeared first on plusinfo.mk.