Кралицата Камила откри една мала навика на сопругот, кралот Чарлс Трети, која понекогаш ѝ го нарушува уживањето во читањето. Во документарниот филм на Би-би-си „The Book That Changed My Life“ („Книгата што ми го промени животот“), таа раскажа дека двајцата често седнуваат да читаат пред вечера, но дека кралот понекогаш толку гласно се смее на прочитаното што ја деконцентрира.

– Кога сум длабоко внесена во некоја книга, понекогаш слушам како тој гласно се смее на нешто. Тоа навистина ми пречи и не можам повторно да се внесам во книгата – раскажала Камила. Таа додала дека понекогаш и самата ненадејно почнува да плаче додека чита, но дека заедничките тивки моменти сепак ѝ се драгоцени.

Според неа, Чарлс сака биографии, а особено му се допаѓаат хумористичните книги на британскиот писател П. Џ. Вудхаус, Камила, пак, претпочита историска фикција и трилери.

Во документарецот кралицата зборува и за тоа колку читањето ѝ помогнало во животот. Таа го напуштила училиштето релативно млада и вели дека книгите биле голем дел од нејзиното образование. Преку нив, како што објаснила, научила многу за луѓето и за животот.

Камила се присети и дека како тинејџерка тајно го читала романот „Љубовникот на леди Чатерли“ од Д. Х. Лоренс, дело кое во тоа време предизвикувало контроверзии поради сексуалната содржина.

Нејзината љубов кон книгите не е само лична страст. За време на пандемијата на ковид-19 таа започна читателски клуб, кој подоцна прерасна во добротворна иницијатива за поттикнување на читањето. Во документарецот предупреди дека би било голема трагедија ако книгите исчезнат од нашите животи.

The post КРАЛОТ СЕ СМЕЕ, КРАЛИЦАТА ПЛАЧЕ Камила откри детали од животот зад затворени врати и откри што ја нервира кај Чарлс appeared first on plusinfo.mk.

Британската јавност ја потресе веста за смртта на 45-годишната докторка Хана Кејн (45), која со години се грижела за здравјето на кралицата Камила и на други членови на кралското семејство. Хана била пронајдена мртва во својот дом, а за нејзиното убиство е обвинет нејзиниот сопруг Марк Кејн.

Докторката која работела како матичен лекар и била дел од групата лекари достапни за членовите на британското кралско семејство, била пронајдена мртва во неделата во семејниот дом во Дерсингам, Норфолк. Според британските медиуми, таа во повеќе наврати ја лекувала и кралицата Камила за време на нејзините престои во Сандрингам.

Нејзиниот дом се наоѓал на само околу 1,6 километри од кралскиот имот Сандрингам, каде што кралот Чарлс и Камила престојуваат во одредени периоди од годината. Кралот и кралицата биле информирани за нејзината смрт.

Особено потресно е што трагедијата се случила додека докторката организирала преспивање за своите три деца и нивни пријатели. Во куќата во моментот на настанот имало повеќе деца. Итната помош била повикана околу 2:25 часот наутро во неделата, а Тери била пронајдена без свест и без знаци на дишење во спалната соба на катот.

Првичните наоди од обдукцијата покажале дека 45-годишната лекарка имала повреда од тап предмет на десната страна од главата, како и повреда која може да укажува на притисок врз вратот. Полицијата сè уште не соопштила мотив за злосторството.

Нејзиниот сопруг Марк Кејн (45), директор во енергетска компанија, бил уапсен и обвинет за убиство. На сослушувањето не се изјаснил за вината и му бил одреден притвор. Истрагата е во рана фаза, а полицијата се обидува да ги утврди точните околности во кои починала докторката.

Пријатели на Хана изјавиле дека во деновите пред смртта забележале дека била под стрес и делувала отсутно, што, според нив, не било вообичаено за неа. Нејзините колеги и пациенти се во шок по веста за нејзината смрт.

– Беше прекрасна лекарка и прекрасна личност, навистина топла и грижлива. Многу ѝ беше важно семејството – изјавила Џули-Ен Рејнер, клиничка администраторка која со години работела со Хана. Таа додала дека сите се целосно шокирани и дека најмногу мислат на трите момчиња на докторката.

Нејзиното семејство побарало јавноста да ја почитува нивната приватност во овие тешки моменти, опишувајќи ја Хана како љубезна, дарежлива и полна со љубов мајка, ќерка, сестра, тетка, снаа и пријателка, како и лекарка која била исклучително посветена на своите пациенти.

Полицијата соопшти дека истрагата продолжува и ги повика сите кои располагаат со информации што би можеле да помогнат да се јават кај надлежните.

The post ТРАГЕДИЈА ВО БЛИЗИНА НА КРАЛСКИОТ ИМОТ Убиена е лекарката на кралицата Камила, а нејзиниот сопруг заврши зад решетки appeared first on plusinfo.mk.

Американскиот претседател Доналд Трамп објави монтирано видео на Truth Social во кое кралот Чарлс е прикажан како рамнодушен кон работник кој се онесвестува пред него. Снимката е дел од триминутна монтажа во која светски лидери се прикажани како ги игнорираат луѓето во неволја или не покажуваат доволно почит, додека Трамп е претставен како „претседател на народот“.

Во делот со Чарлс е искористена снимка од јули 2020 година, кога тој сè уште бил принц од Велс. За време на посетата на дистрибутивен центар на супермаркетот Asda во Бристол, еден од вработените разговара со него, почнува да се ниша и ненадејно паѓа наназад. Во верзијата што ја објави Трамп, снимката е скратена така што изгледа дека Чарлс само ги кренал рацете, а потоа ставил рака во џебот и си заминал.

President Trump has shared an edited video clip of the King and other world leaders in an apparent effort to make them appear uncaring, in contrast to him.

A clip of a supermarket worker fainting in front of Charles six years ago, when he was the Prince of Wales, appears in a… pic.twitter.com/f2oogpUmx1

— The Times and Sunday Times (@thetimes) September 8, 2026

Меѓутоа, целосната снимка покажува дека реакцијата на тогашниот принц била сосема поинаква. Чарлс ја испружи раката во обид да го фати работникот додека паѓа, а потоа остана во близина додека му даваат медицинска помош на работникот. Дури откако било потврдено дека човекот е добро, Чарлс се оддалечил. Работникот набрзо се опоравил и повторно разговарал со него.

Инцидентот се случил на 9 јули 2020 година, во периодот на пандемијата на коронавирусот. Чарлс и Камила тогаш ги посетиле вработените во дистрибутивниот центар за да им се заблагодарат за работата во услови на зголемен притисок врз синџирот на снабдување. Според тогашните извештаи, работниците работеле дополнителни смени, одложувале одмори, а некои дури се вратиле од пензија за да помогнат во одржувањето на снабдувањето со храна.

Од Asda тогаш соопштиле дека работникот бил добро по краткото онесвестување и дека по неколку минути се вратил и продолжил со посетата. Причината за онесвестувањето не била утврдена. Во оригиналните извештаи се наведува и дека работникот подоцна повторно се сретнал со Чарлс, се насмеал и му рекол: „Ви благодарам многу, господине“.

Во истата монтажа на Трамп се појавуваат и други политичари. Францускиот претседател Емануел Макрон е прикажан како минува покрај припадник на обезбедувањето кој се онесвестил, додека поранешните американски претседатели Џо Бајден и Барак Обама се претставени во неповолно светло поради снимки од различни настани. Наспроти нив, Трамп е прикажан како поздравува војници и полицајци, им оддава почит на загинатите и се однесува грижливо кон ветераните.

Објавувањето на снимката е особено интересно бидејќи Трамп неодамна зборуваше позитивно за Чарлс. Минатата недела тој рече дека има „добар однос“ со британскиот крал и го опиша како „храбар“ и „фантастичен човек“. Трамп воедно ги критикуваше принцот Хари и Меган Маркл, велејќи дека покажале големо непочитување кон кралското семејство.

Не е јасно дали Трамп бил свесен дека делот со Чарлс е исечен на начин што ја менува сликата за неговата реакција. Британските медиуми посочуваат дека целосната снимка директно го побива впечатокот што го создава монтираната верзија.

The post 📽️ ТРАМП ОБЈАВИ МОНТИРАНО ВИДЕО СО КРАЛОТ ЧАРЛС Целосната снимка покажува што навистина се случило appeared first on plusinfo.mk.

Враќањето на принцот Хари и Меган Маркл во Велика Британија повторно предизвика тензии во кралското семејство, а според кралскиот биограф Ендру Лоуни, кралицата Камила сега цврсто застанала на страната на Кејт Мидлтон.

Лоуни тврди дека Камила го притиска кралот Чарлс да постави „јасни и непоколебливи граници“ кон војводата и војвотката од Сасекс. Според него, во палатата постои загриженост дека Хари и Меган би можеле повторно да се обидат да добијат некаква полуофицијална улога во кралскиот живот, иако одамна се откажаа од работните кралски должности.

Според Лоуни, Чарлс и принцот Вилијам веќе подолго време знаеле дека Хари и Меган планираат да поминуваат повеќе време во Британија. Тој смета дека кралското семејство намерно се држело настрана за да види како јавноста ќе реагира на нивното враќање.

Најновата ситуација е особено интересна затоа што Чарлс неодамна сепак се сретна со Хари, Меган и своите внуци Арчи и Лилибет на чај во Хајгроув. Вилијам и Кејт не присуствуваа на средбата, а нивниот однос со Хари и понатаму е нарушен.

Лоуни тврди дека љубезниот однос на Камила кон Хари и Меган не треба да се сфати како простување. Тој потсетува дека Хари во своите мемоари и интервјуа изнел сериозни обвинувања против Камила, меѓу другото нарекувајќи ја опасна и обвинувајќи ја дека преку медиумите се обидувала да го подобри својот имиџ.

Во исто време, односот меѓу Камила и Кејт наводно станал особено близок. Според Лоуни, двете жени денес имаат голема меѓусебна доверба и поддршка, а нивната блискост станала поизразена во последните години.

The post КАМИЛА ЗАСТАНА НА СТРАНАТА НА КЕЈТ Кралицата бара Чарлс да постави граници кон Хари и Меган appeared first on plusinfo.mk.

Кралот Чарлс и кралицата Камила се наоѓаат во четиридневна посета на Соединетите американски држави.

По слетувањето тие беа пречекани со букет цвеќе, а веднаш потоа беа отсвирени химните на САД и Англија.

Последната ваква посета на британското кралско семејство се случила во 2007 година, додека беше жива кралицата Елизабета.

Оваа посета е во чест на силната врска помеѓу двете земји. Наскоро САД ќе ја прослави 250-тата годишнина од прогласувањето независност од Британија.

Во Белата куќа кралскиот пар беше пречекан од Доналд и Меланија Трамп.

За пречекот, Меланија избра костим со здолниште во путер жолта боја, а кралицата носеше бел фустан со везови. Кралот и претседателот носеа темносини костуми и вратоврски.

Во таканаречената Зелена соба во Белата куќа, четворицата, Доналд, Меланија и кралскиот пар пиеле чај, а потоа следувала раскошна забава во британската амбасада на којашто присуствувале 650 гости.

 

View this post on Instagram

 

A post shared by Office of the First Lady (@firstladyoffice)

На настанот во амбасадата на Велика Британија во САД присуствувала политичката елита од САД, како и важни имиња од Англија, а биле поканети и некои истакнати личности, како британскиот олимписки нуркач Том Дејли.

Забавата била организирана од кралското семејство, па следејќи ја британската традиција, за гостите биле направени 3.000 сендвичи со продукти увезени од Англија.

 

View this post on Instagram

 

A post shared by Office of the First Lady (@firstladyoffice)

Пред забавата во амбасадата, на кралскиот пар му била претставена временската капсула во која, меѓудругото, биле ставени есеи напишани од ученици во Вашингтон.

Капсулата е направена во чест на 250-тата годишнина од независноста на Америка од Велика Британија и ќе биде поставена под споменикот „Вашингтон“, а ќе биде отворена на 500-тата годишнина од независноста.

На кралскиот пар му остануваат уште три дена во САД и ги очекуваат разни активности со претседателот и првата дама, меѓудругото, и свечена вчера во Белата куќа.

Во среда Чарлс и Камила треба да го посетат Њујорк, а во четврток ќе одат во Вирџинија каде ќе присуствуваат на прослава за 250-тиот „роденден“ на Америка.

 

View this post on Instagram

 

A post shared by The White House (@whitehouse)

The post ЧАЈ ЗА ЧЕТВОРИЦА И ЧЕТВОРИЦА ЗА ЧАЈ … Како си поминуваат кралот Чарлс и Камила на гости во САД appeared first on plusinfo.mk.

Кралицата Камила денеска накратко се најде во незгодна ситуација додека во замокот Виндзор ги пречекуваше Доналд и Меланија Трамп за време на нивната втора официјална државна посета на Обединетото Кралство.

Во приватната оградена градина на имотот Виндзор, Камила (78) и Меланија (55) стоеле на скалите и разговарале, додека кралот Чарлс и претседателот Трамп биле во близина.

Меѓутоа, кога Меланија ја забележала принцезата од Велс како се приближува, веднаш се свртела кон Кејт за да ја поздрави, нагло прекинувајќи го разговорот со кралицата. Потоа следел разговор помеѓу Меланија и Кејт, додека кралицата Камила останала само да набљудува.

Претходно оваа недела, портпаролот на Трамп изјави дека двојката е „воодушевена што Кејт ќе биде во прв план за време на посетата на Велика Британија“, додавајќи: „Вклучувањето на принцезата Кејт во толку настани за време на државната посета е чест“.

Принцот Вилијам и Кејт претходно го придружувале претседателот и првата дама до Викторија хаус, каде што кралот и кралицата ги чекале своите гости.

Видеото погледнете го ТУКА.

The post 🎥 НЕПРИЈАТЕН МОМЕНТ ВО ВИНДЗОР Меланија ја откачи кралицата Камила штом ја здогледа Кејт appeared first on plusinfo.mk.

Британскиот крал Чарлс Трети е познат по своите необични навики, па така, на пример, кога ги посетува пријателите за викенд, тој носи „речиси половина од својот мебел“ со себе… Кралот, исто така, носи своја органска храна.

Писателот Том Бауер, во својата книга „Бунтовнички крал: Создавањето на еден монарх“ („Rebel King: The Making of a Monarch“), говори за необичните навики на Чарлс…

„Ден претходно (пред гостинската посета), кралот испраќа камион полн мебел, за да се замени совршено поставениот мебел во гостинските соби. Камионот ја содржел целата спална соба на Чарлс и Камила, вклучувајќи ортопедски кревет, неговата постелнина, мало радио, тоалетната школка на Чарлс, ролни тоалетна хартија „Клинекс премиум комфорт“, виски „Лапројг“ (Laphroaig) и вода во шише“, пишува Бауер.

За себе, Чарлс вели дека повремено јаде храна од растително потекло, за да го намали влијанието врз животната средина.

– Со години избегнував месо и риба два дена во неделата и млечни производи еден ден – рече кралот во една прилика.

Натаму, кралот Чарлс никогаш не јаде какви било варени јајца, туку мора да бидат совршени… Тој инсистира да му се сварат шест јајца, за барем две од нив да бидат совршено сварени по негов вкус. Така, кралската кујна (според неофицијални наводи), користи околу 42 јајца неделно само за да свари совршени јајца за кралот.

Кралската биографка Тина Браун, пак, од друга страна, во својата книга „Записи од палатата“ (Palace papers), наведува дека Чарлс често носел готов мартини на вечера.

„За разлика од кралицата, која јадела она што ѝ е послужено, принцот однапред ги одредувал своите преференции во менито и понекогаш пристигнувал со офицер кој носел готов мартини, однапред подготвен за батлерот да му го налее во чашата“, пишува таа.

Во написот се вели и дека „тој (кралот) не ручал со години, но на инсистирање на кралицата Камила и неговите лекари, вовел оброк од половина авокадо за пладне“.

The post КРАЛОТ ЧАРЛС ЈАДЕ ПО 6 ЈАЈЦА, ТОЈ Е БУНТОВНИК ВО ИСХРАНАТА Неговите чудни навики се опишани во биографија appeared first on plusinfo.mk.

Додека Вимблдон влегува во својата завршна фаза и ги привлекува најголемите светски ѕвезди, актерот Хју Грант стана центар на вниманието – не поради тенисот, туку бидејќи бил „уловен“ од камерите како дреме за време на тај-брејкот меѓу Новак Ѓоковиќ и Флавио Коболи, објави британскиот портал Лед бајбл.

Настанот се случи на меч во кој тензијата беше на максимум, но Грант, сместен удобно во кралската ложа, очигледно не бил толку возбуден за натпреварот.

I get it, Hugh Grant, I can barely stay awake for more than 2 hours, also. pic.twitter.com/NGSGqrV2Bs

— The Project (@theprojecttv) July 10, 2025

Фановите на тенисот реагираа жестоко, обвинувајќи го за непочитување, особено со оглед на тоа што влезниците за завршните фази на Вимблдон се исклучително тешки за добивање.

„Хју Грант му должи големо извинување на Коболи – заспа во најважниот момент!“, напиша еден корисник на Твитер. Други го нарекоа „расипан славеник“ кој не го заслужува местото во ложата.

Сепак, не сите беа бесни. Некои гледачи со симпатија го прифатија моментот, нарекувајќи го „најзабавното нешто што се случило на Вимблдон годинава“. „Хју Грант дреме во кралската ложа – апсолутна икона“, напиша еден фан.

Инаку, Ѓоковиќ го доби мечот со 3:1 во сетови и ќе се соочи со светскиот број еден, Јаник Синер, во утрешното полуфинале.

Интересно, кратко пред дремката, Грант бил забележан како разговара со кралицата Камила – што ги инспирираше твитерџиите да се пошегуваат дека можеби ѝ ја кажал точната оценка: „30 – Love, Actually“. За објаснување, „30 – Love“ е типичен резултат во тенис кој означува дека еден играч има 30 поени, а другиот 0 – при што терминот „love“ во тенис значи нула. „Love Actually“ е наслов на познат британски филм од 2003 година, во кој актерот Хју Грант глуми еден од главните ликови, премиерот на Велика Британија.

Queen Camilla and her Sister Annabelle chatting to Hugh Grant in the Royal Box on Centre Court at #Wimbledon today. pic.twitter.com/RjUc8I36oI

— Huriye (@Huriye) July 9, 2025

The post 🎥 ХЈУ ГРАНТ ЗАДРЕМА ДОДЕКА ГО ГЛЕДАШЕ НОЛЕ Потоа ѝ шепна нешто на кралицата Камила – фановите имаат теорија што рекол appeared first on plusinfo.mk.

На двегодишнината од крунисувањето на кралот Чарлс Трети, објавени се официјалните портрети на британскиот владетел и неговата сопруга, кралицата Камила.

Кралот на портретот е претставен во официјална државничка облека, со кралска мантија, додека на масата до него стои круната. Кралицата, пак, е насликана во фустанот што го носеше на свеченото крунисување, исто така, со круна крај неа. Портретите официјално ги открија самите крал и кралица на Велика Британија, при посетата на лондонската Национална галерија.

„Таму портретите ќе бидат изложени еден месец, по што ќе бидат префрлени во Бакингемската палата“, се наведува во официјалното соопштение од палатата.

Кралот Чарлс Трети беше крунисан на 6 мај 2023 година.

Инаку, на 9 април, во Рим, Италија, Чарлс и Камила ја прославија 20-годишнината од бракот. А, нивниот брак, по контроверзната врска, мораше да надмине „огромни уставни, политички, религиозни и – да не зборуваме за семејните пречки“, како што вели познавачот на приликите во кралското семејство, Ричард Фицвилијамс.

Кралицата Елизабета Втора не присуствуваше на граѓанската венчавка во Градското собрание во Виндзор, каде што имаше околу 30 гости на 9 април 2005 година. Но, таа присуствуваше на брачниот благослов во капелата на замокот и приреди прием за младенците. Тогаш, во својата наздравица, сега покојната кралица призна дека нејзиниот син ги надминал „страшните пречки“ за да се ожени со жената што ја сака и нагласи дека е „многу горда“ на него.

The post 📽 ОБЈАВЕНИ СЕ ПОРТРЕТИТЕ НА БРИТАНСКИТЕ КРАЛ И КРАЛИЦА Чарлс беше крунисан пред точно 2 години appeared first on plusinfo.mk.

The post ЌЕ ГО ПРОСЛАВАТ ЈУБИЛЕЈОТ ВО ВЕЧНИОТ ГРАД Чарлс и Камила ќе патуваат за Рим за нивната 20-годишнина appeared first on plusinfo.mk.