Премиерот Христијан Мицкоски денеска присуствуваше на поставување на камен темелник на изградба на затворен базен во ООУ „Ацо Шопов“, во Општина Бутел.

– Денеска овде во Бутел се почнува нешто ново, базен, се довршува нешто што веќе е започнато, доградбата на училиштето „Ацо Шопов” и мислам дека сето ова ќе додаде вредност во квалитетот на животот на луѓето од Општина Бутел од овој дел од Радишани.

Чувствувам дека со овие проекти успеваме, полека но сигурно, да обезбедиме подобри услови за живот на граѓаните во сите општини низ целата територија на државата, тоа значи дека проектот ја постигнал својата цел полека но сигурно ги завршуваме со воведување во работа или поставување камен темелник оние проекти коишто сè уште кои не беа отпочнати, оние коишто се отпочнати ги завршуваме и веќе размислуваме за следната 2027 година да реплицираме слична ваква иницијатива бидејќи навистина се покажа како успешна – рече Мицкоски.

Тој им честита на сите инволвирани во проектот за успешната работа.

– Можам да кажам од името на Владата е дека остануваме посветени и во периодот којшто следи на реализирање на проекти и на исправање на сите оние недостатоци коишто, за жал, во минатото се таложеа – рече Мицкоски.

The post СЕ ГРАДИ ЗАТВОРЕН БАЗЕН ВО ОУ „АЦО ШОПОВ“ ВО РАДИШАНИ Мицкоски на поставувањето камен темелник appeared first on plusinfo.mk.

Струмица е најновата клучна точка на инвестициската мапа на Lidl во земјава. Со денешното поставување на камен-темелникот, компанијата официјално ја започна изградбата на новиот маркет, кој не само што ќе ја прошири продажната мрежа, туку ќе донесе и директен поттик за локалната економија. Оваа инвестиција е дел од стратешкиот развој на Lidl во Македонија, насочен кон создавање нови работни места, поддршка на домашното производство и воспоставување на најсовремени малопродажни стандарди.

Пред присутните високи гости и претставници на локалната заедница, оперативниот директор на Лидл Северна Македонија, Рубријан Хаџиев, истакна дека овој проект е симбол на долгорочната посветеност на компанијата кон македонскиот пазар.

-Поставувањето на темелите во Струмица е важен чекор во реализацијата на нашата визија. Досега Lidl инвестираше повеќе од 200 милиони евра во модерна логистичка и продажна инфраструктура, градејќи систем кој носи вредност за сите. Секој наш маркет е новa можност за работни места и мост локалните добавувачи до нашата широка мрежа. Горди сме што минатата година извозот на македонски производи преку Lidl достигна 15,5 милиони евра, а со објекти како овој во Струмица, тие можности дополнително ќе растат – изјави Хаџиев.

Тој додаде дека Lidl останува посветен на воведување високи стандарди во малопродажбата, како и на инвестиции кои создаваат долгорочна вредност.

Заменик-претседателот на Владата и министер за транспорт, Александар Николоски, посочи дека ваквите инвестиции се јасен сигнал за подобрената деловна клима и довербата на странските инвеститори.

-Доаѓањето на еден од наjголемите светски брендови во трговиjата како што е Лидл многу значи за државата, за економијата на државата и за бизнис климата. Станува збор за инвестиција вредна повеќе од 200 милиони евра, која ќе отвори нови можности за економски раст и отворање нови работни места. Знам дека Lidl веќе извезува македонски производ и сакам да се заблагодарам за тоа. Убеден сум дека новиот маркет на Lidl во Струмица ќе придонесе не само за поголем избор и поквалитетна понуда за потрошувачите, туку и за дополнителен пласман на македонските производи, особено на земјоделските производи од струмичкиот регион. Како Влада сме благодарни и ќе продолжиме да ги поддржуваме сите инвестиции кои придонесуваат за развојот и конкурентноста на македонската економија – нагласи Николоски.

Градоначалникот на Општина Струмица, Петар Јанков, изрази задоволство што светски бренд како Lidl го препознава економскиот потенцијал и претприемачкиот дух на регионот.

– Овој маркет е голема придобивка за Струмица. Тој значи нови вработувања и нови партнерства за нашите локални компании. Нашата општина останува отворена за соработка и поддршка на проекти кои го унапредуваат квалитетот на животот. Верувам дека ова е почеток на едно успешно партнерство кое ќе донесе долгорочен просперитет за нашите сограѓани – истакна Јанков.

Директорот за недвижности на Lidl за Бугарија и Северна Македонија, Бисер Инчовски, нагласи дека компанијата при изградбата на своите објекти применува најсовремени стандарди за одржливо градење, истовремено создавајќи вредност и за домашната економија.

-Новиот маркет во Струмица се гради според највисоките меѓународни стандарди за енергетска ефикасност и одржливост, со примена на современи технолошки решенија кои придонесуваат за заштита на животната средина. Посебно внимание посветуваме и на уредувањето на просторот, па дури 20 проценти од парцелата ќе бидат озеленети. Истовремено, особено ни е драго што во реализацијата на овој проект како изведувачи се ангажирани исклучиво домашни компании. На тој начин, покрај создавањето современ малопродажен објект, директно придонесуваме и за развојот на локалната градежна индустрија и македонската економија – изјави Инчовски.

Клучни факти и бројки за новиот маркет на Lidl во Струмица:

• Вкупна површина: 2 445 m²
• Малопродажен простор: 1 500 m²
• Паркинг места: 111 паркинг места за лесен пристап и удобност при купувањето.
• 20 % зеленило во рамките на парцелата
• Енергетска ефикасност: Објектот се гради според највисоките меѓународни стандарди за енергетска ефикасност и одржливост, со примена на современи технолошки решенија за заштита на животната средина.

Во подготовката за отворањето на маркети низ земјата Лидл Северна Македонија спроведува активна кампања за вработување на персонал во продажба и работа во логистичкиот центар. Заинтересираните кандидати може да аплицираат на jobs.lidl.mk

Lidl досега има инвестирано повеќе од 200 милиони евра во развој на современа малопродажна и логистичка инфраструктура во земјава. Компанијата е дел од групацијата Schwarz Group, и е еден од водечките трговци со храна во Европа. Компанијата управува со околу 12 900 маркети во 31 држава, а вработува над 395 000 луѓе ширум светот.

The post И СТРУМИЦА ГО ДОБИВА СВОЈОТ „ЛИДЛ“ Поставен камен-темелникот на новиот маркет appeared first on plusinfo.mk.

Работењето на Лидл во Македонија ќе значи мапирање на државата, подобрување на бизнис климата, но и нови искуства во малопродажбата. Најголем бенефит од инвестицијата на Лидл ќе имаат домашните земјоделци,  истакна  денеска заменик претседателот на Владата, Александар Николоски, на поставувањето на камен темелник на новиот маркет на Лидл во Струмица.

–  Многу значи тоа што најголемиот бренд во трговијата, во малопродажбата, како што е Лидл  доаѓа во Македонија. Тоа многу значи за државата, за мапирање на државата, многу значи и за бизнис климата. И драго ми е што можеме да дадеме поддршка и да овозможиме да се реализираат инвестиции кои што се некаде околу 200 милиони евра планирани во државата, што е огромна работа. Ние се бориме за секоја инвестиција, за секое евро, за секое работно место, 200 милиони евра за економија како нашата, како македонската, е огромна работа и навистина сме благодарни на таа работа и сакаме максимално да ја поддржиме- рече истакна Николоски.

Тој потенцира дека од оваа инвестиција најголем бенефит ќе имаат земјоделците, токму од Струмичко.

–  Убеден дека Лидл Македонија но и пошироко ќе ги препознае и најдобрите производи од Струмица и од Струмичко. Најубавите раноградинарски производи се произведуваат токму тука. И сум убеден дека бројни производи од Струмичкото поле ќе се најдат на трпезите на многу луѓе, не само во Македонија, туку и во целиот регион. Знам дека веќе Лидл прави извоз и сакам да се заблагодарам за тоа. Многу значи за земјоделците, ова е земјоделски крај и ова е крај каде што се заработува со мака, со пот, се почнува да се работи многу рано наутро. И луѓето знаат да го ценат трудот и затоа сум благодарен што успевате да најдете пласман за нивните производи и сериозно да влијаете на подобрување на цената на производите, така што благодарам многу за таа работа- рече Николоски.

Николоски најави и олеснување на процедурите за инвестирање.

– Во таа насока направивме измени на Правилникот за урбанистичко планирање, со што објекти како овој треба да стануваат реалност во целата држава, што поскоро и што побрзо. И на тој начин да продолжи да се развива целата оваа приказна, а се надевам дека за многу скоро, некаде таму околу Нова година, ќе ги видиме и првите Лидл маркети отворени во Македонија, како би имале сите едно прекрасно искуство и на пазарување, но исто така и на користење на македонските производи-  рече Николоски.

The post ПОСТАВЕН КАМЕН ТЕМЕЛНИК НА „ЛИДЛ“ ВО СТРУМИЦА Никлоски очекува први Лидл-маркети да се отворат до крај на годинава appeared first on plusinfo.mk.

Во населбата Хром, во Ѓорче Петров денеска беше поставен камен-темелник за доградба на зградата на основното училиште „Димитар Поп-Георгиев Беровски“, со која училиштето ќе добие 8 нови училници и 770 квадратни метри простор, а со тоа и можности да организира настава во една смена.

На церемонијата присуствуваа премиерот Христијан Мицкоски, министерката за образование и наука Весна Јаневска, претставници на локалната самоуправа, како и наставниот кадар, ученици и родители.

Ова е трето училиште во Ѓорче Петров кое добива доградба во период од само еден месец.

Градоначалникот на Општина Ѓорче Петров истакна дека инвестициите во образованието се инвестиции во иднината на децата и во развојот на целата општина.

– Продолжуваме со силно темпо да вложуваме таму каде што најмногу вреди – во децата, во училиштата и во иднината на Ѓорче Петров. Доградбата на ООУ „Димитар Беровски“ е уште еден конкретен резултат од нашата посветеност да обезбедиме подобри, посовремени и поквалитетни услови за образование – изјави градоначалникот Александар Стојкоски.

Градоначалникот додаде дека Општина Ѓорче Петров останува фокусирана на реализација на капитални проекти во сите населени места, со посебен акцент на образованието, инфраструктурата и подобрувањето на квалитетот на живот на граѓаните.

The post ЌЕ СЕ ПРОШИРИ УЧИЛИШТЕТО „ДИМИТАР БЕРОВСКИ“ ВО ХРОМ Поставен камен темелник за доградба appeared first on plusinfo.mk.

Германската компанија „Лидл“ продолжува со изградба на маркети низ земјава. Нов маркет ќе биде изграден во скопската населба Гази Баба на улицата Благоја Стефковски.

Новиот продажен објект ќе се протега на површина од околу 2.500 квадратни метри од кои приближно 1.500 квадратни метри ќе бидат продажен простор. Предвидени се околу 130 паркинг места.

Објектот ќе биде изграден според современи стандарди за енергетска ефикасност, функционалност и одржливост, а ќе бидат надминати и оние 20% зеленило кое инвеститорите мораат да го запазат согласно закон.

– При изградбата на маркетот ќе се води грижа за зачувување на зеленилото. За отстранетите 15 стебла ќе засадиме 32 нови садници, а ќе бидат зачувани повеќе од 200 стебла кои се веќе во рамки на градежната парцела. Маркетот ќе има дворно зеленило од 3636 квадратни. Оваа површина ги надминува законско обврзувачките 20% зеленило кое еден инвеститор мора да ги реализира при градење на објектот – рече Гоце Гаврилов, директор за недвижности во Лидл Северна Македонија на денешното поставување на камен-темелникот.

Со изградбата на новиот продажен објект, како што посочи Гаврилов, Лидл ја зајакнува својата продажна мрежа и ја унапредува поврзаноста со локалната заедница.

– Со оваа инвестиција создаваме нови работни места и можности за соработка со локалните компании како во процесот на изградба на маркетот, така и во процесот на снабдување со производи. Соработката со македонските производители постојано се интензивира и драго ми е што минатата година извозот на македонски производи преку мрежата на Лидл достигна 15,5 милиони евра во споредба со 5 милиони евра во 2024 година и 500.000 евра реализирани во 2023 година – рече Гаврилов.

Според градоначалникот на Гази Баба, Бобан Стефковски, изградбата на маркетот е показател дека општината се развива во атрактивна и перспективна деловна средина способна да одговори на стандардите и очекувањата на глобален бренд каков што е Лидл.

– Како локална самоуправа континуирано работиме на создавање поволна бизнис клима и привлекување на реномирани компании. Оваа инвестиција ќе донесе нови вработувања, поголем избор и воопшто дополнителна вредност за жителите на општината – рече Стефковски.

Лидл е дел од групацијата Schwarz Group и е еден од водечките трговски синџири за храна во Европа. Компанијата има 12.600 маркети во 31 држава и има над 382.000 вработени.

Минатата година извозот на македонски производи преку мрежата на Лидл достигна 15,5 милиони евра, а се очекува овие бројки во иднина да растат.

The post СЕ ГРАДИ ПРОДАЖЕН ОБЈЕКТ НА ЛИДЛ ВО ГАЗИ БАБА Граѓаните ќе можат да пазарат на 1.500 квадратни метри appeared first on plusinfo.mk.

Камен темелник за нов малопродажен објект на германската компанија „Лидл“ денеска се постави на влезот на Гевгелија. Маркетот ќе се гради на местото на поранешното транспортно претпријатие „Трансбалкан“, на површина од 2 356 квадратни метри, со предвидени 130 паркинг места.

Од компанијата велат дека изградбата на првиот маркет на „Лидл“ во Гевгелија, е дел од нивниот долгорочен инвестициски план во земјава, и потврда за довербата што ја имаат во потенцијалот на македонскиот пазар.

Со новата инвестиција, како што велат од компанијата, се дава значаен придонес кон локалниот економски развој, отворање нови работни места и унапредување на понудата за потрошувачите, како и можност за продлабочување на соработката со домашните производители.

– Со стартот на изградбата на маркетот во Гевгелија продолжуваме со стратегијата за ширење на продажната мрежа. Нашата цел е да изградиме продажни места кои се пространи, светли и современи, со модерен изглед, со еколошки материјали и со фокус на енергетската ефикасност. Да создадеме удобно искуство за нашите потрошувачи, но и квалитетна работна средина за нашите вработени. Посебно сме горди што преку продажната мрежа на „Лидл“ за 2025 година е остварен извоз на македонски производи во вредност од 15.5 милиони евра, имајќи предвид дека се уште не сме оперативни на македонскиот пазар – рече Гоце Гаврилов, директор за недвижнини во „Лидл Северна Македонија“.

На поставувањето камен – темелник се обрати и градоначалникот на Гевгелија, Андон Сарамандов кој изрази задоволство што во последните две години општината има три поголеми инвестиции кои треба да придонесат за подобрување на локалниот економски развој и да дадат дополнителен поттик на економијата.

-Нашата отвореност како локална самоуправа за соработка со секој кој има намера да инвестира во Гевгелија, денеска вроди со уште една значајна инвестиција. Гевгелија е меѓу првите градови во Македонија во кои почнува изградба на маркет на „Лидл“, инвестиција која дополнително ќе ја засили атрактивноста на нашата општина. Ќе придонесе за нови можности за вработување и зајакнување на локалната економија. Општина Гевгелија излезе во пресрет на инвеститорот и овозможи целосна логистичка поддршка за реализација на проектот. Верувам дека соработката со „Лидл“ ќе продолжи успешно и во идниот период – посочи Сарамандов.

Досега компанијата изгради логистички центар во Куманово и ја почна изградбата на маркети во Штип и на две локации во Скопје, во Аеродром и во општина Гази Баба.

„Лидл“ е позната германска компанија во малопродажната индустрија на храна во Европа, која работи со околу 12 600 маркети и над 382 000 вработени на меѓународно ниво.

The post „ЛИДЛ“ ПОЧНА ИЗГРАДБА НА ПРОДАЖЕН ОБЈЕКТ ВО ГЕВГЕЛИЈА Зафаќа 2.356 квадратни метри appeared first on plusinfo.mk.

Камен темелник на најновиот продажен маркет на „Лидл“ ќе биде поставен утре, среда, во 11 часот. Локацијата е во општина Аеродром, веднаш до трговскиот центар „Лиса“.

На настанот ќе присуствуваат премиерот Христијан Мицкоски, министерот за транспорт Александар Николоски, градоначалникот на Општина Аеродром, Дејан Митески и извршниот претставник на „Лидл“, Милена Драгиска-Денчева.

Иако „Лидл“ сè уште не ги отворил своите маркети во Македонија, влијанието врз локалната економија е веќе мерливо. Само во 2024 година, повеќе од 5.500 палети сертифицирано македонско овошје и зеленчук се извезени преку европската мрежа на „Лидл“. Овој резултат е доказ дека македонските производители имаат капацитет да ги исполнат строгите меѓународни стандарди, како што се „Global GAP“ и „GRASP“.

Отворањето на „Лидл“ ќе биде најголемата германска инвестиција во секторот во земјава.

ОД ЛОКАЛНО ДО ЕВРОПСКО Лидл отвора нови можности за македонското земјоделство

The post КАМЕН ТЕМЕЛНИК ЗА „ЛИДЛ“ Првиот маркет ќе биде отворен во Ново Лисиче appeared first on plusinfo.mk.

Премиерот Христијан Мицкоски најави дека во првата недела од септември очекува да биде поставен камен темелник на нова инвестиција во државата.

– Очекувам првата недела во септември да имаме камен темелник на нова инвестиција, со што уште еднаш ќе покажеме посветеност на тоа што ние како Влада го работиме. Сакам да ѝ се заблагодарам на претходната влада што работеле на оваа инвестиција, но било потребно да се промени владата па оваа инвестиција да биде реалност – рече Мицкоски кој вечерва гостуваше на телевизијата Алфа.

Многу скоро, како што рече, ќе биде поставен и камен темелник на фирмата „Ипсотек“.

– Фирмата „Ипсотек“ ја најавивме кога станавме влада. За неколку недели оваа инвестиција ја ставивме во функција, а последно што знам е дека е добиено мислење од Комисијата за заштита на конкуренцијата и многу скоро, за неколку недели, ќе имаме и камен темелник на оваа институција. Исто така, има две инвестиции на постојани компании што очекувам да бидат потврдени до крајот на годината. Станува збор за огромни компании кои веќе се присутни кај нас, огромни инвестиции кои значително ќе влијаат врз БДП – рече Мицкоски.

Тој напомена дека се преговара и за една нова инвестиција во вредност од 150 милиони евра, за која, што рече, дека сме во најтесна конкуренција со една европска држава, членка на ЕУ и поранешна членка на источниот блок.

Премиерот информираше дека за многу скоро ќе биде донесено и законското решение за данокот на добивка за мултинационалните компании кои ќе консолидираат профит поголем од 50 милиони евра.

– Има многу работи кои уште треба да ги дефинираме, но во следните месец-два мислам дека овој закон ќе се најде во владина седница, а потоа и во парламентарна процедура, со што ќе бидеме држава со убедливо најнизок данок во Европа, мислам дека и во светот – рече Мицкоски.

The post МИЦКОСКИ НАЈАВИ ИНВЕСТИЦИСКИ БУМ Во првата недела од септември ќе биде поставен камен-темелник на нова инвестиција appeared first on plusinfo.mk.

Лидл денеска ја претстави својата најголема инвестиција во Северна Македонија, логистичкиот центар во близина на Куманово. Ова досега е највредна инвестиција на Лидл во земјава со вкупна вредност од 80 милиони евра, којашто ќе отвори повеќе од 150 работни места.

Според планот на компанијата, изградбата на логистичкиот центар треба да започне во следниот период, додека во моментов се одвива тендерската фаза за избор на генерален изведувач.

Претставниците на Лидл изразувајќи ја својата благодарност кон општината и кон владата за поддршката во целиот процес на реализација на оваа инвестиција, испратија порака за среќа и успех на проектот преку симболичен гест на поставување на временска капсула во темелите на објектот.

– Денеска ја претставуваме нашата најголема инвестиција во Северна Македонија, нашиот логистичкиот центар. Лидл Северна Македонија е дел од меѓународното семејство на Лидл и овде, заедно со нашиот тим, кој во моментов брои повеќе од 100 вработени, сакаме да го имплементираме искуството што го стекнавме во повеќе од 30 земји со ист стандард и ист квалитет. Ќе инвестираме околу 80 милиони евра само во изградба на логистичкиот центар за да создадеме модерен и одржлив објект, според најновите градежни стандарди. Лидл е одговорен, сигурен и фер партнер и за купувачите и за своите добавувачи. Дел од нашата корпоративна политика е воспоставување долгорочна и сигурна соработка со локалните производители – изјави Рубријан Хаџиев, генерален директор на Лидл Северна Македонија.

Парцелата во Куманово опфаќа површина од 170.997 метри квадратни, вклучувајќи логистички центар од 63.000 метри квадратни и комплекс со главна зграда, административни канцеларии и напредна инфраструктура. Конструиран според современи технологии и приспособен за ефикасно работење во голем обем, логистичкиот центар ќе биде опремен со специјализирани машини, системи за автоматизација и логистичка опрема, целосно посветени на оптимизација на операциите. Логистичкиот центар дополнително ќе биде пример за одржливо и еколошко работење, ќе користи електрична енергија од обновливи извори на енергија и ќе биде опремен со фотоволтаични елементи кои генерираат вкупна моќност од приближно 1,7 MW. Дополнително, за затворање на покривот ќе се користи материјал од рециклиран отпад, а внатре ќе се постави енергетски ефикасно LED осветлување. Објектот ќе се загрева со отпадна топлина од системот за ладење и целиот генериран отпад ќе се рециклира.

Покрај претставниците на Лидл, на настанот беа присутни и премиерот Димитар Ковачевски, вицепремиерот Фатмир Битиќи, министерот за внатрешни работи Оливер Спасовски, министерот за земјоделство, шумарство и водостопанство, Љупчо Николовски, градоначалникот на Куманово, Максим Димитриевски и германската амбасадорка Петра Дрекслер.

За премиерот Ковачевски, работењето на Лидл на македонскиот пазар значи потврда за вредноста и капацитетите на овој пазар и ја стимулира националната економија.

– Со инвестиција од 80 милиони евра и нови над 150 работни места во финалната фаза на нивното проширување, Лидл планира најголема, но и долгорочна инвестиција во нашата држава, која сметам дека ќе отвори големи перспективи како за нашата национална економија, така и за нашата држава која преку ваквите успешни бизнис модели ќе оствари поголем пробив на меѓународните пазари. Квалитетот на Лидл успешно се градеше во изминатите 50 години и денес мрежата на овој познат трговски ланец е распространета во повеќе од 30 земји во светот и со над 12.000 маркети. Лидл не е само обичен ланец на супермаркети, туку изграден бренд чии маркети во регионот се посетени и од многу наши граѓани бидејќи добиваат висок квалитет за поволна цена. Ние создадовме услови ова да го овозможиме дома – нагласи Ковачевски.

За градоначалникот на Куманово, Максим Димитриевски, подготвителните активности за градба значат и развој на индустриската зона Речица.

– Јас денеска како градоначалник сум среќен што имам чест да присуствувам на оваа манифестација на покана на инвеститорот и сакам да се заблагодарам на претставниците на Лидл, германската амбасада во државата и вработените во општина Куманово, јавните претпријатија и сите институции, кои дадоа позитивен придонес во подготовка и реализација на ваквиот проект, вклучувајќи ги и лицата кои беа вработени кај инвеститорот или ангажирани како фирми, кои беа логистичка поддршка. Без нивен личен ангажман немаше да бидат надминати сите бирократски процедури во системот и сите пречки, со кои се соочивме во текот на целата реализација на постапката. Искрено благодарам на инвеститорот за неговата лична заложба оваа голема инвестиција да ја лоцира во нашата индустриска зона, која самата по себе со атрактивноста и местоположбата нуди дополнителни можности за развој и на ЛИДЛ, но и на самата зона, како и на кумановското и македонското стопанство во целина. Овој нов стопански капацитет, кој ќе се простира на 63.000 метри квадратни и изграден склад со логистички центар, во иднина очекуваме да вработи над 150 луѓе, но и дополнително да ангажира голем број логистички и шпедитерски компании од градот, регионот, државата и пошироко со непречен транзит на стоки и добра, со што ќе придонесе за зголемување на БДП, не само во општина Куманово, туку и пошироко – истакна градоначалникот Димитриевски.

Лидл Северна Македонија го купи земјиштето во септември 2023 година, преку јавен оглас од општината.

Лидл Северна Македонија е дел од компанијата за малопродажба Лидл, која е една од водечките компании во прехранбената индустрија во Германија и во Европа. Лидл моментално работи со над 12.200 продавници и повеќе од 220 логистички центри и магацини во 31 земја.

Како супермаркет со пониски цени, Лидл го вреднува оптималниот сооднос цена-квалитет за своите потрошувачи. Едноставноста и посветеноста кон процесот ги одредуваат секојдневните делувања во продавниците, регионалните дистрибутивни центри и услугите на компанијата. Lidl Stiftung, како даватели на системски услуги, со седиште во Некарсулм, е одговорен за креирање и за структурата на стандардизираните процеси.

Лидл моментално има околу 376.000 вработени на меѓународно ниво. Динамичноста во секојдневното работење, силата и правичноста во меѓусебните односи го карактеризираат функционирањето на компанијата низ целиот свет. Лидл Северна Македонија досега вработува околу 100 лица и континуирано регрутира нови квалификувани профили од различни области и за различни работни позиции.

Од своето постоење, Лидл презема одговорност за луѓето, општеството и околината. Во Лидл, одржливоста е исполнување на ветувањето за квалитетни производи, достапни секој ден.

The post ГРАЃАНИТЕ СО НЕТРПЕНИЕ ГО ОЧЕКУВААТ Лидл инвестира 80 милиони евра и ќе вработи повеќе од 150 луѓе во Македонија appeared first on plusinfo.mk.

Причината за затворањето на патот е поставување на камен-темелник на Коридор 10Д.

„Денеска во времето од 10.00-14.00 часот патот Битола – Прилеп поради поставување на камен темелник на коридор 10 Д сообраќајот на магистралниот пат А-3 ќе биде пренасочен по стариот пат кај клучка Лагово и клучка Тополчани. Се замолуваат возачите да ги почитуваат насоките кои ги даваат полициските службеници“, се вели во соопштението на СВР-Битола.

The post НЕКОЈ ЌЕ ВРТИ ОДОКОЛУ, А НЕКОЈ ЌЕ СЕ СЛИКА Блокада на патот Битола-Прилеп, ќе се поставува камен-темелник на Коридор 10Д appeared first on plusinfo.mk.