– Очекуваме во наредниот период уште неколкумина да бидат на таа листа. Не ги знаеме. Веројатно сличен калибар како вториот што е ставен на листа. Да, бизнисмен, според некои најави, иако не ги знаеме. Не ги кажуваат однапред имињата кои ќе бидат, меѓутоа профилот отприлика ни е даден со опис за тие двајца-тројца. Да не шпекулирам, тоа е нивна суверена одлука кога ќе ја објават. Велат наскоро. А што е тоа наскоро, не знам – рече Пендаровски на гостување во емисијата „Само интервју“ на Канал 5 телевизија.

САД неодамна на црната листа ги стави градоначалникот на Општина Струга, Рамиз Мерко и бизнисменот Јордан Камчев.

The post НЕ ГИ ЗНАЕМЕ ИМИЊАТА, АМА ЌЕ БИДАТ БИЗНИСМЕНИ ОД КАЛИБАРОТ НА КАМЧЕВ Најавено е ново проширување на црната листа на САД appeared first on plusinfo.mk.

– Фрли голема сенка и врз судството особено врз обвинителството. Без разлика што поранешното СЈО беше издвоено од Јавното обвинителство на Република Северна Македонија како посебен субјект а особено негативно се одрази врз сите обвинители и обвинителства воопшто. Се надевам дека полека ја враќаме довербата на јавноста во Јавното обвинителство генерално – вели Рускоска.

Во однос на последниот случај со екс генералниот секретар на Владата, Мухамед Зекири, Рускоска не открива дали овој случај ќе се проширува.

– Не можам да знам дали ќе се проширува. Во рана фаза е истрагата, значи сѐ уште се собира документација. Јас не го водам предметот, но по она што ме брифира колешката уште се собира документација.

Рускоска, чиј мандат ќе истече во ноември исто така откри дека нема да се кандидира за втор мандат и  „ниту за судија во Уставниот суд“.

The post РЕКЕТ ФРЛИ ОГРОМНА СЕНКА ВРЗ СУДСТВОТО Русковска се надева дека ќе се врати вербата во Јавното обвинителство appeared first on plusinfo.mk.

Во рамки на истражната постапка во предметот „Империја“, во текот на вчерашниот и денешниот ден до Основниот кривичен суд Скопје доставени се шест барања за определување на привремена мерка забрана за оттуѓување и располагање со недвижен имот.

Како што соопшти денеска Јавното обвинителство, барањата се поднесени поради постоење на основано сомневање дека имотот потекнува од кривично дело и дека до крајот на кривичната постапка ќе биде особено отежнато или оневозможено неговото одземање.

Од прибраниот доказен материјал, како што се наведува во соопштението, произлегува дека предложениот имот е пренесен на трети лица за да се прикрие неговиот вистински сопственик.

„На предлог на Основното јавно обвинителство за гонење на организиран криминал и корупција е определена мерка забрана за оттуѓување и располагање со удел на правното лице Друштво за производство, трговија и услуги ДИВЕЛОП ГРУП ДОО Скопје што го поседува во правното лице Хотел Гранд М ДООЕЛ Скопје, удел на физичко лице од 67,5 отсто што го поседува во правното лице Друштво за производство, трговија и услуги ДИВЕЛОП ГРУП ДОО Скопје, удел – основачки влог од 32,5 отсто што го поседува правното лице – Друштвото за градежништво, трговија и услуги БЕСТ ВЕЈ ИНВЕСТМЕНТ ДООЕЛ Скопје во правното лице Друштво за производство, трговија и услуги ДИВЕЛОП ГРУП ДОО Скопје“, стои во соопштението.

Како што информира Јавното обвинителство, определена е мерка забрана за оттуѓување и располагање со недвижен имот и на Друштвото за трговија и услуги БИЗНИС ПРОПЕРТИ ИНВЕСТМЕНТ ДООЕЛ Скопје во вредност од 58.282.500,00 денари согласно книговодствената вредност и тоа апартмани со вкупна површина од 720 м2 и гаражи со вкупна површина од 92 м2. Се запленуваат и 7213 акции што Друштвото за производство, трговија и услуги ЕКСИКО ДООЕЛ Скопје ги поседува во Стопанска Банка А.Д. Битола по номинална вредност од 3.000,00 денари по акција или во вкупна вредност од 21.639.000,00 денари, како и деловен простор во градба лоциран на плоштадот „Македонија“ на Друштвото за производство, трговија и услуги СИС ИНВЕСТ ГРУП ДООЕЛ Скопје со површина од 566,41 м2 и во вредност од 1.699.241 евра.

The post ПРИВРЕМЕНО ЗАПЛЕНЕТ ИМОТ ОД ПРЕДМЕТОТ ИМПЕРИЈА Забрана за оттуѓување на апартмани, акции и деловен простор appeared first on plusinfo.mk.

Адвокатот на Камчев, Александар Михајловски, зборуваше како настанал целиот случај.

– Тужената Катица Јанева во таканареченото СЈО, на 13.10. 2018 година одржала прес-конференција на која објавила дека се почнати истраги по три предмети „Империја“, „Базни станици“ и „Поштенска банка“. Прес-конференцијата е одржана 16 месеци откако поминал законскиот рок за покренување истраги согласно посебниот закон. По таа прес-конференција и највата за водење на тие истраги, на сцена стапил тужениот Бојан Јовановски кој во блиски релации со тужената Катица Јанева и со влијанието кое го имал врз неа, пристапил кон сите овие стопанственици со понуди за разни видови соработки. Пред сѐ, да платат реклами во тогашната телевизија 1ТВ, како и да финансираат наводни проекти. Очигледна била спрегата, помеѓу тужената Катица Јанева и тужениот Бојан Јовановски да се отворат предмети против стопанственици за да можат да бидат изнудувани средства. Во пресудата ќе видите искази на сведоци на кој начин биле изнудувани средства. Така од тужителот биле изнудувани на повеќе средби, прво да плати реклами во тогашната 1TВ, да финансира изградба на шопинг молови, да финансира изградба на старечки домови. Кога тужителот ги одбил сите овие понуди, настапила второтужената Катица Јанева со јавно обзнанување на предметот и изрекување мерка притвор. По сите притисоци се потврдува мерката за тоа кој ги диригира конците, кој ја контролира ситуацијата и на кој начин да ја прифати изнудата – рече адвокатот Михајловски во воведните зборови, пренесе Макфакс.

Јанева му се уфрли во збор на Камчев додека тој даваше исказ.

– Халуцинира човекот. Поарно да чита, бидејќи вака многу халуцинира – дофрли Јанева.

Камчев денеска во судот рече дека добил понуди за градење шопинг мол на две локации во Карпош.

– За двете локации беше евидентно дека Бојан Јовановски манипулира бидејќи бев сигурен дека ниту менаџментот на Гранит ниту на Реплек (сопственици на земјиштата) не дале согласност за таков проект. Бојан Јовановски ми пристапи преку заеднички пријател во врска со наводна соработка да ми понуди а со крајна цел изнуда на парични средства со лажни проекти. Првиот проект беше fashion malls, концепт кој тој го измислил, а во кои ќе има модни ревии, популарни дуќани. Како да во светот нема бизнис центри и шопинг молови, па тоа да биде заштитено од Бојан. На договорот за соработка беше потпишано лицето Лазар Јанев. Со тоа Бојан сакаше да ми покаже дека ја контролира тогашната специјална јавна обвинителка Катица Јанева, кажувајќи дека и тој стои позади проектот за бизнис молови. Споменувајќи дека Лазар користи возило од неговата телевизија, дека со него соработува директно и слично. Откако го одбив ова барање тој беше упорен и на другите средби ми беше понудена инвестиција во старечки домови. Ми беше понуден проект за носење европски пациенти, кои 80 отсто би го пополниле капацитетот – рече Камчев, кој смета дека Бојан злоупотребувал функционери од тогашната власт, за кои вели дека не биле запознаени со неговите манипулации, пренесе Макфакс.

Синот на Јанева, Лазар Јанев, е нејзин адвокат во овој случај.

– Тужителот се обидува да повтори иста лага за да стане вистина – рече Јанев.

The post КАМЧЕВ ЈА ПОВЛЕЧЕ ТУЖБАТА ПРОТИВ КИЧЕЕЦ Синот Лазар ја брани Јанева, таа дофрли дека Камчев халуцинира appeared first on plusinfo.mk.

Судечкиот судија Илија Трпков го прифати образложението на обвинителството дека снимките се незаконски прибавени и дека со нив не се штити јавниот интерес туку само личниот интерес на Груевски.

Адвокат на Груевски, предметот се базира токму на незаконски снимени разговори.

Обвинителката Лиле Стефанова рече дека ако судот ги прифати овие јавно објавени разговори, тогаш и обвинителството има право да ги изведе телефонските разговори во кои Груевски се фали дека нашол „земјиште за џабалак“.

Адвокатите на Камчев рекоа дека ја поддржуваат обвинителката.

Трите ексклузивни стана од вкупна површина од околу 750 квадратни метри во објектот „Панорама резиденс“, за кои во предметот „Плацови на Водно“ бизнисменот Јордан Камчев кажа дека се чуваат за експремиерот Никола Груевски, од денеска се замрзнати. Обвинителката Лиле Стефанова, на денешното судско рочиште, го достави предлогот тие да се замрзнат, а судот одлучи да го прифати.

The post РАЗГОВОРИТЕ НА КАМЧЕВ И ГРУЕВСКИ НЕ ВЛЕГОА ВО СУДНИЦА Замрзнати се трите стана во „Панорама“ appeared first on plusinfo.mk.

The post ЛАЖАТ, ЈАС ДА БИДАМ ОСУДЕН НА ДОЛГОГОДИШНА РОБИЈА, ТИЕ ДА СЕ СПАСАТ! Никола Груевски вџашен од денешните сведочења во „Плацеви за Водно” appeared first on plusinfo.mk.

Претходно, адвокатот на Камчев, Еленко Миланов, рече дека им било соопштено оти одлуката по поднесената жалба треба да се донесе по Нова година.

На притворениот му е уважена жалбата, решението е преиначено, односно прифатена е гаранцијата и укината е мерката притвор, соопштија од Апелација.

Камчев како гаранција понудил скоро 11 милиони евра, а судот ќе му го задржи пасошот. Сега ќе треба да се завршат процедурите за запишување на хипотека, по што тој ќе се брани од слобода во случајот „Плацови на Водно“.

Камчев беше приведен на 14 март и потоа со решение на судија на претходна постапка однесен во притвор. Неговата одбрана во неколку наврати бараше укинување на мерката притвор, ама судот ги одбиваше жалбите, во кои како аргумент се посочуваше и лошата здравствена состојба на бизнисменот.

Пред Нова година, Камчев беше примен на лекување во Клиничката болница „Аџибадем Систина“.

The post КАМЧЕВ ИЗЛЕЗЕ ОД ПРИТВОР Апелација ја прифати гаранцијата од 11 милиони евра appeared first on plusinfo.mk.

Плусинфо дознава дека претставниците на бугарската амбасада изразиле револт, бидејќи до Министерството за правда нивното барање било испратено пред повеќе од 50 денови, а во исчекување на одговор биле изложени на пинг-понг ситуација помеѓу МНР и Министерството за правда.

Посебен и главен интерес на средбата изнеле за службената белешка издадена од Агенцијата за национална безбедност (АНБ), врз база на која Камчев заврши во притвор во март оваа година. Во белешката беше наведено негово наводно бегство од земјата во соработка со служби од Бугарија, со што директно, без никакви презентирани докази покрај обвинувањето за бегство, се инволвираат и служби од Бугарија кои во белешката се „обвинети“ за помагање на истото.

Претставниците на бугарската амбасада се интересирале и за лица вработени во АНБ, за кои вчера беше утврдено дека се криминалци, фатени со поткуп и уапсени, а се осомничени за уцена и рекетирање бизнисмени. Едно од тие лица е истото што ја има напишано службената белешка врз основа на која е притворен Камчев. Денеска АНБ се обидува да ги прикрие овие лица.

Претставниците на бугарската амбасада изразиле интерес и за тортурата на која беше подложен Камчев, а која се потврди и во извештајот на Народниот правобранител, по неговата посета во затворската ќелија на Камчев на почетокот на неговиот притвор.

Со тоа, кај нив се отворило и прашањето за условите кои притворениците ги имаат во затворот Шутка како и дали ги уживаат правата кои им следуваат. Диломатите се интересирале до кој степен се почитуваат или не се почитуваат и основните човекови права во земјата.

Познавачите предупредуваат дека Бугарија би можела овие прашања да ги подигне на ниво на услов за преговорите на Македонија за членство во ЕУ. Бугарија е земја членка на ЕУ, а со самото тоа потврдено остварила напредок во заштитата и почитувањето на човековите права и слободи и има регулиран, непристрасен правосуден систем. Јордан Камчев, врз кого во земјава се изживуваат веќе 8 месеци и го местат со монтирани белешки од АНБ, има двојно државјанство, македонско и бугарско.

The post СОФИЈА БИ МОЖЕЛА ДА ГО НАМЕТНЕ И ПРАШАЊЕТО „КАМЧЕВ“ Кој измислува бугарска врска за да го малтретира обвинетиот бизнисмен? appeared first on plusinfo.mk.

Реакцијата ви ја пренесуваме интегрално:

„Се работи за целосна невистина дека г-динот Камчев воопшто се пожалил на симптоми на коронавирус и дека одбил испитувања на државна клиника кои му биле понудени.

Сериозното срцево хронично заболување кое го има г-динот Камчев, а е потврдено и од врвни кардиолози експерти од Р. Австрија, Р. Словенија и Република С. Македонија, само по себе бара посебен третман и редовни прегледи. Имено, во текот на летото, по алармантно влошена здравствена состојба на г-динот Камчев, тој беше пренесен на Клиниката за кардиологија каде што беше задржан 5 дена, а потоа беше вратен во притворското одделение на КПУ Скопје.

Тогаш, од страна на докторите од Клиниката за кардиологија во Скопје беше потврдено дека треба да се изврши контролен преглед месец и половина по неговото пуштање од клиниката. Како одбрана на г-динот Камчев, во соодветниот период посочен од докторите побаравме тој да биде посетен во затворот од доктор и да му се овозможат неопходните лекарски прегледи почнувајќи од биохемиска анализа која за неговата состојба е основен и неопходен параметар.

Тоа не беше дозволено, туку од страна на затворската управа му беше понудено во 15 часот попладне да биде спроведен на Клиниката за кардиологија во Скопје. Г-динот Камчев го одби тој преглед бидејќи терминот и начинот се сосема несоодветни за биохемиски проверки кои, како што напоменавме, се клучни и основни за проверка при третманот на неговата здравствена состојба.

Како и тогаш и сега, како одбрана, бараме објаснување на кој основ се одлучува кој од притворениците има право да се лекува на приватна, а кој на државна клиника, односно кој е органот кој одлучува за тоа?

Се изнесуваат невистина и во врска со тоа дека г-динот Камчев не се пожалил на влошена здравствена состојба на затворскиот лекар. Во неколку наврати, при сериозно влошување на неговата здравствена состојба тој има побарано интервенција од затворскиот лекар, но имало случаи и кога смената на лекарот била завршена па за преглед доаѓала само медицинска сестра и, како што е веќе познато и пренесено на јавноста, неговата влошена здравствена состојба во притворската ќелија е третирана со кисела вода и сол.

Во насока на точно и непристрасно информирање на јавноста, бараме објава во целост на оваа информација која ја испраќаме и во која појаснуваме официјални детали за случувањата поврзани со здравствената состојба на г-динот Камчев. Бидејќи често се работи за  непотврдено и невистинито изнесување на сензитивни информации, како одбрана на г-динот Камчев при повторување на истото ќе бидеме принудени да преземеме соодветни правни мерки во однос на истото“, се наведува во реакцијата.

The post РЕАКЦИЈА НА ОДБРАНАТА НА КАМЧЕВ Требало да оди на контрола, а од Кардиологија му закажале за крвни анализи дури за во 15 часот appeared first on plusinfo.mk.

На трибината „Најдоброто за мојата општина ‘‘ пред арачиновци Заев се пофали дека го унапредиле Арачиново за 2 века и во својот говор го нападна лидерот на ВМРО-ДПМНЕ Христијан Мицкоски.

The post ЗАЕВ ГИ ОСУДИ КАМЧЕВ И МИЈАЛКОВ НА ПО 20 ГОДИНИ Во Арачиново ги нарече бандити и им пресуди ВИДЕО appeared first on plusinfo.mk.