Серија силни снежни циклони ја погодија руската Камчатка и го парализираа секојдневниот живот, особено во регионалниот центар Петропавловск-Камчатски и во градот Вилјучинск.

Јавниот превоз е прекинат, училиштата се затворени, а расчистувањето на улиците се одвива со големи тешкотии поради масивните снежни наноси. Локалните власти воведоа вонредна состојба за да мобилизираат дополнителна механизација и служби.

Според официјални податоци од надлежните служби, во најпогодените делови снегот достигнал висина до нивото на вториот кат на зградите, а на повеќе места влезовите се целосно затрупани. Во само еден ден биле измерени обилни врнежи, а за два дена паднала повеќе од половина од просечната месечна количина снег, што доведе до ситуација во која цели квартови останаа практично отсечени.

Невремето однесе и човечки животи. Најмалку две лица загинаа откако биле затрупани од снег кој паднал од покриви, што ги натера властите да наложат итно чистење на објектите. Опасноста од лизгање снег и мраз е зголемена поради променливите температури и силниот ветер, а граѓаните се повикани на максимална претпазливост.

Rusya’nın Kamçatka Bölgesi
Harika !#Россия#Камчатка pic.twitter.com/LE9wHRIggL

— MURAT (@MURATUSS) January 18, 2026

На терен, спасувачките и комуналните служби копаат коридори низ снегот за да обезбедат пристап до станбени згради и да им помогнат на луѓето на кои им е неопходна асистенција, особено на постари и лица со ограничена подвижност. Дел од жителите се евакуирани или превезувани со специјални возила, бидејќи вообичаениот транспорт е нефункционален.

Метеоролозите предупредуваат дека екстремните услови ќе продолжат и во наредните денови, а целосната нормализација на животот во Камчатка ќе бара време и значителни напори.

The post 🎥 ОВА Е НЕВЕРОЈАТНО, ЦЕЛИ ЗГРАДИ ПОТОНАА ВО СНЕГ Страшна снежна бура во Камчатка во Русија appeared first on plusinfo.mk.

По земјотресот, Камчатка се поместила за 2 метра, а и малку се намалила по висина, но не треба да се очекуваат нови сериозни последици.

За ова зборуваше директорот на Камчатскиот огранок на Обединетата геофизичка служба при Руската академија на науки, Данила Чебров, за Известија.

– Поместувањето е директен резултат на силен земјотрес. Затоа, таму нема да се случи ништо дополнително, освен она што следи како дел од процесот на афтершокови. А сеизмичкиот процес на Камчатка не запре сам од себе – изјавил експертот.

Камчатка постојано се движи

Тој посочил дека полуостровот постојано е во движење бидејќи се движат и литосферските плочи.

– Камчатка се спуштила малку. Помалку во областа на Петропавловск, а повеќе на југот. Камчатка се наоѓа на северноамериканската плоча. И таа се движи – океанската плоча ја притиска, потоа се враќа малку назад, па пак се турка, и така постојано – објаснил Чебров.

Земјотресот не е само тресењето, туку и бавните движења

Експертот додаде дека ваквите тектонски поместувања, што се случуваат при земјотреси, најчесто не се забележуваат.

– Земјотресите не се составени само од тоа тресење што сите го чувствуваат и го паметат, туку и од бавни движења со голема амплитуда, кои не можат да се почувствуваат или да се регистрираат без прецизни инструменти – рече тој.

Камчатскиот огранок на Обединетата геофизичка служба на Руската академија на науки претходно тој ден соопшти дека по силниот земјотрес, јужниот дел од полуостровот Камчатка се поместил за речиси 2 метри. Ова поместување е споредливо со хоризонталното поместување по земјотресот во Тохоку, Јапонија, во 2011 година.

Земјотресот на Камчатка се случи на 30 јули. Поради силниот земјотрес, на брегот на заливот Авача беше прогласена опасност од цунами.

Потоа следеше серија афтершокови. На 4 август, експерти соопштија дека во текот на денот се регистрирани 7 значајни земјотреси во Камчатка. Прецизирано е дека само за еден ден во регионот биле евидентирани повеќе од 85 сеизмички настани.

The post КАМЧАТКА СЕ ПОМЕСТИЛА ЗА 2 МЕТРА ПОРАДИ ЗЕМЈОТРЕСОТ Полуостровот исто така се спуштил малку appeared first on plusinfo.mk.

Воена база на нуклеарни подморници во оддалечениот Далечен Исток на Русија претрпе оштетувања минатата недела, откако регионот беше погоден од еден од најсилните земјотреси во последните децении, покажуваат сателитски снимки, објави Њујорк тајмс.

Пловечкото пристаниште на подморничката база Рибачиј, едно од клучните седишта на Пацифичката флота на Русија на полуостровот Камчатка, изгледа дека е сериозно оштетенo, според сателитски снимки направени во неделата од страна на комерцијалната сателитска компанија „Планет лабс“ (Planet Labs). Дел од пристаништето изгледа дека е откачен од своето сидриште.

Руските медиуми не известиле за инцидентот

Нема други видливи значајни оштетувања, а неколку пловни објекти, вклучително и 5 подморници, се забележани како се прицврстени на блиските пристаништа. Сè уште нема официјално соопштение за евентуални оштетувања на базата, а ниту руските медиуми не известија за инцидентот. Меѓународните тела што ги следат нуклеарните објекти не пријавиле покачени нивоа на радијација во областа.

Некои од пловечките пристаништа на Рибачиј се нови: најмалку 2 нови пристаништа биле нарачани и поставени на базата по почетокот на руската инвазија на Украина во 2022 година, според руската војска.

Базата, изградена во советско време, е поставена во залив за да ги заштити пловните објекти од високите бранови и од бурата на отворено море, кое е оддалечено само неколку километри.

Едно пристаниште со знаци на оштетување

Иако неколку пристаништа во Рибачиј изгледаат неоштетени, едно покажува знаци на оштетување од цунами брановите, предизвикани од земјотресот.

– Најверојатно ова нема значително да ја загрози борбената подготвеност на базата, а поправките на пристанот веројатно нема да бидат скапи – изјавија од Истражувачкиот тим за конфликтна интелигенција (Conflict Intelligence Team), група што користи податоци од отворени извори за да ја проучува руската војска, за Њујорк тајмс.

Земјотресот со јачина од 8,8 степени ја погоди областа на рускиот Далечен Исток во средата, предизвикувајќи паника кај локалното население, огромни цунами бранови кон пацифичкиот брег и вклучување на аларми ширум светот. Епицентарот на земјотресот бил околу 130 километри оддалечен од Рибачиј.

Базата се наоѓа на истиот залив со регионалниот главен град Петропавловск-Камчатски, кој претрпел мали оштетувања.

Цунами брановите не стигнале до самиот град, но биле забележани на отворено море неколку километри подалеку.

Подморничката база и градот Рибачиј се строго обезбедувани зони со ограничен пристап за јавноста.

Русија летово премести дел од своите воени капацитети подалеку на исток поради смела украинска нападна акција со дронови извршена од руска територија, при што беа погодени неколку важни цели илјадници километри далеку од фронтот, вклучително и аеродром во источен Сибир.

Камчатка минатата недела беше погодена од серија сеизмички настани, вклучително и од силниот земјотрес, неговите последователни потреси, како и од ерупции на вулкани.

The post ОШТЕТЕНА РУСКА БАЗА НА ПОДМОРНИЦИ ПОРАДИ ЗЕМЈОТРЕСОТ НА КАМЧАТКА Сателитски снимки откриваат разурнато пловечко пристаниште кај Рибачиј appeared first on plusinfo.mk.

Руските власти денеска им препорачаа на локалните жители и посетителите на регионот на Камчатка „да се воздржат од патување и пешачење во близина на вулканите во радиус од 10 км од нивните врвови“, откако беше објавено дека пет вулкани на Камчатка се моментно активни – Кључевскаја, Шивелуч, Каримски, Безимењ, Камбални, пренесува Интерфакс.

Во изминатите 24 часа, на Камчатка се регистрирани 22 силни земјотреси.

Регионот останува под зголемен сеизмички мониторинг, но досега нема пријавени жртви.

На 30 јули, најсилниот земјотрес во целиот период на набљудување се случи покрај брегот на Камчатка – неговата магнитуда достигна 8,8 степени според Рихтеровата скала, по што беа регистрирани низа последователни потреси.

Рускиот Оддел за хидрометеорологија и мониторинг на животната средина регистрираше цунами бран со висина до четири метри во регионот.

The post ЕРУПТИРА ВУЛКАН НА КАМЧАТКА За 24 часа регистрирани се 22 силни земјотреси appeared first on plusinfo.mk.

Последователни потреси и денеска продолжија да го тресат рускиот Далечен Исток, еден ден откако силен земјотрес го погоди брегот на рускиот полуостров Камчатка, предизвикувајќи предупредувања за цунами за милиони жители долж Пацификот.

• ЗЕМЈОТРЕС ОД 8,8 СТЕПЕНИ ПРЕДИЗВИКА ЦУНАМИ Русија, Јапонија и Хаваи наредија евакуација

Два земјотреса на Пацификот

Два потреса со јачина од 6 и 5,6 степени се регистрирани во Пацификот на оддалеченост од 164 и од 241 километар југоисточно од градот Северо-Курилск, на островот Парамушир, соопшти руската државна новинска агенција ТАСС.

Засега нема извештаи за поплавни бранови.

Напорите за расчистување и денеска се во тек во градот на Курилските Острови, соопшти регионалниот гувернер Валери Лимаренко на Телеграм, откако Северо-Курилск беше погоден од неколку цунами бранови предизвикани од земјотресот со јачина од 8,8 степени кај Камчатка.

Земјите кои граничат со Пацификот, од Јапонија, Кина и Филипините до Хаваи, западниот брег на САД и латиноамериканските земји како Мексико и Еквадор, издадоа предупредувања и наредби за евакуација по силниот потрес поради страв од цунами бранови опасни по живот. Сепак, речиси цел ден по земјотресот што го потресе рускиот Далечен Исток, немаше извештаи за големи штети.

• ЦУНАМИ БРАНОВИТЕ СТИГНАА ДО ХАВАИ ПО РАЗОРНИОТ ЗЕМЈОТРЕС КАЈ КАМЧАТКА Жителите се искачуваат на височина, САД во состојба на готовност

Големиот земјотрес, кој се случи околу 11:24 часот по локално време во средата (23:24 часот по Гринич во вторник), беше регистриран од Геолошкиот институт на САД со јачина од 8,8 степени – најсилниот во светот од катастрофата во Фукушима во Јапонија во март 2011 година, и еден од шесте најмоќни земјотреси некогаш измерени.

Бројни потреси во текот на ноќта, се очекуваат повеќе

Меѓународните станици за следење земјотреси регистрирале бројни последователни потреси во текот на ноќта, многу од нив со јачина над 5 степени и на помала длабочина од само околу 10 километри. Се очекуваат повеќе потреси во наредните недели, пренесе ДПА.

КАЛИФОРНИЈА ПОГОДЕНА ОД ЦУНАМИ БРАНОВИ ВИСОКИ 1 МЕТАР, КОЛУМБИЈА НАРЕДИ ЕВАКУАЦИЈА Намалено е предупредувањето за цунами на Хаваи и во Јапонија

The post РУСИЈА И НАТАМУ СЕ ТРЕСЕ ПО РАЗОРНИОТ ЗЕМЈОТРЕС ОД 8,8 СТЕПЕНИ Експертите предупредуваат, следуваат нови потреси appeared first on plusinfo.mk.

Силниот земјотрес со магнитуда од 8,8 степени го погоди полуостровот Камчатка на далечниот исток на Русија, предизвикувајќи цунами високо до четири метри, оштетувајќи згради и активирајќи тревоги и евакуации низ Тихиот Океан.

The post 🎥 ЗЕМЈОТРЕС ОД 8,8 СТЕПЕНИ ЈА СТРЕСЕ БОЛНИЦАТА, А ХИРУРЗИТЕ НИ ДА ТРЕПНАТ Браво за професионалноста на лекарите appeared first on plusinfo.mk.

Борче Пауновски, кој со своето семејство моментално престојува во Тајван, за МИА сведочи дека организацијата при справувањето со природни катастрофи и елементарни непогоди е беспрекорна, поради што кај населението нема паника ниту чувство на загрозеност.

Денеска, поради опасност од цунами, предизвикано од земјотресот со јачина од 8,7 степени што го погоди рускиот полуостров Камчатка, сите жители на Тајван добија препораки да не се приближуваат покрај брегот на океанот, реките, пристаништата и покрај бедемите кои ги штитат од плима, струи, бранови и од бури.

– Денеска во 12 часот по локално време добивме предупредувачка порака за цунами. Тајванците не оставаат ништо на случајност. Најверојатно научени да живеат со ваквите појави, будно ги следат и превенираат. Се преземаат сите мерки да се намалат последиците од појавата. Од страна на Владата на Тајтунг, каде што се наоѓаме во моментов, ни е наредено да останеме во хотел и да не излегуваме додека не добиеме порака дека тоа може да го направиме. Нема паника кај локалното население, а ние како странци овде само се надеваме дека ударот нема да биде од посериозни размери. За организираноста нема што да се каже. Беспрекорно е се. Тоа веќе го видовме во неколку случаи откако доживеавме 2 тајфуна со обилни врнежи од дожд. Исто како и сега, по добиените пораки само професионалните тимови се на терен – вели Пауновски кој со двата сина е на самиот брег на Тајтунг, во Тихи океан (Пацифик).

Тој нагласува и дека никој од надлежните во Тајван не држи прес-конференции кога има вакви ситуации.

– Тука никој не држи прес-конференции за да покаже дека нешто работи, ниту лиферува информации, ни видеа како спасува луѓе од поплавени региони. Сите, без оглед на работна позиција, се на терен и се справуваат со состојбата. Така, веќе наредниот ден сѐ е по старо. Водата е издренирана и сите патишта се проодни. Одроните и наносите, заедно со паднатите дрвја, се комплетно расчистени. Како успеваат не ми е јасно. Количината вода која падна за време на двата тајфуна е огромна. Сувите корита кои се огромни, сега се полни со вода – објаснува Пауновски.

Пауновски е во Тајван на фестивал на балони на топол воздух.

– Тука сум со моите два сина од 29 јуни. Ангажирани сме од тајванските авторитети како 2 тима, двајца пилоти и еден помошник за фестивал на балони на топол воздух. И во овој дел организацијата е доведена до перфекција. Годишно посетуваме преку 10 големи меѓународни фестивали или натреварувања, но никаде нема ваква „машинерија“. Лани имавме еден милион посетители, а годинава, и покрај временските предизвици, се очекува бројката да се надмине. И за луѓето, посетителите, нема што да се каже. Во 3 часот наутро со мали деца, со комплетна пикник-опрема чекаат да стартуваме и да уживаат во спектаклот. Инаку, при секое мое доаѓање сум фасциниран од Тајван, од неговите природа и зеленило. Во сите урбани средини има преубави паркови, комплетно прилагодени за сите типови рекреација. Корпи имаат многу ретко, но фрлено ѓубре никаде – потенцира Пауновски.

Земјотрес со јачина од 8,7 степени го потресе рускиот полуостров Камчатка, а издадено е предупредување за цунами за целиот Курилски остров во Сахалинската област. Според првичните податоци од Главната дирекција на руското Министерство за вонредни ситуации во Сахалинската област, земјотресот со јачина од 7,9 степени е регистриран во 10:30 часот по локално време во Тихиот Океан, 360,9 км североисточно од Северо-Курилск.

Подоцна, огранокот на Камчатка на Единствената геофизичка служба на Руската академија на науките објави дека, според различни проценки, јачината достигнала 8,7. Според научниците од академијата, ова е најсилниот земјотрес на полуостровот од 1952 година. Не се пријавени жртви или повредени, но имало штета во градинка во градот Петропавловск-Камчатски.

Околните земји се на готовс. Јапонија, Филипини, Индонезија и САД веќе издадоа наредби за евакуации поради опасност од цунами.

ЦУНАМИ БРАНОВИТЕ СТИГНАА ДО ХАВАИ ПО РАЗОРНИОТ ЗЕМЈОТРЕС КАЈ КАМЧАТКА Жителите се искачуваат на височина, САД во состојба на готовност

The post МАКЕДОНЦИ ВО СРЦЕТО НА ОПАСНОСТА ВО ТАЈВАН Пауновски сведочи за беспрекорна организација во справувањето со цунами appeared first on plusinfo.mk.

Хеликоптерот Ми-8 со 19 патници и тројца членови на екипажот полетал од базата во близина на вулканот Вачкажец, а спасувачите ги лоцирале остатоците следниот ден. Се претпоставува дека несреќата се случила поради лошите временски услови, односно слабата видливост.

Поведена е истрага за можна грешка на пилотот или технички дефект.

ШТО СЕ СЛУЧИ ВО ВОЗДУШНИОТ ПРОСТОР НА КАМЧАТКА? Исчезна хеликоптер со 22 патника

The post ПРОНАЈДЕНИ 22 БЕЗЖИВОТНИ ТЕЛА ОД ХЕЛОКОПТЕРОТ ИЗГУБЕН НА КАМЧАТКА Несреќата се случила поради лошите временски услови? appeared first on plusinfo.mk.

Вулканот Шивелуч на полуостровот Камчатка, кој еруптираше во текот на ноќта, исфрли облак од пепел во висина од околу 8 километри, соопшти денеска локалната канцеларија на руското Министерство за вонредни состојби.

„Пепелот се шири кон североисток, во правец на заливот Озерни, но на патот на нејзиното ширење нема населени места“, се наведува во извештајот.

Спасувачите предупредуваат дека ако се промени правецот на ветрот, мала количина пепел може да ги засегне селата Уст-Камчатски, Карагински, Пенжински и Олуторски округ.

СИЛЕН ЗЕМЈОТРЕС РАЗБУДИ ВУЛКАН ВО РУСИЈА Шивелуч исфрли лава на Камчатка

The post ОБЛАК ВИСОК 8 КИЛОМЕТРИ ГО ПОКРИ НЕБОТО НА КАМЧАТКА Вулканот Шивелуч еруптираше ноќеска appeared first on plusinfo.mk.

Припадниците на руската спасувачка служба пронашле тела на 17 жртви на местото на падот на хеликоптерот „Ми-8Т“ на Камчатка, соопшти денеска прес-службата на руското Министерство за вонредни ситуации.

„Досега веќе се пронајдени 17 тела, но потрагата продолжува“, се наведува во соопштението на руското министерство, пренесуваат руските медиуми.

Хеликоптерот „Ми-8Т“ во петокот полетал од локацијата во реонот на вулканот Вачкажец до локацијата Николаевка, но во договореното време, околу 07:15 часот по московско време, била изгубена комуникациската врска со екипажот на хеликоптерот , во кој имало 22 лица: тројца членови на екипажот и 19 туристи.

Според првичните информации, сите што биле во хеликоптерот се загинати, за руските медиуми соопштија од службата за итна помош. Остатоците од хеликоптерот се наоѓаат на надморска височина од 980 метри и е невозможно до него да се стигне пешки.

A Mi-8 helicopter with 22 people on board vanished in Russia’s remote Kamchatka region. Nearly 24 hours later, the wreckage was found — no survivors

The helicopter suddenly lost contact yesterday morning, and poor visibility hampered rescue efforts. When the wreckage was… pic.twitter.com/u5ZI5E3jfw

— NEXTA (@nexta_tv) September 1, 2024

Регионалниот министер за вонредни ситуации, Сергеј Лебедев, соопшти дека денеска се пронајдени остатоците од рускиот хеликоптер „Ми-8Т“ што исчезна на Камчатка и дека, според прелиминарните податоци, леталото се урнало.

Хеликоптерот можел да се урне поради грешка на пилотот, велат од надлежната служба за отстранување на последиците од вонредни ситуации.

„Како приоритетна верзија се разгледува пилотската грешка при тешки временски услови. Пилотот не можел да го види ридот во магла и удрил во неговата падина“, се наведува во соопштението.

Се разгледува и можноста за дефект на опремата, но таа можност засега е во втор план.

The post 📽️ ДОСЕГА СЕ ПРОНАЈДЕНИ 17 ТЕЛА Продолжува истрагата за рускиот хеликопер кој исчезна на Камчатка appeared first on plusinfo.mk.