Висок помошник на Харис изјави дека таа „го повика новоизбраниот претседател Трамп за да му честита за победата на претседателските избори во 2024 година. Таа разговараше за важноста на мирен трансфер на власта и да се биде претседател за сите Американци“.

Разговорот траел само неколку минути, наведува медиумот.

„Потпретседателката и кандидатка за претседател на Демократската партија на САД, Камала Харис ќе даде изјава во 21 часот по Гринич во Вашингтон“, се наведува во соопштението од нејзиниот кабинет.

Тоа ќе биде прва изјава на Камала Харис откако синоќа ги загуби изборите од републиканецот Доналд Трамп.

The post ХАРИС МУ ЧЕСТИТАЛА НА ТРАМП Разговорот траел неколку минути appeared first on plusinfo.mk.

– На Москва, генерално, не ѝ е грижа како ќе завршат овие избори, имајќи предвид дека во САД е формиран двопартиски консензус кој се однесува на конфронтацијата со нашата земја – посочи Захарова, одговарајќи на новинарско прашање дали победата на кој било од кандидатите на претседателските избори во Америка да претставува некоја суштинска разлика.

Покрај тоа, таа рече дека Москва ќе биде подготвена да ги разгледа предлозите на Вашингтон, односно нивната компатибилност со руските интереси по изборите.

– Доколку нешто се промени во американската политика и има предлози упатени до нас, ќе бидеме подготвени да ги проучуваме во согласност со руските интереси – додава Захарова.

Портпаролката на руското МНР изјави дека Москва одлучно ќе ги брани своите интереси во секој случај, особено кога станува збор за прашањата за националната безбедност.

– Би било логично шефот на Белата куќа, кој и да е, да биде фокусиран на решавање на проблемите на својата земја и да не бара авантури десетици илјади милји подалеку од американскиот брег – рече Захарова.

Портпаролката рече и дека Русија сака американскиот народ да ја надмине кризата на демократијата и поделеноста во општеството.

Во САД денеска беа отворени гласачките места за претседателските избори, каде граѓаните го избираат шефот на државата меѓу поранешниот републикански претседател Доналд Трамп и кандидатката на владејачките демократи Камала Харис.

Избирачките места се отворени во повеќе од 20 сојузни држави во источниот дел на САД, од вкупно 50 каде што ќе се отвораат постепено поради временската разлика.

The post СЕЕДНО Е, И ДВЕТЕ СТРАНИ СЕ ПРОТИВ МОСКВА Захарова нема фаворит на изборите во САД appeared first on plusinfo.mk.

Доналд Трамп и Камала Харис, политички лидери на две целосно спротивставени концепции за идниот развој и лидерство на Америка, завршија со главните митинзи на едни од најразбрануваните и најдраматични претседателски кампањи во историјата на САД.

Но, во оваа земја не постои изборен молк, нивните кампањи продолжуваат и на денот на изборите, јави дописникот на МИА од Вашингтон.

Од вчера наутро до доцна синоќа и по полноќ, тие одржаа завршни митинзи и интензивни настани во неколку сојузни држави каде што ќе се одреди резултатот од претседателската трка во 2024 година.

По тон и по суштина, аргументите на Трамп и на Харис ги отсликаа спротивставените визии што тие му ги нудат на длабоко поделениот народ. Зборувајќи пред голема и возбудена толпа, собрана на скалите пред Музејот на уметноста во Филаделфија, Харис изјави дека нацијата е „подготвена за нов почеток, за нов пат напред“.

На својот последен митинг Трамп се појави денеска по полноќ на сцена во Батл Крик, Мичиген, и рече дека ужива во „она што е неговиот последен претседателски митинг“. Тој изјави дека секој негов политички настан „бил неверојатен“ и им порача на поддржувачите дека „не мора да се задоволуваат со слабост, некомпетентност, пад и со пропаст.“

Двајцата кандидати избраа симболични локации за нивните завршни настани кои имаат културно и емотивно значење. За Трамп, Батл Крик е симбол за неговата политичка кариера која ја преокупираше американската политика во деценијата што измина. Тој ги одржа последните настани од своите претходни две претседателски кампањи во овој град. Таму одржа и еден пркосен митинг во 2019 година додека Претставничкиот дом за првпат гласаше за негов импичмент.

За Харис, избраната локација на нејзиниот последен миинг е позната филмска сцена од култниот „Роки“ каде што главниот протоганист трчаше и тренираше по овие скали пред музејот. Со ова таа го потврдува „аутсајдерскиот“ (We are underdogs in this race) менталитет што таа го потенцираше уште од стартот на својата кампања пред повеќе од 100 дена, откако претседателот Џо Бајден излезе од трката. Локацијата симболизира и предавање на штафетата – од истото место во 2019 година Бајден ја започна својата претседателска кампања.

Овие големи настани беа кулминација на интензивни кампањи во пресрет на 5 ноември, при што Харис ја шеташе Пенсилванија со настани во Скрантон, Алентаун и Питсбург пред да пристигне во Филаделфија.

Трамп, исто така, одржа два настана во сојузната држава, заедно со посета на Северна Каролина вчера утрината. Двајцата беа поддржани од познати личности – Трамп доби поддршка од популарниот комичар и поткастер Џо Роган, додека, пак, поп-ѕвездата Лејди Гага и ток-шоу иконата Опра Винфри ѝ се приклучија на Харис во Филаделфија.

Денеска, 5 ноември, заклучниот збор го имаат американските гласачи. Но нема изборен молк, кампањата сепак ќе потрае уште малку.

Низа анкети објавени во последните часови од трката покажуваат дека трката е изедначена и на национално ниво и во клучните, „колебливи“ држави, со добро познатите грижи за економијата, кои сè уште ги обременуваат Американците додека тие се спремаат да одат на гласање.

Трамп денеска оди да гласа лично, на гласачкото место во близина на неговата резиденција Мар-а-Лаго во Флорида, каде што ќе дава изјави на новинарите. Харис пак, веќе гласаше по пошта и планира интервјуа на локални радиостаници, како последен обид за мотивација на поддржувачите да ги дадат своите гласови за неа.

Првите гласови на кампањата во 2024 година беа преброени во Диксвил Ноч, малото гратче во Њу Хемпшир кое привлекува меѓународно внимание со својата традиција на почеток на гласањето кога стрелката на часовникот се префрла од 4 на 5 ноември, односно на полноќ.

Одговарајќи на резултатите од стотината спроведени анкети во изминатите месеци дека трката е изедначена, и резултатите на ова гласачко место беа изедначени. И Харис и Трамп добија по 3 гласа во гратчето кое вкупно дава само 6 гласови.

Ова може да се протолкува како позитивен знак за Харис, со тоа што Си-Ен-Ен извести дека ова место има четворица регистрирани републиканци и двајца регистрирани неопределени. За изборот на републиканските првични избори, Диксвил Ноч гласаше 6-0 во полза на Ники Хејли, додека, пак, на изборите во 2020 година гласаше 5-0 за Бајден.

Трамп вчера доби поддршка од еден од најпопуларните поткастери во САД, Џо Роган, кој има 17,5 милиони следбеници на Јутјуб и 15.7 милиони на Спотифај. Поддршката на Роган стигна синоќа по поткаст со Илон Маск, милијардер кој стана еден од најгорливите поборници на Трамп. Трамп и Џеј Ди Ванс, неговиот кандидат за потпретседател, во изминатите недели одржаа неколку настапи кај Роган.

• ШТО ГЛЕДА МАСК ВО ТРАМП? Милијардерот се надева на многу повеќе од позиција во владата

The post КАМАЛА ГО ОДРЖА ПОСЛЕДНИОТ МИТИНГ НА СЦЕНАТА ОД „РОКИ“ Во САД нема предизборен молк, борбата трае до крај appeared first on plusinfo.mk.

По копнениот упад на Израел во Либан „некогаш моќните САД изгледаат немоќни да го ограничат својот сојузник или да влијаат на главните партии во оваа регионална криза“ и тоа е „новата стратешка реалност“, се вели во анализата. САД се „случаен минувач“ кој доживеал „дипломатски срам“, а може да бидат вовлечени во војна.

Владата на премиерот Бенјамин Нетанјаху започна „ограничена копнена операција“ против Хезболах, и покрај барањата на Вашингтон за воздржаност и повиците за деескалација. Ова дојде откако претседателот Џо Бајден рече дека „треба да имаме прекин на огнот“, истакнувајќи ги разликите меѓу САД и Израел.

Текстот спомнува дека по нападите на Хамас врз Израел од 7 октомври Нетанјаху често дејствува независно, а дури потоа се консултира со САД притоа рушејќи ги дипломатските напори на Вашингтон за прекин на огнот.

Се вели и дека САД не биле информирани за израелскиот напад во кој беше убиен лидерот на Хезболах, Хасан Насрала.

Што може да направи Бајден со врзани раце?

„Бајден, кој се гордее со тоа што е про-израелски, не ги искористи опциите што ги има, како што е прекинот на воената помош за Израел. Иронијата е што во нападот на Насрала беа употребени американски бомби, што може дополнително да го разгори регионалниот конфликт и да ги загрози американските интереси“.

Покрај растечкиот антагонизам меѓу Нетанјаху и Бајден, САД сакаат да избегнат да бидат вмешани во регионален конфликт на Блискиот Исток.

„Нападите на трговските бродови во Црвеното Море предизвикуваат чести пресретнувања на ракетите на бунтовниците Хути, а забавените синџири на снабдување имаат значителни економски последици“, се вели во написот.

Додека САД пробуваат да си обелат меѓународната репутација во дипломатијата, сето ова влијае и на изборната трка. „Мешањето на Нетанјаху“ во американската политика дополнително ги поларизираше Демократите и Републиканците.

„Бајден и Харис се соочуваат со тешка политичка ситуација пред изборите. Нивната неспособност да ги зауздаат ​​израелските акции предизвикува поделба во Демократската партија и тоа може да го намали одѕивот меѓу клучните гласачи. Секој потег против Израел може да ѝ наштети на Харис“, пишува Стивен Колинсон за Си-Ен-Ен.

The post НЕТАНЈАХУ ЗНАЕ ДЕКА РАЦЕТЕ НА БАЈДЕН МУ СЕ ВРЗАНИ Америка ја изгуби контролата врз Блискиот Исток appeared first on plusinfo.mk.

Шегата на Путин во која тој пред медиумите посочи дека Москва ја дава поддршката на кандидатката на демократите, Камала Харис, на изборите во САД, покажа дека Американците тоа не го разбрале баш така.

• „ЗАРАЗНО СЕ СМЕЕ, ТАА Е ФАВОРИТ“ Путин откри кого ќе поддржи во трката за претседател на САД

Имено, рускиот министер за надворешни работи, Сергеј Лавров, деновиве се обидува да ја разјасни оваа изјава на рускиот претседател Путин во јавноста каде што тој неколкупати истакнува дека Москва не поддржува никој од кандидатите за иден претседател на САД бидејќи тоа е мешање во внатрешните работи на Америка.

– Русија не поддржува ниту еден кандидат бидејќи САД се контролирани од „длабоката држава“ – изјави Лавров, а пренесува порталот Хил.

Руски функционер објасни дека претседателот Путин се шегувал кога рекол дека сака потпретседателката Камала Харис да победи на американските избори во ноември.

– Владимир Путин ја поддржа Камала Харис во претседателската трка и ја пофали нејзината „заразна“ смеа. За оние на кои не им била јасна оваа изјава, претпоставувам дека тие имаат проблем со коефициентот за интелигенција – посочи рускиот долгогодишен дипломат.

Инаку, претходно во септември Путин ја изрази оваа желба и напомена дека доколку победи Харис, ситуацијата со санкциите против Русија може да се промени.

Сега рускиот министер за надворешни работи, Сергеј Лавров, ги појасни зборовите на Путин.

„Тоа беше шега“, рече Лавров во интервју за Скај њуз Арабиjа, објавено во петокот на веб-страницата на руското Министерство за надворешни работи.

– Претседателот Путин има добра смисла за хумор. Не гледам долгорочна промена во нашиот став кон сегашните или кон претходните избори во САД бидејќи озлогласената длабока држава функционира таму – продолжи тој.

Во меѓувреме, како одговор на претходните коментари, Белата куќа отфрли каква било поддршка за рускиот лидер и побара од него да престане да влијае на изборите.

Путин претходно, исто така со ироничен тон, рече дека го претпочита претседателот Бајден кого го нарече попредвидлив отколку поранешниот претседател Доналд Трамп.

• „ПУТИН РЕЧЕ ТАКА? ПА ТОА Е КОМПЛИМЕНТ!“ И Трамп мисли дека Бајден е подобар за Русија бидејќи ќе ѝ ја подари Украина

Путин и конфликтот во Украина беа едно од клучните прашања во септемвриската дебата меѓу Харис и Трамп. Сето тоа дојде до точка до која портпаролот на рускиот лидер побара од конкурентските кандидати „да го остават рускиот претседател на мир“.

Трамп рече дека ако победи на изборите, ќе стави крај на конфликтот пред неговата инаугурација.

Тоа, пак, ја поттикна Харис да го обвини Трамп дека сака „сесрдно да му се предаде на Путин“ и рече дека рускиот претседател „ќе го изеде за ручек“.

The post ТРЕБА ДА СИ ГЛУПАВ ЗА ДА ГО СФАТИШ СЕРИОЗНО Путин не поддржува ниеден кандидат на САД, појаснува Лавров appeared first on plusinfo.mk.

Писмото, адресирано „Драг Свету“, било напишано од Рајан Раут неколку месеци пред неговото апсење на голф теренот во Вест Палм Бич, Флорида, каде што Трамп играл голф. Писмото било ставено во кутија која била оставена во домот на неидентификувано лице, кое контактирало со федералните власти по апсењето на Раут, се додава во извештајот.

Кутијата исто така содржела муниција, метална цевка и други предмети.

Според американското Министерство за правда, мобилниот телефон на осомничениот се поврзувал со мобилни кули во близина на голф теренот на Трамп и неговиот дом во Флорида повеќе пати, во периодот од 18 август до 15 септември, според судскиот поднесок од денеска.

Тие исто така пронашле рачно напишан список со датуми и локации каде што се очекувало дека републиканскиот претседателски кандидат ќе биде присутен, се наведува во поднесокот.

Властите кои го пребарале автомобилот на 58-годишниот осомничен пронашле шест мобилни телефони, вклучувајќи еден кој покажувал Гугл пребарување за тоа како да се патува од округот Палм Бич до Мексико.

Во неговиот автомобил била пронајдена и тетратка во која биле напишани критики за владите на Русија и Кина, како и белешки за тоа како да се приклучи на војната во поддршка на Украина.

Овие обвинувања беа објавени пред денешното сослушување, на кое се очекува обвинителите да аргументираат дека Раут треба да остане во притвор додека случајот продолжува.

Тој беше задржан по слушањето на истрели во близина на местото каде што Трамп играл голф во Вест Палм Бич на 15 септември.

Ова се случи откако републиканскиот претседателски кандидат беше повреден во обид за атентат на митинг во Батлер, Пенсилванија, во јули.

The post „ДРАГ СВЕТУ“ Атентаторот на Трамп во писмо најавил дека сака да го убие американскиот екс-претседател appeared first on plusinfo.mk.

Осомничениот Рајан Весли Рут не испукал ниту еден истрел, никогаш не го имал Трамп на видик и побрзал откако агентот кој го забележал пукал во негова насока, изјавија официјални лица. Тој беше уапсен во соседната област.

Еден од агентите видел автоматска пушка со врвот на која излегува од грмушка во близина на теренот за голф, една дупка над местото каде што бил Трамп во тоа време. Ова е и причината зошто осомничениот Рајан Весли Роут (58) се соочува со обвинение за поседување оружје.

Агентите на тајната служба испукале најмалку четири куршуми со муниција кон осомничениот. Мажот потоа ја фрлил пушката, два ранци и други предмети и побегнал со црн спортски автомобил, но бил уапсен во соседната област.

Тајната служба потврди дека нејзиниот агент ги испукал единствените истрели во инцидентот.

Трамп вели дека ги слушнал истрелите во воздухот.

– Играв голф со некои мои пријатели во неделата наутро и беше многу мирно, многу убаво време… и одеднаш слушнавме пукотници во воздухот, претпоставувам веројатно четири или пет, и звучеше како куршуми. Тајната служба веднаш знаеше дека тие куршуми, и ме грабнаа… сите тие само влегоа во колата за голф и тргнавме – рече Трамп додавајќи дека Тајната служба одлично си ја завршила работата, пренесува „Гардијан“.

Рут (58) се појави пред федералниот суд во Вест Палм Бич за да се соочи со федералните обвиненија за огнено оружје, покренувајќи кривично дело во последните недели од претседателската трка веќе допрена од насилство и пресврти.

Иако никој не беше повреден, епизодата го означи вториот обид за убиство на Трамп во само два месеци, покренувајќи прашања за безбедноста што му била обезбедена на некогашниот претседаел и актуелен претседателски кандидат на САД.

Трамп за причина за атентатот ја обвини реториката на, како што вели, комунистичката левица, мислејќи на Демократската партија на САД.

Трамп го опиша осомничениот како „многу опасна личност“ за која се надева дека ќе помине „долго време“ зад решетки.

– Посакувам да го дадев и последниот удар, но решивме да одиме оттаму – додаде Трамп, мислејќи на неговиот следен голф потег.

Сојузниците на поранешниот претседател изјавија јавно и приватно дека се фрустрирани што напаѓачот успеал да стигне на 500 метри од Трамп додека играл голф на неговиот терен во Вест Палм Бич.

Од 2019 година, Раут донирал пари на демократските кандидати 19 пати.

На социјалните мрежи, тој исто така силно ја поддржа Украина во војната против Русија и Тајван во нејзините тензични односи со Пекинг, наведува весникот.

Се додава дека во една од објавите Раут му рекол на сопственикот на мрежата Икс, Илон Маск, дека сака да купи проектил од него за да го опреми со боева глава и да го насочи кон заштитената вила на рускиот претседател Владимир Путин на Црното Море.

Илон Маск во понеделникот на Икс иронично праша „зошто нема атентати врз Камала Харис и врз Џо Бајден?“, а потоа го избриша својот пост.

The post АТЕНТАТОРОТ ДЕМНЕЛ 12 ЧАСА, НО НЕ ИСПУКАЛ НИТУ ЕДЕН КУРШУМ Трамп се сеќава на предупредувачките истрели од Тајната служба appeared first on plusinfo.mk.

Трамп води со еден процентен поен, 48 наспроти 47 отсто во однос на Харис, покажа истражувањето, што е разлика во рамки на маргина на грешка од три поени. Тоа значи дека кој било од двајцата би можел да победи на 5 ноември.

Додека кампањата на Трамп претрпе релативно тежок период во неделите откако американскиот претседател Џозеф Бајден се повлече од трката во јули, најновите анкети покажуваат дека неговата поддршка е стабилна. Анкетата покажа дека гласачите сметаат дека треба да дознаат повеќе за Харис, додека нивните мислења за Трамп беа во голема мера утврдени.

Околу 28 отсто од анкетираните гласачи изјавиле дека им се потребни повеќе информации за кандидатката на демократите, додека само девет отсто го рекле истото за Трамп. Анкетата покажува дека претседателската дебата во вторник би можела да биде клучен момент во кампањата на кандидатите

The post ТРАМП И КАМАЛА РЕЧИСИ ИЗЕДНАЧЕНИ ВО НОВА АНКЕТА Американците сакаат да дознаат повеќе за кандидатката на Демократите appeared first on plusinfo.mk.

Путин на интервју во четвртокот рече дека ја претпочита Харис наместо Доналд Трамп, наведувајќи го нејзиното „заразно“ смеење како причина зошто таа можеби е помалку склона кон тоа да ја казни Русија со санкции.

Тој беше насмеан додека ја изнесуваше забелешката, нешто што е еден од неколкуте навидум задевачки коментари кои ги даде во текот на кампањата во САД.

– Кога го прашуваат за меѓународните прашања, тој ги коментира. Што се однесува до неговиот тон, луѓето во странство, кои се заинтересирани, мора да се обидат да го протолкуваат тоа – одговори Песков на прашањето дали Путин бил сериозен.

Белата куќа во четвртокот соопшти дека Путин треба да престане да ги коментира изборите во ноември.

Песков рече дека приоритет на Путин е благосостојбата на Русија и дека „американските нешта не можат да бидат и не се грижа што е на врвот на агендата на претседателот“.

The post СЕ ШЕГУВАШЕ ЛИ ПУТИН КОГА РЕЧЕ ДЕКА ЈА ПОДДРЖУВА КАМАЛА? Песков одговара на прашањето appeared first on plusinfo.mk.

Според анкетата, Харис има поддршка од 48% од гласачите, додека Трамп го поддржуваат 47%.

Кампањата на Камала Харис вчера објави дека досега собрала 540 милиони долари во изборната трка против републиканскиот ривал Трамп.

Кампањата соопшти дека има зголемување на донациите за време на минатонеделната Демократска национална конвенција во Чикаго, каде што Харис и нејзиниот кандидат, гувернерот на Минесота, Тим Волц, ги прифатија номинациите, пишуваат француските медиуми.

Кампањата на Трамп претходно овој месец објави дека во јули собрала 138,7 милиони долари, а на почетокот на август имале 327 милиони долари во готовина.

The post 📽 ХАРИС ЈА ЗГОЛЕМИ ПРЕДНОСТА ПРЕД ТРАМП Нова анкета пред ноемвриските избори во САД appeared first on plusinfo.mk.