„Неделава во Романија ќе започне кампања за да ги научи луѓето како да ги складираат и администрираат таблетите, кои помагаат да се намали влијанието на радијацијата врз човечките системи“, се вели во соопштението за Министерството за здравството.

„Дистрибуцијата на таблетите ќе започне во втората половина на април, откако ќе се воспостави соодветна законска процедура“, се додава во написот. Министерството не ги наведува причините за овој потег, но се истакнува дека „во моментов не постои опасност за да биде неопходно овие таблети да се земаат“.

Романија со Украина дели 614 километри долга граница со соседна Украина, каде има четири нуклеарни централи.

ЕУ веќе ги повика своите земји-членки да складираат апчиња со јод, кои веќе тешко се наоѓаат, но и други назначени лекови, а исто така и костуми за нуклеарна заштита. Брисел соопшти дека ги засилува подготовките за справување со последиците од можен хемиски или биолошки напад.

На почетокот на март, пожарот во украинската нуклеарна централа Запорожскаја, која беше заземена од руските сили, осамн на светските насловни страници. Пожарот беше брзо изгаснат, а Меѓународната агенција за атомска енергија соопшти дека немало „никакво критично влијание врз безбедноста“ во објектот.

Руските сили неодамна се повлекоа и од централата во Чернобил по месец дена опсада.

The post РОМАНИЈА ЌЕ ИМ ДЕЛИ АПЧИЊА ПРОТИВ РАДИЈАЦИЈА НА ГРАЃАНИТЕ Ќе ѝ се придружат и Бугарија, Финска, Белгија и други appeared first on plusinfo.mk.

Во аптеките во Австрија има недостиг од таблети со калиум јодид, што се оправдува со потребата граѓаните да се снабдуваат во случај на потреба.

Светот стравува од можноста за нуклеарна војна, па затоа деновиве и во Германија и во Украинасе купуваат таблети со калиум јодид кои сеземаат за време на тешки нуклеарни несреќи и зрачење, како што беше случајот со Чернобил во 1986 година. По заканата од рускиот претседател Владимир Путин дека ќе активира нуклеарно оружје, граѓаните на Хрватска исплашени во аптеките бараат јод, јави и хрватската Нова ТВ.

Таблетите со калиум јодид доколку се земаат навреме по нуклеарен инцидент, штитат од таложење на радиоактивен јод во тироидната жлезда и на тој начин го намалуваат ризикот од рак на тироидната жлезда.

Овие таблети за првпат им беа препорачани на граѓаните по инцидентот во нуклеарниот реактор во Чернобил, кога радиоактивните облаци стигнаа до Виена. Училиштата и градинките од тоа време имаат таблети калиум јодид во нивните аптеки.

Лекот не е наменет за сите, туку за луѓе помлади од 40 години кои биле изложени на нуклеарна радијација. Луѓето на возраст од 18 до 40 години можат за мала цена да купат таблети во аптеките, а луѓето над 40 години не треба да ги користат бидејќи имаат многу низок ризик од рак на тироидната жлезда поради зрачење, а ризикот од несакани ефекти од таблетите е голем, пишуваат австриските медиуми.

The post ВО АПТЕКИТЕ СНЕМУВА ЈОД „Спасуваат“ ли таблетите после нуклеарен напад? appeared first on plusinfo.mk.