Најдобриот македонски тенисер Калин Ивановски полека, но сигурно се враќа на вистинскиот пат по долгата пауза предизвикана од повреда и операција, а неговите настапи во Дејвис купот покажаа дека повторно е подготвен да биде лидер на македонскиот тенис.

Ивановски беше еден од најзаслужните за пласманот на Македонија во Втората Светска група, откако забележа четири победи во исто толку натпревари во поединечна конкуренција. Македонскиот ас ги совлада противниците од Молдавија, Косово, Грузија и Црна Гора, потврдувајќи дека постепено ја враќа препознатливата форма.

Овие мечеви беа негови први официјални настапи по минатиот август, кога одлучи да ја прекине сезоната и целосно да се посвети на решавање на здравствените проблеми и рехабилитацијата по операцијата.

Колку сериозно пристапува кон своето враќање покажува и фактот што во изминатиот период тренираше со еден од најголемите тенисери во историјата – Новак Ѓоковиќ. За Ивановски ова не е прво заедничко искуство со српската легенда, која во минатото јавно истакна дека би прифатила да одигра егзибициски натпревар со македонскиот тенисер, и тоа во Охрид.

Добрата игра во националниот дрес, заедно со работата со Ѓоковиќ, се јасен сигнал дека Калин Ивановски е подготвен за ново поглавје во својата кариера и враќање на турнирската сцена.

The post ЃОКОВИЌ МУ ПОМОГНА НА КАЛИН ДА СЕ ВРАТИ Македонската тениска надеж повторно блеска по долгата пауза appeared first on plusinfo.mk.

Македонскиот тенисер Калин Ивановски со пласман во четвртфиналето го заврши турнирот во Куршумлијска Бања, Србија. Тој денешниот меч против првиот носител Свјатослав Гулин го предаде поради повреда во вториот сет при резултат 1-0 во сетови за противникот и 3:1 во гемови во вториот сет.

Во првиот сет по 1:1 во гемови првиот носител Гулин направи серија од пет гема и го освои сетот со 6:1. Во вториот сет Ивановски поведе со 1:0, но потоа Гулин имаше три гема за 3:1 и во петтиот гем по еден одигран поен Ивановски се повлече од мечот.

Ивановски и следната недела е пријавен за настап на турнир во Куршумлијска Бања.

The post КАЛИН ИВАНОВСКИ СЕ ПОВРЕДИ Заврши турнирот за македонскиот тенисер appeared first on plusinfo.mk.

Македонскиот тенисер Калин Ивановски оствари победа во второто коло на М15 турнирот во Куршумлијска Бања. Тој во денешиот меч го совлада српскиот тенисер Ѓорѓе Шапиќ со 2-1 во сетови (6:7(5); 6:1, 6:1) за два часа игра.

На почетокот на мечот Ивановски поведе со 3:0 во гемови во првиот сет, но противникот стигна до изедначување од 4:4. Во тај брејкот од првиот сет Шапиќ беше поуспешен со 7:5 на поени и поведе со 1-0 во сетови.

Во следниот сет Шапиќ поведе со 1:0 во гемови, но Ивановски направи серија од шест гема и успеа да изедначи на 1-1 во сетови.

Во решавачкиот сет македонскиот тенисер имаше водство од 3:0, а Шапиќ успеа да освои само еден гем бидејќи Ивановски и третиот сет го доби со 6:1 во гемови како во вториот и со тоа оствари победа од 2-1 во сетови.

Во четвртфиналето утре Ивановски за противник ќе го има победникот од мечот Свјатослав Гулин (прв носител) и Диан Недев.

The post ИВАНОВСКИ СО ПРЕСВРТ ДО ПОБЕДА Македонскиот тенисер „гази“ на турнирот во Куршумлијска Бања appeared first on plusinfo.mk.

Македонскиот тенисер Калин Ивановски (осми носител) имаше успешен почеток на ИТФ турнирот М15 Куршумлијска Бања. Со убедлива победа и три загубени гема тој за 70 минути игра го победи Фрејзлер Ренгифо од Колумбија со 2-0 во сетови (6:2, 6:1).

Ивановски имаше одличен старт на мечот и водство во првиот сет од 4:0 во гемови, за првиот сет да го заврши со 6:2. Во вториот сет македонскиот тенисер успеа да поведе со 3:0, а потоа ривалот го освои единствениот гем во вториот сет, кој заврши со 6:1 во гемови.

Во следната рунда Ивановски ќе игра со победникот од мечот Сирил Пилонел од Швајцарија и Ѓорѓе Спасиќ од Србија.

На турнирот во првото коло денеска беше елиминиран македонскиот тенисер Горазд Србљак, кој претходно имаше три победи во квалификациите.

The post СИГУРЕН СТАРТ НА КАЛИН ИВАНОВСКИ Македонецот го реши Колумбиецот по брза постапка appeared first on plusinfo.mk.

Македонската тениска репрезентација поведе во дуелот од третото коло против Молдавија со 1:0 откако Стефан Мицов успеа да го победи Андреј Горбан со 2:0 во сетови (6:3 и 6:4) во меч што траеше 97 минути.

Самиот почеток на мечот имаше чуден тек откако во првите пет гема имаше пет брејка и во таквиот расплет водство од 3:2 во гемови имаше Мицов, кој ги доби и следните два гема на свој сервис, а сетот го заврши со уште еден брејк за 6:3 во првиот сет. Во првиот гем на мечот беа одиграни вкупно 20 поени.

Вториот сет беше сосема поинаков и тенисерите успеваа да освојат гем на свој сервис. Во таква ситуација кога прв почна да сервира Мицов, македонскиот тенисер имаше и предност од 5:4 во гемови, до моментот кога во 10-тиот гем успеа да направи брејк искористувајќи ја втората меч топка и сетот го заврши со 6:4.

Во вториот меч за Македонија настапува Калин Ивановски, додека на спротивната страна е Илја Снитари од Молдавија.

Во мечот во двојки се пријавени Ивановски и Мицов, а за Молдавија Андреј Киумак и Снитари.

The post СТЕФАН МИЦОВ ГО ПОБЕДИ МОЛДАВЕЦОТ АНДРЕЈ ГОРБАН Калин Ивановски ќе игра со Илја Снитари во третото коло од Дејвис купот appeared first on plusinfo.mk.

Во мечот за трофејот подобар од Ивановски денес беше домашниот тенисер и прв носител на турнирот Лука Микрут со 6:3 и 7:6(4).

Ивановски на турнирот одигра осум меча од кои три во квалификациите и пет на главен турнир и забележа седум победи.

Ова за Ивановски е деветто финале во кариерата, а има пет турнирски победи, последната во 2023 година во австрискиот Крамсах, но поради повреда ја пропушти целата сезона во 2024 година.

The post ИВАНОВСКИ ГО ЗАГУБИ ФИНАЛЕТО ВО ОПАТИЈА Забележа 7 победи од 8 меча на турнирот appeared first on plusinfo.mk.

Откако поведе со 1-0 во сетови, Ивановски во вториот сет надомести негатива од два гема (1-3, 2-4), а во тајбрејкот при водство ан противникот од 4-2, нанижа пет поени во серија и обезбеди место меѓу четирите најдобри тенисери.

Противник на Ивановски во утрешното полуфинале ќе му биде сонародникот на Колар, Михаил Врбенски, кој е трет носител.

Фјучерсот во Опатија се игра за награден фонд од 15.000 долари.

The post ИВАНОВСКИ ВО ПОЛУФИНАЛЕ ЌЕ СЕ ПРЕСМЕТА СО ВРБЕНСКИ Македонскиот тенисер обезбеди пласман со триумфот над Колар appeared first on plusinfo.mk.

The post 📷 „ЌЕ СЕ ВРАТАМ ПОСИЛЕН“ Калин Ивановски објави фотографија од болничкиот кревет appeared first on plusinfo.mk.

The post 📽️ НОЛЕ ГО ПОДУЧУВА НАШИОТ ИВАНОВСКИ Ѓоковиќ не пропушта шанса да му помогне на својот помлад колега appeared first on plusinfo.mk.

Ноле ја искористи паузата од турнирите за да му помогне на големиот талент.

Калин по тренингот му се заблагодари на Инстаграм со зборовите „Фала брате“.

 

View this post on Instagram

 

A post shared by Kalin Ivanovski (@kalin_ivanovskii)

The post 📷 ГОЛЕМИОТ НОЛЕ МУ СЕ ПОСВЕТИ НА МЛАДИОТ КАЛИН Србинот и Македонецот имаа заеднички тренинг appeared first on plusinfo.mk.