Компаниите Мета и Јутјуб се прогласени за одговорни за сите точки од обвинението во случајот во кој овие технолошки гиганти беа обвинети за намерно предизвикување зависност кај млада жена и за оштетување на нејзиното ментално здравје.

„Мета и Јутјуб беа небрежни во дизајнирањето на своите платформи, знаеја дека нивните дизајни се опасни, не предупредија за тие ризици и им предизвикаа значителна штета на тужителите“, заклучи поротата.

Оваа одлука би можела да стане преседан за стотици слични случаи и да доведе до радикални промени во начинот на кој функционираат социјалните мрежи, особено за младите корисници, како и загуби што се мерат во милиони, па дури и во милијарди долари за технолошките компании.

Случајот, исто така, претставува историски момент за социјалните медиуми, по години загриженост од родителите, активистите и од пратениците за штетата на онлајн содржините врз децата – од проблеми со менталното здравје до сексуална експлоатација.

Сега 20-годишната девојка од Калифорнија по име Кејли и нејзината мајка ги тужеа Мета, Јутјуб на Гугл, Снеп и Тикток, обвинувајќи ги дека намерно ја „навлекле“ кога била дете, предизвикувајќи кај неа анксиозност, телесна дисморфија и самоубиствени мисли. Компаниите Снеп и Тикток се спогодија пред почетокот на судењето.

Поротата ја носеше одлуката повеќе од 8 дена, по 7-неделното судење во Вишиот суд во Лос Анџелес. На компаниите им беше наредено да платат вкупно 3 милиони долари компензаторна отштета. Поротниците наскоро ќе разгледаат дали и колку дополнителни казнени отштети треба да се доделат, врз основа на нето-вредноста на секоја компанија.

Мета сноси 70% од одговорноста за штетата предизвикана на Кејли, а Јутјуб 30%, пресудија поротниците.

Кејли беше во судницата за време на изрекувањето на пресудата, заедно со родителите на други тинејџери за кои тврдат дека биле оштетени од користењето на социјалните медиуми.

Портпарол на Мета изјави дека компанијата ќе ги разгледа своите опции.

– Со почит, не се согласуваме со пресудата и ги оценуваме нашите правни опции – рече портпаролот.

Гугл најави дека ќе поднесе жалба на пресудата.

– Не се согласуваме со пресудата и планираме жалба. Овој случај погрешно го толкува Јутјуб, кој е одговорно изградена платформа за стриминг, а не страница за социјално вмрежување – изјави портпаролот на Гугл, Хозе Кастањеда.

На судењто Мета и Јутјуб ги негираа тврдењата во тужбата и ја оспорија идејата дека нивните платформи можат да предизвикаат зависност. Тие посочија на безбедносните функции што ги воведоа во последниве години, како што се алатките за родителска контрола и ограничувањата за содржината и приватноста за тинејџерите, за кои тврдат дека ги штитат младите луѓе.

Компаниите, исто така, треба да се појават на суд подоцна оваа година во првата од стотиците дополнителни тужби поднесени од училишните окрузи и државните обвинители низ целата земја, во правна бура што некои ја споредуваат со моментот кога тутунската индустрија се соочи со големи тужби („Big Tobacco moment“).

Кејли – која јавно е идентификувана само по нејзиното име, бидејќи нејзините тврдења се однесуваат на инциденти што се случиле кога била малолетна – опиша на суд како нејзината зависност продолжува да го нарушува нејзиниот живот како возрасна личност, велејќи дека се чувствува принудена да се искрадува од работа за да скрола и да поминува долги часови обидувајќи се да го манипулира својот изглед користејќи ги филтрите на апликациите.

Мета тврдеше дека тешкото детство на Кајли, а не социјалните медиуми, е причина за нејзините проблеми со менталното здравје. Но, адвокатот на Кејли, Марк Ланије, тврди дека тие предизвици само ја зголемуваат обврската на компаниите да ги заштитат децата.

Јутјуб тврдеше дека записите од профилот на Кејли покажуваат дека таа ја користела платформата само кратко време секој ден, што, според нив, е во спротивност со нејзините тврдења за зависност. Сепак, адвокатот Ланије рече дека, како и многу деца, Кајли често ја користела платформата ненајавена на својот профил.

За време на судењето сведочеа врвни раководители на компанијата, вклучувајќи го извршниот директор на Мета, Марк Закерберг, шефот на Инстаграм, Адам Мозери и потпретседателот за инженерство на Јутјуб, Кристос Гудро. Мозери сведочеше дека верува дека употребата на социјалните медиуми може да биде „проблематична“, но не и „клинички зависнна“, а Гудро сведочеше дека неговите деца го користат Јутјуб со часови секој ден и дека верува дека е „добро“ за нив.

Внатрешните документи презентирани на судот фрлија светлина врз напорите на компаниите да привлечат млади корисници, како и врз тоа дека тие знаеле за потенцијалните ризици од нивните платформи. Документите на Мета, на пример, покажаа како компанијата одлучила да дозволи филтри за „убавина“ што манипулираат со изгледот на корисниците и покрај тоа што вработените и 18 експерти изразиле загриженост дека тие би можеле да бидат штетни.

The post ИСТОРИСКА ПРЕСУДА • ФЕЈСБУК И ЈУТЈУБ ЌЕ Ѝ ПЛАТАТ 3 МИЛИОНИ ДОЛАРИ НА ДЕВОЈКА Прогласени се виновни за „дизајнирање зависност“ appeared first on plusinfo.mk.

Поп-ѕвездата Бритни Спирс е повторно во вестите откако се појавија нови детали за нејзиното апсење под сомнение дека вози под дејство на алкохол во Калифорнија. Пејачката била приведена во округот Вентура вечерта на 4 март откако полицијата добила пријави за опасно возење на автопатот.

Според достапните информации, Спирс била запрена од калифорниската патрола на автопатот околу 21:30 часот откако наводно возела помеѓу сообраќајните ленти на автопатот 101. По апсењето, таа била задржана неколку часа, а потоа ослободена рано наутро, а судското рочиште е закажано за 4 мај.

Судејќи по полициските комуникации, брканицата траела речиси еден час, додека полицијата го следела црниот кабриолет BMW што го возела пејачката. Во своите повици диспечерите ја опишуваат ситуацијата како опасна – автомобилот наводно силно кочел, скршнувал од лента во лента и возел без задно светло, поради што дополнителни полициски единици биле испратени на местото на настанот. Полицијата на крајот успеала да го запре возилото, по што Спирс излегла од автомобилот и разговарала со полицајците. На местото на настанот бил повикан и специјално обучен експерт за проценка на дрога или алкохол за да утврди дали пејачката била под дејство на алкохол.

По апсењето, претставник на пејачката исто така се огласил, нарекувајќи го инцидентот целосно неоправдан, но нагласил дека Спирс ќе соработува со властите и ќе ги преземе потребните чекори.

– Бритни ќе направи сè што е потребно и ќе го почитува законот. Се надеваме дека ова може да биде првиот чекор кон промените што долго време се потребни во нејзиниот живот – се вели во соопштението на нејзиниот тим.

Апсењето доаѓа по турбулентен период во животот на поп-ѕвездата. Во 2021 година, таа беше ослободена од 13-годишно старателство на нејзиниот татко кој контролираше голем дел од нејзиниот живот и кариера, а во последниве години повремено се повлекуваше од јавноста и главно комуницираше со фановите преку социјалните медиуми.

По веста за нејзиното апсење, пејачката го деактивираше својот Инстаграм профил, што дополнително ги поттикна шпекулациите за нејзината состојба и идните планови. Дотогаш, таа чека судско рочиште во мај, додека нејзиното семејство и блиските пријатели, според претставниците, планираат да смислат нов план за поддршка што ќе ѝ помогне да го преброди овој тежок период.

Откако беше укинато старателството, Бритни ги загрижува своите обожаватели со чудни видеа на социјалните мрежи.

The post БРИТНИ СПИРС JA ПОМИНАЛА НОЌТА ВО ЗАТВОР Пејачката возела под дејство на алкохол и лекови appeared first on plusinfo.mk.

Демократскиот гувернер на Калифорнија, Гевин Њусом, остро го нападна европскиот врв поради, како што вели, пасивност кон новите закани на американскиот претседател Доналд Трамп за Гренланд. Настапувајќи во Давос, Њусом ја пренел пораката со невообичаена директност, јазик што повеќемина го нарекоа „непристоен, но искрен“.

– Време е да се соберете. Време е да станете сериозни и да престанете да бидете соучесници. Време е да се исправите, да бидете цврсти, да покажете малку ‘рбет.

Гувернерот, кој се позиционира како најгласен демократски противник на Трамп, продолжил со излив на разочараност кон европската политика на претпазливост:

– Не можам повеќе да поднесам да ја гледам оваа соучесничка пасивност, луѓето само се превртуваат на грб. Требаше да донесам еден куп штитници за колена за сите светски лидери. Мислам, се делат круни и се делат Нобелови награди, тие само се делат. Тоа е едноставно жално. И се надевам дека луѓето ќе сфатат колку жално изгледаат на светската сцена… Тоа е срамно.

Њусом целосно ја отфрлил можноста за дипломатски однос со Трамп.

– Тој е Т-рекс: или се дружиш со него или те јаде.

Бизнис-дописникот Пол Келсо од Давос изјавил дека јазикот на Њусом е бескомпромисен, но во склад со неговата нова улога, лидер кој зборува и за Америка и за Европа.

The post ПРИБЕРЕТЕ СЕ ЕВРОПЕЈЦИ, ИЛИ СТЕ СО ТРАМП-РЕКС ИЛИ ВЕ ЈАДЕ Гувернерот на Калифорнија бара ‘рбет од Брисел appeared first on plusinfo.mk.

Три лица го загубиле животот во Калифорнија откако обилните дождови предизвикале катастрофални поплави и лизгање на земјиште во повеќе окрузи. Националната метеоролошка служба на САД соопштила дека неколку региони добиле до 27 сантиметри дожд, што резултирало со евакуации и блокирани автопати.

Во округот Лос Анџелес, службите за итни случаи извлекувале луѓе заробени во своите возила. Гувернерот Гевин Њусом прогласил вонредна состојба. Градоначалничката Карен Бас ги повикала граѓаните „да не ја сфаќаат оваа бура несериозно“.

Severe flooding hits southern California after torrential rain.

Some major highways, including the I-15, have been closed pic.twitter.com/PRdzeV7L0g

— Visegrád 24 (@visegrad24) December 26, 2025

– Ги повикувам сите жители на Лос Анџелес да останат безбедни и да бидат исклучително внимателни на патиштата ако мора да патуваат – изјавила Бас.

Во округот Сан Диего, 64-годишен маж починал кога дрво паднало врз неговата куќа. Во градот Рединг, 74-годишна жена се удавила кога поплавите ја зафатиле нејзината кола. Третата жртва, жена во 70-тите години, била однесена од огромен бран во државниот парк Макеричер.

Метеоролозите предупредуваат дека опасноста не поминува. Нови врнежи се очекуваат до петок, додека брзината на ветрот во заливот Сан Франциско достигнала 161 км/ч. Областа Алтадена, веќе оштетена од пожар, доживеала ново лизгање на земјиште.

Над 100.000 домови останале без електрична енергија. Властите издале предупредувања за ненадејни поплави во делови од Сан Бернардино и заливот Сан Франциско. Националната метеоролошка служба нагласила дека реките може дополнително да надојдат, а некои потоци веќе се излеале.

The post 📽️ РЕКИТЕ НОСАТ КУЌИ, АВТОМОБИЛИ И СТРАВ ВО КАЛИФОРНИЈА Повеќе од 100.000 луѓе останаа без струја на Божиќ appeared first on plusinfo.mk.

Администрацијата на американската сојузна држава Калифорнија прогласи вонредна состојба во Лос Анџелес и во неколку окрузи во јужниот дел на државата, поради обилните дождови што предизвикаа поплави.

Во јужна Калифорнија е прогласено највисоко ниво на подготвеност за можна евакуација на населението.

Во три града во округот Лос Анџелес беше издадено предупредување за појава на торнадо, но подоцна тоа беше укинато.

The rain storm in Los Angeles is testing the banks of the LA River. This is the highest I’ve ever witnessed it at. #larain #losangeles #rain #atmosphericriver pic.twitter.com/NPqeW5jxJJ

— Ted Soqui (@TedSoquiPhoto) February 5, 2024

Властите ги повикаа возачите да избегнуваат движење по главните патишта поради опасност од свлечишта и одрони.

Според метеоролозите, за време на викендот се очекуваат нови врнежи, а на повисоките места можно е и паѓање на снег.

Rain continuing to pour down in Los Angeles. A manhole cover on Fountain and La Brea is rattling as water spews through holes on the top. pic.twitter.com/6CAQC761vl

— Sean Beckner-Carmitchel (@ACatWithNews) January 10, 2023

The post 📽️ КАЛИФОРНИЈА ПОД ВОДА Вонредна состојба, торнада и опасност од свлечишта appeared first on plusinfo.mk.

Инцидент со обид за кражба во семејна куќа во Калифорнија заврши драматично, откако сопственичката на домот со својот Mercedes-Benz G-Wagon удрила во автомобил на осомничените додека тие се обидувале да побегнат.

Според американските медиуми, жената излегла кратко да си купи кафе и во тој момент разговарала по телефон со својата мајка, која се наоѓала во куќата заедно со нејзините деца. Разговорот бил прекинат кога мајката почнала да вика: „Помош! Помош! Помош!“.

Веднаш по тоа, жената се свртела со возилото и со голема брзина се упатила кон својот дом. Во меѓувреме, осомничените, според изјавата на сопругот на жената, Дејвид, прескокнале преку предната порта и се обиделе да влезат од задната страна на куќата, најверојатно преку лизгачката врата.

– Тие се соочиле со мајката на мојата сопруга и веднаш избегале – изјавил Дејвид.

Безбедносните камери го забележале моментот кога жената со својот „G-Wagon“ се движи по улицата и удира во бел седан во кој биле осомничените. Иако судирот предизвикал материјална штета, сопругот тврди дека ударот не бил намерен.

NEW: California woman slams her G-Wagon into a burglar’s car after they tried breaking into her home, where her children and mother were.

The mom had just left to get coffee and was on the phone with her mother when she heard “Help! Help! Help!”

The wife immediately turned… pic.twitter.com/FKUJcmzjFW

— Collin Rugg (@CollinRugg) December 22, 2025

– Таа беше преплашена и загрижена дека ќе му наштетат на семејството – вели Дејвид.

Полицијата во Лос Анџелес соопштила дека во напуштениот бел седан пронашла возачка дозвола, а истрагата за обидот за кражба е во тек.

The post 📽️ ХЕРОИНА НА ЧЕТИРИ ТРКАЛА Со луксузен џип тргна по крадците што влегле во нејзиниот дом appeared first on plusinfo.mk.

Ник Рајнер, помладиот син на славниот холивудски режисер Роб Рајнер и Мишел Сингер Рајнер, се соочува со две точки од обвинението за убиство од прв степен, поради смртта на неговите родители. Во Калифорнија, една пресуда за тоа обвинение обично носи максимална казна доживотен затвор со можност за условна слобода по 25 години.

Но, г-дин Рајнер, 32, би можел да се соочи со смртна казна поради начинот на кој Канцеларијата на окружниот обвинител на округот Лос Анџелес ги поднесе обвиненијата против него. Двете точки од обвинението за убиство вклучуваат посебна околност за извршување повеќекратни убиства, што ја зголемува можната казна, пишува Њујорк Тајмс.

Специјалните околности околу обвинението за убиство од прв степен во Калифорнија можат да го издигнат до потешко кривично дело и да ја зголемат максималната казна на смртна казна или доживотен затвор без условна слобода. Покрај повеќекратните убиства, овие околности вклучуваат убивање за финансиска добивка, убивање на полицаец или јавен службеник или убиство што вклучувало тортура, според државниот кривичен законик.

Окружниот обвинител на округот Лос Анџелес, Натан Хохман, изјави дека неговата канцеларија сè уште не одлучила дали ќе бара смртна казна против г-дин Рајнер и дека ќе ги земе предвид желбите на семејството Рајнер.

– Судењето на овие случаи што вклучуваат членови на семејството се едни од најпредизвикувачките и најпотресните случаи со кои се соочува оваа канцеларија поради интимната и честопати брутална природа на вклучените злосторства – рекол г-дин Хохман за време на прес-конференцијата во вторник.

Набргу по преземањето на функцијата во 2019 година, гувернерот на Калифорнија, Гевин Њусом, стави мораториум на егзекуциите во државата. Но, смртната казна е сè уште легална, а мораториумот не значи дека луѓето не можат да бидат осудени на смрт, вели Аја Грубер, професор по кривично право на Универзитетот во Јужна Калифорнија. Во моментов има 580 затвореници кои чекаат смртна казна во државата и тие би можеле да бидат егзекутирани ако мораториумот биде укинат.

– Обвинителите можат да покренат случаи на смртна казна, а луѓето можат да бидат осудени на смрт. Само што во моментов  не се изрекуваат смртни пресуди – вели Грубер.

Г-дин Хохман, кој ја презеде функцијата во 2024 година, го поништи мораториумот на неговиот претходник за спроведување на смртна казна низ целата област. Тој во тоа време рече дека ќе ја покрене само во „исклучително ретки случаи“.

Г-ѓа Грубер, професор по право, рече дека е изненадена што смртната казна е на маса, со оглед на историјата на злоупотреба на супстанции на г-дин Рајнер и дека таквата казна може да биде спротивна на желбите на семејството. Но, таа рече дека г-дин Хохман можеби ја вовел идејата за да се обиде брзо да обезбеди пресуда.

– Тоа е многу корисна алатка за да се натераат луѓето да се изјаснат за виновни – вели таа.

The post НИК РАЈНЕР БИ МОЖЕЛ ДА СЕ СООЧИ СО СМРТНА КАЗНА Синот на убиениот холивудски пар, се соочува со две точки од обвинението за убиство од прв степен appeared first on plusinfo.mk.

Четири лица загинале, а уште најмалку десет се ранети во пукотница за време на семеен собир во свечена сала во градот Стоктон, во американската држава Калифорнија.

Меѓу жртвите има и деца, потврди портпаролката на канцеларијата на шерифот на округот Сан Хоакин, Хедер Брент. Таа истакна дека првичните информации сугерираат дека станува збор за намерен напад. Нападот се случил непосредно пред 18 часот по локално време, јавија повеќе американски медиуми.

STOCKTON MASS SHOOTING LEAVES CHILDREN CRITICALLY WOUNDED IN CHAOTIC SCENE

A mass shooting in Stockton, California has left at least 10 people injured, including a 9-year-old, 12-year-old and 23-year-old.

The 12-year-old is undergoing CPR on scene as first responders… pic.twitter.com/jirPy0Z4l4

— Info Room (@InfoR00M) November 30, 2025

Сведоци изјавиле дека пукотницата избила во момент кога повеќе семејства се подготвувале за заедничка фотографија. Свечената сала се наоѓа во деловен комплекс во близина на центарот на градот.

Од друга страна, градоначалничката Кристина Фугаци со солзи во очите рече дека ваквите настани ја потресуваат заедницата.

– Семејствата треба да бидат заедно, не во болница. Наместо да се молат нивните најблиски да преживеат, тие треба да слават – нагласи таа.

19 shot and 4 dead after a mass shooting at what was supposed to be a child’s birthday party in Stockton, California.

This post brought to you by Gavin Newsom, reminding you that crime is down. pic.twitter.com/E9dLNGpAIm

— Kevin Dalton (@TheKevinDalton) November 30, 2025

На социјалните мрежи се појавија непотврдени информации за тоа кон кого бил насочен нападот. Според една верзија, цел биле раперите од Стоктон, МБнел и Флај Бој Доги, а забавата наводно се одржала за роденденот на ќерката на Флај Бој Доги.

BREAKING: Sources report that the intended targets of tonight’s mass shooting at a child’s birthday party were Stockton-based rappers MBnel and Fly Boy Doughy, with the party allegedly held for Fly Boy Doughy’s daughter. These details are circulating from street sources and law… pic.twitter.com/ecaepb3gTC

— Officer Lew (@officer_Lew) November 30, 2025

Притоа, властите информираа дека неколкумина од повредените се наоѓаат во критична состојба. Детективите работат на утврдување на мотивите, но засега не откриваат дали станува збор за личен конфликт или насилен чин поврзан со криминал.

Стоктон е град со околу 320.000 жители, лоциран на околу 65 километри јужно од Сакраменто. Градот е познат по сериозен пораст на вооружени инциденти во последните години, што дополнително ја зголемува загриженоста на локалните жители.

The post 📽️ ГИ ИЗРЕШЕТАЛЕ КОГА САКАЛЕ ДА НАПРАВАТ СЕМЕЈНА ФОТОГРАФИЈА Пукање во Стоктон, целта биле познати рапери? appeared first on plusinfo.mk.

22-годишна латино музичарка беше смртно застрелана во она што властите го опишаа како напад во стилот на заседа рано наутро во саботата, 22 ноември, во долината Сан Фернандо, оставајќи уште двајца критично повредени, според извештаите на локалните медиуми.

Марија Де Ла Роса починала во локална болница откако била застрелана додека седела во паркирано возило во Нортриџ, според полициската управа на Лос Анџелес. Пукањето се случило непосредно пред 1 и 30 часот наутро, пишува TMZ.

Според полицијата на Лос Анџелес, сведоци опишале дека виделе двајца мажи како се приближуваат кон возилото околу 1 и 25 часот наутро во саботата. Во возилото биле испукани повеќе куршуми, погодувајќи ги сите тројца патници.

Де Ла Роса била пренесена во блиската болница каде што била прогласена за мртва, а двете други жртви кои не биле идентификувани, се вели дека биле во критична состојба.

Уметницата во подем, која настапуваше под сценското име ДЕЛАРОСА, ја објави својата прва песна „No Me Llames“, во август и беше присустна на социјалните мрежи со повеќе од 40.000 следбеници на Инстаграм.

Нејзината последна објава на Инстаграм беше нејзина фотографија со електрична гитара во студио, што сугерираше дека работи на нова музика.

– Ocupando cocinando en el Stu … Ya es tiempo,… Зафатена сум со готвење во [студиото]… Време е – напишала таа.

 

View this post on Instagram

 

A post shared by 𝒟𝑒𝓁𝒶 (@delarosaaaa)

Детективите веруваат дека пукањето е поврзано со банда, според NBC Los Angeles. Сепак, мотивот сè уште се истражува и не се извршени апсења, соопшти полицијата.

The post 🎥 УБИЕНА 22-ГОДИШНА ЛАТИНО МУЗИЧАРКА ВО КАЛИФОРНИЈА Марија Де Ла Роса починала откако била застрелана во паркирано возило appeared first on plusinfo.mk.

Во сега веќе вирално видео, човек кој се претставува под името Буку на социјалните мрежи сподели момент кога е заглавен покрај патот со својот расипан автомобил, снимајќи се себеси како ги искажува своите проблеми, пред познатиот пејач Џастин Бибер да застане да го праша каков проблем има.

– Ти си Џастин Бибер? – праша Буку во видеото на Тик-Ток пред поп-ѕвездата да одговори:

– Да, што има, брат? Џастин.

Во своето видео насловено „Средба со Џастин Бибер, незаборавен момент…“, Буку го опишува денот кога неговиот автомобил се расипал на патот во Малибу, Калифорнија. Тој бил изненаден кога Џастин застанал да понуди помош.

– Кога ќе ти се расипе автомобилот и толку многу се трудиш во животот, едноставно е тешко. Се селиш во голем град, обидувајќи се да бидеш како сите други. Немаш пријатели. Богати луѓе во G-вагони и Ламборџини поминуваат покрај тебе. Можеби грешам, но мислам дека Џастин Бибер тукушто застана да ми помогне – сподели Буку, видливо емотивен додека стоеше покрај неговото расипано возило.

Видеото го покажува Бибер како топло го прегрнува човекот и го прашува што не е во ред.

Снимката се прекинува кога почнуваат полично да комуницираат.

Буку тврди дека пејачот одвоил момент за да се помоли за него.

– Мојот живот е луд. Го запознав Џастин Бибер и тој ми ја упати најдобрата молитва што некогаш сум ја имал во животот. Ти благодарам за молитвата и добрата енергија, ЏБ – рече Буку со благодарност.

Видеото брзо стана вирално, собирајќи над 2,2 милиони прегледи на Тик-Ток.

@bukumusic

Meeting Justin Bieber Unforgettable moment… #justinbieber #godlovesyou

♬ original sound – Buku

The post 🎥 КОГА ЌЕ ТИ СЕ РАСИПЕ КОЛАTA И ЌЕ ТИ ПОМОГНЕ – ЏАСТИН БИБЕР! Познати пејач застанал да му помогне на човек чие возило се расипало на патот во Малибу appeared first on plusinfo.mk.