Повикувајќи се на инженери и експерти за експлозиви, весникот во петокот на 16-ти јуни објави дека нејзината истрага открила докази кои укажуваат на детонирање на експлозивно полнење во преминот што минува низ бетонската основа на браната, уништувајќи ја структурата на 6 јуни.

„Доказите јасно укажуваат на тоа дека браната била осакатена од експлозија предизвикана од страната што ја контролира: Русија“ – пишува Њујорк Тајмс.

Одделно, тим од меѓународни правни експерти кои им помагаат на украинските обвинители во нивната истрага, во прелиминарните наоди во петокот изјавија дека е „многу веројатно“ дека колапсот во украинската област Керсон бил предизвикан од експлозиви поставени од Руси.

Кремљ го обвинува Киев за саботирање на хидроелектричната брана, за да го отсече клучниот извор на вода за Крим и да го одвлече вниманието од „неуспешната“ контраофанзива против руските сили.

Украина ја обвинува Русија за кревање во воздух на браната од советската ера, под руска контрола уште од раните денови на нејзината инвазија во 2022 година, создавајќи поплава низ голем дел од бојното поле, уништувајќи обработливо земјиште и прекинувајќи го снабдувањето со вода за цивилите.

Тајмс ги цитираше инженерите кои велат дека само целосното испитување на браната откако водата ќе истече од неа може да го утврди редоследот на настаните што доведоа до уништување.
„Ерозијата од водата што се пробива низ портите можеше да доведе до дефект ако браната беше лошо дизајнирана или бетонот беше супстандарден, но инженерите го нарекоа тоа малку веројатно“, пишува весникот.

The post ИМА ДОКАЗИ ДЕКА РУСИТЕ ЈА УРНАЛЕ БРАНАТА КАХОВКА? Тврдење на американски експерти appeared first on plusinfo.mk.

Објавена е и видео на кое се гледа како украинските специјални сили спасуваат непријателски војници во чамци.

„Украинска правда“ пишува дека руските сили пукале во чамецот со заробените Руси, но дека немало повредени.

The post (ВИДЕО) УКРАИНЦИТЕ СПАСУВААТ РУСКИ ВОЈНИЦИ ШТО СЕ ДАВАТ По спасувачката акција, руските сили пукале во чамецот appeared first on plusinfo.mk.

Браната Нова Каховка беше пробиена во раните утрински часови на 6 јуни, испуштајќи огромно количество вода што го поплави југот на Украина. Засега не е познато што го предизвика пробивот, иако норвешките сеизмолози и американските сателити тврдат дека регистрирале експлозија. Украина и Русија меѓусебно се обвинуваат за уништувањето.

Шефот на ОН за хуманитарни прашања Мартин Грифитс изјави за Би-би-си дека влијанието на настанот врз безбедноста на храната во светот може да биде значајно.

– Тоа е житница – целата област низводно, кон Црното Море и Крим – е житница не само за Украина, туку и за светот, рече тој.

– Веќе се соочуваме со тешкотии во однос на безбедноста на храната, но сега, сигурен сум дека нејзините цени ќе пораснат… Речиси е неизбежно следната година да видиме огромни, огромни проблеми во жетвата и сеидбата. И затоа ќе имаме огромно влијание врз безбедноста на храната – тоа ќе се случи, нагласи Грифитс.

Украина и Русија се два од клучните светски производители на храна и главни играчи на пазарот за пченица, јачмен, пченка, семе од репка, семки од сончоглед и сончогледово масло.

Грифитс рече дека 700.000 луѓе зависат од резервоарот за вода што го држи браната за вода за пиење. Без чиста вода, тие се изложени на ризик од болести, а децата се најранливи.

Британецот исто така рече дека и штетата од ваков обем, што е нанесена врз цивилната инфраструктура, е целосно кршење на меѓународното хуманитарно право, вклучително и Женевската конвенција.

– Тоа е очигледно. Кој и да го сторил тоа ја прекршил Женевската конвенција – заклучи Грифитс.

The post УНИШТУВАЊЕТО НА БРАНАТА КАХОВКА ЌЕ ЈА ПОСКАПИ ХРАНАТА ВО СВЕТОТ Предупредување од Обединиетите нации appeared first on plusinfo.mk.

– Нема водоснабдување на Крим бидејќи нивото на водата во акумулацијата Каховка е многу пониско од нивото на водата што е потребно за да тече низ Кримскиот канал. Затоа, најверојатно, Крим нема да се снабдува со вода најмалку една година – изјави Ихор Сирота, генерален директор на Укрхидроенерго.

Тој додава дека регионите на Дњепропетровск, Запорожје, Херсон и Миколаев ќе имаат проблеми со водоснабдувањето.

– Грубо речено, разбираме дека тоа се четири области кои ќе имаат проблеми со водоснабдувањето. Затоа што знаеме дека зафатите за вода повеќе не функционираат под 12,70 метри (ние го нарековме „мртва зона“) – рече Сирота.

Според него, сега се размислува за алтернативни решенија за населението, односно пред сè да се обезбеди вода за пиење.

The post КАХОВКА ЌЕ ГО ОСТАВИ КРИМ БЕЗ ВОДА ЦЕЛА ГОДИНА Поплавата на браната го „отсече“ полуостровот appeared first on plusinfo.mk.

Приказната на Вашингтон Пост ја искористи и руски пратеник во Обединетите Нации Василиј Небензја кој го цитираше текстот велејќи дека Украинците уште лани планирале да ја урнат бранат за да добијат одредена воена предност. Тоа е руската варијанта за големата хаварија.

Њузвик смета дека Карлсон ја преувеличил информацијата напишана од угледниот „Вашингтон Пост„ лани, каде весникот објави дека украинскиот командант и мајор Андриј Ковалчук размислувал за поплавувањето како за „последна мерка“.

Што напиша лани Вашинтгон пост?

„Генерал-мајор Ковалчук размислуваше да ја поплави реката. Украинците, рече тој, дури извршија пробен напад со фрлач ХИМАРС на една од портите за поплавување на браната Нова Каховка, правејќи три дупки во металот за да се види дали водата на реката Дњепар може да се подигне доволно за да ги спречи Русите да преминуваат, но да не ги поплави околните села. Тестот беше успешен, рече Ковалчук, но ваквиот чекор остана како последна опција“, стои во објавата.

Tucker Carlson on Nova Khakovka dam terrorist attack https://t.co/85ZNpk9yZR

— LovingFreedom (@lovingfreedomz) June 6, 2023

Твитот на Карлсон, објавен на 6 јуни 2023 година, беше прегледан 101 милион пати. Повеќе западни медиуми напишаа дека тој е манипулативен.

Но, не за долго следеше и украинската страна од приказната. Денеска украинската служба за безбедност (СБУ) соопшти дека пресретнала телефонски повик со кој се докажува дека руска „диверзантска група“ ги разнела хидроцентралата и браната Каховка во јужна Украина, пренесе Хина.

Во аудиоснимката двајца мажи на руски зборуваат за последиците од уништвањето на браната.

SBU interception confirms that Kakhovka HPP was blown up by occupants’ sabotage group. The occupiers tell each other about this in a telephone conversation intercepted by the SBU. #StandWithUkraine https://t.co/6Q8JJVdMi5 Sorry, but there may be some translation errors (AI)! pic.twitter.com/yqEQEisYdS

— Dénes Törteli (@DenesTorteli) June 9, 2023

Службата не дава повеќе детали за разговорот или идентитетот на учесниците, но најави дека отворила кривична истрага за воени злосторства и „екоцид“.

„Напаѓачите сакаа да ја уценат Украина со минирање на браната и приредија вештачка катастрофа на југот на нашата земја“, објави СБУ.

Поплавувањето на браната останува предмет на префрлање на вината меѓу Киев и Москва. Во меѓувреме стигнаа најавите дека поседите со жито кои се под вода ќе направат недостиг на оваа клучна намирница во светската економија, односно во догледно време ќе ја зголемат цената на лебот и житните продукти.

The post ЧИЈА ПРИКАЗНА ЗА БРАНАТА КАХОВКА ЌЕ ДОДРЖИ? Русите се повикаа на стар напис, а Украинците објавија снимка appeared first on plusinfo.mk.

„Сами ја пуштија водата“

Според Николај Патрушев, секретар на Советот за безбедност на Русија и можен наследник на Путин, Украинците ден пред хаваријата сами испуштиле во хидроцентралата „Дњепропетровск“ притоа предизвикувајќи го хаосот.

– Според наредбата на Киев, 24 часа претходно имаше масовно испуштање вода во ХЕЦ „Дњепропетровск“, а потоа беше извршен уште еден напад во ХЕ „Каховка“, што доведе до уште пострашни последици – рече Патрушев во разговор со неговиот белоруски колега Александар Волфович, пренесува руски Тасс.

Тој претходно изјави дека САД, Велика Британија и сојузниците од НАТО мора да ја сносат одговорноста за уништувањето на браната Каховка.

Зошто молчат Американците?

Но, Стејт департментот во вчерашен брифинг соопшти дека САД засега не поседуваат доволно целосни информации за причината за уривањето на браната. Заменик-портпаролот на Стејт департментот, Ведант Пател, одби да ги коментира објавите во некои американски медиуми дека Вашингтон поседува разузнавачки информации што укажуваат на вклученоста на Москва во саботажата на браната.

За некои аналитичари симптоматично е што САД се внимателни во случајот со Каховка, за разлика од претходните хаварии во војната, на пример разнесувањето на цевките од Северен Тек за кој недвосмислено го вперија прстот кон Москва.

Зеленски шокиран, „не добивме одговор“

Најмалку 16.000 луѓе се принудени да се евакуираат од регионот Херсон. Околу 14.000 куќи се поплавени откако украинската брана Каховка беше пробиена, а околу 4.300 луѓе се евакуирани, јави денеска руската државна новинска агенција ТАСС, цитирајќи извор од безбедносните сили.

Украинскиот претседател Володимир Зеленски изјави дека е „шокиран“ од неуспехот на Обединетите нации и Црвениот крст да помогнат по уништувањето на огромната брана.

– Не добивме одговор. Шокиран сум – додаде тој.

Зеленски во интервјуто рече дека руските војници пукале од далечина додека биле во тек спасувачките напори.

– Штом нашите луѓе се обидат да ги спасат, пукаат врз нив – рече украинскиот претседател.

Ако се Украинците, имале две добри причини за потоп

Ако браната ја урнале Украинците, тие би имале најмалку две причини за тоа. Прво, поплавите низводно ја принудија Русија да ги евакуира војниците, како и цивилите на исток, подалеку од Херсон и широките брегови на реката Днепар. Ова ќе овозможи одредено ограничено олеснување за жителите на Херсон кои мораа да живеат со секојдневните руски артилериски и ракетни напади.

Второ, ова може да влијае на снабдувањето со вода на окупираниот Крим, кој се потпира на свежа вода од каналите во близина на урнатата брана.

Исто така, Украина преку оваа хаварија може да најде начин да ги пробие руските одбранбени линии јужно од Запорожје и да ја раздели таа територија, за да го изолира Крим и да постигне голема стратешка победа.

Но, Русите научија многу лекции од почетокот на инвазијата во февруари минатата година. Тие ја погледнаа мапата, сфатија каде Украина најверојатно ќе нападне и ги поминаа последните месеци градејќи некои навистина застрашувачки утврдувања за да го блокираат секое напредување на Украина кон Азовското Море.

Русите пак го искористија џокерот од 1941 година?

Воопшто не е сигурно дека Украина планирала да испрати свои сили кон западната страна на таа одбрана. Воената команда во Киев разумно ги крие своите карти за да ја држи Русија во неизвесност.

Од руска гледна точка пак, со уништената брана и поплавени огромни површини земја низводно, областа на левиот (источен) брег спроти градот Херсон стана практично недостапна за украинските оклопни транспортери. Ако Русите стојат зад оваа саботажа, тогаш тоа можеби е поврзано со стопирање на најавената голема украинска контраофанзива.

Дека сликата на боиштето сега е наполно сменета потврди и америнаксиот Институт за истражување на војната, ИСВ.

„Сликите направени на 7 јуни покажуваат дека поплавата значително ги нарушила руските одбранбени позиции на реката Дњепар, особено првите позиции во Хола Пристан и Олешки“, анализира институтот.

Треба да се напомене дека Русите направиле нешто слично во историјата на истата река. Имено, во 1941 година, советските трупи разнесоа брана преку реката Дњепар за да го блокираат напредувањето на нацистичките трупи. Илјадници советски граѓани, наводно, загинале во поплавите.

Кој и да ја предизвика поплавата во Херсон, Меѓународната агенција за атомска енергија(МААЕ) се подготвува за најцрното сценарио кое може да ја загрози и централата во Запорожје. Агенцијата следната недела таму ќе го зголеми своето присуство.

The post КОЈ ЈА ПУШТИ КАХОВКА НИЗ ВОДА? „Наследникот“ на Путин вели самите Украинци, САД молчат, Зеленски бесен appeared first on plusinfo.mk.

Тој истакна дека Русија активирала бомба за масовно уништување на животната средина.

– Ова е најголемата еколошка катастрофа предизвикана од човек во Европа во последните неколку децении. Тоа е најопасниот терорист во светот. И затоа поразот на Русија – пораз што ќе го обезбедиме – ќе биде најважниот придонес за безбедноста на нашиот регион, на нашата Европа и на целиот свет – додаде Зеленски.

The post ЗЕЛЕНСКИ НЕГИРА ВМЕШАНОСТ Русија активираше бомба за еколошка катастрофа appeared first on plusinfo.mk.