На денешната седница на Извршниот комитет на ВМРО-ДПМНЕ се донесени кадровски решенија за повеќе од 30 претседатели на општинските комитети, соопшти Центарот за комуникации на ВМРО-ДПМНЕ.

„Дел од назначените претседатели се докажани искусни кадри кои со своето работење имаат придонесено за развој на локалната заедница од каде потекнуваат, а дел од нив се нови лица кои ќе донесат свежина во средината и нови успеси за општинските комитети. ВМРО-ДПМНЕ со новите кадровски решенија продолжува со подобрувањето на животот на граѓаните, на локално и централно ниво“, се вели во соопштението.

Во продолжение имињата на новите претседатели на општинските комитети на ВМРО-ДПМНЕ:

ИЕ4

1. Росоман – Ѓорѓи Крстевски

2. Демир Капија – Андон Дрнев

3. Неготино – Павлинче Честојнова

4. Кавадарци – Тони Нешковски

5. Гевгелија – Димитар Вегов

6. Валандово – Јулија Тушевска

7. Богданци – Марјан Пеев

8. Дојран – Илија Тентов

9. Струмица – Методија Пасков

10. Босилово – Мито Андонов

11. Ново Село – Петар Марков

12. Василево – Славе Андонов

13. Конче – Ацо Митев

14. Радовиш – Бојан Митевски

15. Могила – Драганчо Саботковски

16. Кривогаштани – Александар Богданоски

ИЕ5

1. Демир Хисар – Ненад Шундовски

2.  Долнени – Сашко Велјановски

3.  Крушево – Пеце Стојчески

4.  Ресен – Кире Божиновски

5.  Охрид – Сашо Донев

6.  Дебарца – Златко Силјановски

7.  Струга – Ален Деребан

8.  Вевчани – Ѓорѓи Влајнкиноски

9.  Дебар – Афет Амедоски

10. Центар Жупа – Денис Хасан

11. Маврово и Ростуше – Мевмед Џафери

12. Пласница – Луме Адемоглу

13. Боговиње – Алишериф Синани.

The post KАДРОВСКО ОСВЕЖУВАЊЕ ВО ВМРО-ДПМНЕ Избрани 30 претседатели на општинските комитети appeared first on plusinfo.mk.

-Ќе треба одреден период за Македонија да има одреден напредок, ние како ВМРО-ДПМНЕ и коалицијата ќе дадеме сè од себе со еден жар во нас да повлечеме нанапред, тоа беше повеќе од очигледно и од техничките министри и замениците министри во техничката Влада. Јас сум пресреќна со кадровските решенија во новата влада бидејќи тоа се исклучително квалитетни луѓе – потенцираше Мизрахи.

Пратеничката од ВМРО-ДПМНЕ истакнува дека враќањето на нормалноста во функционирањето подразбира оживување на институциите од внатре и искористување на кадарот што се наоѓа внатре во институциите.

-Досега министрите се грижеле за нивниот личен бенефит или тендерските постапки, па затоа имаме толкава стапка на криминал и корупција која ја гледаме. Криминалот и корупцијата во над 90% е контролиран од државата што значи дека министрите и владата имала учество во тој криминал и корупција – рече Мизрахи.

Таа истакна дека борбата со криминал и корупција е главното прашање за ВМРО-ДПМНЕ.

-Тоа е првото и основно прашање на кое треба да се обратиме. Досега имавме држава која и припаѓаше на мафијата и ни треба борба со таа мафија, криминал и корупција за да имаме слободни институции и систем кој ќе функционира – вели Мизрахи.

Создавање држава која ќе биде стабилно место за живеење ќе биде генералната цел на ВМРО-ДПМНЕ и коалицијата.

– Генералната цел за нашето постапување како ВМРО-ДПМНЕ и коалицијата е создавање на држава, имање на држава која ќе биде стабилно место за нашите деца да останат дома. Сите заедно со многу надеж после огромната победа ќе изградиме држава достојна за Македонија – посочи Мизрахи.

The post КАДРОВСКИТЕ РЕШЕНИЈА ВО НОВАТА ВЛАДА НА ВМРО-ДПМНЕ СЕ ИСКЛУЧИТЕЛНО КВАЛИТЕТНИ ЛУЃЕ Борбата со криминалот и корупцијата поставена е приоритет, истакнува Мизрахи appeared first on plusinfo.mk.

За кадровските решенија, како што посочи, ќе разговараат во текот на следните неколку дена.

– Се надевам дека во текот на денот и од Владата ќе информираат за работите за кои сме договорени. Воопшто не разговаравме за кадровските решенија, но се надевам дека деновиве кои се пред нас ќе го отвориме и прашањето за кадровските решенија. Најмногу се задржавме на програмските определби на нашата партија и Владата и за работи кои треба да ги истераме заедно во периодот што останува до крајот на мандатот на оваа Влада. Станува збор за определбата на државата за евроинтеграции, закони за борбата против корупција, законот за влада и други закони – рече Таравари.

Тој додаде дека еден од ресорите за кои „имаат најдобри кадри” е Министерството за здравство, но напомена дека разговор оваа тема воопшто не бил започнат.

The post ТАРАВАРИ И КОВАЧЕВСКИ ЗА БУРЕКОТ ДОПРВА ЌЕ РАЗГОВАРААТ Влезот на Алијанса во Владата речиси готова работа appeared first on plusinfo.mk.

-Ковачевски треба да не информира за тие имиња што не се познати да ги презентира. Затоа што и поддршката, не само на ДС, туку и на другите партии, исто така ќе зависи од кадровскиот состав на владата. Ако имаме предлози кои што не можеме да ги поддржиме тоа значи дека тоа јавно ќе го соопштиме. Очекуваме транспарентност. Во оваа фаза можеби не ќе може да се објавуваат предлозите бидејќи уште се разговара, но очекуваме да бидеме информирани ние како партии, а верувам и другите партии. Ако има некаква информација, мандатарот има можност да ги соопшти имињата претходно или тоа ќе го направи кога ќе го достави предлогот до Собранието. Ако не се согласуваме, нема да гласаме, тоа е просто и едноставно. Ако не се сложуваме за програмските определби, за составот на владата тоа значи дека која било партија нема обврска да гласа, особено што сега има најмалку 64 пратеници во парламентарното мнозинство, некои од партиите може и да не ја поддржат владата – рече Трајанов.

Тој, во изјавата дадена пред Уставниот суд по доставувањето на иницијатива за преименување на одредби од Изборниот законик, нагласи дека тие како партија не барале министерско место без ресор.

– Ние сме против тоа како партија. Вештачки да градиме етнички баланс во владата тоа не го прифаќаме. Но, тоа инициравме и поддржуваме, можеби партиите на турската етничка заедница да имаат министер за странски инвестиции бидејќи може тој полесно да дојде до компании кои сакаат да инвестираат во Македонија, особено од Турција, меѓутоа и пошироко од Балканот. А за други министри апсолутно не прифаќаме да се шири на тој начин. Вие знаете дека има проблеми околу составот на владата затоа што владата нема да биде одраз на соодветна етничка застапеност, ќе има дебаланс, меѓутоа ќе видиме тој процес како ќе го изведе до крај мандаторот Ковачевски – рече претседателот на Демократскиот сојуз.

Трајанов вели дека една од нивните програмски определби, за која се надеваат дека ќе биде дел и од владината програма, е земјава да биде една изборна единица, со што Парламентот ќе биде реален одраз на определбата на граѓаните.

– ДС подготви измени во Изборниот законик. Таму дефинираме Македонија да биде една изборна единица. Повеќе политички партии се исто така предлагачи, освен ДС. Има поддршка од околу 20 пратеници и имаме начелен договор со ВМРО-НП, со ЛДП, со ДОМ и другите партии, партиите на турската етничка заедница и другите партии, и Левица е исто тука – потпишана е таа иницијатива. Имаме договор кога ќе се создадат услови во Парламентот веднаш да започне парламентарната расправа и тоа е еден од условите дали ќе ја поддржуваме новата влада или нема да ја поддржуваме. Така што, ако и натаму има развлекување или очекување сите партии да се сложат, никогаш нема да имаме консензус по ова прашање бидејќи постојано една од партиите е против, тие меѓусебно се договараат – во една прилика е ВМРО-ДПМНЕ е против, во друга СДСМ е против, во трета ДУИ… и тоа го развлекуваат – рече Трајанов.

Тој нагласи дека колку што сега има информации СДСМ е за една изборна единица, ВМРО-ДПМНЕ е за една изборна единица, а уште кај  ДУИ има колебање.

– Има иницијативи да има изборен праг. Околу тоа прашање ќе разговарме. Ние стоиме зад предлогот каде што нема изборен праг. Тој изборен праг да се формира изворно природно зависно од бројот на излезени гласачи. Ако излегле на гласање 1.200.000 гласачи тоа значи дека за еден пратеник ќе треба да имате поддршка од 10 илјади избирачи, така што, тоа е природен праг, значи првиот изборен циклус да заврши така, а понатаму  може да се разговара на следните избори околу дефинирање на изборен праг – рече  претседателот на ДС.

Во приоритетите за кои се надеваат да станат дел од новата програма на владата, како што појасни Трајанов, е и барањето да се донесе закон за борба против тешките облици на организиран криминал и висока корупција, со формирање агенција чиј директор со мандат од седум години ќе го бира борд од новинари, невладин сектор, универзитетски професори, неколку пратеници од опозиција и од власта.

– Сметаме дека оваа агенција треба да биде многу мала – 30 до 40 врвни професионалци, да се скрати од седум институции број на вработени кои не се меѓусебно координирани – рече Трајанов.

ДС бара и да има повторување на постапката за сите, како што истакна, монтирани судски постапки. Појасни дека законот за ова прашање се развлекувал од 2020 година, но оти сега сега има начелен договор да се активира.

Партијата бара и да се разгледа можноста високообразованите кадри да останат во земјава по завршувањето преку вработување во приватниот или државниот сектор кое би било плаќано една година од буџетот. Секако, нагласи тој, треба да се направи рангирање на универзитетите и предност да имаат оние кои завршиле на универзитет од повисок ранг.

The post СЕ НИША ЛИ ВЛАДИНАТА КОАЛИЦИЈА? Трајанов ја услови поддршката со кадровските решенија и една изборна единица appeared first on plusinfo.mk.

Кадровските решенија што ќе ги предложи Алтернатива за министри и заменици министри ќе го чекаат новиот мандатар за да бидат избрани во Собранието.

– Владата околу крајот на годината ќе биде предложена, мојата оставка ќе биде депонирана, кога ќе почне постапката за предлагање на новата Влада во Парламентот. Тоа се 20-ина дена од сега. Ова прашање од тогаш натаму не зависи од мене, туку ќе зависи од новиот мандатар, од новиот премиер – рече денеска премиерот Зоран Заев на прес-конференцијата со лидерот на Алтернатива Африм Гаши.

За кадровските решенија во Алтернатива ќе решава Централното претседателство. Гаши рече дека во наредните денови ќе направат внатрепартиски консултации и кога ќе имаат решенија, рече, ќе го свикаат централното претседателство и ќе се донесат одлуките кои имиња ќе ги претставуваат во извршната власт.

Посочи и дека имињата што кружат во јавноста се шпекулација зашто тие се уште не се потврдени во партиските органи.  Немаат  одлука за здравство  иако се спомнува д-р Беким Сали, кој за Заев би било прифатливо решение.

На новинарско прашање зошто, за разлика од Беса која имаше еден министер и двајца заменици во Владата, за соработката со Алтернатива се спомнуваат повеќе членови и 47 функции и дали тоа било условот за влез во Владата, Гаши одговори дека во преговорите за влез во Владата немале уценувачки пристап и дека единствено се раководеле за доброто на државата и дека условот бил програмските определби.

Заев, пак, кажа дека не знае за список на функции што е објавен, но може да потврди дека Алтернатива добива мошне повеќе значајни одговорности во извршната власт.

Во однос на коалицирањето со опозициските партии за локалните избори, Африм Гаши рече дека ставот им е оти остануваат докрај верни на коалициите со кои заедно настапиле – и Алијанса за Албанците и онаму каде што поддржале независен кандидат.

– Нашите гласачи гласале за тие кандидати. Ние унилатерално нема да ги прекинеме овие коалиции, се додека од другата страна нема раскинување или се искаже недоверба или унилатерално ја прекинат соработката со Алтеранатива. Тогаш ќе бидеме принудени да функционираме поинаку – рече Гаши.

The post ЗА КАДРОВСКИТЕ РЕШЕНИЈА НА АЛТЕРНАТИВА Ќе одлучува новиот мандатар appeared first on plusinfo.mk.