„Во врска со Јавниот повик за избор на кандидат на ВМРО-ДПМНЕ за претседател на Република Македонија ја информираме јавноста дека крајниот рок за поднесување на пријава истекува денес. На истиот се пријави проф-др Гордана Силјановска-Давкова која поднесе план, програма за работа и потребен број на потписи на делегати“, се посочува во соопштението од ВМРО-ДПМНЕ.

Гордана Силјановска-Давкова била професорка по Уставно право и Политички систем на Правниот Факултет Јустинијан Први. Таа е експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија. Автор е на стотина научни трудови за уставното право и политичкиот систем. Силјановска – Давкова е актуелен пратеник во Собранието.

Силјановска-Давкова беше канадидат на ВМРО-ДПМНЕ на претседателските избори во 2019 година.

The post ГОРДАНА СИЛЈАНОВСКА – ДАВКОВА ВО ТРКА ЗА ШЕФ НА ДРЖАВАТА Единствена пријавена на јавниот оглас на ВМРО-ДПМНЕ appeared first on plusinfo.mk.

„Секој ден се среќавам со граѓаните. Главен акцент сите ставаат на потребата од забрзан локален економски развој и токму тоа ќе го испорачаме. Целата наша програма е насочена кон тоа Битола да прерасне со економски развиена општина со решени прашања на полето на инфраструктурата, урбанизмот и животната средина.
Имаме 22 крупни проекти. 10 капитални проекти и безброј други проекти кои ќе решат локални и месни прашања“, рече Кондовски на дебатата.

Тој подвлече дека локалната самоуправа што ќе ја предводи ќе создаде услови младите да сакаат да останат во Битола.

„За тоа веќе го промовиравте проектот за Технолошки парк, кој ќе им овозможи поддршка да се усовршуваат дома, тука да ги испробаат своите бизнис идеи, но и да градат кариера на високо платени работни места. Битола мора да биде град по мерка на сите битолчани. Општина каде ќе се гради, но за секој изграден квадратен метар ќе добиваме и квадратен метар зеленило. Тоа ќе биде услов и кон инвеститорите“, рече Кондовски.

Во изборната програма на Кондовски предвидено е меѓудругото и изградба на мултифункционален спортски центар, осовременување на Зoолошката градина во Битола, формирање на Младински Центар.

The post КОНДОВСКИ ОТКРИВА КАКО ЌЕ ГИ ТРОШИ ФИНАНСИИТЕ Секој слободен денар ќе оди во инфраструктурата appeared first on plusinfo.mk.