Министерот за одбрана на Израел, Израел Кац, изјави дека им наредил на Израелските одбранбени сили (ИДФ) да „го зголемат интензитетот на нападите врз цели на режимот во Техеран“ со цел да го „дестабилизираат иранскиот режим“, објави Тајмс оф Израел.

– Мораме да ги нападнеме сите симболи на режимот и неговите механизми на угнетување, како што е Басиџ, како и основата на моќта на режимот – Исламската револуционерна гарда – рече Кац за време на утринскиот состанок со началникот на Генералштабот на ИДФ, генерал-потполковник Ејал Замир, и со други високи офицери.

Кац изјави дека Израел мора да предизвика „масовна евакуација на населението од Техеран, со цел да го дестабилизира режимот и да го зголеми одвратувањето, како одговор на ракетниот оган врз израелскиот тил, додека истовремено продолжува со таргетирање објекти и научници за да се спречи иранската нуклеарна програма, сѐ додека целите на операцијата не бидат целосно постигнати“.

The post КАЦ НАРЕДИЛ ЗАСИЛЕНИ УДАРИ ВРЗ ИРАН Мета се Исламската револуционерна гарда и Басиџ appeared first on plusinfo.mk.

По најновиот бран ирански ракетни напади, израелскиот министер за одбрана Израел Кац изјави дека врховниот лидер на Иран, Али Хамнеи, „не може да продолжи да постои“.

– Диктатор како Хамнеи, кој управува со земја како Иран и го направил уништувањето на Израел своја мисија, не може да продолжи да постои – рече Кац.

Тој додаде дека израелската војска добила инструкции и знаела дека „за да ги постигне сите свои цели, овој човек апсолутно не треба да продолжи да постои“, пренесе хрватски Индекс.

Изјавата доаѓа откако американските претставници објавија претходно оваа недела дека Доналд Трамп ставил вето на израелскиот план за атентат врз Хамнеи. Трамп подоцна изјави дека нема планови за таков потег, „барем не засега“.

Најмалку 240 лица се ранети во иранските ракетни напади утрово, објави Асошиејтед Прес, повикувајќи се на израелското Министерство за здравство. Четири лица се сериозно повредени, додека огромното мнозинство се здобило со полесни повреди, вклучувајќи повеќе од 70 лица во болницата Сорока во јужниот град Бершеба, каде што можеше да се види чад како се издига од комплексот додека службите за итни случаи ги евакуираа пациентите, според извештајот.

Исто така, иранска ракета погоди основа на облакодер на улицата Жаботински во Рамат Ган во Тел Авив, недалеку од центарот на градот.

The post ИЗРАЕЛСКИ МИНИСТЕР СМРТНО МУ СЕ ЗАКАНИ НА АЈАТОЛАХОТ „Тој не смее да продолжи да постои“ appeared first on plusinfo.mk.

Израел нема намера да ги повреди жителите на Техеран, изјави денеска израелскиот министер за одбрана, Израел Кац.

„Би сакал да го разјаснам тоа што би требало да биде очигледно: не постои намера физички да се повредат жителите на Техеран, за разлика од тоа што диктаторот (Иран) им го прави на граѓаните на Израел“, напиша Кац на платформата Икс, пренесува Cи-Ен-Ен.

Порано денеска, откако во иранските напади врз Израел загинаа најмалку 8 цивили, Кац рече дека жителите на Техеран „ќе ја платат цената и тоа наскоро“ за иранските напади врз Израел.

ИРАН ГО РАКЕТИРАШЕ ИЗРАЕЛ, ПРОЕКТИЛ ПАДНА БЛИЗУ АМБАСАДА „Народот на Техеран ќе ја плати цената“

The post „ИЗРАЕЛ НЕ САКА ФИЗИЧКИ ДА ГИ ПОВРЕДИ ЖИТЕЛИТЕ НА ИРАН“ Кац го обвини Техеран дека намерно напаѓа цивили appeared first on plusinfo.mk.

Израелскиот министер за одбрана, Израел Кац, изјави денеска дека Израел во моментов нема намера да дозволи продолжување на протокот на хуманитарна помош кон Појасот Газа.

„Политиката на Израел е јасна и никаква хуманитарна помош нема да влезе во Газа“, рече Кац, објави Тајмс оф Израел.

Тој посочи дека спречувањето на помошта да влезе во Газа е „една од главните алатки“ за притисок врз Хамас, „покрај другите чекори што Израел ги презема“.

The post ПОЛИТИКАТА НА ИЗРАЕЛ Е ЈАСНА, НЕМА ХУМАНИТАРНА ПОМОШ ЗА ГАЗА Кац посочи која е главната алатка за вршење притисок врз Хамас appeared first on plusinfo.mk.

Израелскиот министер за одбрана, Израел Кац, се закани со значајна ескалација во воените операции во Појасот Газа, велејќи дека примарна цел на Израел е да изврши притисок врз Хамас да се согласи на договор за ослободување на заложниците, пренесе I24.

– Газа ќе стане помала и поизолирана – предупреди Кац, додека израелските сили продолжуваат да ја прошируваат контролата врз стратешките области на енклавата.

Зборувајќи за време на Пасхата, Кац го потврди заземањето на Коридорот Мораг, 12-километарски потег што ја пресекува Газа од исток кон запад меѓу Кан Јунис и Рафах. Овој потег, рече тој, ефективно ја трансформира областа помеѓу коридорите Мораг и Филаделфија во дел од проширената безбедносна зона на Израел.

– Стотици илјади жители веќе се евакуирани, а десетици проценти од територијата на Газа стана дел од безбедносните зони на Израел. Главната цел е да се изврши силен притисок врз Хамас да се врати во рамката за ослободување на заложниците. Сè додека Хамас продолжи со своето одбивање, активноста на ИДФ ќе продолжи да се интензивира – изјави Кац.

Покрај јужниот напредок, Кац истакна дека северниот периметар на Газа исто така се проширува и утврдува како дел од пошироката одбранбена стратегија на Израел.

– Ако Хамас продолжи да одбива, Израелските одбранбени сили (ИДФ) ќе ја засилат својата активност, продолжувајќи да ги елиминираат своите терористи и да ја уништуваат инфраструктурата – се закани израелскиот министер.

Израелската армија денеска соопшти дека се обидела да пресретне ракети лансирани од Јемен, заради кои во неколку области од Израел се активирани сирени за предупредување од воздушен напад.

Британските медиуми пренесуваат дека засега не нејасно дали пресретнувањата биле успешни или не.

ИДФ соопшти дека од Јемен биле лансирани две ракети, а во Ерусалим околу 18:16 часот, по локално време, се слушнати сирени за воздушен напад.

The post „ГАЗА ЌЕ СТАНЕ ПОМАЛА И ПОИЗОЛИРАНА“ Израелскиот министер за одбрана се закани кон Хамас appeared first on plusinfo.mk.

Израелскиот министер за одбрана, Израел Кац, денеска соопшти дека израелските сили ја прошируваат воената операција во Појасот Газа.

Кац истакна дека Израел ќе воспостави контрола врз поголеми делови од територијата, додавајќи дека се планира масовна евакуација на населението од областите каде што се водат борби. Тој ги повика жителите на Газа да го елиминираат Хамас и да ги вратат израелските заложници, нагласувајќи дека тоа е единствениот начин за запирање на војната.

Израелските сили веќе создадоа значителна безбедносна зона во Газа, но Кац не прецизираше колку територија дополнително ќе биде ставена под израелска контрола.

The post ИЗРАЕЛ ЈА ПРОШИРУВА ВОЕНАТА ОПЕРАЦИЈА ВО ГАЗА Кац бара од палестинското население да го елиминира Хамас appeared first on plusinfo.mk.

Министерот за одбрана на Израел, Израел Кац, се закани дека Израел ќе анектира области на Појасот Газа доколку Хамас одбие да ги ослободи заложниците што сè уште ги држи, објави Баронс.

Кац ѝ дал инструкции на ИДФ да заземе дополнителни области на Појасот Газа додека издава наредби за евакуација на палестинските цивили во тие области.

– Ако терористичката организација Хамас продолжи да одбива да ги ослободи заложниците, јас ѝ наложив на ИДФ да заземе дополнителни области, да го евакуира населението и да ја прошири безбедносната зона околу Газа за заштита на израелските заедници и на војниците на ИДФ, преку трајно задржување на областа од страна на Израел. Додека Хамас продолжува да одбива, ќе губи сѐ повеќе и повеќе земја која ќе му биде додадена на Израел – се вели во изјавата на Кац.

Тој информира дека Израел ќе го зголеми интензитетот на својата воена кампања против Хамас, вклучително и „преку проширување на копнениот маневар додека заложниците не бидат ослободени и Хамас не биде поразен“.

Кац додава дека Израел ќе го употреби „сиот воен и цивилен притисок, вклучително и евакуација на населението во Газа на југ и спроведување на планот за доброволна миграција на претседателот Трамп за жителите на Газа“.

The post ОСЛОБОДЕТЕ ГИ ЗАЛОЖНИЦИТЕ ИЛИ ИЗРАЕЛ ЌЕ ПРИСВОИ ДЕЛОВИ ОД ГАЗА Кац упати остра закана кон Хамас appeared first on plusinfo.mk.

Израелскиот министер за одбрана, Израел Кац, за време на посетата на стратешки важната планина Хермон, ја потврди намерата на раководството да окупира дел од сириската територија со која се граничи на север на „неопределен временски период“.

– Израелската армија (ИДФ) е подготвена да остане во Сирија на неодредено време. Ќе ја одржуваме безбедносната зона во Хермон и ќе се погрижиме целата безбедносна област во јужна Сирија да биде демилитаризирана и без оружје и закани – рече Кац за време на посетата.

По падот на Башар ал Асад од власт во декември, израелските трупи воспоставија контрола над демилитаризираната тампон зона од 400 квадратни километри од сириската територија. Зоната, која се наоѓа помеѓу Сирија и Голанската висорамнина под контрола на Израел, беше создадена од Обединетите нации по војната во 1973 година. Оттогаш, силите на ОН од околу 1.100 војници патролираат во областа.

Асад беше соборен од коалицијата на бунтовнички групи, предводена од ХТС, која е составена од екстремистички исламистички организации, вклучувајќи ги Ал Каеда и Исламската држава.

Привремениот претседател на Сирија, Ахмед Ал Шара, рече дека ги прекинал врските со екстремистичките групи пред неколку години и ветил дека ќе создаде претставничка влада и верска толеранција.

Меѓутоа, израелските власти веруваат дека новиот сириски режим и другите вооружени групи кои дејствуваат во земјата остануваат потенцијална закана.

Кац рече дека распоредувањето војници на планината Хермон е неопходно за да се заштитат израелските заедници во северен Израел и на неговите спорни граници, пишува Гардијан.

– Секое утро, кога Ал Шара ги отвора очите во претседателската палата во Дамаск, ја гледа израелската армија како го набљудува од врвот на планината Хермон и знае дека ние сме тука и во целата безбедносна зона на јужна Сирија за да ги заштитиме жителите на Голан и Галилеја од какви било закани од него и од неговите пријатели џихадисти – изјави Кац за време на посетата.

Тајмс оф Израел објави дека ИДФ поставила девет воени контролни пунктови на сириска територија, вклучително и два на врвот на планината Хермон.

Израелскиот премиер Бенјамин Нетанјаху изјави дека сака „целосна демилитаризација на јужна Сирија“.

Од падот на Асад, израелските воени авиони извршија стотици напади за да го уништат воениот хардвер оставен зад себе од претходниот режим, а официјалните лица ја опишаа огромната нова зона што опфаќа голем дел од југозападна Сирија како територија што Израел ќе ја обезбеди со „демилитаризација“. Претходно оваа недела имаше нов бран напади врз цели во јужна Сирија.

Израел, исто така, понуди заштита на сириското малцинство Друзи, од кои многумина живеат во близина на границите со Израел. Значителен број Друзи живеат и во Израел.

Некои аналитичари предупредуваат дека Израел ризикува да се заплетка во тежок конфликт во Сирија, можеби потсетувајќи на скапата и долготрајна окупација на јужен Либан од 1982 до 2000 година.

The post ИЗРАЕЛ МУ СЕ ЗАКАНИ НА ПРЕТСЕДАТЕЛОТ НА СИРИЈА Ерусалим потврди дека ќе го окупира Голан appeared first on plusinfo.mk.

„Ердоган оди по патот на Садам Хусеин и се заканува дека ќе го нападне Израел. Треба само да се сети што се случи таму и како заврши“, напиша Кац на Икс.

Ердоган синоќа изјави дека би можел да влезе во Израел за да им помогне на Палестинците како што направи некогаш во Либија и во Нагорно Карабах.

Хусеин беше претседател на Ирак од 1979 до 2003 година. Тој беше соборен од западната коалиција предводена од САД. Американците го уапсија, а во 2006 година беше осуден на смрт за злосторства врз Курдите и врз шиитите. Казната беше извршена со бесење.

Последната изјава на Ердоган, Израелците ја протолкуваа како закана од инвазија. Односите меѓу Ерусалим и Анкара се тензични откако во октомври минатата година почна војната помеѓу Израел и Хамас.

За Турција Хамас не е терористичка организација. Ердоган постојано ги обвинува и напаѓа Израелците.

Израелскиот премиер Бенјамин Нетанјаху го нарече „касапот на Газа“ и „воен злосторник“.

The post ЕРДОГАН, СЕТИ СЕ ШТО МУ СЕ СЛУЧИ НА САДАМ ХУСЕИН Шефот на израелската дипломатија му се закани на турскиот претседател appeared first on plusinfo.mk.