Холандско-новозеландската манекенка Јенте Лиза Рајтсма проговори за нехигиенските услови на кои наишла во текот на кариерата. Таа откри дека на еден кастинг во Милано од манекенките било побарано да облечат ист долен дел од бикини, а предупреди и на практики при шминкањето зад сцената.

Рајтсма, која соработувала со брендови како Toni&Guy, DSQUARED2 и Superdry, објави видео на ТикТок со наслов „Нехигиенски работи во манекенството“, во кое раскажа за непријатните искуства што ги доживеала во модната индустрија. Видеото досега собра 7,9 милиони прегледи.

Како прв проблем го посочи шминкањето пред модните ревии. Таа тврди дека шминкерите понекогаш користат исто четкиче на стотици, па дури и илјадници манекенки.

– Нè редат пред да излеземе на писта и велат: ‘Последни поправки!’. Тогаш знаете дека треба да бегате и да се скриете – раскажа Рајтсма. Според неа, со истото мало четкиче се оди од усни на усни и од очи на очи, поради што таа самата се трга од таквите ситуации.

Но, уште погрозно искуство имала на кастинг за снимање костими за капење во Милано. Таа објаснила дека манекенките вообичаено можат да го задржат сопствениот долен веш, а понекогаш се користат и хигиенски налепници за да може истиот модел да го пробаат повеќе девојки.

На тој кастинг, сепак, ја дочекало нешто сосема поинакво.

– Бев една од последните девојки на кастингот. Ми рекоа само да го облечам бикинито. Кога го зедов долниот дел, видов нешто што нема ни да го опишувам. Можете сами да замислите. Стотици манекенки ги носеле истите танга и тоа јасно се гледаше – раскажа таа.

Рајтсма одбила да го облече спорниот дел од бикинито. Кастингот на крајот го направила само со горниот дел, додека го задржала сопствениот долен веш.

– Реков: ‘Јас ова нема да го направам’. Сериозно, такви работи не правам – нагласува манекенката.

Таа проговори и за условите во становите во кои престојуваат манекенките и манекените за време на ангажманите. Особено ги издвојува становите во кои престојуваат машки модели, опишувајќи ги како исклучително нечисти.

– Насекаде има влакна, мувла и секакви одвратни работи. Сè е расфрлано, толку е гадно, а ним воопшто не им е грижа. Се однесуваат како тоа да е нешто сосема нормално – вели таа.

Иако не ги откри имињата на брендовите и луѓето на кои се однесуваат нејзините искуства, Рајтсма вели дека токму ваквите ситуации ѝ покажале дека гламурозната слика за модната индустрија често изгледа сосема поинаку зад сцената.

– Не, човече, тоа НЕ Е ВО РЕД – напиша таа во описот на видеото.

The post СТОТИЦИ МАНЕКЕНКИ НОСЕЛЕ ИСТИ ТАНГИ Манекенка откри што се случува зад кулисите на модната индустрија appeared first on plusinfo.mk.