Принцот Хари и Меган Маркл наводно размислуваат за јавно извинување до кралот Чарлс, во обид да ги поправат нарушените семејни односи. Американскиот новинар Роб Шатер во својот електронски билтен „Naughty But Nice“, објавен на платформата Substack, тврди дека повеќе извори му откриле дека се водат сериозни разговори за тоа дали парот треба јавно да го признае минатото и болката што, според овие тврдења, му била нанесена на кралското семејство.

Според Шатер, идејата не е само Хари и Меган едноставно да кажат „извинете“, туку внимателно да биде осмислено што точно би содржела нивната порака. Наводно се разговара за тоа како да се признае дека изминатите години биле болни за членовите на семејството, но истовремено да се избегне отворање на нови конфликти. Важно е да се нагласи дека засега станува збор за тврдења од неименувани извори, а не за официјално потврдена одлука на парот.

Шпекулациите доаѓаат непосредно по значајната средба на Хари со неговиот татко во Хајгроув. По четири години, принцот повторно се сретна со кралот Чарлс, а на средбата беа вклучени и неговите деца, принцот Арчи и принцезата Лилибет. Средбата се смета за важен чекор по долгогодишното заладување на односите, иако односот меѓу Хари и неговиот брат, принцот Вилијам, и понатаму останува нарушен.

Односите меѓу Хари и кралското семејство особено се влошија откако тој и Меган во 2020 година се повлекоа од официјалните кралски должности и се преселија во САД. Потоа следуваа интервјуто со Опра Винфри, документарната серија на „Netflix“ и мемоарите на Хари „Spare“, во кои беа изнесени низа детали за неговиот однос со семејството. Токму поради тоа, евентуално јавно извинување би претставувало голем пресврт во нивната досегашна јавна комуникација.

Во последно време, сепак, има знаци дека Хари сака повторно да воспостави поблиска врска со своето семејство и со Велика Британија. Аналитичари и кралски коментатори шпекулираат дека неговиот интерес за подобрување на односите со татко му е поврзан и со желбата неговите деца да имаат врска со дедо им. И покрај тоа, нема потврда дека парот планира повторно да преземе официјални кралски должности, а евентуалното помирување не би значело автоматско враќање во монархијата.

Засега ниту Хари, ниту Меган, ниту Бакингемската палата официјално не потврдија дека се подготвува некакво јавно извинување, па информацијата засега останува во доменот на шпекулациите.

The post ХАРИ И МЕГАН ЈАВНО ЌЕ МУ СЕ ИЗВИНАТ НА КРАЛОТ ЧАРЛС? Дали неодамнешната средба во Хајгроув е вовед во подобрување на семејните односи appeared first on plusinfo.mk.

Во завршното обраќање, непосредно пред гласањето за новите министри во Владата премиерот Христијан Мицкоски се извини за денешните инциденти во Собранието.

„Се надевам дека во иднина тоа нема да се повтори“, рече Мицкоски.

До оваа ситуација дојде откако вечерва за време на расправата во собранието настана вжештување ма атмосферата по што пратениците на СДСМ ја напуштија салата откако побараа и не добија извинување од премиерот Христијан Мицкоски и кандидатот за министер Иван Стоилковиќ, како и реакција од претседателот на Собранието Африм Гаши, поради, како што кажаа, навреди и непримерно однесување кон пратеници на СДСМ.

На прес конференцијата веднаш по напуштаето на пленарната сала, од СДСМ рекоа дека однесувањето е надвор од сите демократски критериуми, особено затоа што во нив биле вклучени претседателот на Владата и кандидат за министер.

The post МИЦКОСКИ СЕ ИЗВИНИ ЗА ДЕНЕШНИТЕ ИНЦИДЕНТИ ВО СОБРАНИЕТО „Се надевам дека во иднина тоа нема да се повтори“ appeared first on plusinfo.mk.

Украина официјално ѝ се извини на Грција поради украински поморски дрон кој минатиот месец беше пронајден во близина на островот Лефкада, оценувајќи дека инцидентот е последица на околностите создадени од руската инвазија врз Украина.

Во објава на социјалните мрежи, портпаролот на украинското Министерство за надворешни работи, Хеорхиј Тихиј, изрази жалење за инцидентот и нагласи дека Киев високо го цени пријателството со Грција и поддршката што ја добива од почетокот на руската агресија.

Тихиј истакна дека Украина останува посветена на почитувањето на меѓународното право и безбедноста во поморскиот сообраќај, додавајќи дека Киев е заинтересиран да спречи слични инциденти во иднина.

Дронот бил пронајден од рибари на 7 мај во близина на Лефкада, по што бил предаден на грчките воени власти. Според информациите, станува збор за пловило кое најверојатно било поврзано со украинските поморски операции насочени кон бродови поврзани со рускиот извоз на нафта.

Претходно оваа недела, грчкото Министерство за надворешни работи потврди дека испратило две дипломатски ноти до Украина поради активностите на поморскиот дрон.

Во меѓувреме, во петокот сличен поморски дрон што се користи во војната во Украина експлодираше во пристаниште во Романија, соопшти романското Министерство за одбрана.

The post УКРАИНА Ѝ СЕ ИЗВИНИ НА ГРЦИЈА ЗА ПОМОРСКИОТ ДРОН ПРОНАЈДЕН КАЈ ЛЕФКАДА Беше натоварен со стотина килограми експлозив appeared first on plusinfo.mk.

„Најостро ги демантирам клеветите и измислените наводи изнесени од адвокатката Лејла Кадриу во интервју во емисијата „Вечерното шоу на Богдан Илиевски” на ТВ Алфа, емитувано на 07.02.2026 година“, вели јавниот обвинител Гаврил Бубевскки во своето писмено обраќање до јавноста.

„Наводите кои се однесуваат на моето постапување и на работата на поранешното СЈО се невистинити и креирани со цел да наштетат на мојот личен и професионалениот углед, за што веднаш по емисијата иницирав постапка со која од неа побарав извинување за јавно изнесените лаги. Доколку не добијам извинување во законски предвидениот рок, ќе поднесам граѓанска тужба за клевета и во суд ќе се докаже дека се што беше кажано во наведената емисија е апсолутна невистина.

Иако сметав дека изнесените клевети не заслужуваат да им се дава јавно внимание, сфаќам дека нашето општество веројатно не е доволно отпорно на лаги.

Вистината е дека јас никогаш во мојот живот не сум имал 4 мобилни телефони. Додека бев јавен обвинител во СЈО имав еден телефонски број кој го користев за цело време додека бев во тоа обвинителство. По враќањето во ОЈО Скопје исто така користам само еден телефон. Мојот единствен, во моментов приватен телефонски број го знаат сите новинари и многу граѓани, бидејќи вистински верувам во начелото на транспарентност и на тој телефон секогаш сум бил и останувам отворен и достапен за сите прашања.

Ги отфрлам сите наводи за какво било влијание и стојам зад секоја одлука која сум ја донел.

Во голем дел од ситуациите кои беа претставени, како што е предавањето на прислушуваните материјали во СЈО, јас лично воопшто не сум бил присутен, за што имам и соодветни докази.

На страна од тоа, записник за тие материјали постои и тој е дел од доказите во предметот Таргет-Тврдина.

Од позиција на поранешна јавна обвинителка за чие оддалечување најпрвин од СЈО, а потоа и од редовното обвинителство, причините се многу добро познати во јавнообвинителската организација, каде и се водени и соодветни постапки за одговорност, Кадриу се обидува да го загрози мојот професионален интегритет и да влијае врз моето извршување на јавнообвинителската функција.

Мотивите за овој и други вакви слични настапи мене ми се јасни, но немам намера во ниту еден момент да им подлегнам на тие лаги и манипулации. Ќе ги искористам сите законски механизми за заштита, како што веќе направив и поднесов тужба и за лагите изнесени од уште еден адвокат – поранешен обвинител кој јавно настапува со истите намери и мотиви.

Очекувам во судска постапка да се докаже вистината наспроти лагите со кои „храбрите” поединци ја манипулираат јавноста подолг временски период, а со тоа да се утврди и нивната кредибилност како извори за информации во медиумите по однос на вистинските состојби во правосудството“ – се вели во јавното обраќање на обвинителот Бубевски.

The post ГАВИЛ БУБЕВСКИ БАРА ИЗВИНУВАЊЕ ОД ЛЕЈЛА КАДРИУ Во спротивно ќе тужи за клевета appeared first on plusinfo.mk.

Го однесовте вашето дете во парк и за време на играта тоа турна друго дете во песок, му ја зема играчката или кажа нешто лошо. Чувствувате моментален бран на непријатност, сите ве гледаат и автоматски чувствувате потреба да ги задоволите очекувањата што другите ги имаат од вас.

– Ајде, извини се. Веднаш. Кажи му „извини“ на девојчето!

Детето стои, гледајќи во подот, можеби мрморејќи нешто неразбирливо или уште полошо – пркосно вртејќи ја главата. Го повторувате барањето, вашиот тон станува поостар. На крајот, можеби извлекувате некое наметнато „извини“ што воопшто не звучи искрено. И формата е задоволена, продолжуваме понатаму. Проблемот е решен.

Што всушност се случи во тој момент?

Што учат децата кога ги принудуваме да се извинат

Кога ги принудуваме да се извинат, всушност не ги учиме на емпатија или дека е погрешно да се удираат другите. Ги учиме на послушност. Децата не размислуваат за тоа како се чувствува другата личност. Тие размислуваат за тоа како да излезат од непријатната ситуација што е можно побрзо. Учат дека зборовите се магична формула што ги задоволува возрасните и дека не е важно што мислат или чувствуваат, туку што велат.

Повеќе за ова прочитајте ТУКА.

The post ОДМА ДА СЕ ИЗВИНИШ! Како ги учиме децата да бидат лицемери appeared first on plusinfo.mk.

Обвинителката Ленче Ристоска беше дел од СЈО, кое заврши со криминален скандал и рекетарска мрежа вредна неколку милиони евра. Како дел од таа мрежа, правосилно беше осудена нејзината шефица, Катица Јанева – пишува ВМРО-ДПМНЕ денеска во соопштение.

„Таа се дискредитираше себе си што беше дел од обвинителството формирано за политички прогон и изнуда кое беше маша во рацете на СДСМ и Зоран Заев. Што повеќе да се каже од ова?

Интересно е како Ленче Ристоска сама се пронаоѓа во изјавите. Затоа Ристоска наместо да се извини, прави дефокус и глуми жртва. Таа не е никаква жртва, туку рицидив на системот кој голташе жртви и правеше прогон“ – се вели во соопштението на ВМРО-ДПМНЕ.

ЛЕНЧЕ РИСТОСКА ПОДНЕСЕ ТУЖБА ПРОТИВ ВМРО-ДПМНЕ Го тужи и премиерот и бара извинување

The post ЛЕНЧЕ РИСТОСКА ТРЕБА ДА СЕ ИЗВИНИ, А НЕ ДА БАРА ИЗВИНУВАЊЕ Според ВМРО-ДПМНЕ таа е рицидив на системот кој голташе жртви и правеше прогон appeared first on plusinfo.mk.

Управата за јавни приходи ја известува јавноста дека денеска, 30.12.2025 година, со почеток од 16:00 часот, ќе има привремен прекин во функционирањето на електронските услуги кои Управата (УЈП) ги нуди кон даночните обврзници.

Се очекува прекинот да трае до доцните попладневни часови, по што услугите повторно ќе бидат достапни.

Управата за јавни приходи ги замолува даночните обврзници за разбирање.

The post ЌЕ ИМА ПРЕКИН НА ДИГИТАЛНИТЕ УСЛУГИ НА УЈП Ќе трае до доцна навечер appeared first on plusinfo.mk.

Здружението „Онлајн медиа“ остро ја осуди прес-конференцијата на СДСМ, на која партискиот портпарол јавно ги дискредитираше медиумите членки на здружението на електронските медиуми.

„Потегот на СДСМ е само одраз на едно мрачно минато на таа партија, кога постојано јавно напаѓаше медиуми. СДСМ мора да се демократизира и да сфати еднаш засекогаш дека слободата на изразување и слободното работење на медиумите е нивно неприкосновено демократско право. Најмалку што треба да стори СДСМ е јавно да се извини“, се наведува во реакцијата од „Онлајн медиа“.

Здружението апелира дека политичките партии треба да ја почитуваат улогата на медиумите како независен стожер на демократијата и да се воздржат од јавни напади и дискредитации.

The post „ОНЛАЈН МЕДИА“ БАРА ЈАВНО ИЗВИНУВАЊЕ Здружението го осудува СДСМ за нападите врз медиумите appeared first on plusinfo.mk.

„Посочената компанија не е моја, ниту пак имам било каков удел во нејзе. Јас во моментов немам никаква приватна компанија и единствено сум насочен кон мојата работа како директор на Службата за општи и заеднички работи. Целиот мој живот работам чесно, одговорно и посветено, така и ќе продолжам“ – пишува Ивица Томовски од ВМРО-ДПМНЕ во реакција на прес конференција на СДСМ, на која беше обвинет дека е поврзан со компаниите Сити логистик и Сити аутсорсинг, кои наводно добиле 161 тендер од државни и општински институции во вкупна вредност од 5,36 милиони евра за две години.

„Очигледна е намерата по секоја цена на партијата која е во пропаѓање да обвинува, клевети и жигосува. Тоа е нивниот стил, но и единствената сламка за спас. Додека тие зборат за некаков криминал, тие што вистински се тоа, од Дубаи нарачуваат и пишуваат клеветнички прес конференции. Така тоа изгледа кога крадецот вели држете го крадецот. И сакаат да се заборави на златните визи на Филипче, Заев, за модуларната болница, Соравија, плантажите за марихуана.

СДСМ ќе мора да се извини поради изнесените клевети, во спротивно ќе поднесам тужба пред надлежните органи.

Власта е одговорност и таму не се доаѓа со пазарџиски финти, клевети. Очигледно, тоа е нивната понуда, а народот ќе суди, впрочем како што им пресуди на последните избори.

Слободно сите можни институции да проверат сè, а искрено, од СДСМ не очекувам извинување затоа што за извинување потребна е доблест и морал, а тоа одамна видовме дека го немаат“ – пишува меѓудругото директорот на СОЗР Ивица Томовски.

СДСМ ОБВИНИ ДЕКА СЕМЕЈНА ФИРМА НА ИВИЦА ТОМОВСКИ „ГО ЧИСТИ БУЏЕТОТ“ Сити логистик или Сити аутсорсинг добила 161 тендер или 5.3 милиони евра

The post ТОМОВСКИ БАРА СДСМ ДА МУ СЕ ИЗВИНИ ИЛИ ЌЕ ТУЖИ ЗА КЛЕВЕТА Немам никакви удели во посочената компанија appeared first on plusinfo.mk.

Карим Адејеми, германскиот репрезентативец и играч на Борусија Дортмунд, денеска јавно се извини откако беше осуден за обид за нелегално поседување оружје. Случајот започнал кога тој на почетокот на минатата година преку интернет нарачал „мистериозна кутија“, која содржела предмети забранети според германскиот закон за оружје. Пакетот бил пресретнат и завршил во полициска станица.

Меѓу пронајдените предмети имало два месингани боксирачи и електричен тејзер, за кои е потребна специјална дозвола. Обвинителството го казнило 23-годишниот фудбалер со 450.000 евра, што е износ што судот го сметал за соодветен на неговата месечна заработка.

Меѓутоа, уште поголем одек предизвика извинувањето што Адејеми го објави на социјалните мрежи.

„Веројатно ги видовте насловите за мене во последните неколку денови. Не ми е лесно да зборувам за ова. На почетокот на 2024 година, од невнимание и без сериозно размислување, ја нарачав преку интернет таканаречена ‘мистериозна кутија’. Содржеше предмети што не се дозволени според законот за оружје. Тоа беше голема грешка од моја страна. Длабоко жалам и свесен сум дека сум пример за младите“, напиша фудбалерот.

Притоа, Адејеми побара разбирање од јавноста и порача дека ќе прифати сè што произлегува од неговата постапка. Германската фудбалска федерација засега не најави санкции, но локалните медиуми пренесуваат дека Борусија Дортмунд размислува за внатрешна дисциплинска мерка.

Според спортскиот портал „Кикер“, клубот очекува играчот „да ја врати довербата преку спортски настапи и одговорно однесување“. Сепак, јавноста е поделена – дел ја прифаќа искреноста на младиот играч, додека други го критикуваат што не сфатил дека дури и „невините експерименти на интернет“ можат да имаат сериозни последици.

The post РЕЧИСИ ПОЛОВИНА МИЛИОН ЕВРА КАЗНА ЗА ГЕРМАНСКИОТ АС АДЕЈЕМИ „Ја нарачав мистериозната кутија преку интернет“ appeared first on plusinfo.mk.