Вториот ден од државната посета на претседателот Доналд Трамп и првата дама Меланија на Обединетото Кралство е обележан со посебна средба: принцезата од Велс, Кејт Мидлтон, ќе одвои време за дружење „еден на еден“ со американската прва дама.

Принцезата и првата дама на Америка Меланија Трамп ќе уживаат во приватна средба во Фрогмор Гарденс, имот од 33 хектари во рамките на замокот Виндзор.

Тука Кејт и Меланија ќе ја преземат мисијата „тајна верверица“, која вклучува средба со Двејн Филдс, главниот извидник на Здружението на извидници, чиј покровител е принцезата.

Целта на средбата е да се воведе програмата за извидување „Верверици“, во која децата можат да заработат значка за природата преку разни задачи и активности на отворено.

Денот претходно, Трампови беа официјално пречекани во замокот Виндзор од принцот Вилијам и принцезата Катерина, по што имаа можност да се сретнат со кралот и кралицата. Следеше поворка со кочии низ имотот, придружувана од коњаничката гарда Household Cavalry Mounted Regiment.

Вечерта, во салата „Сент Џорџ“ се одржа државен банкет во чест на претседателот и првата дама. За време на своето обраќање, кралот ги нагласил нераскинливите врски меѓу двете земји:

– Овој уникатен и значаен момент ја одразува трајната врска меѓу нашите големи нации. Закотвен во длабокото пријателство на нашите народи, овој однос – со право нарекуван „посебен“ со генерации наназад – нè направи побезбедни и посилни со текот на времето.

Трамп, од друга страна, рекол дека посетата е една од најголемите почести во неговиот живот и дека има „огромно почитување“ кон кралот и Обединетото Кралство.

– Со децении, Неговото Височество ја олицетворуваше силата, благородноста и духот на британската монархија и британскиот народ – рекол претседателот, а потоа се пошегувал дека е импресиониран што кралот ги знае имињата на сите 150 луѓе со кои се ракувал тој ден: „Некои имаа навистина чудни имиња како „XYZ-Q3“, а тој ги знаеше сите – или барем така изгледаше, бидејќи никој не се пожали.“

Кралот и кралицата подготвиле и специјални подароци за своите американски гости. Претседателот добил рачно поврзана кожна книга, изработена за одбележувањето на 250-годишнината од Декларацијата за независност, како и знамето на Обединетото Кралство што се вееше над Бакингемската палата на денот на неговото инаугуративно обраќање.

На првата дама Меланија ѝ била подарена сребрена емајлирана чинија, дело на уметницата Кара Марфи, како и персонализирана чанта од британската дизајнерка Ања Хиндмарч.

The post ПРИНЦЕЗАТА ОД ВЕЛС, ПРВАТА ДАМА НА САД И „ТАЈНАТА ВЕРВЕРИЦА“ Oткриена е тајната мисија на Кејт Мидлтон и Меланија Трамп appeared first on plusinfo.mk.

Тој рече дека од правец на Ѓаковица на 5 и на 20 јуни било забележано кревање на албански дронови „Бајрактари“ на височина од 5.800 метри со намера за извидување на позиција на српската војска.

– Исто така, шведско-германски авиони правеа фотографии, не од територијата под контрола на војската на Србија, туку од други територии кои не се под контрола на Србија, но прават многу прецизни слики поради присуството на безбедносните и воените сили на територијата на централна Србија – изјави Вучиќ.

Како што кажа пред новинарите, Србија ќе продолжи да работи забрзано, да работи повеќе и подобро и ќе биде многу појасна во пораката за одвраќање на потенцијален агресор.

Тој посочи дека и наменските фабрики ќе мора да работат повеќе, а не да се занимаваат со политика.

– Ќе треба да го зголемиме човечкиот потенцијал во војската на позициите на оние кои можат да носат пушка и да ѝ помогнат на земјата во нејзината одбрана – додаде српскиот претседател.

Тој изјави дека има многу предизвици и дека големи сили се собрани во регионот.

– Имаме многу предизвици, големи сили се собрани во регионот од различни причини, од значајните сили на соседните земји до огромниот број членки на НАТО на Косово и Метохија во моментов, односно 4534. Сметаме на добра соработка со КФОР и со трупите на НАТО и веруваме дека тоа ќе придонесе во стабилизирање на ситуацијата на Косово и Метохија. Во моментов, имате 1.500 војници на НАТО во Босна и Херцеговина како дел од мисијата ЛТА (LTA), кои се засилени со нешто што е ново, стратешки резерви формирани од Европската Унија, и тие не се наоѓаат на таа територија, туку на територија на соседните земји Романија, Унгарија и Бугарија. Уверени сме дека во никој случај нема да бидат употребени ниту против српскиот народ ниту против Република Србија – рече Вучиќ.

The post АЛБАНСКИ ДРОНОВИ „БАЈРАКТАРИ“ ЈА НАБЉУДУВАА ПОЗИЦИЈАТА НА СРПСКАТА ВОЈСКА Зголемени дејствија на летала со извидувачки намери кон Србија appeared first on plusinfo.mk.

Според г-дин Валентин Груевски, директор на ЈП Национални шуми, партнерството со Сојузот на извидници на Македонија (СИМ) е од огромна важност за промовирање на култура на повисока еколошка свест кај младите како таргет група вклучена во програмите на извидниците. Тој исто така испрати и апел до граѓанскиот сектор, училиштата, компаниите да се вклучат во оваа иницијатива и да помогнат за се направи нешто коешто со гордост ќе го оставиме на нашите деца.

Идејата на оваа иницијатива е реплицирана од успешната Боранка, имплементирана од Сојуз на извидници на Хрватска уште од 2018 година. Боренка започнува како пилот проект поддржан од Амбасадата на Соединетите Американски Држави. Активностите во следните 18 месеци ќе се спроведуваат благодарение на поддршката од Министерството за надворешни работи на Република Хрватска.

Хрватските извидници потенцираа дека при активностите најголема улога имаат волонтерите, кои според господин Еди Периќ, претседател на Сплитскиот извиднички Сојуз, се сѐ повеќе мотивирани да се вклучат во вакви акции. Приказната се доближува до јавноста и најмладите преку симболиката и карактеристичниот визуелен идентитет креиран од агенцијата Имаго.

Господинот Анте Тараш, претставник на Хрватски шуми го истакна фактот дека институцијата ги препознала извидниците како одговорен и доверлив партнер во акции од ваков карактер.

– Оваа иницијатива е одличен пример за соработка меѓу институциите и граѓанскиот сектор, искористувајќи ги најсилните страни на секој од партнерите – рече г-дин Дан Шпицер, главен координатор на Боранка, кој според него токму тоа е најголемиот резултат и успех на кој е најмногу горд.

Заменик Директорот на ЈП Национални Шуми, г-ѓа Маре Басова и Владимир Костовски, генерален секретар на Сојуз на извидници на Македонија се вратија на почетоците на оваа приказна. Истата започнува од млади ентузијасти, извидници кои бараат поддршка за нивната идеја.

Според г-ѓа Басова, Сојузот на извидници на Македонија (СИМ) излегол со конкретна идеја и план, кои иако се чинеле недостижни, се покажале како одличен модел за соработка.

Г-дин Владимир потенцираше дека специфичноста на извидничките активности е методот на кои истите се имплементираат, правејќи ги реални, достижни, ефективни и со огромно влијание врз младите кои се вклучуваат.

Според организаторите, Боренка е повеќе од само акција за пошумување. Боренка е доказ за волјата на младите, силата на институциите, меѓусекторската соработка, важноста на едукацијата на најмладите и моќта на волонтерите. Боренка – интерактивна акција која има за цел да ја подигне свеста на граѓаните, особено на децата и младите, за важноста на шумите, заштитата на природата, последиците од глобалното затоплување и превенција и заштита од пожари.

The post БОРЕНКА ЌЕ ПОШУМУВА ОПОЖАРЕНИ ПОДРАЧЈА Да се подигне свеста на граѓаните и најмладите за важноста на шумите appeared first on plusinfo.mk.

„Бич бар“ и капачите на плажата се евакуирани, а полицијата го обезбедува местото на настанот.

Инаку во непосредна близина на плажата во Чањ е сместен и македонскиот камп, основан од македонскиот извиднички одред ИПО Галеб. По акцијата на анти-терористичката единица на црногорската полиција, утврдено е дека во објектот не е поставена експлозивна направа.

The post ДОЈАВА ЗА БОМБА НА ПЛАЖАТА ВО ЧАЊ Во близина е кампот на македонските извидници appeared first on plusinfo.mk.

Од доставеното известување произлегува дека родител на една од учесничките на настанот пријавил во СВР Скопје, дека настанот кој се одржувал во местото Градовци, општина Зелениково не бил само со едукативен карактер туку дека во него има елементи на детска порнографија. Тој навел дека според неговите сознанија таму се прикажувале пози на деца кои во себе содржат сексуален мотив и дејствија кои прикажуваат очигледно полово дејствие.

Со цел да се проверат овие наводи, Основното јавно обвинителство Скопје до надлежното Одделение за крвни и сексуални деликти при СВР Скопје, достави наредба да се испитаат сите учесници на настанот и да се прибави мобилен апарат од еден од водичите на кој би се очекувало да се пронајдат записи кои произлегуваат од настанот, а кои би можеле да послужат како доказ во кривичната постапка. По одземање, мобилниот телефон беше доставен до Секторот за компјутерски криминал и дигитална форензика, каде беше извршено излекување на сите записи и нивна анализа. СВР Скопје ги изврши бараните разговори со сите инволвирани лица во овој настан.

По проучување на сите материјални и вербални докази, а пред се на исказите а сите кои учествувале на настанот, од извидници и водичи, како и лица од „Прв Скопски извиднички одред“ кои биле задолжени за организирање на настанот, јавниот обвинител утврди дека во конкретниот случај ни еден од елементите кои се дефинирани во Кривичниот законик како елементи на кривичното дело – Производство и дистрибуција на детска порнографија од чл.193-а од КЗ или друго кривично дело не се евидентирани во дејствијата на кој било од учесниците.

Сите испитани инволвирани учесници, почнувајќи од волонтерите водичи преку самите извидници кои учествувале на настанот, наведуваат дека станува збор за настан кој се одвивал во повеќе етапи. Покрај класичните извиднички дејствија, а тоа е преминување одредена територија пешки, врзување јазли, логорување, подготовка на храна и слично, биле додадени и вежби и активности кои што претставуваат сексуална едукација на лицата кои што учествувале со нагласка дека станува збор за лица на возраст од 16 до 21 година. Дејствијата биле насочени како превентивни, но и едукативни материјали кои директно и индиректно би значеле заштита од венерично преносливи заразни болести и заштита од несакана бременост. Ова било спроведено низ игри и вежби, за кои анализата дали одговараат или не на возраста на учесниците и дали природата на вежбата е во согласност со нивните потреби може да се врши низ социолошки аспект, но не и да биде предмет на кривично-правна одговорност, бидејќи дејствијата не ги содржат елементите на предметните кривични дела предвидени во законот.

Воедно, во прибавените материјали од одземениот мобилен телефон од учесникот кој што според подносителот на пријавата вршел фотографирање на настанот, не може да се забележат содржини кои имаат елемент на порнографија или детска порнографија, односно ниедна од анализираните содржини не укажува на материјал кој визуелно прикажува очигледни полови дејствија со дете или повозрасно лице кое изгледа како дете.

Имајќи ги предвид сите обезбедени и анализирани докази, јавниот обвинител одлучи дека во конкретниот случај нема место за јавнообвинителско постапување.​

The post НЕМА ОБВИНЕНИЕ ЗА ИЗВИДНИЦИТЕ Обвинителот не пронашол кривично дело во „Sex Scouts, Rock and Roll“ appeared first on plusinfo.mk.

„Наводите за финансиска поддршка од ХЕРА се неточни. Единствената поддршка што Првиот скопски извиднички одред ја има побарано и добиено од ХЕРА е во вид на промотивни материјали. Нашата цел е да ја подигнеме свеста за сексуалното и репродуктивното здравје, ХИВ и родово заснованото насилство заради што овие промотивни материјали отсекогаш биле достапни и бесплатни за секој поединец и организација преку сите наши сервиси. Промотивните материјали не се врзани со овој настан, туку им се даваат на сите организации, институции и поединци кои работат со млади лица“, се вели во реакцијата.

Таму е наведено дека ХЕРА нема никаков договор за програмска или за финансиска поддршка на Првиот скопски извиднички одред.

„Оваа информација можете да ја проверите и преку нашите годишни и финансиски ревизорски извештаи кои се јавно достапн на нашата веб-страница. Оттука, како организација не сносиме никаква одговорност за програмските активности во кои не сме вклучени“, наведено е во демантот.

The post АСОЦИЈАЦИЈАТА ХЕРА НЕ ГИ ФИНАНСИРАЛА СЕКС-СКАУТИТЕ Им делела само брошури и материјали за превенција од ХИВ appeared first on plusinfo.mk.

Фондацијата Сорос ги демантира написите дека скандалозниот извиднички настан „Секс, скаутс и рок енд рол“ добил грант во вредност од 12.229 долари, а како што велат оттаму, точно е дека грантот бил доделен на Првиот скопски извиднички одред, но за проектот „Петтиот елемент“ кој се однесувал на заштитата на животната средина.

„Изнесените информации се комплетна невистина и претставуваат дезинформирање на јавноста. Управниот одбор на Фондацијата Отворено општество-Македонија во рамките на концептот Зелен скок-партнерства за климатска акција, на јавен повик за поддршка на активности на граѓански организации и неформални групи, меѓу другите, донесе одлука и за поддршка на проектот Петтиот елемент поднесен од Прв скопски извиднички одред (ПСИО) со грант бр. 10664 во денарска противвредност на 12.229 долари. Согласно проектната документација, главната цел на проектот ’Петтиот елемент‘ е создавање на позитивна средина за учење и заштита на животната средина преку неформална едукација за деца и млади во природа. Посебните цели на проектот вклучуваат создавање позитивна средина за учење и заштита на животната средина преку неформална едукација за деца и млади во природа и подигнување на јавната свест  за заштитата на животната средина, како и креирање одржливи програми преку врсничка едукација“, се вели во реакцијата на фондацијата Сорос.

Оттаму објаснуваат дека проектот е наменет за млади од 17 до 25 години и дека е предвидено да трае до 31 октомври годинава.

„Согласно планот за реализација, досега е адаптирана и креирана одржлива програма за промоција и едукација на тема животна средина со симболичка рамка. Дополнително, на летен камп кој се одржал во јули на Охридското крајбрежје се обучени 20 врснички едукатори за имплементирање на програма за чиста и здрава животна средина. Во тек се подготовките за реализација на останатите сесии за врсничка едукација, како и видео кампања на темата заштита на животна средина“, се вели во соопштението.

Министерството за внатрешни работи пред два дена добило пријава од родител во врска со извидничкиот камп во близина на Скопје, на кој според, тврдењата на родителот, малолетни деца биле вклучени во непримерни активности.

Од МВР потврдуваат дека извршиле разговор со родителот и оти за случајот е известен Јавен обвинител.

МВР, како што, нагласија оттаму постапуваат по насоки дадени од Oбвинителството за расчистување на случајот.

Лицата кои се инволвирани активностите на извидничкиот камп, по насока на Oбвинителството се повикани на разговор во полиција, потврдија за МИА извори од истрагата.

Од Јавното обвинителство во одговор на прашање на МИА, велат: „Дежурен јавен обвинител е известен за настанот за кој покажувате интерес и издаде насоки до Министерството за внатрешни работи за дејствија кои треба да се преземат со цел утврдување на фактичката состојба“.

Случајот го обелодени „Слободен печат“, во чија редакција се обратил родител, а според неговите тврдења на кампот во близина во Скопје имало непримерни активности во кои малолетници меѓу другото ги боеле своите полови органи и оставале отпечатоци од нив на хамер и симулирале секс позиции до манастир под превезот на сексуална едукација.

Тој сведочел дека неговата малолетна ќерка на кампот, кој се одржал изминатиот викенд доживеала шок и трауми на извидничкиот камп организиран во близина на Скоје, насловен како „Есенски бакнежи и прегратки, секс скаутс и рок енд рол“.

Девојчето се обратило до училишниот психилог со писмена изјава, а родителот во аудио разговор со „Слободен печат“ ја озбразложува и вели дека активностите на кампот биле несоодветни, вклучувале соблекување на облеката и прашања колку сексуални партнери имале децата, глумење секс пози, боење на полови органи, пеење песни во долна облека.

За случајот реагираше Хера, Асоцијацијата за здравствена едукација, која апелира за итно постапување на институциите по допрен глас и за целосно расветлување и разрешување на случајот поврзан со извидничкиот настан „Секс скаутс енд рокенрол“.

The post ФОНДАЦИЈАТА СОРОС ИМ ДАЛА ПАРИ НА ИЗВИДНИЦИТЕ, АМА НЕ ЗА СЕКС ВО ПЛАНИНА Грантот бил за едукација за животната средина appeared first on plusinfo.mk.

Град Скопје се оградува од активностите на Првиот скопски извиднички одред кои предизвикаа реакции во јавноста поради скандалот со злоупотреба на малолетници за време на проектот „Секс, скаутс и рок енд рол“.

„Сакаме да информираме дека во проектната документација доставена до нас ја нема наведено спорната активност, ниту имаат доставено каква било информација која би укажала на одржување на таа активност. Дополнително, учесниците на настанот учествувале во приватна режија и не биле организирани од училиштата. Имајќи предвид дека настанот кој се случил предизвика лавина негативни реакции во јавноста и нè шокираше и нас како институција, Град Скопје го прекинува договорот со Првиот скопски извиднички одред. Ја споделуваме загриженоста и осудите од страна на стручните лица и општата јавност и се согласуваме дека сексуалното образование не може да се спроведува од ентузијасти туку исклучиво од професионалци во областа“, соопшти Град Скопје.

Министерството за внатрешни работи (МВР) пред два дена добило пријава од родител во врска со извидничкиот камп во близина на Скопје, на кој според, тврдењата на родителот, малолетни деца биле вклучени во непримерни активности.

Од МВР потврдуваат дека извршиле разговор со родителот и оти за случајот е известен Јавен обвинител.

МВР, како што, нагласија оттаму постапуваат по насоки дадени од Oбвинителството за расчистување на случајот.

Лицата кои се инволвирани активностите на извидничкиот камп, по насока на Oбвинителството се повикани на разговор во полиција, потврдија за МИА извори од истрагата.

The post ГРАД СКОПЈЕ МУ РАСКИНА НА „ПЕТТИОТ ЕЛЕМЕНТ“ Прекинува соработката со секс-скаутите appeared first on plusinfo.mk.

Министерството за внатрешни работи пред два дена добило пријава од родител во врска со извидничкиот камп во близина на Скопје, на кој според, тврдењата на родителот, малолетни деца биле вклучени во непримерни активности.

Од МВР за МИА потврдуваат дека извршиле разговор со родителот и оти за случајот е известен Јавен обвинител. МВР, како што, нагласија оттаму постапуваат по насоки дадени од Oбвинителството за расчистување на случајот.

Лицата, кои се инволвирани активностите на извидничкиот камп, по насока на Oбвинителството се повикани на разговор во полиција, потврдија за МИА извори од истрагата.

Од Јавното обвинителство во одговор на прашање на МИА, велат: „Дежурен јавен обвинител е известен за настанот за кој покажувате интерес и издаде насоки до Министерството за внатрешни работи за дејствија кои треба да се преземат со цел утврдување на фактичката состојба“.

Случајот го обелодени „Слободен печат“, во чија редакција се обратил родител, а според неговите тврдења на кампот во близина во Скопје имало непримерни активности во кои малолетници меѓу другото ги боеле своите полови органи и оставале отпечатоци од нив на хамер и симулирале секс позиции до манастир под превезот на сексуална едукација.

Тој сведочел дека неговата малолетна ќерка на кампот, кој се одржал изминатиот викенд доживеала шок и трауми на извидничкиот камп организиран во близина на Скоје, насловен како „Есенски бакнежи и прегратки, секс скаутс и рок енд рол“.

Девојчето се обратило до училишниот психилог со писмена изјава, а родителот во аудио разговор со „Слободен печат“ ја озбразложува и вели дека активностите на кампот биле несоодветни, вклучувале соблекување на облеката и прашања колку сексуални партнери имале децата, глумење секс пози, боење на полови органи, пеење песни во долна облека.

За случајот реагираше Хера, Асоцијацијата за здравствена едукација, која апелира за итно постапување на институциите по допрен глас и за целосно расветлување и разрешување на случајот поврзан со извидничкиот настан „Секс скаутс енд рокенрол“.

The post СЕКС-СКАУТИТЕ ДАВААТ „ОТИСОК“ ВО ПОЛИЦИСКА СТАНИЦА Случајот со децата-извидници заврши во рацете на Обвинителството appeared first on plusinfo.mk.

Еден од најважните постулати на сексуалното образование е да се гарантира безбедна средина за секој учесник и да постои согласност за учество од страна на учесникот, но според сведоштвото на некои родители, програмата на ивидничкиот настан „Секс скаутс и рок енд рол“ нема никаква врска со сексуална едукација.

Вака реагираше Асоцијацијата за здравствена едукација ХЕРА, по обелоденувањето на големиот скандалозен проект на Првиот скопски извиднички одред, каде што учесниците-малолетници се соблекувале, глумеле секс пози и учествувале во безобразни игри кои вклучувале боење на половите органи.

Плусинфо истражуваше и дозна дека проектот „Петтиот елемент“ на Првиот скопски извиднички одред годинава бил финансиран од фондацијата Сорос, но претходните години, конкретно во 2019 година, бил финансиски поддржан од Град Скопје и токму од здружението ХЕРА.

Од Асоцијацијата за здравствена едукација апелираат за итно постапување на институциите по допрен глас и за целосно расветлување и разрешување на случајот кој го разоткри родител на учесник кој минатиот викенд бил дел од настанот.

„Според сведоштвото, учесниците на настанот, меѓу кои и малолетни лица биле дел од активности кои се недозволиви и немаат никаква врска со сексуална едукација. Информациите од родителот укажуваат на кршење на малолетнички права и на сексуално вознемирување и насилство – однесувања кои се неприфатливи и кои, доколку се утврди дека навистина се случиле, мора да се санкционираат. Еден од најважните постулати на сексуалното образование е да се гарантира безбедна средина за секој учесник и да постои согласност за учество од страна на учесникот, што е уште поважно кога станува збор за малолетни лица кои немаат законска можност да дадат согласност. Доколку се спроведува правилно, сексуалното образование треба теориски да укажува како да се заштитиме од сексуално преносливите инфекции, сексуалното вознемирување, сексуалното насилство и дискриминацијата и во никој случај не смее да опфаќа активности преку кои учесниците се злоупотребени, доведени во непријатна ситуација или наведени да прават нешто против својата волја. Оттука, сексуално образование или едукација не може и не смее да предава секој ентузијаст кој смета дека има познавање од тематиката. Сексуалното образование не е импровизација. За да се изведува онака како што треба, мора да се следат насоките на УНЕСКО и на Светската здравствена организација и мора да биде спроведувано и надгледувано од докажани експерти во областа, психолози, доктори и сертифицирани едукатори и институции“, соопшти ХЕРА.

Оттаму посочуваат дека едно од основните човекови права е правото на образование и дека не смееме да дозволиме младите да ги бараат овие права и информации каде било. Местото за образование е во училиштето или неформалната едукација која може да ја спроведуваат единствено искусни, докажани и стручни лица.

„Истовремено, ги демантираме информациите кои се појавија на социјалните мрежи дека ХЕРА е организатор или поддржувач на горенаведениот настан. Според интерните политики, во изминатите 20 години ХЕРА обезбедува едукативни и информативни материјали и средства за превенција на ХИВ, кои се бесплатни и достапни во нашите сервиси за сите поединци и организации. Оттука, се оградуваме од каква било одговорност за настани и тренинг-програми во чии подготовки и спроведување не сме учествувале. Најпосле, апелираме до сите родители и старатели во иднина, пред да дадат согласност за учество на малолетни деца во какви било активности, да побараат детална програма за активностите и информации за одговорните лица кои ќе гарантираат безбедна средина за учесниците. Ги охрабруваме младите кои имаат какво било искуство поврзано со вознемирување, насилство или злоупотреба, да се обратат за бесплатна психолошка поддршка во Првиот семеен центар на ХЕРА секој работен ден, од 10 до 18 часот (контакт: 02/ 3200 007)“, се наведува во одговорот од ХЕРА.

The post СЕКСУАЛНО ОБРАЗОВАНИЕ НЕ МОЖЕ ДА ПРЕДАВА СЕКОЈ ЕНТУЗИЈАСТ Здружението ХЕРА им нуди психолошка помош на децата-извидници appeared first on plusinfo.mk.