„Венко Филипче уште не е вратен од годишниот одмор, а сè уште од јахтата на Зоран Заев повикува на хистерија, најпрво за водата во Гостивар, потоа за водата во Скопје, а сега и за нилската треска“ – пишува ВМРО-ДПМНЕ во соопштение.

„Нели е сосема чудно што ова лето нема пожари како што имаше минатото лето во Вардариште и Дрисла? Единствената крупна разлика е што оваа година нема локални избори, па СДСМ пироманска се претвори во СДСМ хистерична.

Така, последниве два дена СДСМ бара извештај за водата во Гостивар, а тој извештај е објавен од Министерството за здравство, но нема ниту збор, ниту повик за извештајот од Општина Гостивар. Нема никаква критика кон нивниот градоначалник на Гостивар.

Последното е што напаѓаат за нилската треска, а притоа изоставуваат да кажат дека најголемиот број смртни случаи во периодот од 2018 до 2025 година се регистрирани во 2019 година, кога министер за здравство е Венко Филипче.

СДСМ креира состојба на хаос затоа што нема аргументи и нема понуда. Венко Филипче е аномалијата на политиката во Македонија“ – се вели во соопштението на ВМРО-ДПМНЕ.

The post АНОМАЛИЈАТА НА ПОЛИТИКАТА ВО МАКЕДОНИЈА СЕ ВИКА ВЕНКО ФИЛИПЧЕ Од јахтата на Заев повикува на хистерија appeared first on plusinfo.mk.