Генералниот директор на Одборот за мир, иницијатива на американскиот претседател Доналд Трамп, Николај Младенов, денеска ги повика страните во регионот да „покажат воздржаност и да го почитуваат примирјето“, откако во близина на граничниот премин Рафа, во пресрет на неговото отворање, дојде до судири и пријавени жртви.

– Длабоко сум загрижен поради настаните што се случија во петокот. Вооружени припадници на (палестинското милитантно движење) Хамас излегуваат од тунелите во Рафа, а израелските напади, за жал, убија и цивили, наведе Младенов во објава на Х.

Младенов истакна дека неговата канцеларија работи со Националниот комитет за управување со Газа за да се „најдат начини за спречување на идни инциденти“.

– За ова ќе биде потребна целосна соработка од сите страни, додаде Младенов, нагласувајќи дека ваквите инциденти претставуваат ризик за тешко постигнатиот напредок предвиден со Резолуцијата 2803 на Советот за безбедност на ОН и мировниот план на Трамп од 20 точки.

Во израелските напади, според наводите на „Ал Џезира“, врз јужна и централна Газа вчера загинале повеќе од 30 луѓе, меѓу кои и неколку деца.

Граничниот премин Рафа меѓу Египет и Појасот Газа повторно е отворен денеска, по речиси една година, но со значителни ограничувања, јавуваат израелските медиуми.

Движењето на луѓе ќе биде дозволено од утре, додека сè уште се водат разговори за безбедносните и оперативните процедури, објави израелскиот портал „Јнет“, наведувајќи дека преминот засега функционира само „на пробна основа“.

Израелска портпаролка го потврди извештајот, додека палестински извори соопштија дека во почетната фаза околу 50 пациенти ќе добијат дозвола да го напуштат Појасот Газа, заедно со нивните придружници.

Од друга страна, египетски безбедносни извори наведуваат дека Израел сè уште не ја отворил палестинската страна на преминот. Израелската војска ја задржува контролата врз границата по прекинот на огнот во октомври, кој следеше по повеќе од две години војна.

Според истите извори, отворањето на преминот за движење на луѓе е одложено за понеделник, што значи дека денеска ниеден Палестинец нема да може да ја напушти Газа, а пробниот период ќе послужи за тестирање на функционирањето.

Се проценува дека од утре дневно ќе можат да ја напуштат Газа околу 150 лица, додека околу 50 ќе имаат дозвола да се вратат во разурнатата палестинска територија.

Израел претходно оваа недела соопшти дека јужниот граничен премин ќе биде повторно отворен за „ограничено движење на луѓе“, откако палестинската екстремистичка група Хамас ги предаде посмртните останки на последниот израелски заложник што го држеше во Газа.

Повторното отворање на преминот е дел од мировниот план за Газа на американскиот претседател Доналд Трамп.

Израелските власти соопштија дека само околу 42.000 Палестинци кои ја напуштиле Газа за време на војната ќе можат повторно да влезат преку овој премин.

Според здравствените власти во Појасот Газа, околу 20.000 болни Палестинци во моментов чекаат дозвола да заминат на лекување во Египет, од кои 440 се во критична состојба и им е загрозен животот.

На итната листа се наоѓаат и околу 4.000 пациенти со канцер и 4.500 деца.

Влезот и излезот од Газа ќе се одобруваат во соработка со Египет, со безбедносна проверка од Израел и дополнителен скрининг од мисија на Европската Унија.

Досега, преку граничните премини со Израел беше дозволен само ограничен влез на хуманитарна помош во разурнатиот Појас Газа.

The post ОДБОРОТ НА ТРАМП ПОВИКА ДА СЕ ПОЧИТУВА ПРИМИРЈЕТО ВО ГАЗА Во последните израелски напади беа убиени повеќе од 30 Палестинци appeared first on plusinfo.mk.

Четворица новинари се меѓу најмалку 8 лица убиени во понеделникот при напад врз болница во јужна Газа, меѓу нив и хонорарна новинарка која работела за Асоушиетед прес (AП), објави Асоушиејтед прес.

Маријам Дага, 33-годишна новинарка, хонорарно соработувала со АП од почетокот на војната во Газа, како и со други медиуми.

Таа известувала за лекарите во болницата „Насер“ кои се мачеле да спасат деца без претходни здравствени проблеми, а кои умирале од глад.

Ал Џазира и Ројтерс потврдика дека се убиени нивни новинари

„Ал Џазира“ потврди дека нејзиниот новинар Мохамед Салам бил меѓу убиените во нападот врз болницата „Насер“.

Од Ројтерс објавија дека нивниот хонорарeн снимател Хусам ал-Масри, исто така, бил убиен во нападот. Фотографот Хатем Халед, кој исто така бил хонорарец на Ројтерс, бил ранет, соопшти агенцијата.

Вкупно 192 новинари се убиени во конфликтот

Војната во Газа е една од најкрвавите за медиумските работници: вкупно 192 новинари се убиени во Газа во 22-месечниот конфликт, според Комитетот за заштита на новинарите (CPJ).

За споредба, досега во војната меѓу Русија и Украина се убиени 18 новинари, наведува CPJ.

Канцеларијата на израелскиот премиер и на израелската војска одбија да коментираат за инцидентот.

The first moments of the Israeli strike on Nasser Hospital in Khan Yunis, southern Gaza Strip. pic.twitter.com/eDj7GAWjmS

— TIMES OF GAZA (@Timesofgaza) August 25, 2025

The post 📽 ИЗРАЕЛСКАТА ВОЈСКА УБИ НОВИНАРИ НА РОЈТЕРС, АЛ ЏАЗИРА И НА АСОУШИЕЈТЕД ПРЕС Бизарни снимки од нападот врз болница во Газа appeared first on plusinfo.mk.

Израелскиот премиер Бенјамин Нетанјаху изјави дека целта на Израел не е да ја окупира територијата на Појасот Газа, туку да го ослободи, при што најдобриот начин за завршување на војната е целосно разоружување на милитантната исламистичка група Хамас.

– Хамас сè уште поседува илјадници вооружени терористи во Газа, кои крадат храна и пукаат кон цивилното население. Ниту една земја не може да го одобри дејствувањето на геноцидна терористичка организација – истакна Нетанјаху.

Тој додаде дека војната, која трае од октомври 2023 година, може да заврши веднаш штом Хамас се разоружа и ги ослободи сите преостанати израелски заложници.

Премиерот наведе пет принципи како услови за крај на конфликтот: разоружување на Хамас, ослободување на заложниците, воспоставување безбедносни контроли, демилитаризација на Појасот Газа и воспоставување мирна, неизраелска цивилна администрација.

Цивилната администрација, како што рече, ќе делува како преодна влада и веќе се разгледуваат кандидати за нејзино раководство, но тие засега не се именуваат.

– Бидејќи Хамас не сака да се разоружа, Израел нема друг избор освен да ја заврши својата мисија за негово покорување – рече Нетанјаху, истакнувајќи дека моментално Израел контролира 75 проценти од територијата на Појасот Газа.

Тој исто така најави дека кабинетот за безбедност дал наредба до израелската армија да ги уништи двете преостанати упоришта на Хамас – во градот Газа и во камповите во централниот дел на Појасот.

– Ова е најдобриот начин да се заврши војната – заклучи Нетанјаху.

The post „ГАЗА ЌЕ БИДЕ ОСЛОБОДЕНА, НЕ ОКУПИРАНА“ Нетанјаху ги откри клучните чекори за мир appeared first on plusinfo.mk.

Најмалку 45 лица, главно жени, деца и постари лица, загинаа, а повеќе од 200 се повредени кога избувна пожар по израелски напад во неделата во најјужниот град на Појасот Газа, според Министерството за здравство на Газа и палестинската служба за брза помош.

#Israel carried out last night’s #Gaza massacre with American-supplied GBU-39 Small Diameter Bombs (SDB). https://t.co/pVi2uB3Hdo pic.twitter.com/VNMVlaXDmd

— EHA News (@eha_news) May 27, 2024

Видеата објавени на социјалните мрежи покажуваат дел од бомба со мал дијаметар ГБУ-39, потврдија за Си-Ен-Ен четворица експерти за експлозиви кои го прегледаа видеото.

– ГБУ-39 е бомба произведена од Боинг и е муниција со висока прецизност „дизајнирана да напаѓа стратешки цели“ и да резултира со мала колатерална штета – вели експертот Крис Коб-Смит.

Сепак, тој додаде дека употребата на каква било муниција, дури и со таа големина, секогаш претставува ризик во густо населена област.

Тревор Бол, поранешен член на тимот за деминирање, исто така го идентификуваше фрагментот ГБУ-39 на видеото.

The post 📷 ИЗРАЕЛ УДРИЛ НА РАФАХ СО АМЕРИКАНСКО ОРУЖЈЕ Експерти за експлозив иденификуваа бомби ГБУ-39 appeared first on plusinfo.mk.

Израелската војска соопшти дека цел била команда и контролен центар на Хамас во близина и дека при тоа била предизвикана штета на ѕидот на црквата.

It’s a shame, churches are known for sheltering people regardless of religion. Now we can’t be safe in a church pic.twitter.com/rdVKPGSqG5

— FPL فانتسي الدوري الانجليزي (@hulkyhaitham) October 20, 2023

Генералниот директор на болницата Шифа, Мухамед Абу Селмија, изјави дека десетици луѓе се повредени во нападот, но дека не може да го наведе точниот број на загинати бидејќи телата сѐ уште се под урнатините, пренесува АП.

Според неофицијалните податоци, во нападот се убиени над 40 лица.

Breaking: Israel has just bombed the oldest christian church in Palestine – the Greek-Orthodox Church of Saint Porphyrius.

40 Christians have been killed!

It was one of the oldest churches in the world where 500 where seeking shelter from the war damages in Gaza.… pic.twitter.com/PfSvI7EZLm

— Dr. Anastasia Maria Loupis (@DrLoupis) October 19, 2023

Грчката православна патријаршија во Ерусалим го осуди нападот и додаде дека „нема да се откаже од својата верска и хуманитарна должност“ да пружи помош.

Еден од преживеаните изјави за Ал Џезира дека израелската армија претходно не испратила предупредување.

Црквата Свети Порфириј се наоѓа во областа Ел Зајтун во стариот дел на Газа. Во 7.век таа била претворена во џамија, пред да биде изградена нова црква во 12.век за време на крстоносните војни.

The post 📽 БОМБАРДИРАНА ГРЧКА ПРАВОСЛАВНА ЦРКВА ВО ГАЗА Во неа биле сместени раселените Палестинци appeared first on plusinfo.mk.

Повикувајќи се на воен извор, државната новинска агенција САНА објави дека Израел „извршил воздушен напад од правец на Средоземното Море, западно од Латакија, гаѓајќи го меѓународниот аеродром во Алепо“ и дека е направена материјална штета. Засега не е јасно дали има жртви.

Иако Израел во изминатите години стотици пати нападна делови од Сирија кои се под контрола на владата во Дамаск, вклучително и аеродромите во Дамаск и Алепо, земјата ретко презема одговорност.

Израел, сепак, потврди дека ги напаѓа базите на милициите поврзани со Иран, како што е либанскиот Хезболах, кој испрати илјадници борци да ги поддржат силите на сирискиот претседател Башар ал Асад.

Алепо, кој претрпе големи разурнувања во сириската граѓанска војна, повторно беше тешко оштетен во смртоносниот земјотрес со јачина од 7,8 степени според Рихтеровата скала што ги погоди Турција и Сирија на 6 февруари.

Израелските воздушни напади на 19 февруари беа насочени кон станбени области во сирискиот главен град Дамаск, при што загинаа најмалку пет лица, а беа повредени 15, јавуваат сириските државни медиуми.

На 2 јануари сириската армија објави дека израелската армија истрелала ракети кон меѓународниот аеродром во Дамаск. Во тој напад загинаа двајца војници, а аеродромот е оштетен и не е во функција. Израелските власти стравуваат дека аеродромот се користи за испорака на иранско оружје.

The post ВО ИЗРАЕЛСКИ НАПАД Е ОШТЕТЕН АЕРОДРОМ ВО АЛЕПО Нема информација за загинати или повредени appeared first on plusinfo.mk.