Хрватскиот претседател Зоран Милановиќ одби да даде согласност за предложениот израелски амбасадор Нисан Амдур поради „актуелната политика на израелските власти“, соопшти денеска неговиот кабинет.

Милановиќ е остар критичар на израелската воена кампања во Појасот Газа, која ја нарече геноцид, како и на американско-израелските напади врз Иран, потсетува Хина.

„Со оглед на постапувањето на израелската страна, Кабинетот на претседателот на Републиката потврдува дека предложениот амбасадор на Државата Израел не доби, ниту ќе добие согласност од претседателот Зоран Милановиќ, и тоа поради политиката на актуелните израелски власти“, се наведува во соопштението, при што се додава дека давањето согласност е суверено право на Хрватска и дека никакви јавни или политички притисоци нема да ја променат одлуката.

Амдур, кој беше одобрен како замена за сегашниот амбасадор Гари Корен, ќе пристигне во Хрватска на крајот на мај како вршител на работи, позиција за која не е потребно одобрение од претседателот, објави претходно „Тајмс оф Израел“ (Times of Israel), нарекувајќи го Милановиќ „антиизраелски“ политичар.

Израелскиот портал „Инет“ (Ynet) пишува дека ова е првпат хрватски претседател да одбие странски амбасадор, оценувајќи го тоа како „сериозно кршење на дипломатскиот протокол“.

Од кабинетот на Милановиќ возвратија дека Израел го прекршил непишаното правило со тоа што јавно го објавил името на предложениот амбасадор пред тој да добие официјална согласност од земјата-домаќин. Претходно, во март, актуелниот амбасадор Корен беше повикан на разговор на Пантовчак поради неговите изјави во кои го повика Загреб да ги прекине дипломатските односи со Техеран.

The post ХРВАТСКИОТ ПРЕТСЕДАТЕЛ НЕ МУ ДАДЕ АКРЕДИТИВИ НА НОВИОТ АМБАСАДОР НА ИЗРАЕЛ Причина – политиката на израелските власти appeared first on plusinfo.mk.

– Денеска ќе ви подигнам огледало – рече Ердан, вадејќи ја машината за уништување хартија во која уништи копија од Повелбата.

שגריר ישראל באו״ם גלעד ארדן תקף את האו״ם במהלך דיון בעצרת הכללית לפני הצבעה על החלטה שנותנת זכויות נוספות לפלסטינים באו״ם וקוראת למועצת הביטחון לשקול מחדש לקבל את מדינת פלסטין כחברה מלאה בארגון. הוא הוציא מגרסת נייר וגרס מעל הבמה את אמנת האו״ם pic.twitter.com/Q41n1UtvnT

— Barak Ravid (@BarakRavid) May 10, 2024

– Со свои раце ја уништувате Повелбата на ОН. Да, да, тоа е она што го правите. Уништување на Повелбата на ОН. Срам да ви е – рече израелскиот амбасадор.

Претходно, за време на расправата за претстојната резолуција, тој рече дека Обединетите нации се обидуваат да дозволат „терористичка држава“ да стане членка.

Ердан заклучи дека палестинската држава ќе ја води „Хитлер на нашето време“.

Резолуцијата на Генералното собрание на Обединетите нации, со која се повикува Советот за безбедност на ОН да го разгледа членството на Палестина во оваа светска организација, беше усвоена во петокот со 143 гласа „за“, 9 гласа „против“ и 25 воздржани.

Резолуцијата го повикува Советот за безбедност „поволно да ја преиспита работата“ и се нагласува дека „палестинската управа е квалификувана за членство во Обединетите нации“.

The post 📽 ИНЦИДЕНТ ВО ГЕНЕРАЛНОТО СОБРАНИЕ НА ОН Израелскиот амбасадор на говорница ја уништи Повелбата на ОН appeared first on plusinfo.mk.