Претседателот на САД, Доналд Трамп, денеска изјави дека ЕУ ќе испрати поголема помош за Газа и дека планира да побара и од британскиот премиер Кир Стармер да помогне.

На заедничката прес-конференција во Шкотска со Стармер, Трамп исто така рече дека разговарал со израелски претставници и им рекол дека можеби ќе мора да дејствуваат поинаку.

Тој додаде дека на луѓето во Газа им е итно потребна храна и безбедност.

Трамп му противречи на Нетанјаху

Трамп ѝ противречеше на изјавата на израелскиот премиер Бенјамин Нетанјаху за гладот во Газа, изјавувајќи пред новинарите дека „палестинските деца изгледаат многу гладни“ врз основа на телевизиското покривање, за време на прес-конференција на неговиот голф-имот во Тернбери, Шкотска, објави Израел Хајом.

Претседателот откри детали за американска хуманитарна помош која досега не била признаена, непосредно пред неговата средба со претседателката на Европската комисија, Урсула фон дер Лајен.

– Дадовме 60 милиони долари пред 2 недели за храна за Газа. И никој не го призна тоа, никој не зборува за тоа. И се чувствуваш малку лошо кога го правиш тоа. А има и други земји што не даваат ништо… Би било убаво барем да добиеме „благодарам“ – рече Трамп.

Запрашан за тврдењето на Нетанјаху дека нема глад во Газа, Трамп одговори:

– Не знам. Судејќи по телевизијата, би рекол не баш, затоа што тие деца изгледаат многу гладни. Тие мора да добијат храна и безбедност веднаш

Трамп изнесе и детали од средбите со семејства на заложници, опишувајќи ја неговата проценка за ситуацијата со Хамас.

– Тие (семејствата на заложниците) се разурнати. И јас им реков, кога ќе се сведат на мал број, тогаш нема да можете да направите договор со Хамас, затоа што штом ќе ги ослободат, ќе сметаат дека тоа е крајот за нив. И тоа што го кажав е точно. Знаете, имаа рутински разговор пред некој ден и одеднаш тие (Хамас) се зацврстија. Не сакаат да ги вратат. Затоа Израел ќе мора да донесе одлука – изјави тој.

Трамп изрази загриженост за раширена кражба што ја попречува хуманитарната помош во Газа, велејќи:

– Луѓето ја крадат храната, ги крадат парите, ги крадат парите за храната. Крадат оружје. Крадат сѐ. Тоа е хаос. Целиот тој регион е хаос.

Претседателот ја критикуваше историската одлука на Израел за повлекување од Газа како контрапродуктивна, објаснувајќи:

– Појасот Газа, знаете, беше даден пред многу години за да се постигне мир. Тоа не испадна баш добро… Не беше баш многу паметна работа затоа што беше даден со цел конечно да имаат мир. А всушност ситуацијата се влоши.

Трамп појасни дека моментално не се позиционира по прашањето за признавање на палестинската државност, туку се фокусира на итните хуманитарни потреби, опишувајќи го својот пристап како:

–Сега се занимавам со тоа да нахраниме луѓе, тоа е првото нешто.

The post „ДЕЦАТА ВО ГАЗА ИЗГЛЕДААТ МНОГУ ГЛАДНИ НА ТВ“ Трамп рече дека ЕУ ќе испрати поголема помош за Палестинците и дека ќе побара и од Велика Британија да помогне appeared first on plusinfo.mk.

Сигурно е дека оваа војна нема да заврши толку брзо, а магазинот Форин полиси претставува пет причини зошто уште некое време нема да видиме мир на Блискиот Исток.

1. Непомирливи и неделиви цели

Во срцето на секој спор е длабок структурен проблем. Израелските и палестинските националисти сакаат да живеат и да го контролираат истото парче територија за кое секоја страна верува дека историски им припаѓа. Секоја страна има основа за своето тврдење и секоја жестоко верува дека нејзината позиција треба да ја надмине позицијата на другата страна.

Експертите за меѓународни односи ваквите ситуации ги нарекуваат проблеми на „неделивост“: Потешко е да се реши спорот ако спорните прашања не можат да се поделат на начин што е прифатлив за двете страни. Додадете го на тоа сложениот и оспоруван статус на Ерусалим, свето место за трите главни религии, и ќе го имате совршениот рецепт за проблемите кои се повторуваат со децении. Иако имаше неколку предлози за разумна поделба на земјата во изминатиот век, гласовите кои повикуваат на компромис беа задушени или маргинализирани од оние кои ја сакаат целата спорна територија. За жал, национализмот обично функционира така.

2. Безбедносна дилема

Имајќи го предвид првиот проблем, земајќи ја предвид релативно малата површина на спорната територија, двете заедници се соочуваат со сериозна безбедносна дилема. Ционистичките лидери од самиот почеток разбраа дека би било тешко или невозможно да се создаде држава контролирана од Евреите со значително арапско малцинство, а камоли со мнозинство. Тоа верување доведе до етничко чистење за време на арапско-израелската војна во 1948 година и повторно во 1967 година кога Израел го окупираше Западниот Брег. Сепак, однесувањето на Израел тешко може да се опише како уникатно, нешто што досега не сме го виделе, бидејќи напорите за градење држава на многу други места (вклучувајќи ги и Соединетите Држави) вклучија акции од слична природа. Не е изненадувачки што и протераните Палестинци и арапските соседи на Израел беа огорчени од она што се случи и сè уште, до ден денешен, сакаат ситуацијатра да ја променат.

Работите да бидат уште полоши, малото население на Израел и ранливата географска локација им дадоа на израелските лидери силен поттик да ја направат земјата побезбедна со проширување на нејзините граници. Премиерот Дејвид Бен-Гурион накратко се надеваше дека ќе задржи некои од земјите што Израел ги окупираше за време на Синајската војна во 1956 година, но притисокот од САД го принуди да се откаже од тие планови. Единаесет години подоцна, истиот тој експанзионистички импулс го наведе Израел да ја задржи контролата врз Западниот Брег и Голанската висорамнина по Шестдневната војна во 1967 година и поголемиот дел од Синајскиот Полуостров од 1967 година до потпишувањето на египетско-израелскиот мировен договор во 1979 година.

За жал, окупацијата и населувањето на Западниот брег со контрола на Појасот Газа значеше дека милиони Палестинци ќе бидат трајно под израелска власт, што всушност доведе до демографскиот проблем што основачите на нацијата се обидоа да го избегнат – приближно еднаков број Евреи и Палестинци во земјата под израелска контрола. Следењето на каузата на „Големиот Израел“ ќе ги принуди неговите водачи да им дадат целосни политички права на приближно еднаков број на палестински субјекти, да најдат друг изговор за протерување на повеќето од нив или да воспостават систем на апартхејд што е во спротивност со наводната посветеност на Израел за демократија и човекови права. Како што напиша поранешниот израелски министер за надворешни работи Шломо Бен-Ами во 2006 година, „демократијата и еврејската државност не можат да се помират со територијална експанзија“. Тоа остава најмалку лоша опција: Израел би можел да се откаже од значителен дел од територијата што сега ја контролира и да им дозволи на Палестинците да имаат своја држава. Таа цел беше декларираната политика на администрациите на Клинтон, Буш, Обама, а сега и на Бајден.

Безбедносната дилема, сепак, ги отежнува напорите за преговарање „две држави за двата народа“. Израелските преговарачи инсистираат секој иден палестински ентитет (или држава) да биде ефективно демилитаризиран, при што Израел ќе задржи значителна контрола над своите граници и воздушен простор за да се осигура дека палестинската држава никогаш не може сериозно да му се заканува на Израел. Но, таков аранжман би ги оставил Палестинците трајно ранливи на Израел (а можеби и други држави), ситуација која тие разбирливо не сакаат да ја прифатат. Иако е можно да се замислат аранжмани кои би можеле да го подобрат чувството на сигурност на секоја страна и да помогнат да се поттикне евентуалното помирување, апсолутната безбедност е неостварлива цел. За жал, злосторствата на Хамас на 7 октомври и злосторствата што сега се вршат врз невините Палестинци во Газа ќе го отежнат уште повеќе да се постигне решение за две држави во догледна иднина.

3. Бескорисно и штетно влијание на светските сили

Конфликтот меѓу овие две нации, исто така, поттикна и одржа голем број трети страни, чии интервенции од личен интерес обично беа контрапродуктивни. Велика Британија го започна проблемот со Декларацијата од Балфур во 1917 година, погрешно го менаџира мандатот на Лигата на народите за време на меѓувоениот период, а потоа ги крена рацете и го однесе проблемот во Обединетите нации по Втората светска војна. По 1948 година, конкурентните арапски држави поддржаа одделни палестински фракции како дел од тековната серија меѓуарапски ривалства, кои го поткопуваа палестинското единство.

САД го вооружија Израел и СССР вооружија неколку арапски држави за време на Студената војна за свои интереси, а ниту една суперсила не посветуваше доволно внимание на актуелното палестинско прашање или на прекин на практиката на Израел да гради населби низ Западниот Брег. Потоа, Иран тргна во акција поддржувајќи ги Хамас, палестинскиот Исламски џихад и Хезболах во Либан, главно за да ги попречат напорите на САД за преобликување на регионот на начин на кој Техеран го сметаше за заканувачки. Ниту една од овие надворешни интервенции не помогна да се реши израелско-палестинскиот конфликт, напротив, ја влошија и онака лошата ситуација.

4. Екстремисти

На Блискиот Исток, како и насекаде, мал број екстремисти понекогаш може да ги попречат добронамерните напори за решавање на тешките проблеми. Мировниот процес во Осло од 1990-тите беше најблиску што двете страни успеаја да стигнаа за постигнување изводлив крај на конфликтот, но екстремистите од двете страни помогнаа да се поткопа овој пат кон мирот. Серијата самоубиствени бомбашки напади на Хамас и палестинскиот Исламски џихад ги поткопаа надежите за мир во Израел. Еден израелско-американски доселеник уби 29 Палестинци во 1994 година во намерен обид да ги запре мировните напори, а друг израелски фанатик последователно го уби премиерот Јицак Рабин, индиректно помагајќи му на Бенјамин Нетанјаху да стане премиер.

Противставувањето на решението за две држави беше водечки принцип на целата политичка кариера на Нетанјаху, толку многу што тој тајно го поддржуваше Хамас со експресна цел да ја ослабне умерената палестинска власт, која беше заинтересирана да функционира решението за две држави. Трагичните резултати од таа политика се покажаа на 7 октомври.

5. Израелско лоби

Спротивно на она што некои го тврдат, групите како АИПАК, Лигата против клеветата или Обединетите христијани за Израел не можат да бидат единствено одговорни за должината на конфликтот, но други истомисленици и поединци беа сериозни пречки за напредокот и мирот.

Освен што го индоктринираа американското политичко тело со едностран поглед на конфликтот, овие групи активно работеа на попречување на секој сериозен обид на американскиот претседател да го прекине. Претседателите Бил Клинтон, Џорџ Буш и Барак Обама јавно се залагаа за решение со две држави, а Клинтон и Обама сериозно се обидоа да го постигнат тоа. Зошто? Бидејќи, како што рече Обама, две држави за двата народа биле „во интерес на Израел, интерес на Палестина, интерес на Америка и интерес на светот“. Но, и покрај огромниот потенцијал за влијание со кој располагаат, ниту еден од овие претседатели не беше подготвен да изврши сериозен притисок врз Израел (т.е. со условување на американската воена помош и дипломатска поддршка со постигнување фер договор). Тие дури не можеа да ја условат американската помош и дипломатска заштита на Израел за да се запре изградбата на населби и да се започне со демонтирање на системот на апартхејдот на окупираните територии.

Дури и угледните про-израелски организации кои го поддржуваат решението за две држави, како што се „J Street“ и „Americans for Peace Now“, никогаш отворено не ги повикаа американските лидери на овој чекор или вршеа притисок врз членовите на Конгресот да поддржат значителен притисок врз Израел. Бидејќи Израел никогаш не бил повикан на одговорност од неговиот главен покровител и заштитник, последователните израелски влади никогаш не почувствувале потреба да направат компромис или да ги земат предвид долгорочните последици од нивните постапки. Резултатот, како што многумина предупредуваа пред години, беше токму онаква несреќа со која се соочуваат Израелците и Палестинците денес.

Секој од овие пет фактори е пречка за мирот сам по себе, а несомнено има и други пречки кои се комбинираат за да кажат дека овој конфликт нема да заврши наскоро. Тоа е трагедија и за Израелците и за Палестинците, иако тие се оние кои трпат убедливо најголеми загуби.

Освен тоа, однесувањето на Израел во тековната војна во Газа може да ги загрози Евреите ширум светот со поттикнување антисемитизам. И бидејќи администрацијата на Бајден е активно вклучена во бруталната и потенцијално геноцидна кампања на Израел во Газа, САД ќе платат сериозна морална и стратешка цена за својата улога во оваа катастрофа. Светските лидери желни да ја дискредитираат самопрогласената улога на Америка како лидер на „меѓународниот поредок заснован на правила“, на тој начин добија аргументи за своите тврдења.

The post ЗОШТО КОНФЛИКТОТ ВО ПОЈАСОТ ГАЗА НЕМА ДА ЗАВРШИ БРЗО? Магазинот Форин Полиси посочува на 5 причини appeared first on plusinfo.mk.

„Ако убивме 4.000 палестински деца, знаеш што? Тоа не беше доволно“ – вели поранешниот советник за безбедност во Белата куќа.

Продавачот, кој не е идентификуван, бара од Селдовиц да си замине, а потоа се заканува дека ќе повика полиција.

this man is continuing to berate and harass the halal cart vendor. He ends the video with “if we killed 4,000 palestinian kids? It wasn’t enough”. pic.twitter.com/yhu4HSvIEZ

— Layla (@itslaylas) November 21, 2023

Њујоршката полиција вчера соопшти дека не е поднесена пријава против поранешниот советник на Обама, но потврдија дека командирот на 19-тата станица знаел за снимките.

Снимките со провокациите на Селдовиц се проширија на Интернет во време на зголемени тензии меѓу про-израелските и пропалестинските групи низ САД. Тензиите се особено присутни во Њујорк, каде речиси секојдневно има демонстрации, а забележан е и пораст на антиисламските и антисемитските злосторства од омраза.

На снимката се гледа како Селдовиц се враќа на истата локација повеќе пати и секој пат одбива да замине.

„Ова е слободна земја – не е како Египет“ – вели тој во еден момент.

Во истиот клип, тој го нарече продавачот „неук“ затоа што не зборува англиски пред да продолжи да дава потсмешливи коментари за основачот на исламот, пророкот Мухамед.

Yet another video emerges of Obama advisor Stuart Seldowitz’s racist harassment of the same man selling food on the streets of New York.pic.twitter.com/9WZLnP3O7I

— Lowkey (@Lowkey0nline) November 21, 2023

Селдовиц телефонски за Њујорк Тајмс изјави дека не ја видел снимката, но дека се започнало откако го прашал продавачот дали е Египќанец. Тој тврди дека продавачот за време на разговорот му изразил поддршка на Хамас, иако ниту една од објавените снимки не го покажува тоа.

– Во тој момент прилично се вознемирив и му кажав работи за кои, во ретроспектива, веројатно се каам. Наместо да се фокусирам на него и на она што тој го кажа, се фокусирав на навреда на неговата религија и слично – признал поранешниот советник на Обама.

На прашањето зошто постојано се враќа на локацијата, тој одговори дека сака да провери дали продавачот „се уште е поддржувач на Хамас“.

И покрај тоа што неколку пати беше снимен како светата личност на религијата, пророкот Мухамед, го нарекува „силувач“, Селдовиц во изјавата инсистираа на тоа дека не е исламофоб.

– Работев со муслимани… Познавам многу луѓе кои се муслимани и арапи, кои многу добро ме познаваат и кои знаат дека немам предрасуди кон нив – вели Солдовиц, иако објавените снимки покажуваат нешто сосема друго.

The post 🎥 „АКО УБИВМЕ 4.000 ПАЛЕСТИНСКИ ДЕЦА, ТОА НЕ БЕШЕ ДОВОЛНО!“ Поранешен советник на Обама малтретира уличен продавач на Менхетн appeared first on plusinfo.mk.

Создавањето независна палестинска држава е најдобриот начин да се гарантира безбедноста на Израел, изјави шефот за надворешна политика на Европската унија, Жозеп Борел.

Тој вчера преку видео-конференција разговараше со министрите за надворешни работи на 27-те земји на ЕУ по неговата турнеја на Блискиот Исток на крајот од минатата недела. Се осврна и на случајот со киднапирањето товарен брод во Црвеното Море од страна на јеменските бунтовници Хути во неделата, со двајца Бугари во неговиот екипаж.

-Најдобрата гаранција за безбедноста на Израел е создавањето палестинска држава – рече Борел и додаде дека ова е „фундаментален политички заклучок“ од неговите разговори во регионот.

Американскиот претседател Џо Бајден, исто така, на 18 октомври рече дека војната меѓу Израел и Хамас ја зајакнала неговата решителност да го реши израелско-палестинскиот конфликт врз основа на соживот на две држави.

-Израел не треба да го окупира Појасот Газа и контролата над него треба да биде предадена на палестинските власти – повика Борел.

Тој посочи дека „и покрај огромните предизвици“, неопходно е да се размислува „за стабилизација на Газа и за идната палестинска држава“.

– Краткорочно, во регионот постои „чувство на итност“ поради очајната хуманитарна ситуација во Појасот Газа – рече Борел по турнејата низ голем број арапски земји.

Тој ја опиша како „голем чекор напред“ резолуцијата усвоена од Советот за безбедност на ОН со која се повикува на итна хуманитарна пауза на палестинската територија, но во исто време повика на нејзино брзо спроведување.

Шефот на европската дипломатија изрази загриженост и за „експлозивната ситуација“ на Западниот брег на реката Јордан. „Со оглед на порастот на насилството од (еврејските) екстремисти и доселеници против Палестинците, постои реален ризик ситуацијата да ескалира“, предупреди тој.

Што се однесува до случајот со заробениот танкер „Galaxy Leader“ во Црвеното Море, Борел коментира дека „извештаите за киднапиран брод од Хутите се уште еден алармантен знак за ризикот од ширење на конфликтот низ целиот регион.

The post ИМА РЕШЕНИЕ ЗА ИЗРАЕЛСКАТА БЕЗБЕДНОСТ Борел предлага да се создаде независна палестинска држава appeared first on plusinfo.mk.

Тие додадоа дека воздухопловните сили ги напаѓаат точките каде што се собираат палестинските милитанти во пресрет на инвазијата.

Палестинската група Хамас вчера објави дека нејзините борци се судриле со оклопните сили кои се инфилтрирале во јужниот дел на Газа, уништувајќи дел од израелската воена опрема. Израел не зборуваше за загуби.

The post ЗАПОЧНА ЛИ ГОЛЕМАТА ПРЕСМЕТКА? Израелската војска изврши ограничен упад во Газа appeared first on plusinfo.mk.

Папата Франциск денеска ја повика исламистичката група Хамас да ги ослободи сите затвореници земени за време на нападот врз Израел викендот, истовремено изразувајќи сериозна загриженост за „целосната блокада“ што еврејската држава ја воведе на Појасот Газа.

„Се молам за оние семејства чие празнување се претвори во ден на тага и барам заробениците веднаш да бидат ослободени“, рече папата за време на својата неделна аудиенција.

Во врска со реакцијата на Израел на нападот на Хамас, папата рече: „Право на оние кои беа нападнати е да се бранат, но јас сум многу вознемирен од целосната блокада во која живеат Палестинците во Газа, каде што има и многу невини жртви“.

„Тероризмот и екстремизмот не помагаат да се реши конфликтот меѓу Израелците и Палестинците, туку водат само до омраза и суровост. На Блискиот Исток не му е потребна војна“, додаде папата Франциск.

The post ПАПАТА ГО ПОВИКА ХАМАС ДА ГИ ОСЛОБОДИ ЗАТВОРЕНИЦИТЕ Тероризмот нема да го реши конфликтот меѓу Израелците и Палестинците appeared first on plusinfo.mk.