Претседателот на САД Доналд Трамп најави дека ќе го разгледа новиот план што Иран го достави за ставање крај на војната. Пораката ја објави на платформата Truth Social, со изразен сомнеж кон иницијативата.

„Наскоро ќе го разгледам планот што Иран штотуку ни го испрати, но не можам да замислам дека тој би бил прифатлив со оглед на тоа што тие сè уште не платиле доволно висока цена за она што му го направија на човештвото и на светот во изминатите 47 години“, напиша Трамп.

Иако е во сила неограничен прекин на огнот, разговорите не напредуваат. Главниот спор се однесува на нуклеарните амбиции на Иран и контролата врз Ормускиот Теснец.

Иранската државна агенција ИРНА објави дека Техеран доставил нов предлог до САД преку посредници во Пакистан.

Иранскиот министер за надворешни работи Абас Арагчи остварил телефонски разговори со колеги од регионот. Според државниот радиодифузер ИРИБ, темата била „нови иницијативи поврзани со завршувањето на војната“.

Детали за иницијативата не се објавени.

САД и Израел почнаа напади врз Иран на 28 февруари. Техеран возврати со контранапади врз Израел и врз заливските држави. Потоа во голема мера ја блокираше Ормуската Теснина, која е клучна за глобалната трговија.

The post ТРАМП ЌЕ ГО РАЗГЛЕДА ИРАНСКИОТ ПЛАН ЗА МИР „Уште не платиле за тоа што го правеа 47 години“ appeared first on plusinfo.mk.

Добивам пораки од Виткоф директно, како и претходно, и тоа не значи дека сме во преговори, изјави шефот на дипломатија на Иран Абас Арагчи. Министерот нагалси дека Иран има резерви за преговорите и е крајно претпазлив.

– Немаме никаква верба дека преговорите со САД ќе дадат некаков резултат. Нивото на доверба е на нула – изјави Арагчи.

Тој додаде:

– Не гледаме искреност.

Иран, вели Арагчи, би прифатил само целосен прекин на непријателствата во регионот, а не ограничен прекин на огнот што би се однесувал само на иранска територија.

Според Арагчи, иранското раководство не одговорило на 15. американски предлози. Воедно, не формулирало ниту свои услови или иницијативи.

САД и Израел го напаѓаат Иран од 28 февруари, по што Техеран возвраќа со напади врз Израел и цели во регионот поврзани со американското присуство.

The post ВИТКОФ МИ ПРАЌА ПОРАКИ, НЕ ЗНАЧИ ДЕКА ПРЕГОВАРАМЕ Иран нема доверба во САД, вели Арагчи appeared first on plusinfo.mk.

Техеран порача дека евентуален крај на војната со Израел и со САД мора да биде конечен. Иранската дипломатија тврди дека земјата не бара прекин на огнот, туку јасен и траен завршеток на конфликтот.

– Иран не побара прекин на огнот и сака секој крај на војната со Израел и со САД да биде дефинитивен – рече шефот на иранската дипломатија Абас Арагчи.

Според него, Техеран не прифаќа привремени решенија. Тој порача дека ако конфликтот заврши, тоа мора да биде трајно.

Коментарите на Арагчи се однесуваат и на американските и израелските напади врз Иран.

– Интересно е што САД признаваат дека напаѓаат за забава. Нè изненадува што меѓународната заедница не презема мерки – рече тој.

Арагчи тврдеше дека во Иран биле нападнати цивилни објекти, меѓу нив болници и училишта.

– Според извештајот на министерот за здравство, нападнати се 53 болници. Нападнати се и стадиони, меѓу нив и стадион со 12.000 седишта – рече тој.

Тој додаде дека има жртви и меѓу спортската заедница.

Иранскиот министер порача дека земјата ќе продолжи да се спротивставува на притисоците.

– Нашата нација е угнетена, но е херојска нација. Таа се спротивставува на сите овие притисоци со достоинство – изјави Арагчи.

The post ИРАН ПОСТАВИ УСЛОВ ЗА МИР „Ако е крај, дефинитивно да е крај!“ appeared first on plusinfo.mk.