Израелските разузнавачки службеници ја хакирале речиси целата мрежа на сообраќајни камери во Техеран со години наназад, со цел да ги следат движењата на ајатолахот Али Хамнеи, врховниот лидер на Иран, во невидена разузнавачка кампања, објави лондонски Индепендент.

Израелските разузнавачи следеле многу добро обучени и лојални телохранители, обезбедувачи и возачи на високи ирански функционери за да го проучат нивниот „шаблон на живот“.

Снимките од камерите во реално време, вклучително и од оние што биле насочени кон личниот комплекс на Хамнеи, биле шифрирани и пренесени до сервери во Тел Авив и во јужен Израел.

Една конкретна камера, што гледала во дворот на домот на Хамнеи, им овозможила да откријат каде неговите телохранители ги паркирале автомобилите и да добијат важни информации за нивните рутини.

Еден израелски разузнавачки службеник изјавил: „Го познававме Техеран како што го познаваме Ерусалим“.

Планот за убиство на ајатолахот бил во подготовка со месеци и бил прилагоден откако разузнавачите откриле дека Хамнеи ќе присуствува на состанок во својот дом.

На денот на атентатот, хакираните сообраќајни камери се покажале клучни, бидејќи Израел ја потврдил информацијата дека состанокот со Хамнеи се одвива според распоредот.

Израелската војска соопшти дека ударите биле изведени преку ден за да се искористи ефектот на изненадување, и покрај големата иранска подготвеност.

Како дел од операцијата, биле попречени мобилните мрежи и комуникациските сервиси со цел да се остави Иран „вознемирен и збунет“, изјавил генерал Дан Каин, началник на заедничкиот штаб.

По нападот, американскиот претседател Доналд Трамп изјавил дека иранскиот лидер бил „елиминиран заедно со неговото тесно опкружување додека се собирале на појадок“.

The post ИЗРАЕЛСКИ ШПИОНИ ГО ХАКИРАЛЕ ТЕХЕРАНСКИОТ „СЕЈФ СИТИ“ Сите сообраќајни камери покажувале кај се движи ајатолахот Хамнеи appeared first on plusinfo.mk.