Феноменот на социјално повлекување познат како хикикомори, претходно проблем кој беше единствен за Јапонија, сега се повеќе се јавува во Италија, со растечки број млади луѓе кои се затворени дома со месеци, ако не и со години, без никаков контакт со надворешниот свет освен преку социјалните мрежи, се наведува во извештајот објавен од Анса.

Во Италија има 200.000 вакви случаи, многу повеќе од официјалните проценки, според извештајот објавен неодамна на конференцијата „Книга, хартија и молив“ одржана во Министерството за образование, на која присуствувал министерот Џузепе Валдитара. Додека официјалните проценки го ставаат бројот на 50.000 до 60.000 во земјата, неофицијалните бројки сугерираат најмалку 200.000.

Хикикомори најмногу ги погодува адолесцентите кои се повлекуваат во себе, често подолги периоди, поради длабоки проблеми воодносите и личните проблеми. Постојат многу причини: чувство на несоодветност, тешкотии во односите со врсниците, фрустрација и самоомаловажување. Во Јапонија има милион вакви случаи.

Повеќе за ова прочитајте на „Мајка и дете“.

The post ФЕНОМЕНОТ ХИКИКОМОРИ ВО ИТАЛИЈА Повеќе од 200.000 млади луѓе живеат во целосна социјална изолација appeared first on plusinfo.mk.

Вообичаено е постарите генерации да се грижат дека младите имаат премногу секс. 1920-тите донесоа страв од младите жени со кратки фустани и цигари во рака кои ја симболизираа новата слобода, а тајните барови станаа места на скандалозни романси, 1960-тите беа обележани со паника околу слободната љубов и култовите, а 1980-тите со хистеријата околу СИДА-та. Сепак, денешните податоци покажуваат нешто сосема друго: младите луѓе се чини дека го изгубиле интересот за секс.

Првите сериозни сигнали за овој тренд се појавија пред околу десет години, кога истражувањата покажаа дека целибатот кај младите се дуплирал.

Во 2018 година, „Атлантик“ го нарече овој тренд „сексуална рецесија“, а статистиката продолжува да го потврдува: речиси една третина од младите мажи и една петтина од младите жени во раните дваесетти години немале сексуален партнер цела година. Пандемијата, со својата изолација и несигурности, дополнително го забрза овој процес.

Сексот никогаш не бил подостапен, желбата никогаш не била помала

Она што е особено збунувачко е фактот дека сексот никогаш не бил подостапен или помалку стигматизиран. Апликациите нудат можност да се запознаете со партнер толку брзо како да нарачувате храна, порнографијата е неограничено бесплатна, а јавниот дискурс сè повеќе ја нагласува важноста на задоволството, разновидните желби и отворениот пристап до сексуалноста.

Повеќе за ова прочитајте ТУКА.

The post ДАЛИ МЛАДИТЕ ИМААТ СЀ ПОМАЛКУ СЕКС? Генерацијата З сè повеќе го губи интересот за сексуални активности appeared first on plusinfo.mk.

Косово нема друга опција освен да го слуша Брисел, дециден беше албанскиот премиер Еди Рама од говорницата во Виена, каде што порача дека без исполнување на барањата на ЕУ, Приштина ќе тоне во изолација.

Рама, на конференцијата „Албанија – нов хоризонт“, го оцени дијалогот меѓу Белград и Приштина како „голем неуспех“, обвинувајќи ги двете страни дека не се поместиле од мртвата точка.

– Тажен сум што нема никаков напредок. Убеден сум дека постои златен пат – изјави албанскиот лидер.

Според него, Косово не смее да се раководи според чекорите на Србија, туку мора да покаже зрелост и одговорност кон сопствениот евроинтеграциски процес.

– Косово мора да ги исполни своите обврски и да ја достави целата тетратка со домашното пред ЕУ. Тоа нема врска со барањата на Србија, туку со она што ЕУ го бара – нагласи Рама.

Тој смета дека ова е единствениот начин Косово да ја избегне дополнителната меѓународна изолација.

The post КОСОВО ДА СИ ГО НАПИШЕ ДОМАШНОТО, ПОРАЧА РАМА Приштина може да биде изолирана ако не го слуша Брисел? appeared first on plusinfo.mk.

– Ве информирам дека утрово во Клиничкиот Центар „Мајка Тереза“ по извршеното тестирање за ковид-19, резултатите кои ги добив се позитивни. Оваа работна седмица работните обврски ќе ги извршувам во изолација од дома, сѐ до исчезнување на симптомите – вели Тошковски.

The post ТОШКОВСКИ ОДИ ВО ИЗОЛАЦИЈА Првиот полицаец е позитивен на ковид-19 appeared first on plusinfo.mk.

Сепак, само да спомнам на кратко за неколку нови згради од јавен карактер во тој проект. На пример, не гледам ниту една причина зошто на најубавата локација во градот Скопје, во строгиот центар на кејот на реката Вардар, се лоцирани следниве згради (институции на РМ): Државен архив, Уставен суд, Јавно обвинителство, Археолошки музеј и др. Овие јавни институции имаат работно време до 16 часот, а потоа тој простор е речиси „мртов“. Повторувам, тоа е најатрактивната локација во центарот на градот.

Не сакам да дискутирам за стилот на градбите на зградите од проектот „Скопје 2014“, дали е добро да се во стил на Барок или не. Целта ми е да се осврнам на стиропор фасадите кои се често пати спомнувани во негативен контекст. Очигледно таквите критичари не се доволно упатени што се случува со еден многу значаен дел од секторот енергија, а тоа е енергетската ефикасност. Па тоа е прва и главна активност во енергетската транзиција. Денес не е дозволено да се градат зградите (и колективни и индивидуални) без топлинска изолација на оградувачките површини (ѕидови, таван и под). Таа значително ги намалува топлинските загуби на просториите во зима и топлинските добивки во лето. Со други зборови, се намалува потрошувачката на енергија. Не навлегувам во проценка дали топлинската изолација е (или не е) доволно квалитетно изведена.

За топлинска (термичка) изолација се користат следниве материјали: стиропор, минерална волна, полиуретан и др., но најчесто се користи стиропор, особено кај вертикалните ѕидови. Ако се направи споредба на еден вертикален ѕид направен од 20 см цигла, двострано малтерисан, без изолација, и ако во истиот ѕид се вгради плус 10 см стиропор, тогаш седум пати се намалува преминот на топлина низ тој ѕид кога има изолација. Моја препорака е да се вградува најмалку 12 см стиропор на вертикалните ѕидови, а пожелно е 15 до 20 см. На пазарот кај нас има стиропор со коефициент на топлинска спроводливост (ламбда) од 0,04 W/(mK), a има и поквалитетни видови стиропор со помал коефициент на спроводливост.

Но со ставање топлинска изолација на објектот има и други придобивки:
– Значително намалување на трошоците за греење и климатизација;
– Опремата за греење и климатизација ќе биде со помал капацитет, а тоа значи и со пониска цена;
– Инвестицијата ќе се исплати за неколку години;
– Се подобруваат комфорните услови и во зимскиот и во летниот период;
– Се избегнува кондензација на влага на внатрешните површини на ѕидовите (во зима);
– Се подобрува звучната изолација;
– Помала потрошувачка на енергија значи помала емисија на стакленички гасови.

Топлинската изолација на зградите е директно или индиректно опфатена во законски и подзаконски акти на РМ. Некои од нив се: Закон за енергетска ефикасност; Правилник за енергетски карактеристики на зградите; Правилник за енергетска контрола и др. Овие документи се изработени во сообразност со соодветните документи на Европската Унија. Всушност, тие се преведени на македонски јазик за нашите услови. Но како и многу други закони и прописи, тие не функционираат (не се спроведуваат) како што треба од разни причини: или нема комплементарни подзаконски акти, или нема доволно соодветен стручен кадар, нема субвенции или се премногу мали итн.

Според законот за градење, не може да се добие одобрение за градба ако нема енергетски елаборат за зградата (или куќата). На крајот, по завршување на градењето, не може да се добие дозвола за употреба на зградата без енергетска контрола од овластен орган и без енергетски сертификат (пасош). Уште поголема (поопфатна) обврска е реновирањето на старите (постојните) згради со одредена динамика во следните две и пол децении. Во Стратегијата за енергетски развој на РМ е предвидено темелно реновирање на постојните згради со годишна стапка од 1% до 3% во зависност од типот на истите: резиденцијални, комерцијални, на локалната или на централната власт. Мора да се стави топлинска изолација, а најчесто употребуван изолационен материјал е стиропорот.

Една од главните препораки на Парискиот договор за климатски промени е изградба на згради со нула енергија (zero energy building), а тоа значи со многу висока енергетска ефикасност. Односно, згради со нето нула емисии на јаглерод-диоксид.

Според тоа, ставањето на стиропор фасади во негативен контекст е голема грешка и претставува дезинформација на јавноста со огромни негативни последици во енергетскиот сектор. Повторно да нагласам дека целта на овој напис не се спомениците на „Скопје 2014“, ниту стилот на градбите.

The post Стиропор фасади – да или не? appeared first on plusinfo.mk.

Ова прашање јавно го постави претседателската кандидатка на ВМРО-ДПМНЕ Гордана Силјановска Давкова, на синоќешниот митинг во Битола.

Таа потсети дека легендата на европските народни партии, Дорис Пак, јавно ја поддржала.

– Овде беше присутна во знак на поддршка, дури и вчера не придружуваше на собирите, една од најпознатите пратенички од шведскиот Риксдаг, Маргарета Цедерфелт. Дали е тоа изолација? Во Букурешт имав можност, благодарение на ВМРО-ДПМНЕ, да се сретнам со многу познати политички личности. Па, за каква изолација зборуваат! Не можам а да не ви пренесам дека на бината каде седеа госпоѓата Фон Дер Лајен и останатите европски челници, говореше господинот Христијан Мицкоски. Епа, кој е изолиран? Дали оној кој не може да влезе на забава кај своите партии, или оној кој зборува за европската иднина на Македонија на самитот на Европските народни партии? – праша Силјановска Давкова.

Осврнувајќи се на евроинтеграцискиот процес и посебно на барањата од земјава  за уставни измени како услов за преговори со ЕУ, таа рече:

– Па ве молам, ако со уставни измени се станувало членка на Европската Унија, тогаш Македонија одамна ќе беше членка, имајќи ги предивд досегашните триесетина уставни измени!

Сиљановска Давкова нагласи дека Битола и Македонија се Европа, биле и ќе бидат.

На митингот во Битола претседателската кандидатка Гордана Сиљановска Давкова им порача на граѓаните дека нема корист од партиски послушници и од партиски војници и додаде дека заложбите за правата на жената се заложби за човекови права. Таа вети дека во својот претседателски кабинет ќе ангажира поголем број на жени.

– Не жени заради некакви квоти и не за да се прикажам како радикална феминистка, туку со тоа ќе им укажам на мажите дека се откажувале од многу знаење, ум, креакција и посветеност. Ако Македонија добие жена претседателка, жените ќе се идентификуваат со неа и ќе бидат не само во семејството, туку поуспешни на работа па и во политиката, оти и политиката е од женски род – рече Силјановска.

The post КОЈ Е ИЗОЛИРАН, НИЕ ШТО СМЕ СЕКАДЕ ПРИСУТНИ, ИЛИ ТИЕ ШТО НЕ ГИ ПРИМААТ НА ПАРТИСКИТЕ ЗАБАВИ ВО БРИСЕЛ? Гордана Силјановска Давкова одговори на нападите appeared first on plusinfo.mk.

Хјетланд во својот завршен говор истакна дека нема основа за тврдењата на адвокатите на Брејвик дека се кршат човековите права на нивниот клиент.

– Сè уште постои голема опасност тој да изврши насилство или да инспирира други да извршат насилство – рече Хјетланд.

Како и претходните денови, Брејвик одмавна со главата во знак на несогласување со одредени забелешки на Хјетланд.

Во сведочењето на судот во вторникот, Брејвик рече дека самицата е „кошмар“ и дека размислува за самоубиство секој ден.

Адвокатот на Брејвик во понеделникот изјави дека неговиот клиент боледува од „длабока депресија“, додека неговиот психијатар вчeра го негираше тоа.

– Неговите услови го оптеретуваат и се чувствува осамено, но мислам дека не е многу депресивен – рече психијатарот.

Адвокатите на Брејвик тврдат дека Норвешка ја прекршува Европската конвенција за човекови права, вклучувајќи делови во кои се вели дека никој не треба да биде подложен на „тортура или нечовечко или понижувачко постапување или казнување“.

Пресудата на судијата ќе биде донесена во наредните недели.

Брејвик (44) ја тужеше норвешката држава во обид да ја прекине изолацијата во затвор, а исто така бара и укинување на ограничувањата за преписка со надворешниот свет.

Денеска завршува петдневното рочиште во врска со тужбата на Брејвик. На Брејвик му беше дозволено да каже неколку зборови на крајот од сослушувањето.

Брејвик е во изолација откако во 2011 година уби 8 лица со автомобил-бомба во Осло и 69 лица на островот Утоја, од кои повеќето тинејџери.

The post БРЕЈВИК И ВО ЗАТВОР Е МНОГУ ОПАСЕН Масовниот убиец може да инспирира други да извршуваат насилство appeared first on plusinfo.mk.

– По добиена информација од Институтот за јавно здравје, веднаш истиот ден на 5 август, екипа на епидемиолози од Центарот за јавно здравје – Скопје изврши епидемиолошки увид, земени се анкети и контакти. Информацијата е споделена со ДСЗИ и ние како институција издадовме уште 11 решенија, односно тоа се контакти на веќе хоспитализираната пациентка која што е и вработена на Клиниката за инфективни болести. Тие 11 контакти ќе бидат под 14-дневен здравствен надзор – соопшти  Младеновска.

Таа појасни што подразбира здравствениот надзор.

– Пациентката односно контактите ќе треба да се јавуваат и да бидат во постојан контакт со дежурниот епидемиолог од Центарот за јавно здравје – Скопје. Тоа не е класична изолација, меѓутоа не треба да имаат контакт со останатите и со потесното семејство, едноставно да издржат овие 14 дена да не се прошири оваа зараза. Јас се надевам дека ова ќе биде последен случај. Што се однесува до претходните 29 контакти, од нив една се потврди како случај. Вкупно имаме решенија за здравствен надзор над 40 луѓе – рече Младеновска.

Запрашана дали овие 11 се сите од Инфективна клиника или од семејството на вработената, Младеновска појасни дека од нив, десет луѓе се од потесното семејство на пациентката и еден контакт е колешка од Клиниката за инфективни болести.

Претходно, претседателот на Комисијата за заразни болести Злате Мехмедовиќ рече за МИА дека Комисијата апсолутно стои зад сето тоа што е направено од страна на Институтот за јавно здравје, мерките што се преземаат и препораките што се даваат.

Oд она што го виделе, како што додаде тој, првиот случај е случај на директно заразување, а вториот е веројатно на пренесување преку контаминирана крв.

Во првиот случај со директно заразување, почина 27-годишна пациентка, по инфекција со каснување од крлеж.

– Болничарката од Клиниката за инфективни болести, која се зарази со конго-кримска хеморагична треска (ККХТ) од 27-годишната жена од Штипско која почина на 30 јули по убод од крлеж, засега е во стабилна состојба, нема крварења, но оваа болест си има еволуција и се следи секој момент – рече денеска прим. д-р Добринка Наунова-Јовановска од Клиниката.

Д-р Наунова-Јовановска појасни дека оваа болест се карактеризира со излачување многу секрет и многу крварења, и дека не се пренесува по воздушен пат, преку аеросоли, како што беше со ковид-19.

– Болничарката била трета смена кога ја негувала пациенткта од Штипско, која имаше многу крварења. На Клиниката носиме заштита, но веројатно при вадење на ракавиците, маската, прснало во очите, во слузницата. Сѐ е можно кога има толкава количина заразен материјал. Таа е веќе 5. ден болна, се следи да не дојде до влошување. За оваа болест е важна супортивна, заменска терапија, да се надокнадува сѐшто се губи. Првите денови од болеста не се толку лоши, потоа се влошува и затоа се следи состојбата. Се надеваме дека ќе остане во таква состојба, но ќе видиме – рече д-р Наунова-Јовановска.

Откако на 30 јули почина жената од Штипско, Државниот здравствен и санитарен инспекторат (ДСЗИ) издаде решенија за изолација за 29 контакти, а само болничарката пројави симптоми. Контактите од првиот позитивен случај се под надзор до 10 август.

The post ВО ИЗОЛАЦИЈА Е И КОЛЕШКА НА ЗАРАЗЕНАТА ОД ИНФЕКТИВНА Повеќе од 40 луѓе се под здравствен надзор за конго-кримска треска appeared first on plusinfo.mk.

Веројатно нема никакво сомнение дека многумина помислиле дека оваа опаска со сопнување на пречки, барем кога е Македонија во прашање, звучи не само понижувачки, туку и смешно. Медимите во западноевропските земји се осврнуваат на темата малцински права во Македонија дури помалку и од секоја престапна година, а и кога ќе го направат тоа резултатот е најчесто едностран, тендециозен и пред се површен.

Интересно е човек да се запраша дали Шаленберг, или, пак, неговиот „надреден“ европски шеф Борел, – соочени со разноразни европски прашања од кои боли глава, посебно сега кога од жешките тропски бранови се суши устата и се успорува размислувањето, па дури и важни теми се поттурнуваат под маса, – навистина се засекирале за положбата на некое си мало бугарско малцинство на перифиријата на Западен Балкан?

Заштитата на правата на малцинствата е дел од Копенхашките критериуми и околу тоа не би требало да има никакви дилеми за земјите кандидадтки за членство во ЕУ. Но добар дел од досега примените членки во полноправно членство се провлекоа пред полузатворените очи на Брисел. Посебно Грција. И, се разбира, Бугарија. Унапредувањето на малцинските права, како дел од успешно развивање на добрососедските односи, подразбира пред се реципроцитет. Бугараско малцинство во македонискиот Устав, веднаш и без одлагање. Прескокнете ја таа „последна пречка“ и одиме понатаму кон светлата иднина во ЕУ.

А што ќе се прави со македонското малцинство во ЕУ-членката Бугарија, кое со децении се бори за сопствено право на самоорганизирање, според меѓународни стандарди, кои ЕУ, барем на хартија, цврсто ги поддржува. Шаленберг, како и Борел, веројатно ни најмалку не би сакале во овој момент да влегуваат во некаква академска расправа на оваа тема, бидејќи би требало да се изложат сериозни и одржливи аргументи, од кои на многумина би им се испотило челото. И без летните горештини.

Но да ги оставиме малку настрана малцинствата и нивната нерамноправна положба и изложеност на дискриминација не само во балканските, туку и во низа други европски земји, членки на ЕУ. На европската бирократија и е мошне добро познато дека во разни периоди на проширување на Унијата се дозволовувани, – преку преговори, компромиси и отстапки, – разни исклучоци од примената на европските правила.

Исклучоците генерално се појавиле на два различни начини. Од една страна, одредени области кои припаѓаат на членките на ЕУ имаат различна историска, политичка или културна заднина, што довело до усогласување на ставовите околу фактот дека овие посебни области не морале да учествуваат во сите механизми на соработка во рамки на ЕУ. Од друга страна, некои земји-членки добија или привремени или трајни исклучоци. Некои од соработките на ЕУ бараат земјите-учеснички да исполнат одредени критериуми пред да можат целосно да учествуваат. Но исклучоците од правилото сепак станале факт.

Данска е рекордер според бројот на одобрени исклучоци. На референдумот за Договорот од Мастрихт во 1992 година, Данците го отфрлија предложениот договор со разлика од само 50.000 гласови. Ова значеше дека за договорот мораше повторно да се преговара со Данска. Така, Данска доби четири исклучоци, кои значат дека земјата не мора целосно да учествува во ЕМУ, во одбранбената политика на ЕУ, во правните и внатрешните работи на ЕУ и дека на Данска ѝ се гарантира дека државјанството на ЕУ не влијае на данското државјанство на кој било начин. На нов референдум на 18 мај 1993 година, данскиот народ го одобри новиот договор и на тој начин Договорот од Мастрихт можеше да стапи во сила на 1 ноември 1993 година. Само по барање на данската влада може да се отповика отстапувањето.

Ирска ужива два исклучока во рамки на ЕУ. Едниот е резултат на референдумот за Договорот од Ница, кој резултираше со негативен резултат, а поради што беа повторени преговорите со Даблин.  Резултатот беше дека Ирска доби исклучок од одбранбената политика на ЕУ, повеќе како гаранција дека Ирска нема да биде принудена да учествува во соработките на ЕУ што би можеле да се спротивстават на ирската политика на неутралност. Второто ослободување што го ужива Ирска е во врска со инкорпорирањето на Шенгенската соработка во ЕУ преку Договорот од Амстердам. На Ирска и беше одобрено ослободување од обврската да учествува во Шенген зоната.

На Полска, по стапувањето на сила на Лисабонскиот договор, и е одобрен исклучок да го користи изземањето од Повелбата за права на ЕУ. Преку посебен протокол е утврдено дека кога Повелбата се однесува на националното законодавство, таа ќе биде применлива во Полска, а пред Брегзит и во Велика Британија, само до степен до кој правата што ги содржи се наоѓаат во полското и британското законодавство.

Да го споменеме и примерот на Шведска и нејзниот познат исклучок од правилата на ЕУ. На Шведска при преговорите за членство и беше одобрено трајно изземање од директивата за забрана за продажба на бурмут, кој е забранет на пазарот во ЕУ во 1992 година. Во преговорите со Брисел Шведска склучи специјален договор со ЕУ за натамошна продажба на бурмут, повикувајќи се на историски причини и долгата традиција на користиње на овој тутунски производ меѓу Швеѓаните.

Значи, исклучоците не се од вчера, како во однос на преговорите за членство, така и по добивањето на полноправно членство. Зошто тогаш не се можни за Македонија, за која воопшто не се дозволува никаква отстапка, или исклучок, од систематските повеќедецениски барања, притисоци, уцени, па и диктати, за промена и “корекција“ на националните обележја и задоволување на апетитите на соседите за приспособување и ревидирање на македонската историја, јазик и национална посебност.

Зошто на Македонија не може да и се овозможи исклучок, на кој под притисок ќе се согласи Бугарија, дека моментно, поради сериозни историски причини и чувствителни односи во регионален контекст, не е пожелно да се инисистира на изгласување на уставни измени преку партиски лицитирања на потребната бројка на пратеници, кои по игра на случај би требало да понесат некаква нејасна историска одговорност за иднината на земјата во европските интеграции?

ЕУ, според примерите на исклучоците што ги посочивме, изнаоѓала начини за да не го блокира продлабочувањето на интеграциските процеси. Но како Брисел се довде во ситуација, доколку правилно ги протолкуваме пораките на поранешниот евроамбасадор Фуере, да остане без каков било институционален механизам да се справи со спорови, а со што значајно се намалува каква било политичка волја да се најдат остварливи решенија.

За Македонија очигледно нема исклучоци, но сепак има механизам што ЕУ и го препорачува: За непоправливите ученици лек е само изолација. Прашање е само во колкава мера заканите знаат да бидат и контрапродуктивни.

The post Во ЕУ со исклучок или изолација appeared first on plusinfo.mk.

Никогаш оваа земја немала поголема дискрепанца помеѓу надворешната позиција и внатрешната реалност.

Народот, напредокот и иднината на луѓето дома се во перманентна изолација.

Се нема пари, се нема слобода, се нема можности, се нема правда, се нема среќа.

Видете го контрастот од нашиот премиер во Вилнус и нашите состојби дома, втори по ужас после разочараниот Зеленски.

Ни горат институции, ни смрди секојдневието, криминал и корупција цвета, 1% од популација има да јаде и да живее, власта фаворизира токсичен бизнис и урбанизација без контрола, партизацијата и негативната селекција незапирливо го уништуваат човечкиот капитал, ги губиме и она малку пари на погрешни инвестиции, луѓе и одлуки.

Четврт држава е во Хрватска да заработи нешто за зимата, друга четвртина е избегана засекогаш, останата половина животари во депресивна средина.

Не нѐ јебете со изолација, ние секоја година сме сè поизолирани дома – затоа што фаворизирате и толерирате коруптивни и криминални коалиции, кои немаат ништо да понудат, освен сиромаштија и селење.

Изгуби смисла и ЕУ напредокот, кога служи само за геополитички цели и за големи слики, а нашите ситни животи не вредат пет пари. Додека реформите живеат само на хартија.

И кога тоа евентуално ќе бидне, ќе биде за последните што останале нормални и здрави, да побегнат од несреќата.

Така да, џабе нè плашите со изолација, ние одамна сме изолирани во главите и во реалноста.

(ФБ статус на авторот)

The post Најдовте кого да плашите со изолација appeared first on plusinfo.mk.