Фудбалската репрезентација на Аргентина со многу мака обезбеди пласман во осминафиналето на Светското првенство, откако дури по продолженија со 3:2 ги совлада Зеленортските Острови. Избраниците на Лионел Скалони беа големи фаворити, но мораа да вложат огромен напор за да избегнат сензационална елиминација. Во осминафиналето Аргентина ќе се соочи со Египет.

Аргентина доминираше во поседот на топката уште од почетокот, а првата сериозна шанса ја имаше Лионел Меси во 15. минута, кога шутираше покрај голот. Само три минути подоцна се закани и од слободен удар, но голманот Возиња беше сигурен. Водството пристигна во 29. минута. Лисандро Мартинез испрати долга топка до Меси, кој одлично ја прими и рутински погоди за 1:0.

Иако се очекуваше Аргентина лесно да го приведе мечот кон крај, следуваше изненадување. Во 59. минута Мендеш му асистираше на Дуарте, кој прецизно стрелаше за 1:1. Меси потоа имаше неколку одлични можности повторно да ја донесе предноста, но Возиња беше на висина на задачата. Во финишот Аргентинците бараа и пенал поради игра со рака, но судијата не покажа на белата точка.

Аргентина повторно поведе веднаш на стартот од продолженијата. Во 93. минута, по корнерот на Меси, Алексис Мак Алистер ја продолжи топката, а Лисандро Мартинез со силен удар реализираше за 2:1. Сепак, Зеленортските Острови не се предадоа. Во 103. минута Лопеш Кабрал постигна спектакуларен гол за ново израмнување – 2:2.

Победничкиот погодок падна во 111. минута. Повторно по корнер на Меси, Кристијан Ромеро беше највисок во шеснаесетникот и со удар со глава ги постави конечните 3:2. Во последните минути Зеленортските Острови имаа дури три одлични шанси да изборат пенали, но не успеаја да ги искористат.

Аргентина така по голема борба обезбеди место меѓу најдобрите 16 селекции, каде што ја очекува дуел со Египет.

The post АРГЕНТИНА СЕ НАМАЧИ ДА ГИ ЕЛИМИНИРА ЗЕЛЕНО’РТСКИТЕ ОСТРОВИ За малку ќе се случеше најголемиот шок на СП2026 appeared first on plusinfo.mk.

Јелена Ѓоковиќ го прослави својот 40-ти роденден во Атина, а нејзиниот сопруг Новак Ѓоковиќ се погрижи таа засекогаш да го памети денот. Познатиот тенисер подготви романтично изненадување кое ја воодушеви не само славеничката, туку и нивните деца Стефан и Тара.

 

View this post on Instagram

 

A post shared by Novak Djokovic (@djokernole)

Додека стоеја на плажа, прегрнувајќи се и гледајќи го ноќното небо, пред нив се одвиваше вистинска светлосна магија. Со помош на дронови, на небото се појави емотивна порака посветена на Јелена: „Среќен роденден. Ти благодариме што си нашиот дом.“

Посебниот момент беше дополнително збогатен со светлечките мотиви со имињата на нивните деца, Стефан и Тара, кои, според објавените снимки, скокаа од радост и со ентузијазам го гледаа спектаклот над нив.

Љубовната приказна на Новак и Јелена Ѓоковиќ трае повеќе од две децении. Многумина се изненадени од фактот дека тие се заедно уште од средношколските денови, кога Новак немал поим дека еден ден ќе стане еден од најдобрите тенисери на сите времиња.

Двојката се сврши во 2013 година и се венча во Свети Стефан во Црна Гора. Нивниот син Стефан се роди неколку месеци подоцна, додека ќерката Тара се роди во септември 2017 година.

The post 🎥 НОВАК ЃОКОВИЌ ЈА ПОКАЖА СВОЈАТА РОМАНТИЧНА СТРАНА Тенискиот ас организираше незаборавна роденденска забава за својата сопруга appeared first on plusinfo.mk.

Холивудскиот актер Џорџ Клуни уште еднаш покажа зошто публиката го обожава со децении. За време на прославата на 50-годишнината од „The King’s Trust“ на 11 мај, познатиот добитник на Оскар ги откри деталите за необичното изненадување за роденденот што му го подготвила неговата сопруга Амал Клуни.

Имено, Амал решила да организира забава што Џорџ сигурно нема да ја заборави. За да го изненади целосно, таа ги убедила неговите пријатели да се појават на забавата маскирани како келнери. Актерот низ смеа признал дека целата ситуација целосно го исфрлила од такт.

– Да, таа ги натера моите пријатели да се појават и да глумат келнери – им рекол Клуни на собраните новинари, потсетувајќи се на моментот кога сфатил дека зад послужавниците се кријат негови блиски луѓе.

Сепак, познатиот актер не ја пропуштил можноста да се пошегува на своја сметка. Во својот препознатлив духовит стил, тој рекол дека изненадувањата по 65-годишна возраст можат да бидат „опасни“.

– Опасно е да изненадиш некого кога ќе наполни 65 години затоа што може да падне – се пошегувал Џорџ Клуни, додавајќи: „Можеби е тоа крајот, затоа мора да бидете многу внимателни кога ги изненадувате луѓето на мои години“.

На крајот, низ смеа заклучил: „Сè уште стојам, едвај“.

Славниот пар, кој е во брак од 2014 година, ретко открива детали од својот приватен живот, но овој пат зборувале и за своите деца – деветгодишните близнаци Ела и Александар. Новинарите биле заинтересирани какви вредности сакаат да им пренесат на своите деца, а одговорите на сопружниците покажале колку се различни, но и складни.

Џорџ повторно избрал хумористичен пристап: „Не мешајте житарки и грозје. Мислам дека е важно децата да го знаат тоа“, рекол тој со смеа.

Од друга страна, Амал Клуни дала посериозен и поемотивен одговор. Таа нагласила дека сака нивните деца да останат љубопитни и отворени кон светот.

– Сакаме да поставуваат многу прашања и да се прашуваат за работи што не ги разбираат, особено за сè што се случува во светот денес – рекла Амал.

Џорџ веднаш ја забележал разликата помеѓу нивните одговори и повторно ја насмеал публиката.

– Гледате? Мојата сопруга дава елегантни одговори, а јас давам важни – се пошегувал актерот.

Амал го завршила разговорот со духовита забелешка: „А за прашања за пијалаци, нека го прашаат татко им!“

Покрај семејните теми, Џорџ Клуни последните месеци отворено зборува и за промените што му ги донело татковството. Во интервју за Variety, тој призна дека повеќе нема потреба да снима големи холивудски блокбастери по секоја цена.

– Веќе нема да работам многу големи студиски филмови. Проектите што ќе ги бирам ќе бидат помали и полични. Ако морам да бидам подалеку од моите деца, тогаш мора да има навистина добра креативна причина за тоа – објасни Клуни.

Тој додаде и дека парите повеќе не се главен мотив во неговата кариера.

– Парите повеќе не се проблем за мене – искрено призна добитникот на Оскар.

Актерот, познат по филмови како „Мајкл Клејтон“ и „Burn After Reading“, верува дека разновидноста на улогите му овозможила долговечност во Холивуд.

Иако зад себе има два Оскари и четири Златни глобуси, Џорџ Клуни признава дека дури и денес не се чувствува сосема удобно под рефлекторите и вниманието на медиумите. Во интервју за People, тој откри дека гала вечерите и црвените теписи честопати го прават да се чувствува непријатно.

– Вниманието на медиумите е малку непријатно за мене – рече Клуни, нагласувајќи дека хуморот и дружењето со колегите му помагаат да се справи со притисокот од славата.

Иако публиката сè уште го обожава неговиот шарм, духовитост и актерски талент, се чини дека Џорџ Клуни денес го цени мирниот семеен живот, времето поминато со своите деца и поддршката од неговата сопруга Амал, која дури и „опасните“ изненадувања за роденден ги претвора во спомени за цел живот.

The post ЏОРЏ КЛУНИ ОТКРИ КАКВО РОДЕНДЕНСКО ИЗНЕНАДУВАЊЕ МУ ПРИРЕДИЛА АМАЛ „Изненадувањата по 65-годишна возраст можат да бидат опасни“ appeared first on plusinfo.mk.

Принцот Вилијам повторно се најде на исто место со супермоделот Клаудија Шифер – 30 години откако принцезата Дајана го шокирала со роденденското изненадување – средба со супермоделите Клаудија Шифер, Наоми Кембел и Кристи Тарлингтон кога бил млад тинејџер.

Иако сите очи беа вперени во Кејт Мидлтон која блескаше на германскиот државен банкет со својата тиара, но на настанот имаше и друга гостинка со малку ѕвездена историја со принцот Вилијам, пишува Пипл.

Клаудија Шифер, супермодел од 90-тите, присуствуваше на настанот, кој се одржуваше во чест на германскиот претседател Франк-Валтер Штајнмаер и првата дама Елке Биденбендер. Шифер (55) не само што е родена во Германија, туку неодамна доби и аристократска титула.

Моделот е во брак со англискиот филмски режисер Метју Вон од 2002 година. Во јули 2025 година, Вон беше прогласен за витез од кралот Чарлс за заслуги во креативните индустрии, со што ја доби титулата Лорд Драмонд.

Шифер, сега Лејди Драмонд, седеше само еден чекор подолу од кралот Чарлс на кралскиот банкет, веднаш до британскиот премиер Кир Стармер. Но, токму Вилијам (43), е оној со кого таа споделува некои кралски спомени.

Во 2020 година, колешката супермодел Наоми Кембел сподели анегдота за тоа како мајката на Вилијам, принцезата Дајана, организирала изненадување за роденденот на својот тинејџер, поканувајќи ја неа, Шифер и Кристи Тарлингтон во нивниот дворец за да го изненадат.

– Тој требаше да се врати од училиште, а ние стигнавме таму пред тој да се врати дома  – ѝ рече Кембел на Синди Крофорд за време на разговорот во живо на YouTube во емисијата „Без филтер“ со Наоми. Само си помисливме: Што да правиме? Мислам, беше толку слатко.

Вилијам се сети како поцрвенел за време на изненадувачката средба во документарецот на HBO од 2017 година, Diana, Our Mother: Her Life and Legacy (Дајана, нашата мајка: Нејзиниот живот и наследство“.

– Веројатно бев 12 или 13-годишно момче кое имаше постери од нив на ѕидот се. Поцрвенев и не знаев што да кажам и некако се збунив. Мислам дека паднав по скалите нагоре. Бев целосно и апсолутно воодушевен – се присети тој.

Иако во тоа време се засрамил, Вилијам рече дека сега го гледа изненадувањето како топол спомен за неговата покојна мајка.

– Тоа остана засекогаш во моите сеќавања, нејзината љубов и засраменоста и некако, знаете, да се биде – да се биде еден вид шегаџија – додаде тој.

Неколку години подоцна, принцот ќе има уште една шанса за средба со Шифер кога таа му го врачи Купот Порселаноза како член на победничкиот тим за време на добротворно натпреварување во поло во паркот Еш во Хемпшир во јули 2002 година.

Тоа беше истата година кога Кејт првпат го привлече вниманието на идниот крал на Универзитетот Сент Ендрус – а останатото е кралска историја.

Парот се венча во 2011 година и сега се родители на три деца: принцот Џорџ (12), принцезата Шарлот (10) и принцот Луис (7).

The post ПРИНЦОТ ВИЛИЈАМ СЕ СРЕТНА СО СВОЈАТА ТИНЕЈЏЕРСКА СИМПАТИЈА Идниот крал и Клаудија Шифер првпат се запознале преку принцезата Дајана appeared first on plusinfo.mk.

ФИБА, светската кошаркарска федерација, ја коментираше елиминацијата на Србија од Евробаскетот со следната објава на Фејсбук:

„Изненадувањето на векот. Финска ги исфрли Србија и Никола Јокиќ од Евробаскетот!“

Сензацијата е главна тема во светот на кошарката. На никого не му е јасно како репрезентацијата која го има Никола Јокиќ си дозволи да биде елиминирана во осминафиналето.

Кошаркарската репрезентација на Србија доживеа шокантна елиминација од Евробаскетот од Финска во осминафиналето со пораз од 86:92.

Пред турнирот, Србите беа главен фаворит, но на теренот се случи нешто друго. Финска ја надигра Србија, доминираше во офанзивниот скок и на крајот славеше и покрај вкупниот шут од 41 отсто.

FINLAND HAS COMPLETED ONE OF THE BIGGEST UPSETS IN THE HISTORY OF BASKETBALL#EUROBASKET pic.twitter.com/4QQrJzkCjV

— FIBA EuroBasket (@EuroBasket) September 6, 2025

The post 📽️ ПОРАЗОТ НА СРБИЈА ОД ФИНСКА Е ИЗНЕНАДУВАЊЕ НА ВЕКОТ? Светската кошаркарска федерација го коментираше Евробаскетот appeared first on plusinfo.mk.

Американскиот мотоциклист Марк Ворен постојано се жали дека не може да набави делови за да го поправи својот мотоцикл откако беа воведени санкции врз Русија.

Вработен во руската амбасада во Соединетите Американски Држави му ги предаде на Ворен клучевите од неговиот нов мотоцикл „Урал“ на паркингот на хотел во Анкориџ, каде што престојуваше руската делегација.

– Морам да кажам дека ова е личен подарок од претседателот на Руската Федерација – му рече на Ворен рускиот дипломат Андреј Леденев.

Седокосиот Ворен беше снимен како се качува на својот нов мотоцикл, додека Леденев стои зад него, а друг човек е на приколката.

– Разликата е ноќ и ден. Ми се допадна стариот мотоцикл, но овој е очигледно многу подобар. Понов е, контролите се прецизни. Без зборови сум, неверојатен е. Ви благодарам многу – рече Ворен.

Неочекуваниот подарок од рускиот лидер дојде откако новинарите од руската државна телевизија Канал 1 наидоа на Ворен на улиците на Анкориџ пред посетата на Владимир Путин.

#Putin gifted a new motorcycle to an #American who couldn’t find parts for his old one due to sanctions against Russia — Mash

“The president heard about American Mark Warren from Anchorage. The biker rode a ‘Ural’ motorcycle around Alaska and got tired of problems… pic.twitter.com/7iuMon5iCA

— Maimunka News (@MaimunkaNews) August 18, 2025

Новинарите застанаа да се восхитуваат на мотоциклот на Ворен, кој го произведува „Урал“, компанија основана во 1941 година во тогашниот Советски Сојуз.

Ворен му рече на новинарот Валентин Богданов дека се мачел да набави резервни делови за мотоциклот, вклучително и нов стартер.

An unexpected twist in Anchorage: Mark Warren, longed for spare parts for his Russian ‘Ural’ bike but couldn’t get them due to sanctions, just received a brand-new motorcycle — from Vladimir Putin via Russian diplomats

Sanctions just spark a presidential gift! pic.twitter.com/YIJzTVCFsm

— RT (@RT_com) August 18, 2025

„Урал“, чие седиште за САД е во државата Вашингтон, изјави дека сите негови мотоцикли се склопуваат во Казахстан.

Возилата се познати по своите приколки и првично биле развиени за употреба од страна на советската војска на Источниот фронт за време на Втората светска војна.

Компанијата го повлече целото свое производство од Русија по почетокот на војната во Украина, бидејќи санкциите го оневозможија извозот на возила и мотоцикли.

The post 📽️ 📷 НЕОЧЕКУВАН ГЕСТ ОД ПУТИН ВО АНКОРИЏ Американец доби специјален подарок што го остави без зборови appeared first on plusinfo.mk.

Но, мечот меѓу Португалија и Словенија беше решен на пенали, а во пенал-рулетот Роналдо го постигна првиот гол за својот национален тим. Одлучни за победата на Португалија беа трите фантастични одбрани на голманот Диего Коста.

Интересно е дека во текот на изведувањето на пеналите, Роналдо на раката постојано носел монитор за отчукувањата на срцето (WHOOP 4.0). Сега се објавени податоци за пулсот на капитенот на Португалија во тие критични моменти.

Така, пред успешно да го изведе својот пеналот, Роналдо успеал да го намали пулсот на околу 100 отчукувања во минута, што е најниско ниво на вечерта.

Откако неговиот соиграч Бруно Фернандеш бил прецизен од белата точка, пулсот на Роналдо скокнал на 125.

Кога одличниот голман Диого Коста го одбрани третиот пенал за Словенците, пулсот на Роналдо скокна на 170 отчукувања во минута, пред пеналот со кој Бернардо Силва обезбеди победа за Португалците.

Во пресрет на мечот со Романија, беа објавени и податоци поврзани со холандскиот стопер Вирџил ван Дијк. Тој спиел 7 часа и 46 минути ноќта пред мечот со Романија (3:0), а потоа дремел уште еден час и половина во доцните утрински часови, за да може дополнително да се одмори пред напорите што ги носи настапот на Европското првенство.

Ван Дијк потоа забележал оценка за стрес од 20,1 во текот на 90 минути, што е начин да се измери количината на физички и ментален стрес што го доживеал за време на судењето со Романците.

When you’re @Cristiano, there’s no fear in football. See how CR7 entered a flow state and dropped his heart rate moments before changing momentum of the match against Slovenia. See you in the quarterfinals, Portugal! pic.twitter.com/E9kLLTdFjt

— WHOOP (@WHOOP) July 2, 2024

The post ЕВЕ КОЛКАВ БИЛ ПУЛСОТ НА РОНАЛДО ПЕНАЛДО ВО ПЕНАЛ-РУЛЕТОТ СО СЛОВЕНИЈА Ќе ве изненади што се случувало со неговото срце appeared first on plusinfo.mk.

– Сè што им кажав утрината кога тргнавме е дека ги чека големо изненадување. Им реков дека одиме кон аеродромот. Се качивме во авионот и им реков дека ќе одиме да го посетиме нашето семејство, нивниот братучед, нивниот дедо и слично. И тие сѐ уште не знаат. Бевме многу внимателни зашто очигледно никој не може да спречи 5-годишно и 7-годишно дете, знаете, да вика од покривите во секој момент… Сепак, тие се многу возбудени што се во Австралија – изјави сопругата на Асанж.

Децата на Асанж никогаш не го виделе надвор од затворот „Белмарш“.

Стела потврди дека ќе им биде кажано пред да се сретнат со нивниот татко.

Таа за Би-Би-Си изјави дека немала време да разговара за тоа што ќе прават двајцата кога тој ќе биде ослободен, но дека приоритет е Асанж да оздрави, бидејќи веќе пет години е во, како што наведе таа „ужасна состојба“, повторно да биде во контакт со природата и да има „свое време и приватност“.

Таа побара помош од поддржувачите бидејќи има намера да основа итен фонд за закрепнување на нејзиниот сопруг.

The post КОНЕЧНО ЌЕ ГО ВИДАТ ТАТКО ИМ НАДВОР ОД ЗАТВОР Сопругата на Асанж подготвува изненадување за децата appeared first on plusinfo.mk.

Ова беше прв натпревар за двете селекции на нивниот старт на ЕУРО 2024. Единствениот гол на натпреварот беше постигнат во седмата минута, кога Иван Шранц погоди за Словаците.

Белгија доминираше во поголемиот дел од мечот, но Ромелу Лукаку направи најмалку три големи промашувања, Јоан Бакајоко и Леандро Тросар исто така не успеаја да постигнат гол од чисти позиции, што беше премногу за да се дојде барем до реми.

Треба да се напомене дека Лукаку во вториот дел двапати ја наоѓаше мрежата на Словачка, но од офсајд позиција и по игра со рака на неговиот соиграч.

Фудбалерите на Доменико Тедеско не го демонстрираа очекуваното високо ниво и беа ограничени со многу компетентна и самопожртвувана дефанзивна игра на Словаците.

The post ПОНИШТЕНИ ДВА ГОЛА НА ЛУКАКУ Словачка ја победи Белгија во првото големо изненадување на ЕУРО 2024 appeared first on plusinfo.mk.

Кога момчињата се разделиле, едното ѝ подало букет, а во воздухот летале конфети. Учениците едногласно ѝ го честитале роденденот на својата омилена професорка, а таа била во целосен шок.

Видеото е објавено на страната на Инстаграм, Дневна доза Белград и ги воодушеви корисниците на таа социјална мрежа. Вие можете да го видите ТУКА.

The post ОСВЕН ТЕПАЧКИ И БУЛИНГ, ВО УЧИЛИШТАТА ИМА И УБАВИ НЕШТА Еве како учениците ја изненадија наставничката за роденден appeared first on plusinfo.mk.