Во следните десет дена сообраќајот на автопатската делница во изградба меѓу селата Требеништа и Мешеишта, општина Дебрца, ќе се одвива наизменично само по левата сообраќајна лента гледано во правец од Охрид кон Кичево, информира министерството за внатрешни работи.

Секторот за внатрешни работи од Охрид ја информира јавноста дека измените се воведуваат поради градежни активности на теренот и ќе траат до завршување на предвидените работи.

„Апелираме до возачите крајно внимателно и со прилагодена брзина да ги управуваат своите возила, во согласност со поставената хоризонтална и вертикална сигнализација“, соопшти полицијата.

Министерството за внатрешни работи укажува дека на овој потег се можни повремени застои и кратки прекини во движењето, особено во часовите кога има пик, па граѓаните се советуваат навремено да го планираат патувањето и да користат алтернативни патишта доколку е потребно.

The post РАБОТА НА АВТОПАТОТ ЗА ОХРИД КАЈ ТРЕБЕНИШТА Следните денови ќе се вози по изменет сообраќаен режим appeared first on plusinfo.mk.

Секторот за внатрешни работи Скопје ги известува граѓаните дека поради одржување на Европските младински игри Скопје 2025 во кајак на реката Треска-кањон Матка, ќе биде воведен посебен сообраќаен режим во тој дел од скопје и тоа в понеделник, вторник и в среда, од 8 до 14 часот, а в четврток од 8 до 16.30 часот.

Од Секторот апелираат до граѓаните да ги почитуваат наредбите на полициските службеници, со цел да се обезбеди безбедно одвивање на сообраќајот.

The post ПОСЕБЕН СООБРАЌАЕН РЕЖИМ ДО ЧЕТВРТОК ВО СКОПЈЕ Се одржуваат Европските младински игри во кајак на Треска appeared first on plusinfo.mk.